कण्ठेशस्तुतिः Shri Kantheshastutih

(शिष्याशीर्वचनात्मकस्तवाः)श्रीशाम्भोजभवादिमामरगणप्रस्तूयमानागजाचित्ताम्भोरुहबालवासरपते कारुण्यवारान्निधे ।श्रीविद्याप्रदपादपङ्कजसकृत्प्राणम्रलोकालयेश्रीकण्ठेश महाप्रभोऽव ससुतं श्रीचामराजप्रभुम् ॥ १॥

(śiṣyāśīrvacanātmakastavāḥ)śrīśāmbhojabhavādimāmaragaṇaprastūyamānāgajācittāmbhoruhabālavāsarapate kāruṇyavārānnidhe |śrīvidyāpradapādapaṅkajasakṛtprāṇamralokālayeśrīkaṇṭheśa mahāprabho'va sasutaṃ śrīcāmarājaprabhum || 1||

पापाम्भोनिधिबाडवप्रविलसज्ज्योत्स्नाभदेहच्छवेकालाहङ्कृतिवारणव्रतविधिप्रावीण्यभाक्शङ्कर ।प्राणायामपरायणैर्मुनिवरैः सञ्चिन्त्यमूर्तेऽनिशंश्रीकण्ठेश महाप्रभोऽव ससुतं श्रीचामराजप्रभुम् ॥ २॥

pāpāmbhonidhibāḍavapravilasajjyotsnābhadehacchavekālāhaṅkṛtivāraṇavratavidhiprāvīṇyabhākśaṅkara |prāṇāyāmaparāyaṇairmunivaraiḥ sañcintyamūrte'niśaṃśrīkaṇṭheśa mahāprabho'va sasutaṃ śrīcāmarājaprabhum || 2||

श्रीमच्छङ्करदेशिकेन्द्ररचितव्याख्यानसिंहासनाधीशश्रीनरसिंहभारतिकराम्भोजार्चिताङ्घ्रिद्वय ।श्रीवाणीपरिसेवितागतनयासंशोभिताङ्कस्थलश्रीकण्ठेश महाप्रभोऽव ससुतं श्रीचामराजप्रभुम् ॥ ३॥

śrīmacchaṅkaradeśikendraracitavyākhyānasiṃhāsanādhīśaśrīnarasiṃhabhāratikarāmbhojārcitāṅghridvaya |śrīvāṇīparisevitāgatanayāsaṃśobhitāṅkasthalaśrīkaṇṭheśa mahāprabho'va sasutaṃ śrīcāmarājaprabhum || 3||

हस्त्यश्वादिसमस्तमङ्गनिवहं प्रापय्य वृद्धिं परांहस्तीन्द्राननकार्तिकेयविलसत्पार्श्वद्वय प्रेमतः ।दारामात्यसुमित्रबन्धुसहितं श्रीकृष्णराजात्मजंश्रीकण्ठेश महाप्रभोऽव ससुतं श्रीचामराजप्रभुम् ॥ ४॥

hastyaśvādisamastamaṅganivahaṃ prāpayya vṛddhiṃ parāṃhastīndrānanakārtikeyavilasatpārśvadvaya premataḥ |dārāmātyasumitrabandhusahitaṃ śrīkṛṣṇarājātmajaṃśrīkaṇṭheśa mahāprabho'va sasutaṃ śrīcāmarājaprabhum || 4||

विद्यावृद्धिकृते सभा बहुविधा निर्माय तत्राग्रिमंदत्त्वा वेतनमादरात्सुविदुषः संस्थाप्य देशे स्वके ।अध्येतॄन् परिपोषयन्तमनिशं दत्त्वाशनाच्छादनेश्रीकण्ठेश महाप्रभोऽव ससुतं श्रीचामराजप्रभुम् ॥ ५॥

vidyāvṛddhikṛte sabhā bahuvidhā nirmāya tatrāgrimaṃdattvā vetanamādarātsuviduṣaḥ saṃsthāpya deśe svake |adhyetṝn paripoṣayantamaniśaṃ dattvāśanācchādaneśrīkaṇṭheśa mahāprabho'va sasutaṃ śrīcāmarājaprabhum || 5||

गौरीनाथरमाधवाङ्घ्रिसरसीसञ्जातशृङ्गायितस्वान्तं मन्मथगर्वहारिवपुषं कारुण्यरत्नाकरम् ।देवब्राह्मणभक्तिजन्मसदनं वाणीविलासाश्रयंश्रीकण्ठेश महाप्रभोऽव ससुतं श्रीचामराजप्रभुम् ॥ ६॥

gaurīnātharamādhavāṅghrisarasīsañjātaśṛṅgāyitasvāntaṃ manmathagarvahārivapuṣaṃ kāruṇyaratnākaram |devabrāhmaṇabhaktijanmasadanaṃ vāṇīvilāsāśrayaṃśrīkaṇṭheśa mahāprabho'va sasutaṃ śrīcāmarājaprabhum || 6||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीकण्ठेशस्तुतिः समाप्ता ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīkaṇṭheśastutiḥ samāptā |