शिवस्तुतिः दक्षपत्नीकृता Shivastuti by Prasuti, Wife of Daksha

प्रसूतिरुवाच ।नमामहे तवपदपङ्कजद्वयंयदद्वयं भयहरमिष्टसाधकम् ।स्मरन्ति वै सुरनरकिन्नरादयःसमोभवान्निखिलजनेविशेषकृत् ॥ १॥

prasūtiruvāca |namāmahe tavapadapaṅkajadvayaṃyadadvayaṃ bhayaharamiṣṭasādhakam |smaranti vai suranarakinnarādayaḥsamobhavānnikhilajaneviśeṣakṛt || 1||

शिवो हरः स्मरहर ईश उत्तमोमहेश्वरो भवभयकृद्भवोऽरिहा ।त्रिलोचनः शशिरविवह्निलोचनोमहामना मनसि विराज मादृशाम् ॥ २॥

śivo haraḥ smarahara īśa uttamomaheśvaro bhavabhayakṛdbhavo'rihā |trilocanaḥ śaśiravivahnilocanomahāmanā manasi virāja mādṛśām || 2||

शतेन्दवो रविकुलकोटिरेव तेप्रभाकरप्रभमिति नावगम्यते ।यदीदृशाः प्रविलसद्दण्डकोटयोभवत्तनोः कणविवरेषु लक्षिताः ॥ ३॥

śatendavo ravikulakoṭireva teprabhākaraprabhamiti nāvagamyate |yadīdṛśāḥ pravilasaddaṇḍakoṭayobhavattanoḥ kaṇavivareṣu lakṣitāḥ || 3||

इति बृहद्धर्मपुराणान्तर्गता दक्षपत्नीकृता शिवस्तुतिः सम्पूर्णा ।॥ बृहद्धर्मपुराणम् । मध्यखण्डः । अध्यायः ३८। ५३५५ ॥

iti bṛhaddharmapurāṇāntargatā dakṣapatnīkṛtā śivastutiḥ sampūrṇā ||| bṛhaddharmapurāṇam | madhyakhaṇḍaḥ | adhyāyaḥ 38| 5355 ||