शङ्करस्तुतिः देवैः कृता Shankara Stuti by Devas

हर हर मुरहरपूजितपाद प्रहर महाघगिरि कटाक्षवज्रैः ।शमय शमनजातभीतिदुःखं छेदय पाशमयं भवैकजालम् ॥ १॥

hara hara muraharapūjitapāda prahara mahāghagiri kaṭākṣavajraiḥ |śamaya śamanajātabhītiduḥkhaṃ chedaya pāśamayaṃ bhavaikajālam || 1||

त्रिपुरदहन दक्षध्वंसनाक्षिप्रकोणोत्थितशिखिविशिखाग्रैर्दग्धमार प्रसीद ।शिव शिव शिव शम्भो चन्द्रमौले कपर्दिन् ॥ २॥

tripuradahana dakṣadhvaṃsanākṣiprakoṇotthitaśikhiviśikhāgrairdagdhamāra prasīda |śiva śiva śiva śambho candramaule kapardin || 2||

विश्वाधिक त्रिनयन त्रिपुरान्तकारे त्रय्यन्तवेद्य त्रिदशाद्य त्रिकाग्निकाल ।श्रीमत्त्रियम्बक त्रिलोकविलासशील लीलाकृताङ्ग त्रिगुणात्मक पाहि शम्भो ॥ ३॥

viśvādhika trinayana tripurāntakāre trayyantavedya tridaśādya trikāgnikāla |śrīmattriyambaka trilokavilāsaśīla līlākṛtāṅga triguṇātmaka pāhi śambho || 3||

भावग्राह्यस्त्वमसि भगवन् जिह्मभावैर्न लभ्यःत्वत्तो जातं भुवनमखिलं नामरूपैर्विचित्रम् ।सर्व रुद्र त्वमसि भगवन् वेदवाक्यैकगम्योब्रह्मण्यश्च प्रभवसि विभो ब्राह्मणार्च्यं पदं ते ॥ ४॥

bhāvagrāhyastvamasi bhagavan jihmabhāvairna labhyaḥtvatto jātaṃ bhuvanamakhilaṃ nāmarūpairvicitram |sarva rudra tvamasi bhagavan vedavākyaikagamyobrahmaṇyaśca prabhavasi vibho brāhmaṇārcyaṃ padaṃ te || 4||

मूकास्त्वद्गुणवर्णने भवशतेष्वद्वैतवार्तालसाःकामान्धाः सततं सदा शिवकथां श्रोतुं तथा दुःश्रवाः ।त्वद्धयाने जडबुद्धयो हि सततं त्वत्पादपूजाविधौछिन्नाङ्घ्र्याशयकाः सदा शरणतः सङ्ग्रहीणाः प्रहीणाः ॥ ५॥

mūkāstvadguṇavarṇane bhavaśateṣvadvaitavārtālasāḥkāmāndhāḥ satataṃ sadā śivakathāṃ śrotuṃ tathā duḥśravāḥ |tvaddhayāne jaḍabuddhayo hi satataṃ tvatpādapūjāvidhauchinnāṅghryāśayakāḥ sadā śaraṇataḥ saṅgrahīṇāḥ prahīṇāḥ || 5||

॥ इति शिवरहस्यान्तर्गते देवैः कृता शङ्करस्तुतिः सम्पूर्णा ॥॥ श्रीशिवरहस्यम् । भर्गाख्यः पञ्चमांशः । अध्यायः ५। १०८११२॥

|| iti śivarahasyāntargate devaiḥ kṛtā śaṅkarastutiḥ sampūrṇā |||| śrīśivarahasyam | bhargākhyaḥ pañcamāṃśaḥ | adhyāyaḥ 5| 108112||

– ॥ श्रीशिवरहस्यम् ।भर्गाख्यः पन्चमांशः ।अध्यायः ५। १०८-११२॥

– || śrīśivarahasyam |bhargākhyaḥ pancamāṃśaḥ |adhyāyaḥ 5| 108-112||