चिदम्बरपञ्चचामरस्तोत्रम् Shri Chidambara Panchachamara Stotram

कदम्बकाननप्रियं चिदम्बया विहारिणंमदेभकुम्भगुम्फितस्वडिम्भलालनोत्सुकम् ।सदम्भकामखण्डनं सदम्बुवाहिनीधरंहृदम्बुजे जगद्गुरुं चिदम्बरं विभावये ॥ १॥

kadambakānanapriyaṃ cidambayā vihāriṇaṃmadebhakumbhagumphitasvaḍimbhalālanotsukam |sadambhakāmakhaṇḍanaṃ sadambuvāhinīdharaṃhṛdambuje jagadguruṃ cidambaraṃ vibhāvaye || 1||

समस्तभक्तपोषणस्वहस्तबद्धकङ्कणंप्रशस्तकीर्तिवैभवं निरस्तसज्जनापदम् ।करस्थमुक्तिसाधनं शिरःस्थचन्द्रमण्डनंहृदम्बुजे जगद्गुरुं चिदम्बरं विभावये ॥ २॥

samastabhaktapoṣaṇasvahastabaddhakaṅkaṇaṃpraśastakīrtivaibhavaṃ nirastasajjanāpadam |karasthamuktisādhanaṃ śiraḥsthacandramaṇḍanaṃhṛdambuje jagadguruṃ cidambaraṃ vibhāvaye || 2||

जटाकिरीटमण्डितं निटाललोचनान्वितंपटीकृताष्टदिक्तटं पटीरपङ्कलेपनम् ।नटौघपूर्वभाविनं कुठारपाशधारिणंहृदम्बुजे जगद्गुरुं चिदम्बरं विभावये ॥ ३॥

jaṭākirīṭamaṇḍitaṃ niṭālalocanānvitaṃpaṭīkṛtāṣṭadiktaṭaṃ paṭīrapaṅkalepanam |naṭaughapūrvabhāvinaṃ kuṭhārapāśadhāriṇaṃhṛdambuje jagadguruṃ cidambaraṃ vibhāvaye || 3||

कुरङ्गशावशोभितं चिरं गजाननार्चितंपुराङ्गानाविचारदं वराङ्गरागरञ्जितम् ।खराङ्गजातनाशकं तुरङ्गमीकृतागमंहृदम्बुजे जगद्गुरूं चिदम्बरं विभावये ॥ ४॥

kuraṅgaśāvaśobhitaṃ ciraṃ gajānanārcitaṃpurāṅgānāvicāradaṃ varāṅgarāgarañjitam |kharāṅgajātanāśakaṃ turaṅgamīkṛtāgamaṃhṛdambuje jagadgurūṃ cidambaraṃ vibhāvaye || 4||

अमन्दभाग्यभाजनं सुमन्दहाससन्मुखंसुमन्दमन्दगामिनीगिरीन्द्रकन्यकाधवम् ।शमं दमं दयालुताममन्दयन्तमात्मनोहृदम्बुजे जगद्गुरुं चिदम्बरं विभावये ॥ ५॥

amandabhāgyabhājanaṃ sumandahāsasanmukhaṃsumandamandagāminīgirīndrakanyakādhavam |śamaṃ damaṃ dayālutāmamandayantamātmanohṛdambuje jagadguruṃ cidambaraṃ vibhāvaye || 5||

करीन्द्रचर्मवाससं गिरीन्द्रचापधारिणंसुरेन्द्रमुख्यपूजितं खगेन्द्रवाहनप्रियम् ।अहीन्द्रभूषणोज्ज्वलं नगेन्द्रजाविलासिनंहृदम्बुजे जगद्गुरुं चिदम्बरं विभावये ॥ ६॥

karīndracarmavāsasaṃ girīndracāpadhāriṇaṃsurendramukhyapūjitaṃ khagendravāhanapriyam |ahīndrabhūṣaṇojjvalaṃ nagendrajāvilāsinaṃhṛdambuje jagadguruṃ cidambaraṃ vibhāvaye || 6||

मलापहारिणीतटे सदा विलासकारिणंबलारिशापभञ्जनं ललामरूपलोचनम् ।लसत्फणीन्द्रहारिणं ज्वलत्त्रिशूलधारिणंहृदम्बुजे जगद्गुरुं चिदम्बरं विभावये ॥ ७॥

malāpahāriṇītaṭe sadā vilāsakāriṇaṃbalāriśāpabhañjanaṃ lalāmarūpalocanam |lasatphaṇīndrahāriṇaṃ jvalattriśūladhāriṇaṃhṛdambuje jagadguruṃ cidambaraṃ vibhāvaye || 7||

शशाङ्कभानुवीतिहोत्रराजितत्रिलोचनंविशालवक्षसं सुदीर्घबाहुदण्डमण्डितम् ।दिगम्बरोल्लसद्वपुर्धरं धरारथान्वितंहृदम्बुजे जगद्गुरुं चिदम्बरं विभावये ॥ ८॥

śaśāṅkabhānuvītihotrarājitatrilocanaṃviśālavakṣasaṃ sudīrghabāhudaṇḍamaṇḍitam |digambarollasadvapurdharaṃ dharārathānvitaṃhṛdambuje jagadguruṃ cidambaraṃ vibhāvaye || 8||

सदन्तरङ्गसज्जनौघपापसङ्घनाशनेमदान्धयुक्तदुर्जनालिशिक्षणे विचक्षणः ।चिदम्बराख्यसद्गुरुस्वरूपमेत्य भूतलेसदाशिवो विराजते सदा मुदान्वितो हरः ॥ ९॥

sadantaraṅgasajjanaughapāpasaṅghanāśanemadāndhayuktadurjanāliśikṣaṇe vicakṣaṇaḥ |cidambarākhyasadgurusvarūpametya bhūtalesadāśivo virājate sadā mudānvito haraḥ || 9||

चिदम्बराख्यसद्गुरोरिदं सदा विलासिनंमुदा लिखन्ति ये सकृत् सदोपमानमष्टकम् ।सदा वशे[से]त्तदालये हरिप्रिया तदाननेविधिप्रिया च निश्चला जगद्गुरोरनुग्रहात् ॥ १०॥

cidambarākhyasadguroridaṃ sadā vilāsinaṃmudā likhanti ye sakṛt sadopamānamaṣṭakam |sadā vaśe[se]ttadālaye haripriyā tadānanevidhipriyā ca niścalā jagadguroranugrahāt || 10||

॥ इति श्रीचिदम्बरपञ्चचामरस्तोत्रं सम्पूर्णम् ॥

|| iti śrīcidambarapañcacāmarastotraṃ sampūrṇam ||