कालभैरवसहस्रनामस्तोत्रम् अथवा स्वर्णाकर्षणभैरवसहस्रनामस्तोत्रम् Khalabhairava Sahasranama Stotram

श्री गणेशाय नमः ।कैलासशिखरे रम्ये देवदेवं जगद्गुरुम् ।पप्रच्छ पार्वतीकान्तं शङ्करं लोकनायकम् ॥ १॥

śrī gaṇeśāya namaḥ |kailāsaśikhare ramye devadevaṃ jagadgurum |papraccha pārvatīkāntaṃ śaṅkaraṃ lokanāyakam || 1||

पार्वत्युवाच ।देवदेव महादेव सर्वज्ञ सुखदायक ।आपद्दुःखदरिद्रादि पीडितानां नृणां विभो ॥ २॥

pārvatyuvāca |devadeva mahādeva sarvajña sukhadāyaka |āpadduḥkhadaridrādi pīḍitānāṃ nṛṇāṃ vibho || 2||

यद्वित्तं सुखसम्पत्तिधनधान्यकरं सदा ।विशेषतो राजकुले शान्ति पुष्टि प्रदायकम् ॥ ३॥

yadvittaṃ sukhasampattidhanadhānyakaraṃ sadā |viśeṣato rājakule śānti puṣṭi pradāyakam || 3||

बालग्रहादि शमनं नाना सिद्धिकरं नृणाम् ।नोक्तपूर्वञ्चयन्नाथ ध्यानपूजा समन्वितम् ॥ ४॥

bālagrahādi śamanaṃ nānā siddhikaraṃ nṛṇām |noktapūrvañcayannātha dhyānapūjā samanvitam || 4||

वक्तुमर्हस्य शेषेण ममानन्द करं परम् ।ईश्वर उवाच ।स्तवराजं महामन्त्रं भैरवस्य शृणु प्रिये ॥ ५॥

vaktumarhasya śeṣeṇa mamānanda karaṃ param |īśvara uvāca |stavarājaṃ mahāmantraṃ bhairavasya śṛṇu priye || 5||

सर्वकामार्थदं देवि राज्यभोगप्रदं नृणाम् ।स्मरणात्स्तवराजस्य भूतप्रेतपिशाचकाः ॥ ६॥

sarvakāmārthadaṃ devi rājyabhogapradaṃ nṛṇām |smaraṇātstavarājasya bhūtapretapiśācakāḥ || 6||

विद्रवन्त्यभितोभीताः कालरुद्रादिवप्रजाः ।एकतः पन्नगाः सर्वे गरुडश्चैकतस्तथा ॥ ७॥

vidravantyabhitobhītāḥ kālarudrādivaprajāḥ |ekataḥ pannagāḥ sarve garuḍaścaikatastathā || 7||

एकतो घनसङ्घाताश्चण्डवातोयथैकतः ।एकतः पर्वताः सर्वे दम्भोलिस्त्वेकतस्तथा ॥ ८॥

ekato ghanasaṅghātāścaṇḍavātoyathaikataḥ |ekataḥ parvatāḥ sarve dambholistvekatastathā || 8||

एकतो दैत्यसङ्घाताह्यकतः स्यात्सुदर्शनम् ।एकतः काष्ठ सङ्घाता एकतोग्निकणोयथा ॥ ९॥

ekato daityasaṅghātāhyakataḥ syātsudarśanam |ekataḥ kāṣṭha saṅghātā ekatognikaṇoyathā || 9||

घनान्धकारस्त्वेकत्र तपनस्त्वेकतस्तथा ।तथैवास्य प्रभावस्तु स्मृतमात्रे न दृश्यते ॥ १०॥

ghanāndhakārastvekatra tapanastvekatastathā |tathaivāsya prabhāvastu smṛtamātre na dṛśyate || 10||

स्तवराजं भैरवस्य जपात्सिद्धिमवाप्नुयात् ।लिखित्वायद्गृहे देवि स्थापितं स्तवमुत्तमम् ॥ ११॥

stavarājaṃ bhairavasya japātsiddhimavāpnuyāt |likhitvāyadgṛhe devi sthāpitaṃ stavamuttamam || 11||

तद्गृहं नाभिभूयेत भूतप्रेतादिभिर्ग्रहैः ।साम्राज्यं सर्वसम्पत्तिः समृद्धि लभ्यते सुखम् ॥ १२॥

tadgṛhaṃ nābhibhūyeta bhūtapretādibhirgrahaiḥ |sāmrājyaṃ sarvasampattiḥ samṛddhi labhyate sukham || 12||

तत्कुलं नन्दते पुंसाम्पुत्रपौत्रादिभिर्धृवम् ।पार्वत्युवाच ।यस्त्वया कथितो देव भैरवः स्तोत्रमुत्तमम् ॥ १३॥

tatkulaṃ nandate puṃsāmputrapautrādibhirdhṛvam |pārvatyuvāca |yastvayā kathito deva bhairavaḥ stotramuttamam || 13||

अगण्य महिमा सिन्धुः श्रुतो मे बहुधा विभो ।तस्य नामान्यनन्तानि प्रयुतान्यर्बुदानि च ॥ १४॥

agaṇya mahimā sindhuḥ śruto me bahudhā vibho |tasya nāmānyanantāni prayutānyarbudāni ca || 14||

सन्ति सत्यं पुरा ज्ञातं मया वै परमेश्वर ।सारात्सारं समुधृत्य तेषु नाम सहस्रकम् ॥ १५॥

santi satyaṃ purā jñātaṃ mayā vai parameśvara |sārātsāraṃ samudhṛtya teṣu nāma sahasrakam || 15||

ब्रूहि मे करुणाकान्त ममानन्द वर्द्धन ।यन्नित्यं कीर्तयेन्मर्त्यः सर्वदुःखविवर्जितः ॥ १६॥

brūhi me karuṇākānta mamānanda varddhana |yannityaṃ kīrtayenmartyaḥ sarvaduḥkhavivarjitaḥ || 16||

सर्वान्कामानवाप्नोति सर्वसिद्धिञ्च विन्दति ।साधकः श्रद्धयायुक्तः सर्वाधिक्योर्कसद्युतिः ॥ १७॥

sarvānkāmānavāpnoti sarvasiddhiñca vindati |sādhakaḥ śraddhayāyuktaḥ sarvādhikyorkasadyutiḥ || 17||

अप्रधृष्यश्च भवति सङ्ग्रामाङ्गण मूर्द्धति ।नाग्निचोरभयं तस्य ग्रहराज भयं न च ॥ १८॥

apradhṛṣyaśca bhavati saṅgrāmāṅgaṇa mūrddhati |nāgnicorabhayaṃ tasya graharāja bhayaṃ na ca || 18||

न च मारी भयं तस्य व्याघ्रचोरभयं न च ।शत्रुणां शस्त्रसङ्घाते भयं क्वापि न जायते ॥ १९॥

na ca mārī bhayaṃ tasya vyāghracorabhayaṃ na ca |śatruṇāṃ śastrasaṅghāte bhayaṃ kvāpi na jāyate || 19||

आयुरारोग्यमैश्वर्यं पुत्र पौत्रादि सम्पदः ।भवति कीर्तनाद्यस्यतत्ब्रूहि करुणाकर ॥ २०॥

āyurārogyamaiśvaryaṃ putra pautrādi sampadaḥ |bhavati kīrtanādyasyatatbrūhi karuṇākara || 20||

ईश्वर उवाच ।नाम्नां सहस्रं दिव्यानं भैरवस्य भवत्कृते ।वक्ष्यामि तत्त्वतः सम्यक् सारात्सारतरं शुभम् ॥ २१॥

īśvara uvāca |nāmnāṃ sahasraṃ divyānaṃ bhairavasya bhavatkṛte |vakṣyāmi tattvataḥ samyak sārātsārataraṃ śubham || 21||

सर्वपापहरं पुण्यं सर्वोपद्रव नाशनम् ।सर्वसम्पत्प्रदं चैव साधकानां सुखावहम् ॥ २२॥

sarvapāpaharaṃ puṇyaṃ sarvopadrava nāśanam |sarvasampatpradaṃ caiva sādhakānāṃ sukhāvaham || 22||

सर्व मङ्गलमाङ्गल्यं सर्वव्याधिनिवारणम् ।आयुःकरं पुष्टिकरं श्रीकरं च यशस्करम् ॥ २३॥

sarva maṅgalamāṅgalyaṃ sarvavyādhinivāraṇam |āyuḥkaraṃ puṣṭikaraṃ śrīkaraṃ ca yaśaskaram || 23||

भैरव स्तवराजस्य महादेव ऋषिः स्मृतः ।भैरवोदेवताऽनुष्टुप्छन्दश्चैव प्रकीर्तितम् ॥ २४॥

bhairava stavarājasya mahādeva ṛṣiḥ smṛtaḥ |bhairavodevatā'nuṣṭupchandaścaiva prakīrtitam || 24||

सर्वकार्यप्रसिद्ध्यर्थं प्रीतये भैरवस्यहि ।करिष्ये हं जपमिति सङ्कल्प्यादौपुमान्सुधीः ॥ २५॥

sarvakāryaprasiddhyarthaṃ prītaye bhairavasyahi |kariṣye haṃ japamiti saṅkalpyādaupumānsudhīḥ || 25||

अस्य श्रीभैरवसहस्रनामस्तवराजस्य महादेवऋषिः ।अनुष्टुप्छन्दः । श्रीभैरवो देवता ।मम सर्वोपद्रवशान्त्यर्थे मम सर्वकार्यसिद्ध्यर्थेश्रीभैरव देवताप्रीत्यर्थे जपे विनियोगः ।(ऋषिः शिरसि विन्यस्य छन्दस्तु मुखतो न्यसेत् ।देवतां हृदयेन्यस्य ततो न्यासं समाचरेत् ॥ २६॥)

asya śrībhairavasahasranāmastavarājasya mahādevaṛṣiḥ |anuṣṭupchandaḥ | śrībhairavo devatā |mama sarvopadravaśāntyarthe mama sarvakāryasiddhyartheśrībhairava devatāprītyarthe jape viniyogaḥ |(ṛṣiḥ śirasi vinyasya chandastu mukhato nyaset |devatāṃ hṛdayenyasya tato nyāsaṃ samācaret || 26||)

ऋष्यादिन्यासः ।श्रीमहादेवऋषये नमः शिरसि ।अनुष्टुप्छन्दसे नमः मुखे ।श्रीभैरवदेवतायै नमः हृदि ।मम सर्वोपद्रवशान्त्यर्थे मम सर्वकार्यसिध्यर्थेश्रीभैरवदेवताप्रीत्यर्थेइति विनियोगाय नमः सर्वाङ्गे ॥भैरवं शिरसिन्यस्य ललाटे भीमदर्शनम् ।नेत्रयो भूतहननं सारमेयानुगं भ्रुवौः ॥ २७॥

ṛṣyādinyāsaḥ |śrīmahādevaṛṣaye namaḥ śirasi |anuṣṭupchandase namaḥ mukhe |śrībhairavadevatāyai namaḥ hṛdi |mama sarvopadravaśāntyarthe mama sarvakāryasidhyartheśrībhairavadevatāprītyartheiti viniyogāya namaḥ sarvāṅge ||bhairavaṃ śirasinyasya lalāṭe bhīmadarśanam |netrayo bhūtahananaṃ sārameyānugaṃ bhruvauḥ || 27||

कर्णयोर्भूतनाथं च प्रेतवाहं कपोलयोः ।नासापुटोष्ठ्योश्चैव भस्माङ्गं सर्पभूषणम् ॥ २८॥

karṇayorbhūtanāthaṃ ca pretavāhaṃ kapolayoḥ |nāsāpuṭoṣṭhyoścaiva bhasmāṅgaṃ sarpabhūṣaṇam || 28||

अनादिभूतमास्ये च शक्ति हस्तङ्गुले न्यस्येत् ।स्कन्धयोर्दैत्यशमनं बाह्वोरतुलतेजसम् ॥ २९॥

anādibhūtamāsye ca śakti hastaṅgule nyasyet |skandhayordaityaśamanaṃ bāhvoratulatejasam || 29||

पाण्योः कपालिनं न्यस्य हृदये मुण्डमालिनम् ।शान्तं वक्षस्थले न्यस्य स्तनयोः कामचारिणम् ॥ ३०॥

pāṇyoḥ kapālinaṃ nyasya hṛdaye muṇḍamālinam |śāntaṃ vakṣasthale nyasya stanayoḥ kāmacāriṇam || 30||

उदरे च सदातुष्टं क्षेत्रेशं पार्श्वयोस्तथा ।क्षेत्रपालं पृष्ठदेशं क्षेत्रेज्ञं नाभिदेशके ॥ ३१॥

udare ca sadātuṣṭaṃ kṣetreśaṃ pārśvayostathā |kṣetrapālaṃ pṛṣṭhadeśaṃ kṣetrejñaṃ nābhideśake || 31||

पापौघनाशकं कट्यां बटुकं लिङ्गदेशके ।गुदे रक्षाकरं न्यस्य तथोर्वो रक्तलोचनम् ॥ ३२॥

pāpaughanāśakaṃ kaṭyāṃ baṭukaṃ liṅgadeśake |gude rakṣākaraṃ nyasya tathorvo raktalocanam || 32||

जानुनीर्घुर्घुरारावं जङ्घयो रक्तपायिनम् ।गुल्फयोः पादुकासिद्धिं पादपृष्ठे सुरेश्वरम् ॥ ३३॥

jānunīrghurghurārāvaṃ jaṅghayo raktapāyinam |gulphayoḥ pādukāsiddhiṃ pādapṛṣṭhe sureśvaram || 33||

आपादमस्तकं चैव आपदुद्धारकं न्यसेत् ।पूर्वे डमरुहस्तं च दक्षिणे दण्डधारिणम् ॥ ३४॥

āpādamastakaṃ caiva āpaduddhārakaṃ nyaset |pūrve ḍamaruhastaṃ ca dakṣiṇe daṇḍadhāriṇam || 34||

खड्गहस्तं पश्चिमे च घण्टावादिनमुत्तरे ।आग्नेयामग्निवर्णं च नैरृत्ये च दिगम्बरम् ॥ ३५॥

khaḍgahastaṃ paścime ca ghaṇṭāvādinamuttare |āgneyāmagnivarṇaṃ ca nairṛtye ca digambaram || 35||

वायव्ये सर्वभूतस्थमीशान्येचाष्टसिद्धिदम् ।ऊर्ध्वं खेचरिणं न्यस्य पाताले रौद्ररूपिणम् ।एवं न्यस्य स्वदेहे च षडङ्गेषु ततो न्यसेत् ॥ ३६॥

vāyavye sarvabhūtasthamīśānyecāṣṭasiddhidam |ūrdhvaṃ khecariṇaṃ nyasya pātāle raudrarūpiṇam |evaṃ nyasya svadehe ca ṣaḍaṅgeṣu tato nyaset || 36||

रुद्रमङ्गुष्ठयोर्न्यस्य तर्जन्योश्च दिवाकरम् ।शिवं मध्यमयोर्न्यस्य नासिकायां त्रिशूलिनम् ।ब्रह्माणं तु कनिष्ठायां स्तनयोस्त्रिपुरान्तकम् ।मांशासिनं कराग्रे तु करपृष्ठे दिगम्बरम् ॥ ३७॥

rudramaṅguṣṭhayornyasya tarjanyośca divākaram |śivaṃ madhyamayornyasya nāsikāyāṃ triśūlinam |brahmāṇaṃ tu kaniṣṭhāyāṃ stanayostripurāntakam |māṃśāsinaṃ karāgre tu karapṛṣṭhe digambaram || 37||

हृदये भूतनाथाय आदिनाथायमूर्द्धनि ।आनन्दपदपूर्वायनाथायाथ शिखालये ।सिद्धिशाम्बरनाथाय कवचे विन्यस्येत्तथा ॥ ३८॥

hṛdaye bhūtanāthāya ādināthāyamūrddhani |ānandapadapūrvāyanāthāyātha śikhālaye |siddhiśāmbaranāthāya kavace vinyasyettathā || 38||

सहजानन्दनाथाय न्यसेन्नेत्रत्रये तथा ।निःसीमानदनाथाय अस्त्रै चैव प्रयोजयेत् ॥ ३९॥

sahajānandanāthāya nyasennetratraye tathā |niḥsīmānadanāthāya astrai caiva prayojayet || 39||

एवं न्यासविधिं कृत्वा यथावत्तदनन्तरम् ।ध्यानं तस्य प्रवक्ष्यामि यथा ध्यात्वा पठेन्नरः ॥ ४०॥

evaṃ nyāsavidhiṃ kṛtvā yathāvattadanantaram |dhyānaṃ tasya pravakṣyāmi yathā dhyātvā paṭhennaraḥ || 40||

ॐ शुद्धस्फटिकसङ्काशं सहस्रादित्यवर्चसम् ।नीलजीमूतसङ्काशं नीलाञ्जनसमप्रभम् ॥ ४१॥

oṃ śuddhasphaṭikasaṅkāśaṃ sahasrādityavarcasam |nīlajīmūtasaṅkāśaṃ nīlāñjanasamaprabham || 41||

अष्टबाहुं त्रिनयनं चतुर्बाहुं द्विबाहुकम् ।दशबाहुमथोग्रं च दिव्याम्बर परिग्रहम् ॥ ४२॥

aṣṭabāhuṃ trinayanaṃ caturbāhuṃ dvibāhukam |daśabāhumathograṃ ca divyāmbara parigraham || 42||

दंष्ट्राकरालवदनं नूपुरारावसङ्कुलम् ।भुजङ्गमेखलं देवमग्निवर्णं शिरोरुहम् ॥ ४३॥

daṃṣṭrākarālavadanaṃ nūpurārāvasaṅkulam |bhujaṅgamekhalaṃ devamagnivarṇaṃ śiroruham || 43||

दिगम्बरमाकुरेशं बटुकाख्यं महाबलम् ।खट्वाङ्गमशिपाशं च शूलं दक्षिणभागतः ॥ ४४॥

digambaramākureśaṃ baṭukākhyaṃ mahābalam |khaṭvāṅgamaśipāśaṃ ca śūlaṃ dakṣiṇabhāgataḥ || 44||

डमरुं च कपालं च वरदं भुजगं तथा ।आत्मवर्णसमोपेतं सारमेय समन्वितम् ॥ ४५॥

ḍamaruṃ ca kapālaṃ ca varadaṃ bhujagaṃ tathā |ātmavarṇasamopetaṃ sārameya samanvitam || 45||

एवं ध्यात्वा सुसन्तुष्टो जपात्कामानवाप्नुयात् ।साधकः सर्वलोकेषु सत्यं सत्यं न संशयः ॥ ४६॥

evaṃ dhyātvā susantuṣṭo japātkāmānavāpnuyāt |sādhakaḥ sarvalokeṣu satyaṃ satyaṃ na saṃśayaḥ || 46||

आनन्द सर्वगीर्वाण शिरोशृङ्गाङ्ग सगिनः ।भैरवस्य पदाम्भोजं भूयस्तन्नौमि सिद्धये ॥ ४७॥

ānanda sarvagīrvāṇa śirośṛṅgāṅga saginaḥ |bhairavasya padāmbhojaṃ bhūyastannaumi siddhaye || 47||

अथ स्तोत्रम्ॐ भैरवो भूतनाथश्च भूतात्मा भूतभावनः ।भूतावासो भूतपतिर्भूरिदो भूरिदक्षिणः ॥ ४८॥

atha stotramoṃ bhairavo bhūtanāthaśca bhūtātmā bhūtabhāvanaḥ |bhūtāvāso bhūtapatirbhūrido bhūridakṣiṇaḥ || 48||

भूताध्यक्षो भूधरेशो भूधरो भूधरात्मजः ।भूपतिर्भास्करि भीरुर्भीमो भूतिर्विभूतिदः ॥ ४९॥

bhūtādhyakṣo bhūdhareśo bhūdharo bhūdharātmajaḥ |bhūpatirbhāskari bhīrurbhīmo bhūtirvibhūtidaḥ || 49||

भूतो भूकम्पनो भूमिर्भौमो भूताभिभावकः ।भगनेत्रोभवोभोक्ता भूदेवो भगवानभीः ॥ ५०॥

bhūto bhūkampano bhūmirbhaumo bhūtābhibhāvakaḥ |bhaganetrobhavobhoktā bhūdevo bhagavānabhīḥ || 50||