काशीविश्वनाथसुप्रभातम् Shri Kashi Vishvanatha Suprabhatam

॥ श्रीगुरुभ्यो नमः॥विश्वेशं माधवं ढुण्ढिं दण्डपाणिं च भैरवम् ।वन्दे काशीं गुहां गङ्गां भवानीं मणिकर्णिकाम् ॥ १॥

|| śrīgurubhyo namaḥ||viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |vande kāśīṃ guhāṃ gaṅgāṃ bhavānīṃ maṇikarṇikām || 1||

उत्तिष्ठ काशि भगवान् प्रभुविश्वनाथोगङ्गोर्मिसंगतिशुभैः परिभूषितोऽब्जैः ।श्रीढुण्ढिभैरवमुखैः सहिताऽऽन्नपूर्णामाता च वाञ्छति मुदा तव सुप्रभातम् ॥ २॥

uttiṣṭha kāśi bhagavān prabhuviśvanāthogaṅgormisaṃgatiśubhaiḥ paribhūṣito'bjaiḥ |śrīḍhuṇḍhibhairavamukhaiḥ sahitā''nnapūrṇāmātā ca vāñchati mudā tava suprabhātam || 2||

ब्रह्मा मुरारिस्त्रिपुरान्तकारिःभानुः शशी भूमिसुतो बुधश्च ।गुरुश्च शुक्रः शनिराहुकेतवःकुर्वन्तु सर्वे भुवि सुप्रभातम् ॥ ३॥

brahmā murāristripurāntakāriḥbhānuḥ śaśī bhūmisuto budhaśca |guruśca śukraḥ śanirāhuketavaḥkurvantu sarve bhuvi suprabhātam || 3||

वाराणसीस्थितगजाननढुण्ढिराजतापत्रयापहरणे प्रथितप्रभाव ।आनन्दकन्दलकुलप्रसवैकभूमेनित्यं समस्तजगतः कुरु सुप्रभातम् ॥ ४॥

vārāṇasīsthitagajānanaḍhuṇḍhirājatāpatrayāpaharaṇe prathitaprabhāva |ānandakandalakulaprasavaikabhūmenityaṃ samastajagataḥ kuru suprabhātam || 4||

ब्रह्मद्रवोपमितगाङ्गपयःप्रवाहैःपुण्यैः सदैव परिचुंबितपादपद्मे ।मध्येऽखिलामरगणैः परिसेव्यमानेश्रीकाशिके कुरु सदा भुवि सुप्रभातम् ॥ ५॥

brahmadravopamitagāṅgapayaḥpravāhaiḥpuṇyaiḥ sadaiva paricuṃbitapādapadme |madhye'khilāmaragaṇaiḥ parisevyamāneśrīkāśike kuru sadā bhuvi suprabhātam || 5||

प्रत्नैरसंख्यमठमन्दिरतीर्थकुण्डप्रासादघट्टनिवहैः विदुषां वरैश्चआवर्जयस्यखिलविश्वमनांसि नित्यंश्रीकाशिके कुरु सदा भुवि सुप्रभातम् ॥ ६॥।

pratnairasaṃkhyamaṭhamandiratīrthakuṇḍaprāsādaghaṭṭanivahaiḥ viduṣāṃ varaiścaāvarjayasyakhilaviśvamanāṃsi nityaṃśrīkāśike kuru sadā bhuvi suprabhātam || 6|||

के वा नरा नु सुधियः कुधियोऽधियो वावाञ्छन्ति नान्तसमये शरणं भवत्याः ।हे कोटिकोटिजनमुक्तिविधानदक्षेश्रीकाशिके कुरु सदा भुवि सुप्रभातम् ॥ ७॥

ke vā narā nu sudhiyaḥ kudhiyo'dhiyo vāvāñchanti nāntasamaye śaraṇaṃ bhavatyāḥ |he koṭikoṭijanamuktividhānadakṣeśrīkāśike kuru sadā bhuvi suprabhātam || 7||

या देवैरसुरैर्मुनीन्द्रतनयैर्गन्धर्वयक्षोरगैःनागैर्भूतलवासिभिर्द्विजवरैस्संसेविता सिद्धये ।या गङ्गोत्तरवाहिनीपरिसरे तीर्थैरसंख्यैर्वृतासा काशी त्रिपुरारिराजनगरी देयात् सदा मङ्गलम् ॥ ८॥

yā devairasurairmunīndratanayairgandharvayakṣoragaiḥnāgairbhūtalavāsibhirdvijavaraissaṃsevitā siddhaye |yā gaṅgottaravāhinīparisare tīrthairasaṃkhyairvṛtāsā kāśī tripurārirājanagarī deyāt sadā maṅgalam || 8||

तीर्थानां प्रवरा मनोरथकरी संसारपारापरानन्दानन्दिगणेश्वरैरुपहिता देवैरशेषैःस्तुता ।या शंभोर्मणिकुण्डलैककणिका विष्णोस्तपोदीर्घिकासेयं श्रीमणिकर्णिका भगवती देयात् सदा मङ्गलम् ॥ ९॥

tīrthānāṃ pravarā manorathakarī saṃsārapārāparānandānandigaṇeśvarairupahitā devairaśeṣaiḥstutā |yā śaṃbhormaṇikuṇḍalaikakaṇikā viṣṇostapodīrghikāseyaṃ śrīmaṇikarṇikā bhagavatī deyāt sadā maṅgalam || 9||

अभिनवबिसवल्ली पादपद्मस्य विष्णोःमदनमथनमौलेर्मालती पुष्पमाला ।जयति जयपताका काप्यसौ मोक्षलक्ष्म्याःक्षपितकलिकलङ्का जाह्नवी नः पुनातु ॥ १०॥

abhinavabisavallī pādapadmasya viṣṇoḥmadanamathanamaulermālatī puṣpamālā |jayati jayapatākā kāpyasau mokṣalakṣmyāḥkṣapitakalikalaṅkā jāhnavī naḥ punātu || 10||

गाङ्गं वारि मनोहारि मुरारिचरणच्युतम् ।त्रिपुरारिशिरश्चारि पापहारि पुनातु माम् ॥ ११॥

gāṅgaṃ vāri manohāri murāricaraṇacyutam |tripurāriśiraścāri pāpahāri punātu mām || 11||

विघ्नावासनिवासकारणमहागण्डस्थलालंबितःसिन्दूरारुणपुञ्जचन्द्रकिरणप्रच्छादिनागच्छविः ।श्रीविघ्नेश्वरवल्लभो गिरिजया सानन्दमानन्दितः (पाठभेद विश्वेश्वर)स्मेरास्यस्तव ढुण्ढिराजमुदितो देयात् सदा मङ्गलम् ॥ १२॥

vighnāvāsanivāsakāraṇamahāgaṇḍasthalālaṃbitaḥsindūrāruṇapuñjacandrakiraṇapracchādināgacchaviḥ |śrīvighneśvaravallabho girijayā sānandamānanditaḥ (pāṭhabheda viśveśvara)smerāsyastava ḍhuṇḍhirājamudito deyāt sadā maṅgalam || 12||

कण्ठे यस्य लसत्करालगरलं गङ्गाजलं मस्तकेवामाङ्गे गिरिराजराजतनया जाया भवानी सती ।नन्दिस्कन्दगणाधिराजसहितः श्रीविश्वनाथप्रभुःकाशीमन्दिरसंस्थितोऽखिलगुरुः देयात् सदा मङ्गलम् ॥ १३॥

kaṇṭhe yasya lasatkarālagaralaṃ gaṅgājalaṃ mastakevāmāṅge girirājarājatanayā jāyā bhavānī satī |nandiskandagaṇādhirājasahitaḥ śrīviśvanāthaprabhuḥkāśīmandirasaṃsthito'khilaguruḥ deyāt sadā maṅgalam || 13||

श्रीविश्वनाथ करुणामृतपूर्णसिन्धोशीतांशुखण्डसमलंकृतभव्यचूड ।उत्तिष्ठ विश्वजनमङ्गलसाधनायनित्यं सर्वजगतः कुरु सुप्रभातम् ॥ १४॥

śrīviśvanātha karuṇāmṛtapūrṇasindhośītāṃśukhaṇḍasamalaṃkṛtabhavyacūḍa |uttiṣṭha viśvajanamaṅgalasādhanāyanityaṃ sarvajagataḥ kuru suprabhātam || 14||

श्रीविश्वनाथ वृषभध्वज विश्ववन्द्यसृष्टिस्थितिप्रलयकारक देवदेव ।वाचामगोचर महर्षिनुताङ्घ्रिपद्मवाराणसीपुरपते कुरु सुप्रभातम् ॥ १५॥

śrīviśvanātha vṛṣabhadhvaja viśvavandyasṛṣṭisthitipralayakāraka devadeva |vācāmagocara maharṣinutāṅghripadmavārāṇasīpurapate kuru suprabhātam || 15||

श्रीविश्वनाथ भवभञ्जन दिव्यभावगङ्गाधर प्रमथवन्दित सुन्दराङ्ग ।नागेन्द्रहार नतभक्तभयापहारवाराणसीपुरपते कुरु सुप्रभातम् ॥ १६॥

śrīviśvanātha bhavabhañjana divyabhāvagaṅgādhara pramathavandita sundarāṅga |nāgendrahāra natabhaktabhayāpahāravārāṇasīpurapate kuru suprabhātam || 16||

श्रीविश्वनाथ तव पादयुगं नमामिनित्यं तवैव शिव नाम हृदा स्मरामि ।वाचं तवैव यशसाऽनघ भूषयामिवाराणसीपुरपते कुरु सुप्रभातम् ॥ १७॥

śrīviśvanātha tava pādayugaṃ namāminityaṃ tavaiva śiva nāma hṛdā smarāmi |vācaṃ tavaiva yaśasā'nagha bhūṣayāmivārāṇasīpurapate kuru suprabhātam || 17||

काशीनिवासमुनिसेवितपादपद्मगङ्गाजलौघपरिषिक्तजटाकलाप ।अस्याखिलस्य जगतः सचराचरस्यवाराणसीपुरपते कुरु सुप्रभातम् ॥ १८॥

kāśīnivāsamunisevitapādapadmagaṅgājalaughapariṣiktajaṭākalāpa |asyākhilasya jagataḥ sacarācarasyavārāṇasīpurapate kuru suprabhātam || 18||

गङ्गाधराद्रितनयाप्रिय शान्तमूर्तेवेदान्तवेद्य सकलेश्वर विश्वमूर्ते ।कूटस्थ नित्य निखिलागमगीतकीर्तेवाराणसीपुरपते कुरु सुप्रभातम् ॥ १९॥

gaṅgādharādritanayāpriya śāntamūrtevedāntavedya sakaleśvara viśvamūrte |kūṭastha nitya nikhilāgamagītakīrtevārāṇasīpurapate kuru suprabhātam || 19||

विश्वं समस्तमिदमद्य घनान्धकारेमोहात्मके निपतितं जडतामुपेतम् ।भासा विभास्य परया तदमोघशक्तेवाराणसीपुरपते कुरु सुप्रभातम् ॥ २०॥

viśvaṃ samastamidamadya ghanāndhakāremohātmake nipatitaṃ jaḍatāmupetam |bhāsā vibhāsya parayā tadamoghaśaktevārāṇasīpurapate kuru suprabhātam || 20||

सूनुः समस्तजनविघ्नविनाशदक्षोभार्याऽन्नदाननिरताऽविरतं जनेभ्यः ।ख्यातः स्वयं च शिवकृत् सकलार्थिभाजांवाराणसीपुरपते कुरु सुप्रभातम् ॥ २१॥

sūnuḥ samastajanavighnavināśadakṣobhāryā'nnadānaniratā'virataṃ janebhyaḥ |khyātaḥ svayaṃ ca śivakṛt sakalārthibhājāṃvārāṇasīpurapate kuru suprabhātam || 21||

ये नो नमन्ति न जपन्ति न चामनन्तिनो वा लपन्ति विलपन्ति निवेदयन्ति ।तेषामबोधशिशुतुल्यधियां नराणांवाराणसीपुरपते कुरु सुप्रभातम् ॥ २२॥

ye no namanti na japanti na cāmanantino vā lapanti vilapanti nivedayanti |teṣāmabodhaśiśutulyadhiyāṃ narāṇāṃvārāṇasīpurapate kuru suprabhātam || 22||

श्रीकण्ठ कण्ठधृतपन्नग नीलकण्ठसोत्कण्ठभक्तनिवहोपहितोपकण्ठ ।भस्माङ्गरागपरिशोभितसर्वदेहवाराणसीपुरपते कुरु सुप्रभातम् ॥ २३॥

śrīkaṇṭha kaṇṭhadhṛtapannaga nīlakaṇṭhasotkaṇṭhabhaktanivahopahitopakaṇṭha |bhasmāṅgarāgapariśobhitasarvadehavārāṇasīpurapate kuru suprabhātam || 23||

श्रीपार्वतीहृदयवल्लभ पञ्चवक्त्रश्रीनीलकण्ठ नृकपालकलापमाल ।श्रीविश्वनाथ मृदुपङ्कजमञ्जुपादवाराणसीपुरपते कुरु सुप्रभातम् ॥ २४॥

śrīpārvatīhṛdayavallabha pañcavaktraśrīnīlakaṇṭha nṛkapālakalāpamāla |śrīviśvanātha mṛdupaṅkajamañjupādavārāṇasīpurapate kuru suprabhātam || 24||

दुग्धप्रवाहकमनीयतरङ्गभङ्गेपुण्यप्रवाहपरिपावितभक्तसङ्गे ।नित्यं तपस्विजनसेवितपादपद्मेगङ्गे शरण्यशिवदे कुरु सुप्रभातम् ॥ २५॥

dugdhapravāhakamanīyataraṅgabhaṅgepuṇyapravāhaparipāvitabhaktasaṅge |nityaṃ tapasvijanasevitapādapadmegaṅge śaraṇyaśivade kuru suprabhātam || 25||

सानन्दमानन्दवने वसन्तं आनन्दकन्दं हतपापवृन्दम् ।वाराणसीनाथमनाथनाथं श्रीविश्वनाथं शरणं प्रपद्ये ॥ २६॥

sānandamānandavane vasantaṃ ānandakandaṃ hatapāpavṛndam |vārāṇasīnāthamanāthanāthaṃ śrīviśvanāthaṃ śaraṇaṃ prapadye || 26||

इति श्रीकाशीविश्वनाथसुप्रभातं सम्पूर्णम् ।

iti śrīkāśīviśvanāthasuprabhātaṃ sampūrṇam |