किरातमूर्तिस्तोत्रम् Kiratamurti Stotram
kirātamūrtistotram
Kiratamurti Stotram (किरातमूर्तिस्तोत्रम्): a stotra to Śiva. 13 verses in Sanskrit with Devanagari and IAST.
- Stotra
- Stotra
- Śiva
- Stotra
किरातमूर्तिस्तोत्रम्
1 / 13
नमः शिवाय भर्गाय लीलाशबररूपिणे ।प्रपन्नार्तपरित्राणकरुणामसृणात्मने ॥ १॥
namaḥ śivāya bhargāya līlāśabararūpiṇe |prapannārtaparitrāṇakaruṇāmasṛṇātmane || 1||
पिञ्छोत्तंसं समानीलश्मश्रुविद्योतिताननम् ।उदग्रारक्तनयनं गौरकौशेयवाससम् ॥ २॥
piñchottaṃsaṃ samānīlaśmaśruvidyotitānanam |udagrāraktanayanaṃ gaurakauśeyavāsasam || 2||
कैलासशिखरोत्तुङ्गं छुरिकाचापधारिणम् ।किरातमूर्तिं ध्यायामि परमं कुलदैवतम् ॥ ३॥
kailāsaśikharottuṅgaṃ churikācāpadhāriṇam |kirātamūrtiṃ dhyāyāmi paramaṃ kuladaivatam || 3||
दुर्जनैर्बहुधाऽऽक्रान्तं भयसम्भ्रान्तमानसम् ।त्वदेकशरणं दीनं परिपालय नाथ, माम् ॥ ४॥
durjanairbahudhā''krāntaṃ bhayasambhrāntamānasam |tvadekaśaraṇaṃ dīnaṃ paripālaya nātha, mām || 4||
मह्यं द्रुह्यन्ति रिपवो बाह्याश्चाभ्यन्तराश्च ये ।विद्रावय दयासिन्धो चापज्यानिस्वनेन तान् ॥ ५॥
mahyaṃ druhyanti ripavo bāhyāścābhyantarāśca ye |vidrāvaya dayāsindho cāpajyānisvanena tān || 5||
कूटकर्मप्रसक्तानां शत्रूणां शातनाय भोः ।चालय छुरिकां घोरां शतकोटिसमुज्ज्वलाम् ॥ ६॥
kūṭakarmaprasaktānāṃ śatrūṇāṃ śātanāya bhoḥ |cālaya churikāṃ ghorāṃ śatakoṭisamujjvalām || 6||
विपद्दावानलज्वालासन्तप्तं रोगपीडितम् ।कर्तव्यताविमूढं मां त्रायस्व गिरिशात्मज ॥ ७॥
vipaddāvānalajvālāsantaptaṃ rogapīḍitam |kartavyatāvimūḍhaṃ māṃ trāyasva giriśātmaja || 7||
नमः किरातवपुषे नमः क्षेमङ्कराय च ।नमः पापविघाताय नमस्ते धर्मसेतवे ॥ ८॥
namaḥ kirātavapuṣe namaḥ kṣemaṅkarāya ca |namaḥ pāpavighātāya namaste dharmasetave || 8||
नमो महेश्वर्यदाय नमो भक्तप्रियाय ते ।नमो वीर्यनिधानाय नमो गौरीसुताय च ॥ ९॥
namo maheśvaryadāya namo bhaktapriyāya te |namo vīryanidhānāya namo gaurīsutāya ca || 9||
नमो नमस्ते विश्वात्मन् विश्वमङ्गलदायक ।नमो नमस्ते सर्वेश सर्वशक्तिसमन्वित ॥ १०॥
namo namaste viśvātman viśvamaṅgaladāyaka |namo namaste sarveśa sarvaśaktisamanvita || 10||
रागद्वेषादिदुर्जन्तुसङ्कुले मन्मनोवने ।विधत्स्व मृगयां नित्यं विशिष्टशबराकृते ॥ ११॥
rāgadveṣādidurjantusaṅkule manmanovane |vidhatsva mṛgayāṃ nityaṃ viśiṣṭaśabarākṛte || 11||
यद्यत् करोमि भगवन् मनोवाक्कायकर्मभिः ।भवत्प्रसादत्तत्सर्वै भूयात्त्वच्चरणार्चनम् ॥ १२॥
yadyat karomi bhagavan manovākkāyakarmabhiḥ |bhavatprasādattatsarvai bhūyāttvaccaraṇārcanam || 12||
इति श्रीवासुदेवन् एलयथेन विरचितं किरातमूर्तिस्तोत्रं सम्पूर्णम् ।
iti śrīvāsudevan elayathena viracitaṃ kirātamūrtistotraṃ sampūrṇam |
॥ इति किरातमूर्तिस्तोत्रम् सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Kiratamurti Stotram?
Kiratamurti Stotram has 13 verses on this page, each shown with its number, Devanagari text and transliteration, and meaning where available.
Can I read Kiratamurti Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Kiratamurti Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
