shAnkaralakShaNam Rishikashyapaproktam Shankaralakshanam

(शिवरहस्यान्तर्गते भीमाख्ये)काश्यप उवाच ।स्तुवन्ति महादेवं ते वै हाराः प्रकीर्तिताः ।येऽर्चयन्ति महादेवं ते वै शाम्भवसत्तमाः ॥ १॥

(śivarahasyāntargate bhīmākhye)kāśyapa uvāca |stuvanti mahādevaṃ te vai hārāḥ prakīrtitāḥ |ye'rcayanti mahādevaṃ te vai śāmbhavasattamāḥ || 1||

ये ध्यायन्ति महेशानचरणाम्बुजमुत्तमम् ।ये वै क्षेत्रेषु निरता विरताश्चन्यवस्तुषु ॥ २॥

ye dhyāyanti maheśānacaraṇāmbujamuttamam |ye vai kṣetreṣu niratā viratāścanyavastuṣu || 2||

आनन्दवनवासेन सर्वदानन्दमेदुराः ।शिवलिङ्गार्चका एव ते वै साङ्गाः प्रकीर्तिताः ॥ ३॥

ānandavanavāsena sarvadānandamedurāḥ |śivaliṅgārcakā eva te vai sāṅgāḥ prakīrtitāḥ || 3||

ये वै नैवेद्यभोक्तारस्ते वै भावाः प्रकीर्तिताः ।ये नामनिरताः शम्भोरन्यनामपराङ्मुखाः ॥ ४॥

ye vai naivedyabhoktāraste vai bhāvāḥ prakīrtitāḥ |ye nāmaniratāḥ śambhoranyanāmaparāṅmukhāḥ || 4||

ते वै माहेश्वराः प्रोक्ताः पात्रभूताघहारिणः ।शिवभक्तार्चका ये वै धनधान्यादिभिर्मुदा ॥ ५॥

te vai māheśvarāḥ proktāḥ pātrabhūtāghahāriṇaḥ |śivabhaktārcakā ye vai dhanadhānyādibhirmudā || 5||

शाङ्करास्ते सदाज्ञेया दृष्टास्स्पृष्टाः प्रकादिनः ।ये भस्मोद्धूलोद्युक्तास्ते वै शैवाः प्रकीर्तिताः ॥ ६॥

śāṅkarāste sadājñeyā dṛṣṭāsspṛṣṭāḥ prakādinaḥ |ye bhasmoddhūlodyuktāste vai śaivāḥ prakīrtitāḥ || 6||

अग्निरित्यादिभिर्मन्त्रैः सर्वदा येऽनिशं मुदा ।दग्धपापास्त एवेति विज्ञेयाः शाम्भवोत्तमाः ॥ ७॥

agnirityādibhirmantraiḥ sarvadā ye'niśaṃ mudā |dagdhapāpāsta eveti vijñeyāḥ śāmbhavottamāḥ || 7||

त्र्यायुषं त्रिपुण्ड्रैश्च तथा च त्र्यम्बकैरपि ।त्रिपुण्ड्रधारिणः सर्वे ते रुद्रा (रौद्रा) नात्र संशयः ॥ ८॥

tryāyuṣaṃ tripuṇḍraiśca tathā ca tryambakairapi |tripuṇḍradhāriṇaḥ sarve te rudrā (raudrā) nātra saṃśayaḥ || 8||

अघोरमन्त्रतो ये वै सदा रुद्राक्षधारिणः ।कण्ठकर्णगलाद्यङ्गबाहुमस्तककेष्वपि ॥ ९॥

aghoramantrato ye vai sadā rudrākṣadhāriṇaḥ |kaṇṭhakarṇagalādyaṅgabāhumastakakeṣvapi || 9||

॥ इति शिवरहस्यान्तर्गते ऋषिकश्यपप्रोक्तं शाङ्करलक्षणं सम्पूर्णम् ॥॥ श्रीशिवरहस्यम् । भीमाख्यः अष्टमांशः । अध्यायः १६ । १९॥

|| iti śivarahasyāntargate ṛṣikaśyapaproktaṃ śāṅkaralakṣaṇaṃ sampūrṇam |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 16 | 19||

– ॥ श्रीशिवरहस्यम् ।भीमाख्यः अष्टमांशः ।अध्यायः १६ ।१-९॥

– || śrīśivarahasyam |bhīmākhyaḥ aṣṭamāṃśaḥ |adhyāyaḥ 16 | 1-9||