शिवनक्षत्रपुरुषनामानि Shiva Nakshatra Purusha Namani

(भविष्यमहापुराणे कृष्णयुधिष्ठिरसंवादे)श्रीकृष्ण उवाच ।शिवनक्षत्रपुरुषं शिवभक्तिप्रदायकम् ।यस्मिन्नक्षत्रयोगे तु पुराणज्ञाः प्रचक्षते ॥ ४॥

(bhaviṣyamahāpurāṇe kṛṣṇayudhiṣṭhirasaṃvāde)śrīkṛṣṇa uvāca |śivanakṣatrapuruṣaṃ śivabhaktipradāyakam |yasminnakṣatrayoge tu purāṇajñāḥ pracakṣate || 4||

फाल्गुनस्यामले पक्षे यदा हस्तं प्रजायते ।तदा ग्राह्यं व्रतं चैव नक्तेन शिवपूजनम् ॥ ५॥

phālgunasyāmale pakṣe yadā hastaṃ prajāyate |tadā grāhyaṃ vrataṃ caiva naktena śivapūjanam || 5||

शिवायेति च हस्तेन पादौ पूज्यतमौ स्मृतौ ।शङ्कराय नमो गुल्फौ (अङ्गुल्यौ?) पूज्यौ चित्रासु पाण्डव ॥ ६॥

śivāyeti ca hastena pādau pūjyatamau smṛtau |śaṅkarāya namo gulphau (aṅgulyau?) pūjyau citrāsu pāṇḍava || 6||

भीमायेति च स्वातीषु पूजयेत्पुरुषर्षभ ।ऊरुद्वयं विशाखासु त्रिनेत्रायेति पूजयेत् ॥ ७॥

bhīmāyeti ca svātīṣu pūjayetpuruṣarṣabha |ūrudvayaṃ viśākhāsu trinetrāyeti pūjayet || 7||

मेढ्रं चैवानुराधासु अनङ्गाङ्गहराय च ।कटिं ज्येष्ठासु च तथा सुरज्येष्ठेति चार्चयेत ॥ ८॥

meḍhraṃ caivānurādhāsu anaṅgāṅgaharāya ca |kaṭiṃ jyeṣṭhāsu ca tathā surajyeṣṭheti cārcayeta || 8||

दानाख्याय नमो नाभिः पूज्या मूलेन शूलिनः ।पूर्वोत्तराषाढयुगे(युग्मे) पार्श्वे वै पार्वतीपतिः ॥ ९॥

dānākhyāya namo nābhiḥ pūjyā mūlena śūlinaḥ |pūrvottarāṣāḍhayuge(yugme) pārśve vai pārvatīpatiḥ || 9||

श्रवणेन तथा कुक्षी पूज्ये कपालिनेति च ।वक्षःस्थलं धनिष्ठासु सद्योजातेति नाम च ॥ १०॥

śravaṇena tathā kukṣī pūjye kapālineti ca |vakṣaḥsthalaṃ dhaniṣṭhāsu sadyojāteti nāma ca || 10||

वामेति पूजयेत्पार्थ हृदयं शतभिषासु च ।पूर्वोत्तरायुगे(युग्मे) बाहू नमः खट्वाङ्गधारिणे ॥ ११॥

vāmeti pūjayetpārtha hṛdayaṃ śatabhiṣāsu ca |pūrvottarāyuge(yugme) bāhū namaḥ khaṭvāṅgadhāriṇe || 11||

पूज्यं रुद्राय च तथा रेवतीषु करद्वयम् ।नखः पूज्याऽश्विनीयोगे नमः खण्डेन्दुधारिणे ॥ १२॥

pūjyaṃ rudrāya ca tathā revatīṣu karadvayam |nakhaḥ pūjyā'śvinīyoge namaḥ khaṇḍendudhāriṇe || 12||

भरणीषु ततः पृष्ठं वृषाङ्काय नमोऽस्तु ते ।कृत्तिवासाय च तथा कृत्तिकासु कृकाटिकाम् ॥ १३॥

bharaṇīṣu tataḥ pṛṣṭhaṃ vṛṣāṅkāya namo'stu te |kṛttivāsāya ca tathā kṛttikāsu kṛkāṭikām || 13||

वाक्पूज्या रोहिणीयोगे नमो वाचस्पतेति च (वाचस्पतिरिति) ।मृगोत्तमाङ्गे दशनान्भैरवायेति वै नमः ॥ १४॥

vākpūjyā rohiṇīyoge namo vācaspateti ca (vācaspatiriti) |mṛgottamāṅge daśanānbhairavāyeti vai namaḥ || 14||

आर्द्रासु पूज्यावधरौ स्थाणवेति युधिष्ठिर ।नासा पुनर्वसौ पूज्या पूषदन्तविनाशिने ॥ १५॥

ārdrāsu pūjyāvadharau sthāṇaveti yudhiṣṭhira |nāsā punarvasau pūjyā pūṣadantavināśine || 15||

पुष्ये नेत्रत्रयं पूज्यं नमस्ते सर्वदर्शिने ।आश्लेषायां ललाटं च त्र्यम्बकाय नमो नमः ॥ १६॥

puṣye netratrayaṃ pūjyaṃ namaste sarvadarśine |āśleṣāyāṃ lalāṭaṃ ca tryambakāya namo namaḥ || 16||

मघासु च जटाजूटं पूजयेदन्धकारये ।पूर्वाफाल्गुनिकायुग्मे श्रवणे सोमधारिणे ॥ १७॥

maghāsu ca jaṭājūṭaṃ pūjayedandhakāraye |pūrvāphālgunikāyugme śravaṇe somadhāriṇe || 17||

नमोऽस्तु पाशाङ्कुशपद्मशूलकपालसर्पेन्दुधनुर्धराय ।गजासुरानङ्गधुरान्धकादिविनाशमूलाय नमः शिवाय ॥ १८॥

namo'stu pāśāṅkuśapadmaśūlakapālasarpendudhanurdharāya |gajāsurānaṅgadhurāndhakādivināśamūlāya namaḥ śivāya || 18||

॥ भविष्यमहापुराणम् । पर्व ४ (उत्तरपर्वः) । अध्यायः १०९॥– ॥ भविष्यमहापुराणम् । पर्व ४ (उत्तरपर्वः) । अध्यायः १०९ ॥

|| bhaviṣyamahāpurāṇam | parva 4 (uttaraparvaḥ) | adhyāyaḥ 109||– || bhaviṣyamahāpurāṇam | parva 4 (uttaraparvaḥ) | adhyāyaḥ 109 ||