शिवस्तुतिः विष्णुब्रह्मौकृता Vishnubrahmaukrita Shiva Stuti

(शिवरहस्यान्तर्गते सदाशिवाख्ये)विष्णुरुवाच ।उग्रोऽनुग्रोऽसि शम्भो पुरहर भगवन्नकारे कपर्दिन्भूतेशामरपाल शङ्करमहाग्रासोऽसि वेदेरितः ।मां पाहीश्वर सामिसोमशकलालङ्कारमौले हरस्वामिन्देव दयानिधे करुणया त्वं सर्वसर्वेश्वर ॥ ११॥

(śivarahasyāntargate sadāśivākhye)viṣṇuruvāca |ugro'nugro'si śambho purahara bhagavannakāre kapardinbhūteśāmarapāla śaṅkaramahāgrāso'si vederitaḥ |māṃ pāhīśvara sāmisomaśakalālaṅkāramaule harasvāmindeva dayānidhe karuṇayā tvaṃ sarvasarveśvara || 11||

हे मन्मथान्तक महेश्वर देवदेवश्रीवामदेव जितकाम उमासहाय ।व्योमादिभूम श्रुतिसीम सुखादिधामसामैस्स्तुवाम हर सोम ललाम पाहि ॥ १२॥

he manmathāntaka maheśvara devadevaśrīvāmadeva jitakāma umāsahāya |vyomādibhūma śrutisīma sukhādidhāmasāmaisstuvāma hara soma lalāma pāhi || 12||

भो भर्ग त्रिजगच्छरण्य करुणातारुण्यवारान्निधेहे कालान्तक देवदानवसुहृद्यक्षादिसंसेवित ।वीक्षाशिक्षितमन्मथान्तक महादक्षादिदीक्षापहउक्षाध्यक्षभगाक्षिनाशक महादेवाद्य संवीक्षय ॥ १३॥

bho bharga trijagaccharaṇya karuṇātāruṇyavārānnidhehe kālāntaka devadānavasuhṛdyakṣādisaṃsevita |vīkṣāśikṣitamanmathāntaka mahādakṣādidīkṣāpahaukṣādhyakṣabhagākṣināśaka mahādevādya saṃvīkṣaya || 13||

जटाजूटाभूषा तव सुरसरित्पूरमसकृत्(जटाजूटाभूषायित सुरसरित्पूर असकृत्)महाघोटीधाटी श्रुतिवचन कोटीरक विभो ।वधूटी शैलाज्ज(शैलस्य)तरुणशशिचूडाल भगवन्अनाथं मां शम्भो सुखयतु सनाथा तव कृपा ॥ १४॥

jaṭājūṭābhūṣā tava surasaritpūramasakṛt(jaṭājūṭābhūṣāyita surasaritpūra asakṛt)mahāghoṭīdhāṭī śrutivacana koṭīraka vibho |vadhūṭī śailājja(śailasya)taruṇaśaśicūḍāla bhagavananāthaṃ māṃ śambho sukhayatu sanāthā tava kṛpā || 14||

वेदाश्वसारथिविधे रविचन्द्रचक्रक्ष्मास्यन्दन क्षितिधरात्तशरासनज्य ।सोमग्नि विष्णुशरकृत्तपुरादिकस्त्वंजेता रथेष्वधिपतिस्सुरसैन्यपालः ॥ १५॥

vedāśvasārathividhe ravicandracakrakṣmāsyandana kṣitidharāttaśarāsanajya |somagni viṣṇuśarakṛttapurādikastvaṃjetā ratheṣvadhipatissurasainyapālaḥ || 15||

वश्यान्पश्यामि शम्भो तव वर करुणापार पूरैकराशान्वाराशीनमरासुरद्विजवरांल्लोकांश्च लोक्यानपि ।मां निस्तारय विस्तरोरुजठरी कान्तारतस्त्वं विभोबिभ्यन्तं करुणारुणद्धि यदि ते चित्ते न हृत्तो हर ॥ १६॥

vaśyānpaśyāmi śambho tava vara karuṇāpāra pūraikarāśānvārāśīnamarāsuradvijavarāṃllokāṃśca lokyānapi |māṃ nistāraya vistarorujaṭharī kāntāratastvaṃ vibhobibhyantaṃ karuṇāruṇaddhi yadi te citte na hṛtto hara || 16||

ब्रह्मोवाचयक्षाधीशसखं वलक्षभसितानङ्गाङ्गमुक्षस्थितं(यक्षाधीशसखं वलक्षभसिताङ्गं सन्महोक्षस्थितं)पक्षीन्द्रप्रियवाहपूजितमुमावक्षोजशैलप्रियम् ।भिक्षापूर्णकपालपाणि सुरतापक्षस्थितं त्वां भजेत्र्यक्षं दक्षसुशिक्षकं पुरहरं चक्षुःश्रवाकल्पकम् ॥ २०॥

brahmovācayakṣādhīśasakhaṃ valakṣabhasitānaṅgāṅgamukṣasthitaṃ(yakṣādhīśasakhaṃ valakṣabhasitāṅgaṃ sanmahokṣasthitaṃ)pakṣīndrapriyavāhapūjitamumāvakṣojaśailapriyam |bhikṣāpūrṇakapālapāṇi suratāpakṣasthitaṃ tvāṃ bhajetryakṣaṃ dakṣasuśikṣakaṃ puraharaṃ cakṣuḥśravākalpakam || 20||

मातङ्गत्वगलङ्कृताङ्गमविजाकान्तं कुरङ्गाङ्गधृग्घारीभूतभुजङ्गराजविलसद् गङ्गाकपर्दोज्ज्वलम् ।लीलाङ्गीकृतलिङ्गसङ्गतमहाभाले पतङ्गस्फुरज्ज्वालालोलवराङ्गभङ्गसुमहद्विध्यध्युत्तमाङ्गं भजे ॥ २१॥

mātaṅgatvagalaṅkṛtāṅgamavijākāntaṃ kuraṅgāṅgadhṛgghārībhūtabhujaṅgarājavilasad gaṅgākapardojjvalam |līlāṅgīkṛtaliṅgasaṅgatamahābhāle pataṅgasphurajjvālālolavarāṅgabhaṅgasumahadvidhyadhyuttamāṅgaṃ bhaje || 21||

हरपुरहर घोरकाकोदरहाराव भवोद्भवां तथार्तिम् ।परिहरकराद्यशङ्कर त्रिजगद्बन्धविराम देव पाहि ॥ २२॥

harapurahara ghorakākodarahārāva bhavodbhavāṃ tathārtim |pariharakarādyaśaṅkara trijagadbandhavirāma deva pāhi || 22||

भव तव विभवावलोकभावाभवनाशाय किल प्रबुद्धभावाः ।प्रभवाय विसृष्टि संस्थितौमम किञ्चित्त्वयि भाव मा दधस्व ॥ २३॥

bhava tava vibhavāvalokabhāvābhavanāśāya kila prabuddhabhāvāḥ |prabhavāya visṛṣṭi saṃsthitaumama kiñcittvayi bhāva mā dadhasva || 23||

शम्भो बालेन्दुचूड द्युतिविदितदिशास्तोमसीमानुधामप्रेमा ते महिमावलोकन विधौ क्वाहं हरिर्वाहरः ।विश्वाधीश्वरवेदजालसुमहानिःश्वासविश्वासिनंतद्दातुं प्रभवेद्भवान् प्रभुरहो किं वच्मि तत्तेऽग्रतः ॥ २४॥

śambho bālenducūḍa dyutividitadiśāstomasīmānudhāmapremā te mahimāvalokana vidhau kvāhaṃ harirvāharaḥ |viśvādhīśvaravedajālasumahāniḥśvāsaviśvāsinaṃtaddātuṃ prabhavedbhavān prabhuraho kiṃ vacmi tatte'grataḥ || 24||

॥ इति शिवरहस्यान्तर्गते विष्णुब्रह्मौकृता शिवस्तुतिः सम्पूर्णा ॥॥ श्रीशिवरहस्यम् । सदाशिवाख्यः नवमांशः । अध्यायः १५ । वावृत्तश्लोकाः ॥– ॥ श्रीशिवरहस्यम् । सदाशिवाख्यः नवमांशः । अध्यायः १५ । वावृत्तश्लोकाः ॥

|| iti śivarahasyāntargate viṣṇubrahmaukṛtā śivastutiḥ sampūrṇā |||| śrīśivarahasyam | sadāśivākhyaḥ navamāṃśaḥ | adhyāyaḥ 15 | vāvṛttaślokāḥ ||– || śrīśivarahasyam | sadāśivākhyaḥ navamāṃśaḥ | adhyāyaḥ 15 | vāvṛttaślokāḥ ||