शनिप्रदोषमहिमावर्णनम् Shanipradoshamahimavarnanam

(शिवरहस्यान्तर्गते महादेवाख्ये)शिवपार्वतीसंवादेश्रीमहादेव उवाच ।त्रयोदशी प्रदोषेभ्यो मन्दवारेण संयुतः ।प्रदोषो मे महाप्रीतिदायकः शङ्करि प्रियो ॥ १॥

(śivarahasyāntargate mahādevākhye)śivapārvatīsaṃvādeśrīmahādeva uvāca |trayodaśī pradoṣebhyo mandavāreṇa saṃyutaḥ |pradoṣo me mahāprītidāyakaḥ śaṅkari priyo || 1||

शनिप्रदोषे सम्प्राप्ते शुक्ले कृष्णेऽथवा शिवे ।पक्षद्वये त्रयोदश्यां निराहारो भवेदथ ॥ २॥

śanipradoṣe samprāpte śukle kṛṣṇe'thavā śive |pakṣadvaye trayodaśyāṃ nirāhāro bhavedatha || 2||

ब्रह्मचारी गृही भिक्षुर्वनी नारी नरोऽपि ।नित्यं नैमित्तिकं काम्यमिति त्रेधाऽस्य संस्थितिः ॥ ३॥

brahmacārī gṛhī bhikṣurvanī nārī naro'pi |nityaṃ naimittikaṃ kāmyamiti tredhā'sya saṃsthitiḥ || 3||

यो यथा कामयेद्वापि द्वादशाब्दं समाचरेत् ।उद्यापनं चास्य शिवे सोमवारसमो विधिः ॥ ४॥

yo yathā kāmayedvāpi dvādaśābdaṃ samācaret |udyāpanaṃ cāsya śive somavārasamo vidhiḥ || 4||

कालो हि माघमासोऽस्य श्रावणो वा महेश्वरि ।शनिप्रदोषयोगेन यदा सम्पद्यते तदा ॥ ५॥

kālo hi māghamāso'sya śrāvaṇo vā maheśvari |śanipradoṣayogena yadā sampadyate tadā || 5||

कुर्यादुद्यापनं चास्य आजन्मा नैवमाचरेत् ।विधिमस्य प्रवक्ष्यामि पूजायाः शृणु शैलजे ॥ ६॥

kuryādudyāpanaṃ cāsya ājanmā naivamācaret |vidhimasya pravakṣyāmi pūjāyāḥ śṛṇu śailaje || 6||

नद्यादौ च नरः स्नात्वा शुक्लवासा जितेन्द्रियः ।प्रक्षाल्य पादावाचम्य यतवाक् शुद्धमानसः ॥ ७॥

nadyādau ca naraḥ snātvā śuklavāsā jitendriyaḥ |prakṣālya pādāvācamya yatavāk śuddhamānasaḥ || 7||

अग्निरित्यादिभिर्मन्त्रैर्भस्मनोद्धूल्य विग्रहम् ।त्रियायुषत्रिपुण्ड्राङ्कः रुद्राक्षाभरणोज्जवलः ॥ ८॥

agnirityādibhirmantrairbhasmanoddhūlya vigraham |triyāyuṣatripuṇḍrāṅkaḥ rudrākṣābharaṇojjavalaḥ || 8||

घटीत्रयावशेषेण नित्यकर्म समाप्य च ।लिङ्गस्य पार्श्वमागत्य कुर्यात्सङ्कल्पपूर्वकम् ॥ ९॥

ghaṭītrayāvaśeṣeṇa nityakarma samāpya ca |liṅgasya pārśvamāgatya kuryātsaṅkalpapūrvakam || 9||

सम्पाद्य पूजासम्भारं कालं लब्ध्वाथ तं शिवे ।त्रयोदश्यां दिवा स्थित्वा निराहारो महेश्वर ! ॥ १०॥

sampādya pūjāsambhāraṃ kālaṃ labdhvātha taṃ śive |trayodaśyāṃ divā sthitvā nirāhāro maheśvara ! || 10||

नक्तं भोक्ष्यामि देवेश त्राहि मां कृपया हर ।सर्वपापक्षयकरः ऋणदारिद्र्यनाशकः ॥ ११॥

naktaṃ bhokṣyāmi deveśa trāhi māṃ kṛpayā hara |sarvapāpakṣayakaraḥ ṛṇadāridryanāśakaḥ || 11||

दुर्लभः शनिवारेण युक्तो मुक्तिप्रदो नृणाम् ।प्रदोषो दुर्लभतरस्तत्र पूजापि दुर्लभा ॥ १२॥

durlabhaḥ śanivāreṇa yukto muktiprado nṛṇām |pradoṣo durlabhatarastatra pūjāpi durlabhā || 12||

देव्युवाच ।भगवन् केन विधिना समभ्यर्च्य महेश्वरम् ।प्रदोषे चास्तदोषे ते शनियुक्ते शिवार्चकैः ॥ १३॥

devyuvāca |bhagavan kena vidhinā samabhyarcya maheśvaram |pradoṣe cāstadoṣe te śaniyukte śivārcakaiḥ || 13||

सर्वपापविनिर्मुक्तः सर्वान्कामान्वाप्नुयात् ।शिव उवाच ।सायं सन्ध्याप्रदोषे तु त्रयोदश्यां शनेर्दिने ॥ १४॥

sarvapāpavinirmuktaḥ sarvānkāmānvāpnuyāt |śiva uvāca |sāyaṃ sandhyāpradoṣe tu trayodaśyāṃ śanerdine || 14||

अब्दश्चेच्छुक्लकृष्णे वा शिवं दृष्ट्वा महाफलम् ।स्थावरे जङ्गमे वापि लिङ्गे तुङ्गे महेश्वरि ॥ १५॥

abdaścecchuklakṛṣṇe vā śivaṃ dṛṣṭvā mahāphalam |sthāvare jaṅgame vāpi liṅge tuṅge maheśvari || 15||

उदये द्वादशी किञ्चित्प्रदोषेऽथ त्रयोदशी ।शिवार्चननेन यत्पुण्यं तत्पुण्यं नान्यधर्मतः ॥ १६॥

udaye dvādaśī kiñcitpradoṣe'tha trayodaśī |śivārcananena yatpuṇyaṃ tatpuṇyaṃ nānyadharmataḥ || 16||

देववादैस्तथान्यैर्वा योगैर्वा किं तपस्यया ।शनिप्रदोषे लिङ्गार्चा एकबिल्वप्रपूजना ॥ १७॥

devavādaistathānyairvā yogairvā kiṃ tapasyayā |śanipradoṣe liṅgārcā ekabilvaprapūjanā || 17||

शनिप्रदोषं सम्प्राप्य प्रातः कृत्यं समाप्य च ।स्नात्वा नद्यां तटाके वा धौतवासा जितेन्द्रियः ॥ १८॥

śanipradoṣaṃ samprāpya prātaḥ kṛtyaṃ samāpya ca |snātvā nadyāṃ taṭāke vā dhautavāsā jitendriyaḥ || 18||

उपास्य पश्चिमां सन्ध्यां भस्मरुद्राक्षभूषणः ।शिवागारं प्रविश्याथ वितानसमलङ्कृतम् ॥ १९॥

upāsya paścimāṃ sandhyāṃ bhasmarudrākṣabhūṣaṇaḥ |śivāgāraṃ praviśyātha vitānasamalaṅkṛtam || 19||

पुष्पमालाऽऽवृतं चारु तौर्यत्रिकविनादितम् ।उपविश्यासने शुभ्रे प्राणानायम्य वाग्यतः ॥ २०॥

puṣpamālā''vṛtaṃ cāru tauryatrikavināditam |upaviśyāsane śubhre prāṇānāyamya vāgyataḥ || 20||

भूतशुद्धिं ततः कृत्वा मातृकाक्षरपूर्वकम् ।मन्त्रन्यासं ततः कृत्वा शिवपीठं समर्चयेत् ॥ २१॥

bhūtaśuddhiṃ tataḥ kṛtvā mātṛkākṣarapūrvakam |mantranyāsaṃ tataḥ kṛtvā śivapīṭhaṃ samarcayet || 21||

आधारशक्तिपूजां च कुर्यादागममन्त्रतः ।उमामहेश्वरं लिङ्गे स्थाप्य पीठे मनोरमे ॥ २२॥

ādhāraśaktipūjāṃ ca kuryādāgamamantrataḥ |umāmaheśvaraṃ liṅge sthāpya pīṭhe manorame || 22||

पञ्चब्रह्मविधानेन देवं ध्यायेद्विचक्षणः ।मूलमन्त्रात्मकं देवमम्बिकासहितं शिवम् ॥ २३॥

pañcabrahmavidhānena devaṃ dhyāyedvicakṣaṇaḥ |mūlamantrātmakaṃ devamambikāsahitaṃ śivam || 23||

ध्यात्वा चावाहयेद्देवं पद्मस्थं पद्मसन्निभम् ।चतुर्भुजं प्रसन्नास्यं वरदाभयपाणिकम् ॥ २४॥

dhyātvā cāvāhayeddevaṃ padmasthaṃ padmasannibham |caturbhujaṃ prasannāsyaṃ varadābhayapāṇikam || 24||

अक्षमालावृतकरं चन्द्ररेखाविभूषितम् ।नीलकण्ठं त्रिणनेत्रं मां त्वां च मद्वामपार्श्वगाम् ॥ २५॥

akṣamālāvṛtakaraṃ candrarekhāvibhūṣitam |nīlakaṇṭhaṃ triṇanetraṃ māṃ tvāṃ ca madvāmapārśvagām || 25||

सोमधामाननां चारुचञ्चच्चन्द्रकलाधराम् ।प्रसन्नास्यां च सुदतीं ताटङ्कपरिमण्डिताम् ॥ २६॥

somadhāmānanāṃ cārucañcaccandrakalādharām |prasannāsyāṃ ca sudatīṃ tāṭaṅkaparimaṇḍitām || 26||

सर्वाभरणशोभाढ्यां वासस्स्रग्गन्धभूषिताम् ।एवं ध्यात्वार्चयेद्देवं श्रद्धया परमेश्वरम् ॥ २७॥

sarvābharaṇaśobhāḍhyāṃ vāsassraggandhabhūṣitām |evaṃ dhyātvārcayeddevaṃ śraddhayā parameśvaram || 27||

अत्रागच्छ महादेव पार्वत्या सह शङ्कर ।गृहाण मत्कृतां पूजामासनं परमेश्वरि ॥ २८॥

atrāgaccha mahādeva pārvatyā saha śaṅkara |gṛhāṇa matkṛtāṃ pūjāmāsanaṃ parameśvari || 28||

भवायेति शिवे पाद्यं वामायेति तथाचमम् ।अर्घ्यं सद्येति मन्त्रेण सपुष्पं विनिवेदयेत् ॥ २९॥

bhavāyeti śive pādyaṃ vāmāyeti tathācamam |arghyaṃ sadyeti mantreṇa sapuṣpaṃ vinivedayet || 29||

अधोरेण शिवे स्नानं वस्त्रं तत्पुरुषेण च ।ईशानेति च मन्त्रेण उपवीतं प्रकल्पयेत् ॥ ३०॥

adhoreṇa śive snānaṃ vastraṃ tatpuruṣeṇa ca |īśāneti ca mantreṇa upavītaṃ prakalpayet || 30||

यज्ञोपवीतमन्त्रेण दद्यादुत्तरवाससम् ।गन्धमाल्याक्षतान् दद्यान्नमः सोमाय मन्त्रतः ॥ ३१॥

yajñopavītamantreṇa dadyāduttaravāsasam |gandhamālyākṣatān dadyānnamaḥ somāya mantrataḥ || 31||

त्रियम्बकेति मन्त्रेण बिल्वपत्राणि चार्पयेत् ।इमा रुद्रेति मन्त्रेण अक्षतांश्च समर्पयेत् ॥ ३२॥

triyambaketi mantreṇa bilvapatrāṇi cārpayet |imā rudreti mantreṇa akṣatāṃśca samarpayet || 32||

मानस्तोकेन धूपं च मानो मन्त्रेण दीपकम् ।यच्छं च योश्च मन्त्रेण नैवेद्यं दापयेच्छिवे ॥ ३३॥

mānastokena dhūpaṃ ca māno mantreṇa dīpakam |yacchaṃ ca yośca mantreṇa naivedyaṃ dāpayecchive || 33||

परिणेति परीवारान् पूजयेत यतव्रतः ।ब्रह्माणं भास्करं विष्णुं जयं विजयमेव च ॥ ३४॥

pariṇeti parīvārān pūjayeta yatavrataḥ |brahmāṇaṃ bhāskaraṃ viṣṇuṃ jayaṃ vijayameva ca || 34||

दुर्गां गणपतिं चैव यजेत्प्राच्यादियोगतः ।नन्दीशं क्षेत्रपालं च चण्डेशं भैरवं तथा ॥ ३५॥

durgāṃ gaṇapatiṃ caiva yajetprācyādiyogataḥ |nandīśaṃ kṣetrapālaṃ ca caṇḍeśaṃ bhairavaṃ tathā || 35||

कैलासादीनाथाद्रींश्च कपालं शूलमेव च ।अथ सम्पूज्य विधिवत् मदग्रे वृषभेश्वरम् ॥ ३६॥

kailāsādīnāthādrīṃśca kapālaṃ śūlameva ca |atha sampūjya vidhivat madagre vṛṣabheśvaram || 36||

स्तुहि श्रुतेति मन्त्रेण वृषभं धर्मरूपिणम् ।मीढुष्टमेति च स्कन्दं गणानां त्वा गणाधिपम् ॥ ३७॥

stuhi śruteti mantreṇa vṛṣabhaṃ dharmarūpiṇam |mīḍhuṣṭameti ca skandaṃ gaṇānāṃ tvā gaṇādhipam || 37||

सर्वोपचारैर्देवस्य देव्या सह समर्चनम् ।परिवारान् समभ्यर्च्य तत्तन्मन्त्रैर्विशेषतः ॥ ३८॥

sarvopacārairdevasya devyā saha samarcanam |parivārān samabhyarcya tattanmantrairviśeṣataḥ || 38||

महानैवेद्यमीशाय देवस्यत्वेति मन्त्रतः ।प्रणामप्रक्रमं चैव नीराजनपुरःसरम् ॥ ३९॥

mahānaivedyamīśāya devasyatveti mantrataḥ |praṇāmaprakramaṃ caiva nīrājanapuraḥsaram || 39||

छत्रचामरदानं च घण्टा तौर्यत्रिकं शिवे ।दद्यात्प्रसादयेद्देवं क्षम्यतामिति सत्तमे ॥ ४०॥

chatracāmaradānaṃ ca ghaṇṭā tauryatrikaṃ śive |dadyātprasādayeddevaṃ kṣamyatāmiti sattame || 40||

होमं च वाग्यतः कुर्यात्प्रतिष्ठाप्य हुताशनम् ।अष्टोत्तरसमिद्भिश्च बैल्वाज्यचरुणा शतम् ॥ ४१॥

homaṃ ca vāgyataḥ kuryātpratiṣṭhāpya hutāśanam |aṣṭottarasamidbhiśca bailvājyacaruṇā śatam || 41||

शतरुद्रेण जुहुयात्वषेष्यन्त्यपिस्विष्टकृत् ।ततस्स्तुवीत देवेशं शङ्करं शशिशेखरम् ॥ ४२॥

śatarudreṇa juhuyātvaṣeṣyantyapisviṣṭakṛt |tatasstuvīta deveśaṃ śaṅkaraṃ śaśiśekharam || 42||

(अथ शिवशिवास्तुतिः)भवाय भवनाशाय महादेवाय धीमहि ।शिवाय नीलकण्ठाय शर्वाय शशिमौलये ॥ ४३॥

(atha śivaśivāstutiḥ)bhavāya bhavanāśāya mahādevāya dhīmahi |śivāya nīlakaṇṭhāya śarvāya śaśimaulaye || 43||

उग्रायोग्राघनाशाय भीमाय भयनाशिने ।ईशानाय नमस्तुभ्यं पशूनां पतये नमः ॥ ४४॥

ugrāyogrāghanāśāya bhīmāya bhayanāśine |īśānāya namastubhyaṃ paśūnāṃ pataye namaḥ || 44||

यथा समस्ताभयदः पशूनां पाशमोचकः ।तथा व्रतेन मे तुष्टः ऋणदौर्भाग्यनाशकः ॥ ४५॥

yathā samastābhayadaḥ paśūnāṃ pāśamocakaḥ |tathā vratena me tuṣṭaḥ ṛṇadaurbhāgyanāśakaḥ || 45||

नमो गौर्यै महादेव्यै भवान्यै ते शिवे नमः ।शिवप्रदायै शर्वाण्यै सृष्टिस्थित्यन्तहेतवे ॥ ४६॥

namo gauryai mahādevyai bhavānyai te śive namaḥ |śivapradāyai śarvāṇyai sṛṣṭisthityantahetave || 46||

नमोऽस्त्वार्तिविनाशिन्यै तुभ्यं सर्वभयापहे ।तुभ्यमानन्दरूपिण्यै नमः कमललोचने ॥ ४७॥

namo'stvārtivināśinyai tubhyaṃ sarvabhayāpahe |tubhyamānandarūpiṇyai namaḥ kamalalocane || 47||

विद्यायै वेदमात्रे च वेदशक्तिस्वरूपिणि ।अम्बिके ते नमो नित्यं ममास्तु वरदः शिवः ॥ ४८॥

vidyāyai vedamātre ca vedaśaktisvarūpiṇi |ambike te namo nityaṃ mamāstu varadaḥ śivaḥ || 48||

(इति शिवशिवास्तुतिः)इत्युपस्थाय मां देवि पुनः कुर्यात्प्रदक्षिणाम् ।कृत्वा सव्यापसेव्येन प्रदक्षिणविधानतः ॥ ४९॥

(iti śivaśivāstutiḥ)ityupasthāya māṃ devi punaḥ kuryātpradakṣiṇām |kṛtvā savyāpasevyena pradakṣiṇavidhānataḥ || 49||

शतमष्टोत्तरं कृत्वा प्रणम्य च पुनः पुनः ।सव्यापसव्यमानेन सोमसूत्रं न लङ्घयेत् ॥ ५०॥

śatamaṣṭottaraṃ kṛtvā praṇamya ca punaḥ punaḥ |savyāpasavyamānena somasūtraṃ na laṅghayet || 50||

शनैः शनैः क्रमं कुर्यात्त्वरालस्यादिवर्जितः ।देवं सम्मुखतः कृत्वा ब्राह्मणांश्च विशेषतः ॥ ५१॥

śanaiḥ śanaiḥ kramaṃ kuryāttvarālasyādivarjitaḥ |devaṃ sammukhataḥ kṛtvā brāhmaṇāṃśca viśeṣataḥ || 51||

प्रदक्षिणं क्रमात्कुर्यात् वृषेण सहितं शिवम् ।यानि कानि च पापानि जन्मान्तरकृतानि च ॥ ५२॥

pradakṣiṇaṃ kramātkuryāt vṛṣeṇa sahitaṃ śivam |yāni kāni ca pāpāni janmāntarakṛtāni ca || 52||

तानि तानि विनश्यन्ति प्रदक्षिणपदे पदे ।एवं प्रदक्षिणं कृत्वा नमस्कृत्य पुनः पुनः ॥ ५३॥

tāni tāni vinaśyanti pradakṣiṇapade pade |evaṃ pradakṣiṇaṃ kṛtvā namaskṛtya punaḥ punaḥ || 53||

गणयित्वा पदं भूयस्तत्कोटिगुणितं भवेत् ।अङ्गप्रदक्षिणा देवि ततः कोटिगुणोत्तरा ॥ ५४॥

gaṇayitvā padaṃ bhūyastatkoṭiguṇitaṃ bhavet |aṅgapradakṣiṇā devi tataḥ koṭiguṇottarā || 54||

प्रति प्रदक्षिणं कृत्वा साष्टाङ्गं प्रणमेद्भुवि ।शिवस्याग्रे समे देशे भूमिसंलग्नमस्तकः ॥ ५५॥

prati pradakṣiṇaṃ kṛtvā sāṣṭāṅgaṃ praṇamedbhuvi |śivasyāgre same deśe bhūmisaṃlagnamastakaḥ || 55||

व्रती तु विधिवद् दद्यादर्घ्यमष्टाङ्गसंयुतम् ।गोक्षीरं च कुशाग्राणि घृतं दधि च तण्डुलाः ॥ ५६॥

vratī tu vidhivad dadyādarghyamaṣṭāṅgasaṃyutam |gokṣīraṃ ca kuśāgrāṇi ghṛtaṃ dadhi ca taṇḍulāḥ || 56||

सिद्धार्थकास्तथा दूर्वा गन्धपुष्पाक्षतास्तथा ।अर्थ्योऽष्टाङ्ग इति प्रोक्तस्तदभावे सुमैर्युतः ॥ ५७॥

siddhārthakāstathā dūrvā gandhapuṣpākṣatāstathā |arthyo'ṣṭāṅga iti proktastadabhāve sumairyutaḥ || 57||

पञ्चामृतं पञ्चगव्यं गन्धपुष्पकुशोदकम् ।फलजालरसं चापि घृताभ्यङ्गं तु कारयेत् ॥ ५८॥

pañcāmṛtaṃ pañcagavyaṃ gandhapuṣpakuśodakam |phalajālarasaṃ cāpi ghṛtābhyaṅgaṃ tu kārayet || 58||

भयरोगादिदारिद्र्यपापक्षुदपमृत्यवः ।ऋणशोकं मनस्तापं नश्यन्तु मम सर्वदा ॥ ५९॥

bhayarogādidāridryapāpakṣudapamṛtyavaḥ |ṛṇaśokaṃ manastāpaṃ naśyantu mama sarvadā || 59||

मन्त्रेणानेन दत्वार्घ्यं त्रिवारं प्रार्थयेच्छिवम् ।प्रसीद देव देवेश प्रसीद परमेश्वर ॥ ६०॥

mantreṇānena datvārghyaṃ trivāraṃ prārthayecchivam |prasīda deva deveśa prasīda parameśvara || 60||

प्रसीद सोम सर्वज्ञ प्रसीद करुणाकर ।एवं सम्प्रार्थ्य देवेशमुमां चापि ततो व्रती ॥ ६१॥

prasīda soma sarvajña prasīda karuṇākara |evaṃ samprārthya deveśamumāṃ cāpi tato vratī || 61||

शनिप्रदोषयोगे मे व्रतं सम्पूर्णतामियात् ।प्रसादं कुरु देवेश येन मुच्ये ऋणार्णवात् ॥ ६२॥

śanipradoṣayoge me vrataṃ sampūrṇatāmiyāt |prasādaṃ kuru deveśa yena mucye ṛṇārṇavāt || 62||

जन्मान्तरसहस्रेषु यदृणं च कृतं मया ।दैवं पित्र्यं मानुषार्षं मुच्ये ऋणचतुष्टयात् ॥ ६३॥

janmāntarasahasreṣu yadṛṇaṃ ca kṛtaṃ mayā |daivaṃ pitryaṃ mānuṣārṣaṃ mucye ṛṇacatuṣṭayāt || 63||

अनृणोऽहं भविष्यामि धनाढयोऽहं भवामि च ।इत्थं सम्प्रार्थ्य देवेशमाचार्यं पूजयेच्छिवे ॥ ६४॥

anṛṇo'haṃ bhaviṣyāmi dhanāḍhayo'haṃ bhavāmi ca |itthaṃ samprārthya deveśamācāryaṃ pūjayecchive || 64||

होमशेषं दापयेच्च गां च दद्यात्पयस्विनीम् ।अरोगां च सवत्सां च कांस्यदोहनसंयुताम् ॥ ६५॥

homaśeṣaṃ dāpayecca gāṃ ca dadyātpayasvinīm |arogāṃ ca savatsāṃ ca kāṃsyadohanasaṃyutām || 65||

अणुमात्रप्रदानेन प्रदोषेऽथ शनेर्दिने ।इहामुत्राक्षयं पुण्यं भोगानाप्नोति शाश्वतान् ॥ ६६॥

aṇumātrapradānena pradoṣe'tha śanerdine |ihāmutrākṣayaṃ puṇyaṃ bhogānāpnoti śāśvatān || 66||

ततो वृषभमभ्यर्च्य गन्धपुष्पाक्षतादिभिः ।धूपदीपै च नैवेद्यं ताम्बूलं श्वेतवस्त्रकम् ॥ ६७॥

tato vṛṣabhamabhyarcya gandhapuṣpākṣatādibhiḥ |dhūpadīpai ca naivedyaṃ tāmbūlaṃ śvetavastrakam || 67||

वृषाय धर्मरूपाय शिवाय शिवमूर्तये ।इत्यर्घ्यं प्रार्थ्य दत्वा तु प्रार्थयेत्तं यतव्रतः ॥ ६८॥

vṛṣāya dharmarūpāya śivāya śivamūrtaye |ityarghyaṃ prārthya datvā tu prārthayettaṃ yatavrataḥ || 68||

अण्डं स्पृष्ट्वा जपेन्मन्त्रमिन्मतस्य वृषस्य च ।शृङ्गमध्ये शिवं दृष्ट्वा ममाहितमनाः शिवे ॥ ६९॥

aṇḍaṃ spṛṣṭvā japenmantraminmatasya vṛṣasya ca |śṛṅgamadhye śivaṃ dṛṣṭvā mamāhitamanāḥ śive || 69||

धर्मस्त्वं वृषरूपेण जगदानन्दकारकः ।अष्टमूर्तेरधिष्ठाता त्वमतः पाहि मामधात् ॥ ७०॥

dharmastvaṃ vṛṣarūpeṇa jagadānandakārakaḥ |aṣṭamūrteradhiṣṭhātā tvamataḥ pāhi māmadhāt || 70||

पृथिव्यां यानि तीर्थानि सागरान्तानि यानि वै ।अण्डमाश्रित्य तिष्ठन्ति प्रदोषे गोवृषस्य च ॥ ७१॥

pṛthivyāṃ yāni tīrthāni sāgarāntāni yāni vai |aṇḍamāśritya tiṣṭhanti pradoṣe govṛṣasya ca || 71||

कुर्यात्तद्वृषणं स्पृष्ट्वा शङ्करस्य विलोकनम् ।प्रदोषे शङ्करं दृष्ट्वा वृषशृङ्गान्तरे शिवे ॥ ७२॥

kuryāttadvṛṣaṇaṃ spṛṣṭvā śaṅkarasya vilokanam |pradoṣe śaṅkaraṃ dṛṣṭvā vṛṣaśṛṅgāntare śive || 72||

ब्रह्महत्याऽयुतं नश्येन्मुक्तिं भुक्तिं च विन्दति ।एवं दृष्ट्वा तु भुञ्जीत शाम्भवैः क्षारवर्जितम् ॥ ७३॥

brahmahatyā'yutaṃ naśyenmuktiṃ bhuktiṃ ca vindati |evaṃ dṛṣṭvā tu bhuñjīta śāmbhavaiḥ kṣāravarjitam || 73||

व्रतं समर्प्य देवाय मन्त्रेणानेन शाम्भवि ।व्रतेनानेन चीर्णेन प्रसन्नो भव शङ्कर ॥ ७४॥

vrataṃ samarpya devāya mantreṇānena śāmbhavi |vratenānena cīrṇena prasanno bhava śaṅkara || 74||

त्वद्भक्तिं परमं ज्ञानं मुक्तिं चैव प्रयच्छ मे ।अज्ञानाद् ज्ञानतो वापि यत्कृतं पूजनं तव ॥ ७५॥

tvadbhaktiṃ paramaṃ jñānaṃ muktiṃ caiva prayaccha me |ajñānād jñānato vāpi yatkṛtaṃ pūjanaṃ tava || 75||

शनिप्रदोषयोगेऽस्मिन् तदस्तु प्रीतिकृत्तव ।एवं कृत्वा व्रतं भक्त्या सम्पूज्य शिवमम्बिकाम् ॥ ७६॥

śanipradoṣayoge'smin tadastu prītikṛttava |evaṃ kṛtvā vrataṃ bhaktyā sampūjya śivamambikām || 76||

सर्वज्ञत्वमवाप्नोति मम लोकं स विन्दति ।इदं व्रतं सप्तकृत्वो यः करोति जितेन्द्रियः ॥ ७७॥

sarvajñatvamavāpnoti mama lokaṃ sa vindati |idaṃ vrataṃ saptakṛtvo yaḥ karoti jitendriyaḥ || 77||

महत्फलमवाप्नोति ऋणकोट्या विमुच्यते ।एकविंशति कृत्वस्तु व्रतमेतत्सुदुर्लभम् ॥ ७८॥

mahatphalamavāpnoti ṛṇakoṭyā vimucyate |ekaviṃśati kṛtvastu vratametatsudurlabham || 78||

पुत्राँल्ललभते लोके भुक्तिं मुक्तिं च विन्दति ।व्रतसम्पूर्णतार्थाय गामेकां वृषभं शिवे ॥ ७९॥

putrām̐llalabhate loke bhuktiṃ muktiṃ ca vindati |vratasampūrṇatārthāya gāmekāṃ vṛṣabhaṃ śive || 79||

शिवाय वा द्विजायाथ दत्त्वा चाशीः प्रयोजयेत् ॥ ८०॥

śivāya vā dvijāyātha dattvā cāśīḥ prayojayet || 80||

ईश्वर उवाच ।दधिक्षीरमध्वाज्य सशर्कराभिःशिवे नारिकेलाम्रजम्बीरसारैः ।सुगन्धोदकैः पुष्पबिल्वादिभिर्मांसमभ्यर्च्य मुक्तः शिवे धूपदीपैः ॥ ८४॥

īśvara uvāca |dadhikṣīramadhvājya saśarkarābhiḥśive nārikelāmrajambīrasāraiḥ |sugandhodakaiḥ puṣpabilvādibhirmāṃsamabhyarcya muktaḥ śive dhūpadīpaiḥ || 84||

वरान्नैः शिवे पायसापूपशाकैःसुताम्बूलनीराजनछत्रदानैः ।प्रणामस्तव प्रक्रमैर्नृत्तगेयैर्वरैश्चामरैरर्चको मत्प्रियः स्यात् ॥ ८५॥

varānnaiḥ śive pāyasāpūpaśākaiḥsutāmbūlanīrājanachatradānaiḥ |praṇāmastava prakramairnṛttageyairvaraiścāmarairarcako matpriyaḥ syāt || 85||

ब्रह्माण्डमण्डलगतानि सुतीर्थषण्डान्यायान्ति मद्वृषवराण्डगतानि तत्र ।शृङ्गान्तरे तु निवसेदथ धर्मजालंतस्मात्प्रदोषसमये क्षणकृत्स्पृशेन्माम् ॥ ८६॥

brahmāṇḍamaṇḍalagatāni sutīrthaṣaṇḍānyāyānti madvṛṣavarāṇḍagatāni tatra |śṛṅgāntare tu nivasedatha dharmajālaṃtasmātpradoṣasamaye kṣaṇakṛtspṛśenmām || 86||

भूमौ पुत्रकलत्रमित्रसाहिताः सत्रातिरात्रादिभिःयष्टारोऽत्र भवन्ति धान्यधनकैर्गोभिश्च नागाश्वकैः ।प्रासादाम्बरभूषणं मम शिवे प्राप्य प्रसादोच्चयात्तस्मिन् तां प्रदिशामि सम्पदधिकां मुक्तिं प्रदोषार्चनात् ॥ ८७॥

bhūmau putrakalatramitrasāhitāḥ satrātirātrādibhiḥyaṣṭāro'tra bhavanti dhānyadhanakairgobhiśca nāgāśvakaiḥ |prāsādāmbarabhūṣaṇaṃ mama śive prāpya prasādoccayāttasmin tāṃ pradiśāmi sampadadhikāṃ muktiṃ pradoṣārcanāt || 87||

आनन्दाम्बुजकन्द एष गिरिजे मन्दप्रदोषो मममन्दारोत्तममालया सुमगणैः वृन्दारवृन्दोत्तमाः ।सानन्दाम्बुधिवीचिमग्नहृदयाः सम्पूजयन्ति द्रुतंकुन्दामन्दसुनिर्मलेन्दुशकलालङ्कारमीशे तदा ॥ ८८॥

ānandāmbujakanda eṣa girije mandapradoṣo mamamandārottamamālayā sumagaṇaiḥ vṛndāravṛndottamāḥ |sānandāmbudhivīcimagnahṛdayāḥ sampūjayanti drutaṃkundāmandasunirmalenduśakalālaṅkāramīśe tadā || 88||

शशिखण्डशिखण्डखण्डपर्शुंविधिमुण्डामलकुण्डलेशमालम् ।घनकोदण्डधरं त्वखण्डबिल्वैःप्रकटोच्चण्डताण्डवं समर्च्य नेमुः ॥ ८९॥

śaśikhaṇḍaśikhaṇḍakhaṇḍaparśuṃvidhimuṇḍāmalakuṇḍaleśamālam |ghanakodaṇḍadharaṃ tvakhaṇḍabilvaiḥprakaṭoccaṇḍatāṇḍavaṃ samarcya nemuḥ || 89||

शतमखमुखमुख्यलेखजालाःसुमुखा एव नमन्ति शङ्कराङ्घ्रिम् ।सकलघौघहरे प्रदोषकालेप्रमथा यल्लकलिङ्गकेन हृष्टाः ॥ ९०॥

śatamakhamukhamukhyalekhajālāḥsumukhā eva namanti śaṅkarāṅghrim |sakalaghaughahare pradoṣakālepramathā yallakaliṅgakena hṛṣṭāḥ || 90||

॥ इति शिवरहस्यान्तर्गते शनिप्रदोषमहिमावर्णनं सम्पूर्णम् ॥॥ श्रीशिवरहस्यम् । महादेवाख्यः एकादशमांशः । अध्यायः ३१ शनिप्रदोषमहिमा । वावृत्तश्लोकाः ॥– ॥ श्रीशिवरहस्यम् । महादेवाख्यः एकादशमांशः । अध्यायः ३१ शनिप्रदोषमहिमा । वावृत्तश्लोकाः ॥

|| iti śivarahasyāntargate śanipradoṣamahimāvarṇanaṃ sampūrṇam |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 31 śanipradoṣamahimā | vāvṛttaślokāḥ ||– || śrīśivarahasyam | mahādevākhyaḥ ekādaśamāṃśaḥ | adhyāyaḥ 31 śanipradoṣamahimā | vāvṛttaślokāḥ ||