शिवचामरस्तुतिः Shivachamarastuti

अतिभीषणकटुभाषणयमकिङ्किरपटलीकृतताडनपरिपीडनमरणागमसमये ।उमया सह मम चेतसि यमशासन निवसन्शिवशङ्कर शिवशङ्कर हर मे हर दुरितम् ॥ १॥

atibhīṣaṇakaṭubhāṣaṇayamakiṅkirapaṭalīkṛtatāḍanaparipīḍanamaraṇāgamasamaye |umayā saha mama cetasi yamaśāsana nivasanśivaśaṅkara śivaśaṅkara hara me hara duritam || 1||

अतिदुर्नय चटुलेन्द्रिय रिपु सञ्चय दलितेपवि कर्कश कटु जल्पित खलगर्हण चलिते ।शिवया सह ममचेतसि शशिशेखर निवसन्शिवशङ्कर शिवशङ्कर हर मे हर दुरितम् ॥ २॥

atidurnaya caṭulendriya ripu sañcaya dalitepavi karkaśa kaṭu jalpita khalagarhaṇa calite |śivayā saha mamacetasi śaśiśekhara nivasanśivaśaṅkara śivaśaṅkara hara me hara duritam || 2||

भवभञ्जन सुररञ्जन खलवञ्चन पुरहन्दनुजान्तक मदनान्तक रविजान्तक भगवन् ।गिरिजावर करुणाकर परमेश्वर भयहन्शिवशङ्कर शिवशङ्कर हर मे हर दुरितम् ॥ ३॥

bhavabhañjana surarañjana khalavañcana purahandanujāntaka madanāntaka ravijāntaka bhagavan |girijāvara karuṇākara parameśvara bhayahanśivaśaṅkara śivaśaṅkara hara me hara duritam || 3||

शक्रशासन क्रतुशासन चतुराश्रम विषयेकलि विग्रहभवदुर्ग्रहरिपुदुर्बल समये ।द्विज क्षत्रिय वनिताशिशुदर कम्पित हृदयेशिवशङ्कर शिवशङ्कर हर मे हर दुरितम् ॥ ४॥

śakraśāsana kratuśāsana caturāśrama viṣayekali vigrahabhavadurgraharipudurbala samaye |dvija kṣatriya vanitāśiśudara kampita hṛdayeśivaśaṅkara śivaśaṅkara hara me hara duritam || 4||

भव सम्भव विविधामय परिपीडित वपुषंदयितात्मज ममताभर कलुषीकृत हृदयम् ।कुरु मां निज चरणार्चन निरतं भव सततम्शिवशङ्कर शिवशङ्कर हर मे हर दुरितम् ॥ ५॥

bhava sambhava vividhāmaya paripīḍita vapuṣaṃdayitātmaja mamatābhara kaluṣīkṛta hṛdayam |kuru māṃ nija caraṇārcana nirataṃ bhava satatamśivaśaṅkara śivaśaṅkara hara me hara duritam || 5||

इति शिवचामरस्तुतिः समाप्ता ।

iti śivacāmarastutiḥ samāptā |