चिदम्बराष्टकम् २ Shri Chidambaraa Ashtakam

(सप्तैव श्लोकाः मातृकायां सन्ति)चित्तजान्तकं चित्स्वरूपिणं चन्द्रमृगधरं चर्मप्रिय(चर्मभी)करम् ।चतुरभाषणं चिन्मयं गुरुं भज चिदम्बरं भावनास्थितम् ॥ १॥

(saptaiva ślokāḥ mātṛkāyāṃ santi)cittajāntakaṃ citsvarūpiṇaṃ candramṛgadharaṃ carmapriya(carmabhī)karam |caturabhāṣaṇaṃ cinmayaṃ guruṃ bhaja cidambaraṃ bhāvanāsthitam || 1||

दक्षमर्दनं दैवशासनं द्विजहिते रतं दोषभञ्जनम् ।दुःखनाशनं दुरितशासनं भज चिदम्बरं भावनास्थितम् ॥ २॥

dakṣamardanaṃ daivaśāsanaṃ dvijahite rataṃ doṣabhañjanam |duḥkhanāśanaṃ duritaśāsanaṃ bhaja cidambaraṃ bhāvanāsthitam || 2||

बद्धपञ्चकं बहुलशोभितं बुधवरैर्नुतं भस्मभूषितम् ।भावयुक्स्तुतं बन्धुभिः स्तुतं भज चिदम्बरं भावनास्थितम् ॥ ३॥

baddhapañcakaṃ bahulaśobhitaṃ budhavarairnutaṃ bhasmabhūṣitam |bhāvayukstutaṃ bandhubhiḥ stutaṃ bhaja cidambaraṃ bhāvanāsthitam || 3||

दीनतत्परं दिव्यवचनदं दी(र)क्षितापदं दिव्यतेजसम् ।दीर्घशोभितं देहतत्त्वदं भज चिदम्बरं भावनास्थितम् ॥ ४॥

dīnatatparaṃ divyavacanadaṃ dī(ra)kṣitāpadaṃ divyatejasam |dīrghaśobhitaṃ dehatattvadaṃ bhaja cidambaraṃ bhāvanāsthitam || 4||

क्षितितलोद्भवं क्षेमसम्भवं क्षीणमानवं क्षिप्रसद्यवम् ।क्षेमदात्रवं क्षेत्रगौरवं भज चिदम्बरं भावनास्थितम् ॥ ५॥

kṣititalodbhavaṃ kṣemasambhavaṃ kṣīṇamānavaṃ kṣiprasadyavam |kṣemadātravaṃ kṣetragauravaṃ bhaja cidambaraṃ bhāvanāsthitam || 5||

तक्षभूषणं तत्त्वसाक्षिणं यक्षसागणं भिक्षुरूपिणम् ।भस्मपोषणं व्यक्तरूपिणं भज चिदम्बरं भावनास्थितम् ॥ ६॥

takṣabhūṣaṇaṃ tattvasākṣiṇaṃ yakṣasāgaṇaṃ bhikṣurūpiṇam |bhasmapoṣaṇaṃ vyaktarūpiṇaṃ bhaja cidambaraṃ bhāvanāsthitam || 6||

यस्तु जापिकं चिदम्बराष्टकं पठति नित्यकं पापहं सुखम् ।कठिनतारकं घटकुलाधिकं भज चिदम्बरं भावनास्थितम् ॥ ७॥

yastu jāpikaṃ cidambarāṣṭakaṃ paṭhati nityakaṃ pāpahaṃ sukham |kaṭhinatārakaṃ ghaṭakulādhikaṃ bhaja cidambaraṃ bhāvanāsthitam || 7||

॥ इति श्रीचिदम्बराष्टकं सम्पूर्णम् ॥

|| iti śrīcidambarāṣṭakaṃ sampūrṇam ||