केदारकवचम् Shri Kedara Kavacham

श्रीगणेशाय नमः ।श्रीरवलनाथाय नमः ।अस्य श्रीरवलनाथकवचस्तोत्रमन्त्रस्य,ब्रह्मणे ऋषये नमः । शिरसि ।अनुष्टुप् छन्दसे नमः । मुखे ।श्रीरवलनाथाय नमः । हृदये ।रं बीजाय नमः । गुह्ये ।वं शक्तये नमः । पादयोः ।लं कीलकाय नमः । सर्वाङ्गे ।श्रीरवलनाथप्रीत्यर्थे जपे विनियोगः ॥अथ ध्यानम् ।केयूरादिविभूषितैः करतलैरत्नाङ्कितैः सुन्दरंनानाहारविचित्रपन्नगयुतैर्हेमाम्बरैर्मण्डितम् ।हस्ताभ्यां धृतखड्गपात्रडमरूशूलं सदा बिभ्रतंवाजीवाहनदैत्यदर्पदलनं केदारमीशं भजे ॥अथ कवचम् ।ॐ केदारः पूर्वतः पातु चाग्नेय्यां रवलेश्वरः ।दक्षिणे वारिजाक्षस्तु नैरृत्यां रक्षसूदनः ॥ १॥

śrīgaṇeśāya namaḥ |śrīravalanāthāya namaḥ |asya śrīravalanāthakavacastotramantrasya,brahmaṇe ṛṣaye namaḥ | śirasi |anuṣṭup chandase namaḥ | mukhe |śrīravalanāthāya namaḥ | hṛdaye |raṃ bījāya namaḥ | guhye |vaṃ śaktaye namaḥ | pādayoḥ |laṃ kīlakāya namaḥ | sarvāṅge |śrīravalanāthaprītyarthe jape viniyogaḥ ||atha dhyānam |keyūrādivibhūṣitaiḥ karatalairatnāṅkitaiḥ sundaraṃnānāhāravicitrapannagayutairhemāmbarairmaṇḍitam |hastābhyāṃ dhṛtakhaḍgapātraḍamarūśūlaṃ sadā bibhrataṃvājīvāhanadaityadarpadalanaṃ kedāramīśaṃ bhaje ||atha kavacam |oṃ kedāraḥ pūrvataḥ pātu cāgneyyāṃ ravaleśvaraḥ |dakṣiṇe vārijākṣastu nairṛtyāṃ rakṣasūdanaḥ || 1||

पश्चिमे पन्नगेशश्च वायव्यां दैत्यनाशकः ।उत्तरे उत्तरेशश्च ईशान्यां ईश एव च ॥ २॥

paścime pannageśaśca vāyavyāṃ daityanāśakaḥ |uttare uttareśaśca īśānyāṃ īśa eva ca || 2||

ऊर्ध्वं गङ्गाधरः पातु धरायाञ्च त्रिविक्रमः ।एवं दशदिशोन्यस्य पश्चादङ्गेषु विन्यसेत् ॥ ३॥

ūrdhvaṃ gaṅgādharaḥ pātu dharāyāñca trivikramaḥ |evaṃ daśadiśonyasya paścādaṅgeṣu vinyaset || 3||

शिखायां रेणुकानाथो मस्तके भाललोचनः ।भालं मे रक्ष भगवन् भ्रूमध्ये मेदिनीपतिः ॥ ४॥

śikhāyāṃ reṇukānātho mastake bhālalocanaḥ |bhālaṃ me rakṣa bhagavan bhrūmadhye medinīpatiḥ || 4||

नेत्रयोर्ज्योतिनाथश्च कर्णयोः कीर्तिवर्धनः ।कुण्डलीनाः कपोलौच नासिकां विघ्ननाशनः ॥ ५॥

netrayorjyotināthaśca karṇayoḥ kīrtivardhanaḥ |kuṇḍalīnāḥ kapolauca nāsikāṃ vighnanāśanaḥ || 5||

ओष्ठद्वयो उमानाथो दन्तयोर्धरणीधरः ।जिह्वायां वेदजिह्वश्च हनुश्चहनुमत्प्रियः ॥ ६॥

oṣṭhadvayo umānātho dantayordharaṇīdharaḥ |jihvāyāṃ vedajihvaśca hanuścahanumatpriyaḥ || 6||

ग्रीवायां नीलकण्ठश्च स्कन्धौस्कन्द प्रियङ्करः ।बाहोः शस्त्रभृतां श्रेष्ठो हस्तेडमरूधारकः ॥ ७॥

grīvāyāṃ nīlakaṇṭhaśca skandhauskanda priyaṅkaraḥ |bāhoḥ śastrabhṛtāṃ śreṣṭho hasteḍamarūdhārakaḥ || 7||

हृदयं विश्वनाथश्च उदरं मे जनप्रियः ।नाभिं पातु गुहावासो कटिमध्ये कपालभृत् ॥ ८॥

hṛdayaṃ viśvanāthaśca udaraṃ me janapriyaḥ |nābhiṃ pātu guhāvāso kaṭimadhye kapālabhṛt || 8||

गुह्येगुह्य निवासश्च उरूभ्यां उक्षवाहनः ।जान्वोर्जह्नु सुताधारी जङ्घयोर्जङ्गनोद्बलीन् ॥ ९॥

guhyeguhya nivāsaśca urūbhyāṃ ukṣavāhanaḥ |jānvorjahnu sutādhārī jaṅghayorjaṅganodbalīn || 9||

गुल्फयोः गूढकर्तात्मा पादयोः पदवन्दितः ।नखेषु रोमकूपेषु व्यापकः सर्वसन्धिषु ॥ १०॥

gulphayoḥ gūḍhakartātmā pādayoḥ padavanditaḥ |nakheṣu romakūpeṣu vyāpakaḥ sarvasandhiṣu || 10||

अग्रतः पातु मे खड्गी पृष्ठतः पातु शूलवान् ।पातुमां पात्रधारीच वातपित्तकफादिषु ॥ ११॥

agrataḥ pātu me khaḍgī pṛṣṭhataḥ pātu śūlavān |pātumāṃ pātradhārīca vātapittakaphādiṣu || 11||

जले जलधरः पातु स्थले स्थाणुः सनातनः ।महार्णवे महादुर्गे अग्नि चोरभयेषु च ॥ १२॥

jale jaladharaḥ pātu sthale sthāṇuḥ sanātanaḥ |mahārṇave mahādurge agni corabhayeṣu ca || 12||

शस्त्रक्षतेषु यो रक्षेद् रत्नासुरनिबर्हणः ।सुप्ति प्रमाद विपदै रक्षमां गिरिवासकः ॥ १३॥ (विषदै रक्षेन्मां)

śastrakṣateṣu yo rakṣed ratnāsuranibarhaṇaḥ |supti pramāda vipadai rakṣamāṃ girivāsakaḥ || 13|| (viṣadai rakṣenmāṃ)

य इदं कवचं दिव्यं केदारस्य महात्मनः ।पठन्ति शृण्वते वाणी सर्वपापैः प्रमुच्यते ॥ १४॥

ya idaṃ kavacaṃ divyaṃ kedārasya mahātmanaḥ |paṭhanti śṛṇvate vāṇī sarvapāpaiḥ pramucyate || 14||

इति श्रीपद्मपुराणे करवीरखण्डे केदारकवचं सम्पूर्णम् ॥श्रीनाथचरणार्पणमस्तु ।॥ शुभं भवतु ॥

iti śrīpadmapurāṇe karavīrakhaṇḍe kedārakavacaṃ sampūrṇam ||śrīnāthacaraṇārpaṇamastu ||| śubhaṃ bhavatu ||