शङ्करप्रार्थनास्तोत्रम् Shankara Prarthana Stotram

शङ्कर सुखकर गुरो परमदेवदेहि मयि ते दृश उरोरसकृदेव ।किङ्करवरामरतरो परमदेवपात लवमद्य गतरोष जितदेव ॥ १॥

śaṅkara sukhakara guro paramadevadehi mayi te dṛśa urorasakṛdeva |kiṅkaravarāmarataro paramadevapāta lavamadya gataroṣa jitadeva || 1||

पूर्णकरुणाञ्चितकटाक्षवरदृष्ट्यातापशमनं कुरु ममार्य वरदृष्ट्या ।नैव मम तिष्ठति नमःसदनुशिष्ट्याज्ञातमिदमर्थितमिहेदमपि दिष्ट्या ॥ २॥

pūrṇakaruṇāñcitakaṭākṣavaradṛṣṭyātāpaśamanaṃ kuru mamārya varadṛṣṭyā |naiva mama tiṣṭhati namaḥsadanuśiṣṭyājñātamidamarthitamihedamapi diṣṭyā || 2||

कर्मभिपरपारभववारिधिनिरस्तम्काममुखघोरमकरार्तमपशस्तम् ।जन्ममुखवीचिभिरतस्तत उदस्तम्त्रस्तमित उद्धर गृहाण मम हस्तम् ॥ ३॥

karmabhiparapārabhavavāridhinirastamkāmamukhaghoramakarārtamapaśastam |janmamukhavīcibhiratastata udastamtrastamita uddhara gṛhāṇa mama hastam || 3||

त्रस्तशरणार्थिकरुणोक्तमपि किं तेन श्रुतमपीदृश उपेक्ष्य इह किं ते ।उद्धरणमस्य करुणाकर कियत्तेऽथापि न मनो द्रवति कोमलमहो ते ॥ ४॥

trastaśaraṇārthikaruṇoktamapi kiṃ tena śrutamapīdṛśa upekṣya iha kiṃ te |uddharaṇamasya karuṇākara kiyatte'thāpi na mano dravati komalamaho te || 4||

प्रसीद मे सागस आर्तबन्धोकारुण्यसिन्धोऽनुपमास्तबन्धो ।बन्धो मृषापि व्यथयत्ययं माम्स्वप्नोपमं छिन्ध्यव सर्वतो माम् ॥ ५॥

prasīda me sāgasa ārtabandhokāruṇyasindho'nupamāstabandho |bandho mṛṣāpi vyathayatyayaṃ māmsvapnopamaṃ chindhyava sarvato mām || 5||

इति श्रीवासुदेवानन्दसरस्वतीविरचितं प्रार्थनास्तोत्रं सम्पूर्णम् ।

iti śrīvāsudevānandasarasvatīviracitaṃ prārthanāstotraṃ sampūrṇam |