शिवाष्टोत्तरशतनामस्तोत्रम् २ Shiva Ashtottarashata Nama Stotram 2

श्रीगणेशाय नमः ।देवा ऊचुः ।ॐ जय शम्भो विभो रुद्र स्वयम्भो जय शङ्कर ।जयेश्वर जयेशान जय सर्वज्ञ कामद ॥ १॥

śrīgaṇeśāya namaḥ |devā ūcuḥ |oṃ jaya śambho vibho rudra svayambho jaya śaṅkara |jayeśvara jayeśāna jaya sarvajña kāmada || 1||

नीलकण्ठ जय श्रीद श्रीकण्ठ जय धूर्जटे ।अष्टमूर्तेऽनन्तमूर्ते महामूर्ते जयानघ ॥ २॥

nīlakaṇṭha jaya śrīda śrīkaṇṭha jaya dhūrjaṭe |aṣṭamūrte'nantamūrte mahāmūrte jayānagha || 2||

जय पापहरानङ्गनिःसङ्गाभङ्गनाशन ।जय त्वं त्रिदशाधार त्रिलोकेश त्रिलोचन ॥ ३॥

jaya pāpaharānaṅganiḥsaṅgābhaṅganāśana |jaya tvaṃ tridaśādhāra trilokeśa trilocana || 3||

जय त्वं त्रिपथाधार त्रिमार्ग त्रिभिरूर्जित ।त्रिपुरारे त्रिधामूर्ते जयैकत्रिजटात्मक ॥ ४॥

jaya tvaṃ tripathādhāra trimārga tribhirūrjita |tripurāre tridhāmūrte jayaikatrijaṭātmaka || 4||

शशिशेखर शूलेश पशुपाल शिवाप्रिय ।शिवात्मक शिव श्रीद सुहृच्छ्रीशतनो जय ॥ ५॥

śaśiśekhara śūleśa paśupāla śivāpriya |śivātmaka śiva śrīda suhṛcchrīśatano jaya || 5||

सर्व सर्वेश भूतेश गिरिश त्वं गिरीश्वर ।जयोग्ररूप मीमेश भव भर्ग जय प्रभो ॥ ६॥

sarva sarveśa bhūteśa giriśa tvaṃ girīśvara |jayograrūpa mīmeśa bhava bharga jaya prabho || 6||

जय दक्षाध्वरध्वंसिन्नन्धकध्वंसकारक ।रुण्डमालिन् कपालिंस्थं भुजङ्गाजिनभूषण ॥ ७॥

jaya dakṣādhvaradhvaṃsinnandhakadhvaṃsakāraka |ruṇḍamālin kapāliṃsthaṃ bhujaṅgājinabhūṣaṇa || 7||

दिगम्बर दिशां नाथ व्योमकेश चिताम्पते ।जयाधार निराधार भस्माधार धराधर ॥ ८॥

digambara diśāṃ nātha vyomakeśa citāmpate |jayādhāra nirādhāra bhasmādhāra dharādhara || 8||

देवदेव महादेव देवतेशादिदैवत ।वह्निवीर्य जय स्थाणो जयायोनिजसम्भव ॥ ९॥

devadeva mahādeva devateśādidaivata |vahnivīrya jaya sthāṇo jayāyonijasambhava || 9||

भव शर्व महाकाल भस्माङ्ग सर्पभूषण ।त्र्यम्बक स्थपते वाचाम्पते भो जगताम्पते ॥ १०॥

bhava śarva mahākāla bhasmāṅga sarpabhūṣaṇa |tryambaka sthapate vācāmpate bho jagatāmpate || 10||

शिपिविष्ट विरूपाक्ष जय लिङ्ग वृषध्वज ।नीललोहित पिङ्गाक्ष जय खट्वाङ्गमण्डन ॥ ११॥

śipiviṣṭa virūpākṣa jaya liṅga vṛṣadhvaja |nīlalohita piṅgākṣa jaya khaṭvāṅgamaṇḍana || 11||

कृत्तिवास अहिर्बुध्न्य मृडानीश जटाम्बुभृत् ।जगद्भ्रातर्जगन्मातर्जगत्तात जगद्गुरो ॥ १२॥

kṛttivāsa ahirbudhnya mṛḍānīśa jaṭāmbubhṛt |jagadbhrātarjaganmātarjagattāta jagadguro || 12||

पञ्चवक्त्र महावक्त्र कालवक्त्र गजास्यभृत् ।दशबाहो महाबाहो महावीर्य महाबल ॥ १३॥

pañcavaktra mahāvaktra kālavaktra gajāsyabhṛt |daśabāho mahābāho mahāvīrya mahābala || 13||

अघोरघोरवक्त्र त्वं सद्योजात उमापते ।सदानन्द महानन्द नन्दमूर्ते जयेश्वर ॥ १४॥

aghoraghoravaktra tvaṃ sadyojāta umāpate |sadānanda mahānanda nandamūrte jayeśvara || 14||

एवमष्टोत्तरशतं नाम्नां देवकृतं तु ये ।शम्भोर्भक्त्या स्मरन्तीह शृण्वन्ति च पठन्ति च ॥ १५॥

evamaṣṭottaraśataṃ nāmnāṃ devakṛtaṃ tu ye |śambhorbhaktyā smarantīha śṛṇvanti ca paṭhanti ca || 15||

न तापास्त्रिविधास्तेषां न शोको न रुजादयः ।ग्रहगोचरपीडा च तेषां क्वापि न विद्यते ॥ १६॥

na tāpāstrividhāsteṣāṃ na śoko na rujādayaḥ |grahagocarapīḍā ca teṣāṃ kvāpi na vidyate || 16||

श्रीः प्रज्ञाऽऽरोग्यमायुष्यं सौभाग्यं भाग्यमुन्नतिम् ।विद्या धर्मे मतिः शम्भोर्भक्तिस्तेषां न संशयः ॥ १७॥

śrīḥ prajñā''rogyamāyuṣyaṃ saubhāgyaṃ bhāgyamunnatim |vidyā dharme matiḥ śambhorbhaktisteṣāṃ na saṃśayaḥ || 17||

इति श्रीस्कन्दपुराणे सह्याद्रिखण्डेशिवाष्टोत्तरशतनामस्तोत्रं सम्पूर्णम् ॥

iti śrīskandapurāṇe sahyādrikhaṇḍeśivāṣṭottaraśatanāmastotraṃ sampūrṇam ||