शिवध्यानम् (शिवरहस्यान्तर्गतम्) Shiva Dhyanam

समाहितेन मनसा ध्यात्वैवं परमेश्वरम् । १(१)ध्यायेत्सदाशिवं साक्षाद्देवं सकलनिष्कलम् ॥ २(२)॥शुद्धस्फटिकसङ्काशं त्रिनेत्रं शीतलद्युतिम् ।विद्युद्वलयसङ्काशं जटामकुटभूषितम् ॥ ३॥

samāhitena manasā dhyātvaivaṃ parameśvaram | 1(1)dhyāyetsadāśivaṃ sākṣāddevaṃ sakalaniṣkalam || 2(2)||śuddhasphaṭikasaṅkāśaṃ trinetraṃ śītaladyutim |vidyudvalayasaṅkāśaṃ jaṭāmakuṭabhūṣitam || 3||

शार्दूलचर्मवसनं किञ्चिस्स्मितमुखाम्बुजम् ।रक्तपद्मनदलप्रख्यपाणिपादतलाधरम् ॥ ४॥

śārdūlacarmavasanaṃ kiñcissmitamukhāmbujam |raktapadmanadalaprakhyapāṇipādatalādharam || 4||

सर्वलक्षणसम्पन्नं सर्वाभरणभूषितम् ।दिव्यायुधधरैर्युक्तं (दिव्यायुधधरं देवं) दिव्यगन्धानुलेपनम् ॥ ५॥

sarvalakṣaṇasampannaṃ sarvābharaṇabhūṣitam |divyāyudhadharairyuktaṃ (divyāyudhadharaṃ devaṃ) divyagandhānulepanam || 5||

पञ्चवक्त्रं दशभुजमिन्दुखण्डशिखा(शिरो)मणिम् ।अस्य पूर्वमुखं सौम्यं बालसूर्यसमच्छविम्(समचछवि) ॥ ६॥

pañcavaktraṃ daśabhujamindukhaṇḍaśikhā(śiro)maṇim |asya pūrvamukhaṃ saumyaṃ bālasūryasamacchavim(samacachavi) || 6||

त्रिलोचनारविन्दाढ्यं सोमधामर्धशेखरम् ।दक्षिणं नीलजीमूतसमानरुचिरप्रभम् ॥ ७॥

trilocanāravindāḍhyaṃ somadhāmardhaśekharam |dakṣiṇaṃ nīlajīmūtasamānaruciraprabham || 7||

भ्रुकुटीकुटिलं घोरं रक्तवृत्तत्रिलोचनम् ।दंष्ट्राकरालं विलसत्स्फुरिताधरपल्लवम् ॥ ८॥

bhrukuṭīkuṭilaṃ ghoraṃ raktavṛttatrilocanam |daṃṣṭrākarālaṃ vilasatsphuritādharapallavam || 8||

(दंष्ट्राकरालेन्दुलसत्स्फुरिताधरपल्लवम्) ॥ ८॥

(daṃṣṭrākarālendulasatsphuritādharapallavam) || 8||

उत्तरं विद्रुमप्रख्यं नीलालकविभूषितम् ।सविलासं त्रिणयनं चञ्चच्चन्द्रकलाधरम् ॥ ९॥

uttaraṃ vidrumaprakhyaṃ nīlālakavibhūṣitam |savilāsaṃ triṇayanaṃ cañcaccandrakalādharam || 9||

पश्चिमं सूर्यचन्द्राभं लोचनत्रितयोज्ज्वलम्(ज्वलम्) ।चन्द्ररेखाधरं सौम्यं मन्दस्मितमनोहरम् ॥ १०॥

paścimaṃ sūryacandrābhaṃ locanatritayojjvalam(jvalam) |candrarekhādharaṃ saumyaṃ mandasmitamanoharam || 10||

पञ्चमं स्फटिकप्रख्यमिन्दुरेखाकलाधरम् ।अतीव सौम्यमुत्फुल्लसोमसूर्यानलाक्षिकम् ॥ ११॥

pañcamaṃ sphaṭikaprakhyamindurekhākalādharam |atīva saumyamutphullasomasūryānalākṣikam || 11||

(अतीव सौम्यमुत्फुल्लसोमसूर्याग्निचक्षुषम्) ॥ ११॥

(atīva saumyamutphullasomasūryāgnicakṣuṣam) || 11||

दक्षिणे शूलपरशुं वज्रखड्गानलोज्वलम् ।सव्ये परश्युनाराचघण्टापाशाङ्कुशोज्ज्वलम्(ज्वलम्) ॥ १२॥

dakṣiṇe śūlaparaśuṃ vajrakhaḍgānalojvalam |savye paraśyunārācaghaṇṭāpāśāṅkuśojjvalam(jvalam) || 12||

निवृत्या जानुसम्बद्धमानाभेश्च प्रतिष्ठया ।आकण्ठं विद्यया तद्वदाललाटं तु शान्तया ॥ १३॥

nivṛtyā jānusambaddhamānābheśca pratiṣṭhayā |ākaṇṭhaṃ vidyayā tadvadālalāṭaṃ tu śāntayā || 13||

तदूर्ध्वं शान्त्यतीताख्यकलया(ऽ)पारया तथा ।पञ्चोर्ध्वं (पञ्चोर्ध्व) व्यापकं तस्मात्कलापञ्चकविग्रहम् ॥ १४॥

tadūrdhvaṃ śāntyatītākhyakalayā(')pārayā tathā |pañcordhvaṃ (pañcordhva) vyāpakaṃ tasmātkalāpañcakavigraham || 14||

ईशानमुत्कटं (ईशानमकुटं) देवं पुरुषास्यं महेश्वरम् ।अघोरहृदयं तद्वद्वामगुह्यं सदाशिवम् ॥ १५॥

īśānamutkaṭaṃ (īśānamakuṭaṃ) devaṃ puruṣāsyaṃ maheśvaram |aghorahṛdayaṃ tadvadvāmaguhyaṃ sadāśivam || 15||

सद्योजातपदं मूर्तिमष्टत्रिंशत्कलामयम् ।मातृकामयमीशानं पञ्चब्रह्ममयं तथा ॥ १६॥

sadyojātapadaṃ mūrtimaṣṭatriṃśatkalāmayam |mātṛkāmayamīśānaṃ pañcabrahmamayaṃ tathā || 16||

ओङ्काराख्यमयं चैव हंसशक्त्या समायुतम् ।पञ्चाक्षरमयं देवं षडक्षरमयं तथा ॥ १७॥

oṅkārākhyamayaṃ caiva haṃsaśaktyā samāyutam |pañcākṣaramayaṃ devaṃ ṣaḍakṣaramayaṃ tathā || 17||

॥ इति शिवरहस्यान्तर्गते भवाख्ये शिवध्यानम् ॥॥ श्रीशिवरहस्यम् । भवाख्यः द्वितीयांशः । अध्यायः ५ । ११७॥

|| iti śivarahasyāntargate bhavākhye śivadhyānam |||| śrīśivarahasyam | bhavākhyaḥ dvitīyāṃśaḥ | adhyāyaḥ 5 | 117||

– ॥ श्रीशिवरहस्यम् ।भवाख्यः द्वितीयांशः ।अध्यायः ५ ।१-१७॥

– || śrīśivarahasyam |bhavākhyaḥ dvitīyāṃśaḥ |adhyāyaḥ 5 | 1-17||