वीरभद्रसहस्रनामस्तोत्रम् Shrivirabhadrasahasranamastotram

ॐ श्रीगणेशाय नमः ।श्रीउमामहेश्वराभ्यां नमः ।श्रीवीरभद्राय नमः ।श्रीभद्रकाल्यै नमः ।॥ श्रीवीरभद्रसहस्रनामस्तोत्रम् ॥पूर्वभागम् ।ॐ अस्य श्रीवीरभद्रसहस्रनामस्तोत्रमहामन्त्रस्यनारायणऋषिः । अनुष्टुप्छन्दः । श्रीवीरभद्रोदेवता ।श्रीं बीजम् । वीं शक्तिः । रं कीलकम् ॥ममोपात्त समस्तदुरितक्षयार्थं चिन्तितफलावाप्त्यर्थंधर्मार्थकाममोक्ष चतुर्विधफलपुरुषार्थसिद्ध्यर्थंश्रीवीरभद्रसहस्रनामस्तोत्रपाठे विनियोगः ॥अथ ध्यानम् ।रौद्रं रुद्रावतारं हुतवहनयनं चोर्ध्वकेशं सुदंष्ट्रंभीमाङ्गं भीमरूपं किणिकिणिरभसं ज्वालमालाऽऽवृताङ्गम् ।भूतप्रेतादिनाथं करकमलमहाखड्गपात्रे वहन्तंवन्दे लोकैकवीरं त्रिभुवननमितं श्यामलं वीरभद्रम् ॥अथ सहस्रनामस्तोत्रम् ।शम्भुः शिवो महादेवो शितिकण्ठो वृषध्वजः ।दक्षाध्वरकरो दक्षः क्रूरदानवभञ्जनः ॥ १॥

oṃ śrīgaṇeśāya namaḥ |śrīumāmaheśvarābhyāṃ namaḥ |śrīvīrabhadrāya namaḥ |śrībhadrakālyai namaḥ ||| śrīvīrabhadrasahasranāmastotram ||pūrvabhāgam |oṃ asya śrīvīrabhadrasahasranāmastotramahāmantrasyanārāyaṇaṛṣiḥ | anuṣṭupchandaḥ | śrīvīrabhadrodevatā |śrīṃ bījam | vīṃ śaktiḥ | raṃ kīlakam ||mamopātta samastaduritakṣayārthaṃ cintitaphalāvāptyarthaṃdharmārthakāmamokṣa caturvidhaphalapuruṣārthasiddhyarthaṃśrīvīrabhadrasahasranāmastotrapāṭhe viniyogaḥ ||atha dhyānam |raudraṃ rudrāvatāraṃ hutavahanayanaṃ cordhvakeśaṃ sudaṃṣṭraṃbhīmāṅgaṃ bhīmarūpaṃ kiṇikiṇirabhasaṃ jvālamālā''vṛtāṅgam |bhūtapretādināthaṃ karakamalamahākhaḍgapātre vahantaṃvande lokaikavīraṃ tribhuvananamitaṃ śyāmalaṃ vīrabhadram ||atha sahasranāmastotram |śambhuḥ śivo mahādevo śitikaṇṭho vṛṣadhvajaḥ |dakṣādhvarakaro dakṣaḥ krūradānavabhañjanaḥ || 1||

कपर्दी कालविध्वंसी कपाली करुणार्णवः ।शरणागतरक्षैकनिपुणो नीललोहितः ॥ २॥

kapardī kālavidhvaṃsī kapālī karuṇārṇavaḥ |śaraṇāgatarakṣaikanipuṇo nīlalohitaḥ || 2||

निरीशो निर्भयो नित्यो नित्यतृप्तो निरामयः ।गम्भीरनिनदो भीमो भयङ्करस्वरूपधृत् ॥ ३॥

nirīśo nirbhayo nityo nityatṛpto nirāmayaḥ |gambhīraninado bhīmo bhayaṅkarasvarūpadhṛt || 3||

पुरन्दरादि गीर्वाणवन्द्यमानपदाम्बुजः ।संसारवैद्यः सर्वज्ञः सर्वभेषजभेषजः ॥ ४॥

purandarādi gīrvāṇavandyamānapadāmbujaḥ |saṃsāravaidyaḥ sarvajñaḥ sarvabheṣajabheṣajaḥ || 4||

मृत्युञ्जयः कृत्तिवासस्त्र्यम्बकस्त्रिपुरान्तकः ।वृन्दारवृन्दमन्दारो मन्दाराचलमण्डनः ॥ ५॥

mṛtyuñjayaḥ kṛttivāsastryambakastripurāntakaḥ |vṛndāravṛndamandāro mandārācalamaṇḍanaḥ || 5||

कुन्देन्दुहारनीहारहारगौरसमप्रभः ।राजराजसखः श्रीमान् राजीवायतलोचनः ॥ ६॥

kundenduhāranīhārahāragaurasamaprabhaḥ |rājarājasakhaḥ śrīmān rājīvāyatalocanaḥ || 6||

महानटो महाकालो महासत्यो महेश्वरः ।उत्पत्तिस्थितिसंहारकारणानन्दकर्मकः ॥ ७॥

mahānaṭo mahākālo mahāsatyo maheśvaraḥ |utpattisthitisaṃhārakāraṇānandakarmakaḥ || 7||

सारः शूरो महाधीरो वारिजासनपूजितः ।वीरसिंहासनारूढो वीरमौलिशिखामणिः ॥ ८॥

sāraḥ śūro mahādhīro vārijāsanapūjitaḥ |vīrasiṃhāsanārūḍho vīramauliśikhāmaṇiḥ || 8||

वीरप्रियो वीररसो वीरभाषणतत्परः ।वीरसङ्ग्रामविजयी वीराराधनतोषितः ॥ ९॥

vīrapriyo vīraraso vīrabhāṣaṇatatparaḥ |vīrasaṅgrāmavijayī vīrārādhanatoṣitaḥ || 9||

वीरव्रतो विराड्रूपो विश्वचैतन्यरक्षकः ।वीरखड्गो भारशरो मेरुकोदण्डमण्डितः ॥ १०॥

vīravrato virāḍrūpo viśvacaitanyarakṣakaḥ |vīrakhaḍgo bhāraśaro merukodaṇḍamaṇḍitaḥ || 10||

वीरोत्तमाङ्गः शृङ्गारफलको विविधायुधः ।नानासनो नतारातिमण्डलो नागभूषणः ॥ ११॥

vīrottamāṅgaḥ śṛṅgāraphalako vividhāyudhaḥ |nānāsano natārātimaṇḍalo nāgabhūṣaṇaḥ || 11||

नारदस्तुतिसन्तुष्टो नागलोकपितामहः ।सुदर्शनः सुधाकायो सुरारातिविमर्दनः ॥ १२॥

nāradastutisantuṣṭo nāgalokapitāmahaḥ |sudarśanaḥ sudhākāyo surārātivimardanaḥ || 12||

असहायः परः सर्वसहायः साम्प्रदायकः ।कामदो विषभुग्योगी भोगीन्द्राञ्चितकुण्डलः ॥ १३॥

asahāyaḥ paraḥ sarvasahāyaḥ sāmpradāyakaḥ |kāmado viṣabhugyogī bhogīndrāñcitakuṇḍalaḥ || 13||

उपाध्यायो दक्षरिपुः कैवल्यनिधिरच्युतः ।सत्त्वं रजस्तमः स्थूलः सूक्ष्मोऽन्तर्बहिरव्ययः ॥ १४॥

upādhyāyo dakṣaripuḥ kaivalyanidhiracyutaḥ |sattvaṃ rajastamaḥ sthūlaḥ sūkṣmo'ntarbahiravyayaḥ || 14||

भूरापो ज्वलनो वायुर्गगनं त्रिजगद्गुरुः ।निराधारो निरालम्बः सर्वाधारः सदाशिवः ॥ १५॥

bhūrāpo jvalano vāyurgaganaṃ trijagadguruḥ |nirādhāro nirālambaḥ sarvādhāraḥ sadāśivaḥ || 15||

भास्वरो भगवान् भालनेत्रो भावजसंहरः ।व्यालबद्धजटाजूटो बालचन्द्रशिखामणिः ॥ १६॥

bhāsvaro bhagavān bhālanetro bhāvajasaṃharaḥ |vyālabaddhajaṭājūṭo bālacandraśikhāmaṇiḥ || 16||

अक्षय्यैकाक्षरो दुष्टशिक्षकः शिष्टरक्षितः ।दक्षपक्षेषुबाहुल्यवनलीलागजो ऋजुः ॥ १७॥

akṣayyaikākṣaro duṣṭaśikṣakaḥ śiṣṭarakṣitaḥ |dakṣapakṣeṣubāhulyavanalīlāgajo ṛjuḥ || 17||

यज्ञाङ्गो यज्ञभुग्यज्ञो यज्ञेशो यजनेश्वरः ।महायज्ञधरो दक्षसम्पूर्णाहूतिकौशलः ॥ १८॥

yajñāṅgo yajñabhugyajño yajñeśo yajaneśvaraḥ |mahāyajñadharo dakṣasampūrṇāhūtikauśalaḥ || 18||

मायामयो महाकायो मायातीतो मनोहरः ।मारदर्पहरो मञ्जुर्महीसुतदिनप्रियः ॥ १९॥

māyāmayo mahākāyo māyātīto manoharaḥ |māradarpaharo mañjurmahīsutadinapriyaḥ || 19||

सौम्यः समोऽसमोऽनन्तः समानरहितो हरः ।सोमोऽनेककलाधामा व्योमकेशो निरञ्जनः ॥ २०॥

saumyaḥ samo'samo'nantaḥ samānarahito haraḥ |somo'nekakalādhāmā vyomakeśo nirañjanaḥ || 20||

गुरुः सुरगुरुर्गूढो गुहाराधनतोषितः ।गुरुमन्त्राक्षरगुरुः परः परमकारणम् ॥ २१॥

guruḥ suragururgūḍho guhārādhanatoṣitaḥ |gurumantrākṣaraguruḥ paraḥ paramakāraṇam || 21||

कलिः कलाढ्यो नीतिज्ञः करालासुरसेवितः ।कमनीयरविच्छायो नन्दनानन्दवर्धनः ॥ २२॥

kaliḥ kalāḍhyo nītijñaḥ karālāsurasevitaḥ |kamanīyaravicchāyo nandanānandavardhanaḥ || 22||

स्वभक्तपक्षः प्रबलः स्वभक्तबलवर्धनः ।स्वभक्तप्रतिवादीन्द्रमुखचन्द्रवितुन्तुदः ॥ २३॥

svabhaktapakṣaḥ prabalaḥ svabhaktabalavardhanaḥ |svabhaktaprativādīndramukhacandravituntudaḥ || 23||

शेषभूषो विशेषज्ञस्तोषितः सुमनाः सुधीः ।दूषकाभिजनोद्धूतधूमकेतुस्सनातनः ॥ २४॥

śeṣabhūṣo viśeṣajñastoṣitaḥ sumanāḥ sudhīḥ |dūṣakābhijanoddhūtadhūmaketussanātanaḥ || 24||

दूरीकृताघपटलश्चोरीकृतसुखप्रजः ।पूरीकृतेषुकोदण्डो निर्वैरीकृतसङ्गरः ॥ २५॥

dūrīkṛtāghapaṭalaścorīkṛtasukhaprajaḥ |pūrīkṛteṣukodaṇḍo nirvairīkṛtasaṅgaraḥ || 25||

ब्रह्मविद्ब्राह्मणो ब्रह्म ब्रह्मचारी जगत्पतिः ।ब्रह्मेश्वरो ब्रह्ममयः परब्रह्मात्मकः प्रभुः ॥ २६॥

brahmavidbrāhmaṇo brahma brahmacārī jagatpatiḥ |brahmeśvaro brahmamayaḥ parabrahmātmakaḥ prabhuḥ || 26||

नादप्रियो नादमयो नादबिन्दुर्नगेश्वरः ।आदिमध्यान्तरहितो वादो वादविदां वरः ॥ २७॥

nādapriyo nādamayo nādabindurnageśvaraḥ |ādimadhyāntarahito vādo vādavidāṃ varaḥ || 27||

इष्टो विशिष्टस्तुष्टघ्नः पुष्टिदः पुष्टिवर्धनः ।कष्टदारिद्र्यनिर्नाशो दुष्टव्याधिहरो हरः ॥ २८॥

iṣṭo viśiṣṭastuṣṭaghnaḥ puṣṭidaḥ puṣṭivardhanaḥ |kaṣṭadāridryanirnāśo duṣṭavyādhiharo haraḥ || 28||

पद्मासनः पद्मकरो नवपद्मासनार्चितः ।नीलाम्बुजदलश्यामो निर्मलो भक्तवत्सलः ॥ २९॥

padmāsanaḥ padmakaro navapadmāsanārcitaḥ |nīlāmbujadalaśyāmo nirmalo bhaktavatsalaḥ || 29||

नीलजीमूतसङ्काशः कालकन्धरबन्धुरः ।जपाकुसुमसन्तुष्टो जपहोमार्च्चनप्रियः ॥ ३०॥

nīlajīmūtasaṅkāśaḥ kālakandharabandhuraḥ |japākusumasantuṣṭo japahomārccanapriyaḥ || 30||

जगदादिरनादीशोऽजगवन्धरकौतुकः ।पुरन्दरस्तुतानन्दः पुलिन्दः पुण्यपञ्जरः ॥ ३१॥

jagadādiranādīśo'jagavandharakautukaḥ |purandarastutānandaḥ pulindaḥ puṇyapañjaraḥ || 31||

पौलस्त्यचलितोल्लोलपर्वतः प्रमदाकरः ।करणं कारणं कर्म करणीयाग्रणीर्दृढः ॥ ३२॥

paulastyacalitollolaparvataḥ pramadākaraḥ |karaṇaṃ kāraṇaṃ karma karaṇīyāgraṇīrdṛḍhaḥ || 32||

करिदैत्येन्द्रवसनः करुणापूरवारिधिः ।कोलाहलप्रियः प्रीतः शूली व्यालकपालभृत् ॥ ३३॥

karidaityendravasanaḥ karuṇāpūravāridhiḥ |kolāhalapriyaḥ prītaḥ śūlī vyālakapālabhṛt || 33||

कालकूटगलः क्रीडालीलाकृतजगत्त्रयः ।दिगम्बरो दिनेशेशो धीमान्धीरो धुरन्धरः ॥ ३४॥

kālakūṭagalaḥ krīḍālīlākṛtajagattrayaḥ |digambaro dineśeśo dhīmāndhīro dhurandharaḥ || 34||

दिक्कालाद्यनवच्छिन्नो धूर्जटिर्धूतदुर्गतिः ।कमनीयः करालास्यः कलिकल्मषसूदनः ॥ ३५॥

dikkālādyanavacchinno dhūrjaṭirdhūtadurgatiḥ |kamanīyaḥ karālāsyaḥ kalikalmaṣasūdanaḥ || 35||

करवीरोऽरुणाम्भोजकल्हारकुसुमार्पितः ।खरो मण्डितदोर्दण्डः खरूपः कालभञ्जनः ॥ ३६॥

karavīro'ruṇāmbhojakalhārakusumārpitaḥ |kharo maṇḍitadordaṇḍaḥ kharūpaḥ kālabhañjanaḥ || 36||

खरांशुमण्डलमुखः खण्डितारामतिण्डलः ।गणेशगणितोऽगण्यः पुण्यराशी सुखोदयः ॥ ३७॥

kharāṃśumaṇḍalamukhaḥ khaṇḍitārāmatiṇḍalaḥ |gaṇeśagaṇito'gaṇyaḥ puṇyarāśī sukhodayaḥ || 37||

गणाधिपकुमारादिगणकैरवबान्धवः ।घनघोषबृहन्नादघनीकृतसुनूपुरः ॥ ३८॥

gaṇādhipakumārādigaṇakairavabāndhavaḥ |ghanaghoṣabṛhannādaghanīkṛtasunūpuraḥ || 38||

घनचर्चितसिन्दूरो घण्टाभीषणभैरवः ।परापरो बलोऽनन्तश्चतुरश्चक्रबन्धकः ॥ ३९॥

ghanacarcitasindūro ghaṇṭābhīṣaṇabhairavaḥ |parāparo balo'nantaścaturaścakrabandhakaḥ || 39||

चतुर्मुखमुखाम्भोजचतुरस्तुतितोषणः ।छलवादी छलश्शान्तश्छान्दसश्छान्दसप्रियः ॥ ४०॥

caturmukhamukhāmbhojacaturastutitoṣaṇaḥ |chalavādī chalaśśāntaśchāndasaśchāndasapriyaḥ || 40||

छिन्नच्छलादिदुर्वादच्छिन्नषट्तन्त्रतान्त्रिकः ।जडीकृतमहावज्रजम्भारातिर्नतोन्नतः ॥ ४१॥

chinnacchalādidurvādacchinnaṣaṭtantratāntrikaḥ |jaḍīkṛtamahāvajrajambhārātirnatonnataḥ || 41||

जगदाधारभूतेशो जगदन्तो निरञ्जनः ।झर्झरध्वनिसम्युक्तो झङ्काररवभूषणः ॥ ४२॥

jagadādhārabhūteśo jagadanto nirañjanaḥ |jharjharadhvanisamyukto jhaṅkāraravabhūṣaṇaḥ || 42||

झटीविपक्षवृक्षौघझञ्झामारुतसन्निभः ।प्रवर्णाञ्चितपत्राङ्कः प्रवर्णाद्यक्षरव्रजः ॥ ४३॥

jhaṭīvipakṣavṛkṣaughajhañjhāmārutasannibhaḥ |pravarṇāñcitapatrāṅkaḥ pravarṇādyakṣaravrajaḥ || 43||

ट वर्णबिन्दुसम्युक्तष्टङ्कारहृतदिग्गजः ।ठ वर्णपूरद्विदळष्टवर्णाग्रदळाक्षरः ॥ ४४॥

ṭa varṇabindusamyuktaṣṭaṅkārahṛtadiggajaḥ |ṭha varṇapūradvidaḷaṣṭavarṇāgradaḷākṣaraḥ || 44||

ठ वर्णयुतसद्यन्त्रष्ठ ज चाक्षरपूरकः ।डमरुध्वनिसम्रक्तो डम्बरानन्दताण्डवः ॥ ४५॥

ṭha varṇayutasadyantraṣṭha ja cākṣarapūrakaḥ |ḍamarudhvanisamrakto ḍambarānandatāṇḍavaḥ || 45||

डण्डण्ढघोषप्रमदाऽऽडम्बरो गणताण्डवः ।ढक्कापटहसुप्रीतो ढक्कारववशानुगः ॥ ४६॥

ḍaṇḍaṇḍhaghoṣapramadā''ḍambaro gaṇatāṇḍavaḥ |ḍhakkāpaṭahasuprīto ḍhakkāravavaśānugaḥ || 46||

ढक्कादिताळसन्तुष्टो टोडिबद्धस्तुतिप्रियः ।तपस्विरूपस्तपनस्तप्तकाञ्चनसन्निभः ॥ ४७॥

ḍhakkāditāḷasantuṣṭo ṭoḍibaddhastutipriyaḥ |tapasvirūpastapanastaptakāñcanasannibhaḥ || 47||

तपस्विवदनाम्भोजकारुण्यस्तरणिद्युतिः ।ढगादिवादसौहार्दस्थितः सम्यमिनां वरः ॥ ४८॥

tapasvivadanāmbhojakāruṇyastaraṇidyutiḥ |ḍhagādivādasauhārdasthitaḥ samyamināṃ varaḥ || 48||

स्थाणुस्तण्डुनुतिप्रीतः स्थितिस्थावरजङ्गमः ।दरहासाननाम्भोजदन्तहीरावळिद्युतिः ॥ ४९॥

sthāṇustaṇḍunutiprītaḥ sthitisthāvarajaṅgamaḥ |darahāsānanāmbhojadantahīrāvaḷidyutiḥ || 49||

दर्वीकराङ्गतभुजो दुर्वारो दुःखदुर्गहा ।धनाधिपसखो धीरो धर्माधर्मपरायणः ॥ ५०॥

darvīkarāṅgatabhujo durvāro duḥkhadurgahā |dhanādhipasakho dhīro dharmādharmaparāyaṇaḥ || 50||