बटुकभैरवप्रातःस्मरणम् Shribatukabhairavapratahsmaranam

प्रातः स्मरामि बटुकं सुकुमारमूर्तिंश्रीस्फाटिकाभसदृशं कुटिलालकाढ्यम् ।वक्त्रं दधानमणिमादिगुणैर्हि युक्तंहस्तद्वयं मणिमयैः पदभूषणैश्च ॥ १॥

prātaḥ smarāmi baṭukaṃ sukumāramūrtiṃśrīsphāṭikābhasadṛśaṃ kuṭilālakāḍhyam |vaktraṃ dadhānamaṇimādiguṇairhi yuktaṃhastadvayaṃ maṇimayaiḥ padabhūṣaṇaiśca || 1||

प्रातर्नमामि बटुकं तरुणं त्रिनेत्रंकामास्पदं वरकपालत्रिशूलदण्डान् ।भक्तार्तिनाशकरणे दधतं करेषुतं कौस्तुभाभरणभूषित दिव्यदेहम् ॥ २॥

prātarnamāmi baṭukaṃ taruṇaṃ trinetraṃkāmāspadaṃ varakapālatriśūladaṇḍān |bhaktārtināśakaraṇe dadhataṃ kareṣutaṃ kaustubhābharaṇabhūṣita divyadeham || 2||

प्रातःकाले सदाऽहं भगणपरिधरं भालदेशे महेशंनागं पाशं कपालं डमरूमथ सृणिं खड्गघण्टाभयानि ।दिग्वस्त्रं पिङ्गकेशं त्रिनयनसहितं मुण्डमालं करेषुयो धत्ते भीमदंष्ट्रं मम विजयकरं भैरवं तं नमामि ॥ ३॥

prātaḥkāle sadā'haṃ bhagaṇaparidharaṃ bhāladeśe maheśaṃnāgaṃ pāśaṃ kapālaṃ ḍamarūmatha sṛṇiṃ khaḍgaghaṇṭābhayāni |digvastraṃ piṅgakeśaṃ trinayanasahitaṃ muṇḍamālaṃ kareṣuyo dhatte bhīmadaṃṣṭraṃ mama vijayakaraṃ bhairavaṃ taṃ namāmi || 3||

देवदेव कृपासिन्धो सर्वनाशिन्महाऽव्यय । वर् शत्रुनाशिन्महाऽव्ययसंसारासक्तचित्तं मां मोक्षमार्गे निवेशय ॥ ४॥

devadeva kṛpāsindho sarvanāśinmahā'vyaya | var śatrunāśinmahā'vyayasaṃsārāsaktacittaṃ māṃ mokṣamārge niveśaya || 4||

एतच्छ्लोकचतुष्कं वै भैरवस्य तु यः पठेत् ।सर्वबाधाविनिर्मुक्तो जायते निर्भयः पुमान ॥ ५॥

etacchlokacatuṣkaṃ vai bhairavasya tu yaḥ paṭhet |sarvabādhāvinirmukto jāyate nirbhayaḥ pumāna || 5||