शिवस्तवः (शङ्करकृतं शिवरहस्यान्तर्गतः) Shankarakritam Shiva Stava

(शिवरहस्यान्तर्गते सदाशिवाख्ये)सत्यं सत्यं नेह नानास्ति किञ्चिदीशावास्यं ब्रह्म सत्यं जगद्धि ।ब्रह्मैवेदं ब्रह्म पश्चात्पुरस्ततादेको रुद्रो न द्वितीयोऽवतस्थे ॥ २८॥

(śivarahasyāntargate sadāśivākhye)satyaṃ satyaṃ neha nānāsti kiñcidīśāvāsyaṃ brahma satyaṃ jagaddhi |brahmaivedaṃ brahma paścātpurastatādeko rudro na dvitīyo'vatasthe || 28||

एको देवः सर्वभूतेषु गूढोनानाकारो भासि भावैस्त्वमात्मा ।पूर्णापूर्णों नामरूपैर्विहीनोविश्वातीतो विश्वरूपो महेशः ॥ २९॥

eko devaḥ sarvabhūteṣu gūḍhonānākāro bhāsi bhāvaistvamātmā |pūrṇāpūrṇoṃ nāmarūpairvihīnoviśvātīto viśvarūpo maheśaḥ || 29||

भूतं भव्यं वर्तमानं त्वयीशे सामान्यं वै देशकालादिहीनः ।नो ते मूर्तिर्वेदवेद्यस्त्वसङ्गो सङ्गीव त्वं लिङ्गसंस्थो विभासि ॥ ३०॥

bhūtaṃ bhavyaṃ vartamānaṃ tvayīśe sāmānyaṃ vai deśakālādihīnaḥ |no te mūrtirvedavedyastvasaṅgo saṅgīva tvaṃ liṅgasaṃstho vibhāsi || 30||

त्वद्भासा वै सोमसूर्यानलेन्द्राभीषोवोदेत्येष सूर्यश्च देवाः ।त्वं वेदादौ स्वर एको महेशोवेदान्तानां सारवाक्यार्थवेद्यः ॥ ३१॥

tvadbhāsā vai somasūryānalendrābhīṣovodetyeṣa sūryaśca devāḥ |tvaṃ vedādau svara eko maheśovedāntānāṃ sāravākyārthavedyaḥ || 31||

वैद्यो वैद्यः सर्ववेदात्मविद्योभिद्येद्दृष्ट्या तव हृत्तमोऽद्य ।ओङ्कारार्थः पुरुषस्त्वं ऋतं चसत्यज्ञानानन्दभूमासि सीमा ॥ ३२॥

vaidyo vaidyaḥ sarvavedātmavidyobhidyeddṛṣṭyā tava hṛttamo'dya |oṅkārārthaḥ puruṣastvaṃ ṛtaṃ casatyajñānānandabhūmāsi sīmā || 32||

बद्धो मुक्तो नासि सङ्गी स्वसङ्गःप्राणप्राणो मनसस्त्वं मनश्च ।त्वत्तो वाचो मनसा सन्निवृत्तास्तत्वानन्दज्ञानिनो बुद्धभावाः ॥ ३३॥

baddho mukto nāsi saṅgī svasaṅgaḥprāṇaprāṇo manasastvaṃ manaśca |tvatto vāco manasā sannivṛttāstatvānandajñānino buddhabhāvāḥ || 33||

त्वत्तो जातं भूतजातं महेशत्वया जीवत्येवनमेवं विचित्रम् ।त्वय्येवान्ते संविशत्येव विश्वंत्वां वै को वा स्तौति तं स्तव्यमीशं ॥ ३४॥

tvatto jātaṃ bhūtajātaṃ maheśatvayā jīvatyevanamevaṃ vicitram |tvayyevānte saṃviśatyeva viśvaṃtvāṃ vai ko vā stauti taṃ stavyamīśaṃ || 34||

किञ्चिज्ज्ञात्वा सर्वभास्येव बुद्ध्यात्वामात्मानं वेद्मि देवं महेशम् ॥ ३५॥

kiñcijjñātvā sarvabhāsyeva buddhyātvāmātmānaṃ vedmi devaṃ maheśam || 35||

॥ इति शिवरहस्यान्तर्गते शङ्करद्विजकृतः शिवस्तवः सम्पूर्णः ॥॥ श्रीशिवरहस्यम् । सदाशिवाख्यः नवमांशः । अध्यायः १६ शङ्करप्रादुर्भावः । २८३५॥

|| iti śivarahasyāntargate śaṅkaradvijakṛtaḥ śivastavaḥ sampūrṇaḥ |||| śrīśivarahasyam | sadāśivākhyaḥ navamāṃśaḥ | adhyāyaḥ 16 śaṅkaraprādurbhāvaḥ | 2835||

– ॥ श्रीशिवरहस्यम् ।सदाशिवाख्यः नवमांशः ।अध्यायः १६ शङ्करप्रादुर्भावः ।२८-३५॥

– || śrīśivarahasyam |sadāśivākhyaḥ navamāṃśaḥ |adhyāyaḥ 16 śaṅkaraprādurbhāvaḥ | 28-35||