शान्तिकाध्यायः Shantikadhyaya From Shivadharmakhya

श्रीगणेशाय नमः ।श्रीभैरवाय नमः ।श्रीनन्दीशाय नमः ।श्रीउमामहेश्वराभ्यां नमः ।अथ श्रीशिवधर्माख्योक्त शान्तिकाध्यायः प्रारभ्यते ।श्री नन्दिकेश्वर उवाचअतः परमिदं गुह्यं रुद्रोद्गीतं महोदयम् ।महाविघ्नप्रशमनं महाशान्तिकरं शुभम् ॥ १॥

śrīgaṇeśāya namaḥ |śrībhairavāya namaḥ |śrīnandīśāya namaḥ |śrīumāmaheśvarābhyāṃ namaḥ |atha śrīśivadharmākhyokta śāntikādhyāyaḥ prārabhyate |śrī nandikeśvara uvācaataḥ paramidaṃ guhyaṃ rudrodgītaṃ mahodayam |mahāvighnapraśamanaṃ mahāśāntikaraṃ śubham || 1||

अकालमृत्युशमनं सर्वव्याधिनिवारणम् ।परचक्रप्रमथनं सदा विजयवर्धनम् ॥ २॥

akālamṛtyuśamanaṃ sarvavyādhinivāraṇam |paracakrapramathanaṃ sadā vijayavardhanam || 2||

सर्वदेवग्रहानीकं समभीष्टफलप्रदम् ।सर्वशान्ताधिकाराख्यं धर्मं वक्ष्यामि शाश्वतम् ॥ ३॥

sarvadevagrahānīkaṃ samabhīṣṭaphalapradam |sarvaśāntādhikārākhyaṃ dharmaṃ vakṣyāmi śāśvatam || 3||

शशाङ्कार्द्धधरस्त्र्यक्षो नागयज्ञोपवीतकः ।चतुर्मुखश्चतुर्बाहुः सितभस्माऽवगुण्ठितः ॥ ४॥

śaśāṅkārddhadharastryakṣo nāgayajñopavītakaḥ |caturmukhaścaturbāhuḥ sitabhasmā'vaguṇṭhitaḥ || 4||

वरो वरेण्यो वरदो देवदेवो महेश्वरः ।त्रैलोक्यनमितः श्रीमाञ्छान्तिमाशु करोतु मे ॥ ५॥

varo vareṇyo varado devadevo maheśvaraḥ |trailokyanamitaḥ śrīmāñchāntimāśu karotu me || 5||

सर्वावयवपूर्णेन गात्रेण तनुमध्यमा ।पीतश्यामातिसौम्येन स्निग्धवर्णेन शोभना ॥ ६॥

sarvāvayavapūrṇena gātreṇa tanumadhyamā |pītaśyāmātisaumyena snigdhavarṇena śobhanā || 6||

ललाटे तिलकोपेता चन्द्ररेखार्धधारिणी ।चित्राम्बरधरा देवी सर्वाऽऽभरणभूषिता ॥ ७॥

lalāṭe tilakopetā candrarekhārdhadhāriṇī |citrāmbaradharā devī sarvā''bharaṇabhūṣitā || 7||

वरस्त्रीमयरूपेण शोभागुणमहास्पदा ।भावनामात्रसन्तुष्टा उमादेवी वरप्रदा ॥ ८॥

varastrīmayarūpeṇa śobhāguṇamahāspadā |bhāvanāmātrasantuṣṭā umādevī varapradā || 8||

साक्षादागत्य रूपेण शान्तेनाऽमिततेजसा ।शान्तिं करोतु मे प्रीता भक्तानां भक्तवत्सला ॥ ९॥

sākṣādāgatya rūpeṇa śāntenā'mitatejasā |śāntiṃ karotu me prītā bhaktānāṃ bhaktavatsalā || 9||

पद्मरागद्युतिः सौम्यो रक्तमाल्याऽनुलेपनः ।अबालो बालरूपेण षड्वक्त्रः शिखिवाहनः ॥ १०॥

padmarāgadyutiḥ saumyo raktamālyā'nulepanaḥ |abālo bālarūpeṇa ṣaḍvaktraḥ śikhivāhanaḥ || 10||

पूर्णेन्दुवदनः सौम्यस्त्रिशिखः शक्तिसंयुतः ।कृत्तिकोमाग्निरुद्रांशसमुद्भूतः सुरार्चितः ॥ ११॥

pūrṇenduvadanaḥ saumyastriśikhaḥ śaktisaṃyutaḥ |kṛttikomāgnirudrāṃśasamudbhūtaḥ surārcitaḥ || 11||

कार्तिकेयो महातेजा वरदानैकतत्परः ।शान्तिं करोतु मे नित्यं वरं सौख्यं च मे सदा ॥ १२॥

kārtikeyo mahātejā varadānaikatatparaḥ |śāntiṃ karotu me nityaṃ varaṃ saukhyaṃ ca me sadā || 12||

श्वेतवस्त्रपरीधानस्त्र्यक्षः कनकसुप्रभः ।रुद्रश्चैको महायोगी रुद्रैको हितमानसः ॥ १३॥

śvetavastraparīdhānastryakṣaḥ kanakasuprabhaḥ |rudraścaiko mahāyogī rudraiko hitamānasaḥ || 13||

शूलपाणिर्महाप्राज्ञो नन्दीशः शिवभावितः ।शिवार्चनपरो नित्यः शिवध्यानैकतत्परः ॥ १४॥

śūlapāṇirmahāprājño nandīśaḥ śivabhāvitaḥ |śivārcanaparo nityaḥ śivadhyānaikatatparaḥ || 14||

शान्तिं करोतु मे शान्तो धर्मं च मतिमुत्तमाम् ।महादेव महाकायः स्निग्धाञ्जनचयच्छविः ॥ १५॥

śāntiṃ karotu me śānto dharmaṃ ca matimuttamām |mahādeva mahākāyaḥ snigdhāñjanacayacchaviḥ || 15||

एकदंष्ट्रोत्कटो देवो गजवक्त्रो महाबलः ।नागयज्ञोपवीती च नागाऽऽभरणभूषितः ॥ १६॥

ekadaṃṣṭrotkaṭo devo gajavaktro mahābalaḥ |nāgayajñopavītī ca nāgā''bharaṇabhūṣitaḥ || 16||

सर्वार्थसम्पदाधारो गणाध्यक्षो वरप्रदः ।रुद्रस्य तनयो देवो नायकोऽथ विनायकः ॥ १७॥

sarvārthasampadādhāro gaṇādhyakṣo varapradaḥ |rudrasya tanayo devo nāyako'tha vināyakaḥ || 17||

करोतु मे महाशान्तिं कर्मसिद्धिं च सर्वदा ।इन्द्रनीलनिभस्त्र्यक्षो दीप्तशूलाऽऽयुधोद्यतः ॥ १८॥

karotu me mahāśāntiṃ karmasiddhiṃ ca sarvadā |indranīlanibhastryakṣo dīptaśūlā''yudhodyataḥ || 18||

रक्ताम्बरधरः श्रीमान् कृष्णाङ्गो नागभूषणः ।पापाऽपनोदमतुलमलक्ष्मीमलनाशनः ॥ १९॥

raktāmbaradharaḥ śrīmān kṛṣṇāṅgo nāgabhūṣaṇaḥ |pāpā'panodamatulamalakṣmīmalanāśanaḥ || 19||

करोतु मे महाशान्तिं महाकालो महाबलः ।पीतवस्त्रपरीधाना कन्यारूपा स्वलङ्कृता ॥ २०॥

karotu me mahāśāntiṃ mahākālo mahābalaḥ |pītavastraparīdhānā kanyārūpā svalaṅkṛtā || 20||

गणमाताऽम्बिका त्र्यक्षा पुण्या शान्ता सुरेश्वरी ।सर्वसिद्धिकरी देवी प्रसादपरमा परा ॥ २१॥

gaṇamātā'mbikā tryakṣā puṇyā śāntā sureśvarī |sarvasiddhikarī devī prasādaparamā parā || 21||

शान्तिं करोतु मे माता सिद्धिं चाऽनुप्रयच्छतु ।स्निग्धश्यामेन वर्णेन महामहिषमर्दिनी ॥ २२॥

śāntiṃ karotu me mātā siddhiṃ cā'nuprayacchatu |snigdhaśyāmena varṇena mahāmahiṣamardinī || 22||

धनुश्चक्रप्रहरणा खड्गपट्टिशधारिणी ।आतर्जन्युद्यतकरा सर्वोपद्रवनाशिनी ॥ २३॥

dhanuścakrapraharaṇā khaḍgapaṭṭiśadhāriṇī |ātarjanyudyatakarā sarvopadravanāśinī || 23||

सर्वमङ्गलदात्री मे शिवमाचरतु ध्रुवम् ।निर्मांसेन शरीरेण स्नाय्वस्थिषु निबन्धनः ॥ २४॥

sarvamaṅgaladātrī me śivamācaratu dhruvam |nirmāṃsena śarīreṇa snāyvasthiṣu nibandhanaḥ || 24||

अतिसूक्ष्मोऽतिविक्रान्तस्त्र्यक्षो भृङ्गिरिटिर्महान् ।रुद्रात्मको महावीरो रुद्रेकाहितमानसः ॥ २५॥

atisūkṣmo'tivikrāntastryakṣo bhṛṅgiriṭirmahān |rudrātmako mahāvīro rudrekāhitamānasaḥ || 25||

सोऽपि मे शान्तिभावेन शान्तिमाशु प्रयच्छतु ।प्रचण्डगणसैन्येशो महाटङ्काक्षधारकः ॥ २६॥

so'pi me śāntibhāvena śāntimāśu prayacchatu |pracaṇḍagaṇasainyeśo mahāṭaṅkākṣadhārakaḥ || 26||

अक्षमालार्पितकरस्त्र्यक्षश्चण्डेश्वरो वरः ।चण्डपापापहरणो ब्रह्महत्यादिशोधकः ॥ २७॥ (चण्डस्तापापहरणो)

akṣamālārpitakarastryakṣaścaṇḍeśvaro varaḥ |caṇḍapāpāpaharaṇo brahmahatyādiśodhakaḥ || 27|| (caṇḍastāpāpaharaṇo)

करोतु मे महायोगी कल्याणानां परम्पराम् ।शङ्खकुन्देन्दुतुल्याभः कण्ठे मरकतप्रभः ॥ २८॥

karotu me mahāyogī kalyāṇānāṃ paramparām |śaṅkhakundendutulyābhaḥ kaṇṭhe marakataprabhaḥ || 28||

अक्षमाली शिखाग्रस्थः स्वयं ज्ञानव्यवस्थितः ।चतुर्मुखश्चतुष्पादत्रिनेत्रः सर्वदोज्ज्वलः ॥ २९॥

akṣamālī śikhāgrasthaḥ svayaṃ jñānavyavasthitaḥ |caturmukhaścatuṣpādatrinetraḥ sarvadojjvalaḥ || 29||

क्षितेः पतिर्वृषो देवो धर्मो धर्मतमो मतः ।ईशं वहति पृष्ठेन तस्माद्धर्मों जगत्प्रभुः ॥ ३०॥

kṣiteḥ patirvṛṣo devo dharmo dharmatamo mataḥ |īśaṃ vahati pṛṣṭhena tasmāddharmoṃ jagatprabhuḥ || 30||

वृषो वृषवरः श्रीमान् करोतु मम शान्तिकम् ।पद्मासनः पद्मनिभश्चतुर्वदनपङ्कजः ॥ ३१॥

vṛṣo vṛṣavaraḥ śrīmān karotu mama śāntikam |padmāsanaḥ padmanibhaścaturvadanapaṅkajaḥ || 31||

कमण्डलुधरः श्रीमान् देवगन्धर्वपूजितः ।शिवध्यानैकपरमः शिवसद्भावभावितः ॥ ३२॥

kamaṇḍaludharaḥ śrīmān devagandharvapūjitaḥ |śivadhyānaikaparamaḥ śivasadbhāvabhāvitaḥ || 32||

ब्रह्मशब्देन दिव्येन ब्रह्मा शान्तिं करोतु मे ।तार्क्ष्यासनश्चतुर्बाहुः शङ्खचक्रगदाधरः ॥ ३३॥

brahmaśabdena divyena brahmā śāntiṃ karotu me |tārkṣyāsanaścaturbāhuḥ śaṅkhacakragadādharaḥ || 33||

श्यामः पीताम्बरधरो महाबलपराक्रमः ।यज्ञदेवोत्तमो देवो माधवो मधुसूदनः ॥ ३४॥

śyāmaḥ pītāmbaradharo mahābalaparākramaḥ |yajñadevottamo devo mādhavo madhusūdanaḥ || 34||

शिवप्रसादसम्पन्नः शिवध्यानपरायणः ।सर्वपापप्रमथनः सर्वाऽसुरनिकृन्तनः ॥ ३५॥

śivaprasādasampannaḥ śivadhyānaparāyaṇaḥ |sarvapāpapramathanaḥ sarvā'suranikṛntanaḥ || 35||

सर्वदा शान्तभावेन विष्णुः शान्तिं करोतु मे ।अर्हन्तः शान्तरूपी च पिच्छिस्कन्धैकपाणिकः ॥ ३६॥

sarvadā śāntabhāvena viṣṇuḥ śāntiṃ karotu me |arhantaḥ śāntarūpī ca picchiskandhaikapāṇikaḥ || 36||

दिग्वासा मत्तपङ्कश्च सौम्यचित्तः समाहितः ।संवृत्तलोचनः शान्तः शिवज्ञानैकचिन्तकः ॥ ३७॥

digvāsā mattapaṅkaśca saumyacittaḥ samāhitaḥ |saṃvṛttalocanaḥ śāntaḥ śivajñānaikacintakaḥ || 37||

शान्तिं करोतु मे शान्तः शिवयोगेन भावितः ।जितेन्द्रियः समाधिस्थः पात्रचीवरभूषितः ॥ ३८॥

śāntiṃ karotu me śāntaḥ śivayogena bhāvitaḥ |jitendriyaḥ samādhisthaḥ pātracīvarabhūṣitaḥ || 38||

वरदाभयपाणिश्च ज्ञानध्यानरतः सदा ।योगवृष्टिसमायुक्तः शिवभानेन भावितः ॥ ३९॥

varadābhayapāṇiśca jñānadhyānarataḥ sadā |yogavṛṣṭisamāyuktaḥ śivabhānena bhāvitaḥ || 39||

शान्तिं करोतु मे देवः सर्वसत्त्वहिते रतः ।पीतवर्णेन देहेन हारेण सुविचित्रितः ॥ ४०॥

śāntiṃ karotu me devaḥ sarvasattvahite rataḥ |pītavarṇena dehena hāreṇa suvicitritaḥ || 40||

सर्वाङ्गसुन्दरी देवी विजया जयकारिणी ।शिवाऽर्चनरता नित्यं शिवजाप्यपरायणा ॥ ४१॥

sarvāṅgasundarī devī vijayā jayakāriṇī |śivā'rcanaratā nityaṃ śivajāpyaparāyaṇā || 41||

धरित्री लोकमाता च नित्यं रक्षां करोतु मे ।नन्दा भद्रा च सुरभिः सुशीला सुमनास्तथा ॥ ४२॥

dharitrī lokamātā ca nityaṃ rakṣāṃ karotu me |nandā bhadrā ca surabhiḥ suśīlā sumanāstathā || 42||

क्षीरोदादुत्थिता गावो लोकानां हितकाम्यया ।प्रीणयन्ति सदा देवान् विप्राँश्चैवाऽविशेषतः ॥ ४३॥ (विप्रां)

kṣīrodādutthitā gāvo lokānāṃ hitakāmyayā |prīṇayanti sadā devān viprām̐ścaivā'viśeṣataḥ || 43|| (viprāṃ)

नित्यं च देवतात्मानः कुर्वन्तु मम शान्तिकम् ।पद्मरागप्रभा देवी चतुर्वदनपङ्कजा ॥ ४४॥

nityaṃ ca devatātmānaḥ kurvantu mama śāntikam |padmarāgaprabhā devī caturvadanapaṅkajā || 44||

अक्षमालार्पितकरा कमण्डलुधरा शुभा ।ब्रह्माणी सौम्यवदना शिवपूजापरायणा ॥ ४५॥

akṣamālārpitakarā kamaṇḍaludharā śubhā |brahmāṇī saumyavadanā śivapūjāparāyaṇā || 45||

शान्तिं करोतु मे प्रीता ब्रह्मशब्देन सर्वदा ।हिमशैलनिभा देवी महावृषभवाहिनी ॥ ४६॥

śāntiṃ karotu me prītā brahmaśabdena sarvadā |himaśailanibhā devī mahāvṛṣabhavāhinī || 46||

त्रिशूलहस्ता वरदा नानाऽऽभरणभूषिता ।चतुर्भुजा चतुर्वक्त्रा त्रिनेत्रा पापहारिणी ॥ ४७॥

triśūlahastā varadā nānā''bharaṇabhūṣitā |caturbhujā caturvaktrā trinetrā pāpahāriṇī || 47||

आर्तिं हरतु मे माता रुद्राणी नित्यमुज्ज्वला ।मयूरवाहना देवी सिन्दूरारुणविग्रहा ॥ ४८॥

ārtiṃ haratu me mātā rudrāṇī nityamujjvalā |mayūravāhanā devī sindūrāruṇavigrahā || 48||

शक्तिहस्ता महारूपा सर्वाऽलङ्कारभूषिता ।रुद्रभक्ता महावीर्या रुद्रार्चनरता सदा ॥ ४९॥

śaktihastā mahārūpā sarvā'laṅkārabhūṣitā |rudrabhaktā mahāvīryā rudrārcanaratā sadā || 49||

कौमारी वरदा देवी शान्तिमाशु करोतु मे ।खड्गचक्रगदाहस्ता श्यामा पीताम्बरप्रिया ॥ ५०॥

kaumārī varadā devī śāntimāśu karotu me |khaḍgacakragadāhastā śyāmā pītāmbarapriyā || 50||