शिवभक्त्यार्थप्रार्थना Shivabhaktyartha Prarthana

भोगाङ्गानि विनश्वराणि भगवन् प्राज्यानि राज्यान्यपिश्रीमृत्युञ्जय सर्वथापि निधयः सापायशङ्काश्रयाः ।शङ्कातङ्कनिवारकं निरधिकं कालान्तकं केवलंत्वां मन्ये तत एव सा त्वयि सदा भक्तिममास्तु स्थिरा ॥ १॥

bhogāṅgāni vinaśvarāṇi bhagavan prājyāni rājyānyapiśrīmṛtyuñjaya sarvathāpi nidhayaḥ sāpāyaśaṅkāśrayāḥ |śaṅkātaṅkanivārakaṃ niradhikaṃ kālāntakaṃ kevalaṃtvāṃ manye tata eva sā tvayi sadā bhaktimamāstu sthirā || 1||

गोक्षीरे मधुशर्करादिमधुरद्रव्येषु जिह्वा यथालोला तद्वदुमापते शिवमहादेवेति नामामृते ।लीला सन्ततमस्तु चित्तमपि मे त्वत्पादपद्मे मुदाभृङ्गत्वं समुपेत्य तिष्टतु वरः सोऽयं वराणां वरः ॥ २॥

gokṣīre madhuśarkarādimadhuradravyeṣu jihvā yathālolā tadvadumāpate śivamahādeveti nāmāmṛte |līlā santatamastu cittamapi me tvatpādapadme mudābhṛṅgatvaṃ samupetya tiṣṭatu varaḥ so'yaṃ varāṇāṃ varaḥ || 2||

प्राप्य प्रोषितभर्तृकेव रमणं भाजु यथा पद्मिनीशीतां कुमुदं सुधामिव नरो राज्यानि राजाधमः ।सुश्रोत्रं बधिरोऽन्धकः सुनयनं पङ्गुः पदक्षेपणंवाणीं मूक इवान्तकान्तक पदं पुष्टं प्रहृष्टं पुनः ॥ ३॥

prāpya proṣitabhartṛkeva ramaṇaṃ bhāju yathā padminīśītāṃ kumudaṃ sudhāmiva naro rājyāni rājādhamaḥ |suśrotraṃ badhiro'ndhakaḥ sunayanaṃ paṅguḥ padakṣepaṇaṃvāṇīṃ mūka ivāntakāntaka padaṃ puṣṭaṃ prahṛṣṭaṃ punaḥ || 3||

प्राप्येवोषरभूतले जलमतिश्रान्तो वसन्तं पिकोवन्ध्या पुत्रमघक्षयं मुनिजनश्चन्द्रं चकेराङ्गना ।मेघं चातकबालकः शिवपुरीं विश्वेश्वराराधकःप्राप्यानन्दममन्दमिन्दुमुकुटं मन्मानसं लालसम् ॥ ४॥

prāpyevoṣarabhūtale jalamatiśrānto vasantaṃ pikovandhyā putramaghakṣayaṃ munijanaścandraṃ cakerāṅganā |meghaṃ cātakabālakaḥ śivapurīṃ viśveśvarārādhakaḥprāpyānandamamandamindumukuṭaṃ manmānasaṃ lālasam || 4||

मच्चित्तं मकरन्दपाननिरतो भृङ्गो मरन्दं यथाकामी सुन्दरकामिनीमिव धनं निःस्वोः यथा बालकः ।स्तन्यं मेधमिवाङ्कुरः शिव तथा त्वन्नामसङ्कीतनंलब्ध्वा तुष्यतु पुष्टमस्तु सततं याचे न चान्यान् वरान् ॥ ५॥

maccittaṃ makarandapānanirato bhṛṅgo marandaṃ yathākāmī sundarakāminīmiva dhanaṃ niḥsvoḥ yathā bālakaḥ |stanyaṃ medhamivāṅkuraḥ śiva tathā tvannāmasaṅkītanaṃlabdhvā tuṣyatu puṣṭamastu satataṃ yāce na cānyān varān || 5||

शम्भो त्वच्चरणारविन्दमधुना दष्टं पुनर्मे कदादेयं दशनमिन्दुशेखर दयासिन्धो यदा नेक्षितम् ।त्वत्पादाम्बुजमादरेण न तदा ग्राह्यं जलं वा कथंमामाज्ञापय दर्शनाय भगवन् सायं प्रगे वा प्रभो ॥ ६॥

śambho tvaccaraṇāravindamadhunā daṣṭaṃ punarme kadādeyaṃ daśanaminduśekhara dayāsindho yadā nekṣitam |tvatpādāmbujamādareṇa na tadā grāhyaṃ jalaṃ vā kathaṃmāmājñāpaya darśanāya bhagavan sāyaṃ prage vā prabho || 6||

एतस्मादधिको वरद मे नापेक्षितः सर्वथाशर्वोऽयं शपथः शिवाचरणयोः त्वत्पादपद्मेऽपि मे ।अन्यत् किं मदपेक्षितं शिवपदाम्भोजे भजे सन्ततंतन्मात्र मदपेक्षितं हृदयमप्यत्रान्वहं सादरम् ॥ ७॥

etasmādadhiko varada me nāpekṣitaḥ sarvathāśarvo'yaṃ śapathaḥ śivācaraṇayoḥ tvatpādapadme'pi me |anyat kiṃ madapekṣitaṃ śivapadāmbhoje bhaje santataṃtanmātra madapekṣitaṃ hṛdayamapyatrānvahaṃ sādaram || 7||

॥ इति शिवरहस्यान्तर्गते शिवभक्त्यार्थ प्रार्थना सम्पूर्णा ॥॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः २१। २०२६ ॥

|| iti śivarahasyāntargate śivabhaktyārtha prārthanā sampūrṇā |||| śrīśivarahasyam | harākhyaḥ tṛtīyāṃśaḥ | pūrvārdham | adhyāyaḥ 21| 2026 ||

– ॥ श्रीशिवरहस्यम् ।हराख्यः तृतीयांशः ।पूर्वार्धम् ।अध्यायः २१। २०-२६ ॥

– || śrīśivarahasyam |harākhyaḥ tṛtīyāṃśaḥ |pūrvārdham |adhyāyaḥ 21| 20-26 ||