वैद्यनाथतीर्थक्षेत्रमाहात्म्यम् ईश्वरप्रोक्तं Ishvaraproktam Vaidyanathatirthakshetramahatmyam

शिवगौरीसंवादेवैद्यनाथस्थलावासात् मदीयार्चनवैभवात् ।तत्स्थानसेवनं कृत्वा सर्वसौभाग्यवान्भवेत् ॥ ३\।४५॥तन्मे प्रियतरं विद्धि वैद्यनाथस्थलं शुभम् ।वैद्यनाथस्थले तत्र गृध्रेणाराधितो ऋचा ॥ ३\।४६॥रामेण पूजितस्सोऽहं स्कन्देन रविणापि च ।तत्स्थानं प्रथितं भूमौ गृध्रऋक्सूर्यनामकम् ॥ ३\।४७॥श्वशुरावासभूमिर्यो हिमाद्रिर्मम भामिनि ।ततोऽपि वैद्यनाथेऽस्मिन् स्थले प्रीतिर्न संशयः ॥ ३\।४८॥मरुद्वृधातटे पुण्ये पदानि मम सन्ति वै ।स्वयंभूनि सहस्त्राणि प्रसिद्धानि नगात्मजे ॥ ३\।४९॥सहस्रेषु पदेष्वेषु मदीयेषु च भामिनि ।अतिप्रियकराण्यद्य प्रवक्ष्यामि च तान्यहम् ॥ ३\।५०॥प्रभावमतिपुण्यानां मदीयानां महेश्वरि ।मरुद्वृधातटस्थानां नामानि प्रवदाम्यहम् ॥ ४\।१॥स्थाननाम कथ्यतेऽद्य सावधानयुता शृणु ।कावेर्यास्तीरर्यार्नद्याः पुण्ययोरुभयोरपि ॥ ४\।२॥स्वायम्भून्युत्तमान्येव प्रवक्ष्यामि यथाक्रमम् ।प्रिये रत्नगिरिर्नाम कावेर्या दक्षिणे तटे ॥ ४\।३॥अस्ति क्षेत्रं महापुण्यं सर्वसौभाग्यदायकम् ।तस्मिन् स्थले त्वया साकं निवसामि मुदा प्रिये ॥ ४\।४॥तस्य रत्नगिरेः शृङ्गे कल्पद्रुम समा द्रुमाः ।चम्पकास्त्वथ चाम्पेयाः पनसाः पाटलास्तथा ॥ ४\।५॥चन्दनाः पारिजाताश्च सर्वदा विलसन्ति च ।कावेर्याश्चोतरे भागे मक्षिकापर्वतोत्तमे ॥ ४\।६॥अस्ति तीर्थं महापुण्यममृताकारमद्भुतम् ।तस्य तीर्थस्य पानेन जरामरणवर्जिताः ॥ ४\।७॥तत्रत्याजन्तवस्सर्वे तद्रक्षास्तमलं प्रिये ।तत्रापि च त्वया सार्धं सर्वदा निवसाम्यहम् ॥ ४\।८॥कावेर्यायोश्चोत्तरे तीरे कुण्डस्थण्डिलमुत्तमम् ।भाति तत्रोत्तरमुखः सर्वदा निवसाम्यहम् ॥ ४\।९॥मामिहैवाराजद्ब्रहमा काशिक्षेत्रसमे पुरा ।कृण्डस्थण्डिलनाम्नोऽस्य पूर्वस्यां दक्षिणे तटे ॥ ४\।१०॥दर्विकातीर्थमाभाति तत्रापि निवसाम्यहम् ।तस्य पूर्वे महत् क्षेत्रं मदीयं भाति सर्वदा ॥ ४\।११॥पनसादौ सुरैस्साकं त्वयापि निवसाम्यहम् ।कावेर्या दक्षिणे तीरे त्रिशिरस्स्थानपर्वते ॥ ४\।१२॥नवरत्नमयैः कुड्यैः प्रासादैरूज्ज्वले वरे ।निवसामि सुरैस्सार्धं पश्चिमाभिमुखे सदा ॥ ४\।१३॥गजारण्यमिति ख्यातं कावेर्याश्चोत्तरे तटे ।अखिलाण्डाम्बया साकं ज्ञानभूमौ वसाम्यहम् ॥ ४\।१४॥पुण्यं सप्तमुनिस्थानं तस्य पूर्वे विराजते ।तस्मिन्नपि गणैस्साकं पश्चिमाभिमुखे सदा ॥ ४\।१५॥निवसामि त्वया सार्धं सर्वसौभाग्यदायिनि ।कावेर्याश्चोत्तरे तीरे स्थाण्डीश्वरमनुत्तमम् ॥ ४\।१६॥भाति तत्रामरैस्सार्धं सर्वदा निवसाम्यहम् ।कावेर्याश्वोत्तरेतीरे जल्पेश्वरमनुत्तमम् ॥ ४\।१७॥तस्मिन् जल्पेश्वरे पुण्या नाम्ना पञ्चनदे शुभे ।तत्रन्यानां च जन्तूनां मृतिकाले दयायुतः ॥ ४\।१८॥अहं तारकमन्त्रत्य मर्म वक्ष्यामि सर्वदा ।कावेर्या दक्षिणेतीरे पुण्यं पुष्पवनाभिधम् ॥ ४\।१९॥तत्र वासोमेरैस्माकं मम प्रियतरं प्रिये ।कावेर्या दक्षिणेतीरे तञ्जीश्वरमनुत्तमम् ॥ ४\।२०॥आनन्दवल्लीदेव्या च त्वया सह वसाम्यहम् ।तस्य चोत्तरभागेतु कावेर्या दक्षिणे तटे ॥ ४\।२१॥श्रीकण्ठनगरे तत्र वीरस्थाने वसाम्यहम् ।मनाभिमतमत्यन्तं मुक्तिस्थानं च तद्भुवि ॥ ४\।२२॥तस्य पूर्वे महत् क्षेत्रं पवित्रं पापनाशनम् ।श्रीशब्दपूर्वं विख्यातं नान्ना जीवन्तिकास्थलम् ॥ ४\।२३॥यत्तीर्थं श्रीवटाख्यं तत् भाति तत्र ममास्पदम् ।सार्धं कोटिगणैर्गौरित्वया सह वसाम्यहम् ॥ ४\।२४॥अन्यदत्यद्भुतं पूर्वे कावेर्या दक्षिणेतटे ।कुम्भघोणमिति ख्यातमस्तिक्षेत्रं महद्भुवि ॥ ४\।२५॥तत्र संवसतां देवि नराणामस्ति निश्चयम् ।हेमपद्म विचित्रं त्यात् वटिकाद्वय मात्रतः॥ ४\।२६॥नाम्ना कुम्भेश्वरस्तत्रं सप्तस्थानेश्वरावृते ।विवसामि त्वया सार्द्धं जगतामधिनायिके ॥ ४\।२७॥मरुद्वृधायास्तीरे तत् सोमेश्वरमिति श्रुतम् ।तस्मिन् स्थले त्वया साकं निवसाम्यखिलेश्वरि ॥ ४\।२८॥पट्टीश्वरमिति ख्यातं कावेर्या दक्षिणे तटे ।तत्रापि च त्वया सार्द्धं वसामि निखिलेश्वरि ॥ ४\।२९॥कावेर्या दक्षिणे तीरे विश्रुतं जगतीतले ।स्थानं त्रिभुवनं नाम महदस्ति ममास्पदम् ॥ ४\।३०॥तस्मिन् स्थले त्वया सार्धं निवसामि महेश्वरि ।अन्यदत्यद्भुतं गौरि ब्रह्महत्याविनाशकम् ॥ ४\।३१॥मध्यार्जुनमिति खयातं त्रिषु लोकेषु विश्रुतम् ।तस्य क्षेत्रस्य माहात्म्यं कोवा वर्णयितुं क्षमः ॥ ४\।३२॥तस्मिन् स्थले महालिङ्गः निवसामि त्वया सह ।तस्य स्वयम्भुस्थानस्य पूर्वस्यां मत्प्रियं स्थलम् ॥ ४\।३३॥महद्वधायास्तीरे तत् दक्षिणे सकलं प्रदम् ।गोमुक्तीशमिति ख्यातं त्रिषु लोकेषु विश्रुतम् ॥ ४\।३४॥गोमुक्तीश त्वया तत्र सदाऽतुल कुचाख्यया ।निवसामि मुदानृणां वसतां मोक्षदायकः ॥ ४\।३५॥आश्चर्याणि च वराणि मदीयानि विभान्त्यपि ।ऋषीणां मण्डलं तत्र बहूनामपि वर्तते ॥ ४\।३६॥वसवोऽष्टौ च रुद्राश्च द्वादशादित्यदेवताः ।सर्वाश्च शक्तयश्चापि तत्र गोमुक्तिशङ्करम् ॥ ४\।३७॥आराधयन्ति सिध्यर्थं मम प्रियमुमे भृशम् ।तस्य चोत्तर भागे तु त्रिकोटीश्वरनामकम् ॥ ४\।३८॥अस्ति क्षेत्रं महापुण्यं सर्वमङ्गलदायकम् ।निवसामि त्वया तत्र सर्वदा जगदीश्वरी ॥ ४\।३९॥मरुद्वृधातटे पूर्वदक्षिणे भीमदायके ।मायूरमिति विख्यातं काशिक्षेत्रसमं शुभम् ॥ ४\।४०॥मम प्रीतिकरं श्रेष्ठमद्भुतं पापनाशनम् ।तत्र देवैस्समस्तैश्च पूज्यमानपदाम्बुजः ॥ ४\।४१॥अभयाम्बिकया साकं त्वया देवी वसाम्यहम् ।एतेषु पुण्यक्षेत्रेषु मदीयेषु सदा मम ॥ ४\।४२॥आवासो लोकरक्षार्थं तथापि शृणु मे वचः ।रहस्यभूतमत्यन्तं तत् सुखावहहेतुकम् ॥ ४\।४३॥अनन्तशक्तिसहिते स्वयंलिङ्गे मनोहरे ।उत्तरे सह्यजायाश्च पावने पापनाशके ॥ ४\।४४॥पुण्ये प्रधानभूतेऽस्मिन् क्षेत्राणामुत्तमोत्तमे ।वैद्यनाथस्थले प्रीतिगौर्यावासेति निर्मले ॥ ४\।४५॥नाम्ना श्रीगन्धकण्ठी च त्वन्मूर्तिः शुभदायिनी ।अनन्तशक्तियुक्ता सा सर्वाभीष्टप्रदायिनी ॥ ४\।४६॥तथा श्रीगन्धकण्ठ्याहं कोशशक्तिसमाहितः ।सर्वेषां सर्वदा नित्यं ग्रहनिग्रहसादरः ॥ ४\।४७॥स्वामी च षण्मुखस्तेषां नियन्ता रक्षसामपि ।वसत्यनुदिनं तत्र मदाज्ञापरिपालकः ॥ ४\।४८॥त्रिषु भूरादिषु शिवे मदीयेषु पदेष्वपि ।षष्टिकोटि सहस्रेषु प्रत्येक शरदां शतम् ॥ ४\।४९॥शिवार्चनपराणां तु श्रेया भवति यन्नृणाम् ।ततोऽधिकं महच्छ्रेयः सकृद्वैद्येश्वरस्थले ॥ ४\।५०॥अचिकित्सा चिकित्सेशं सर्वाभीष्टप्रदायकम् ।बिल्वैरर्चयतां पुंसां भवत्येव न संशयः ॥ ४\।५१॥अभिषेकं च नैवेद्यं ताम्बूलं च प्रदक्षिणम् ।नमस्कारो जयश्चैव दानानि द्विजभोजनम् ॥ ४\।५२॥ये कुर्वन्ति नरा भक्त्या तेषां पुण्यफलं शृणु ।रोगार्तो रोगनिर्मुक्तो नेत्रार्थी नेत्रमाप्नुयात् ॥ ४\।५३॥पुत्रार्थी लभते पुत्रं धनार्थी धनमाप्नुयात् ।भूतप्रेतपिशाचाद्यैः ग्रस्ताश्चेन्मनुजाः स्त्रियः ॥ ४\।५४॥तद्दोषेभ्यो विनिर्मुक्ताः सर्वान् कामानवाप्य च ।त्रिसप्तकुलमुद्धृत्य व्रजेयुर्मत्पदं ध्रुवम् ॥ ४\।५५॥स्नात्वा सिद्धामृते गौरी गोक्षीराख्येति निर्मले ।कल्पकाख्यं गणपतिं सर्वाभीष्टप्रदायकम् ॥ ४\।५६॥श्रीगन्धकण्ठीं त्वां मां च त्वत्पुत्रं षण्मुखं प्रिये ।सेवन्ते ये नरा भक्त्या स्तुवन्ति स्तुतिवाङ्मयैः ॥ ४\।५७॥ते सर्वे भवरोगैश्च विनिर्मुक्ता भवन्त्यमी ।ग्रहादिपीडया मुक्ता इति तत्र किमद्भुतम् ॥ ४\।५८॥प्राप्नुवन्ति परां मुक्तिं भुक्त्वा भोगाननेकशः ।वैद्यनाथस्थले पूजां विशेषात् कल्पयन्ति ये ॥ ४\।५९॥मदास्थाननिवासास्ते कल्पे कल्पे भवन्त्यहो ।अगस्त्य उवाच ।तच्छ्रुत्वा वचनं तस्य पार्वती जगदम्बिका ॥ ४\।६०॥आनन्दाम्बुधिकल्लोलस्वान्तरा गिरिजा तदा ।पादाब्जं परमेशस्य प्रणनाम मुहुर्मुहुः ॥ ४\।६१॥॥ इति वैद्यनाथस्थलमाहात्म्ये ईश्वरप्रोक्तं वैद्यनाथतीर्थक्षेत्रमाहात्म्यं सम्पूर्णम् ॥॥ वैद्यनाथस्थलमाहात्म्यम् । ३४। वावृत्तश्लोकाः ॥

śivagaurīsaṃvādevaidyanāthasthalāvāsāt madīyārcanavaibhavāt |tatsthānasevanaṃ kṛtvā sarvasaubhāgyavānbhavet || 3\|45||tanme priyataraṃ viddhi vaidyanāthasthalaṃ śubham |vaidyanāthasthale tatra gṛdhreṇārādhito ṛcā || 3\|46||rāmeṇa pūjitasso'haṃ skandena raviṇāpi ca |tatsthānaṃ prathitaṃ bhūmau gṛdhraṛksūryanāmakam || 3\|47||śvaśurāvāsabhūmiryo himādrirmama bhāmini |tato'pi vaidyanāthe'smin sthale prītirna saṃśayaḥ || 3\|48||marudvṛdhātaṭe puṇye padāni mama santi vai |svayaṃbhūni sahastrāṇi prasiddhāni nagātmaje || 3\|49||sahasreṣu padeṣveṣu madīyeṣu ca bhāmini |atipriyakarāṇyadya pravakṣyāmi ca tānyaham || 3\|50||prabhāvamatipuṇyānāṃ madīyānāṃ maheśvari |marudvṛdhātaṭasthānāṃ nāmāni pravadāmyaham || 4\|1||sthānanāma kathyate'dya sāvadhānayutā śṛṇu |kāveryāstīraryārnadyāḥ puṇyayorubhayorapi || 4\|2||svāyambhūnyuttamānyeva pravakṣyāmi yathākramam |priye ratnagirirnāma kāveryā dakṣiṇe taṭe || 4\|3||asti kṣetraṃ mahāpuṇyaṃ sarvasaubhāgyadāyakam |tasmin sthale tvayā sākaṃ nivasāmi mudā priye || 4\|4||tasya ratnagireḥ śṛṅge kalpadruma samā drumāḥ |campakāstvatha cāmpeyāḥ panasāḥ pāṭalāstathā || 4\|5||candanāḥ pārijātāśca sarvadā vilasanti ca |kāveryāścotare bhāge makṣikāparvatottame || 4\|6||asti tīrthaṃ mahāpuṇyamamṛtākāramadbhutam |tasya tīrthasya pānena jarāmaraṇavarjitāḥ || 4\|7||tatratyājantavassarve tadrakṣāstamalaṃ priye |tatrāpi ca tvayā sārdhaṃ sarvadā nivasāmyaham || 4\|8||kāveryāyoścottare tīre kuṇḍasthaṇḍilamuttamam |bhāti tatrottaramukhaḥ sarvadā nivasāmyaham || 4\|9||māmihaivārājadbrahamā kāśikṣetrasame purā |kṛṇḍasthaṇḍilanāmno'sya pūrvasyāṃ dakṣiṇe taṭe || 4\|10||darvikātīrthamābhāti tatrāpi nivasāmyaham |tasya pūrve mahat kṣetraṃ madīyaṃ bhāti sarvadā || 4\|11||panasādau suraissākaṃ tvayāpi nivasāmyaham |kāveryā dakṣiṇe tīre triśirassthānaparvate || 4\|12||navaratnamayaiḥ kuḍyaiḥ prāsādairūjjvale vare |nivasāmi suraissārdhaṃ paścimābhimukhe sadā || 4\|13||gajāraṇyamiti khyātaṃ kāveryāścottare taṭe |akhilāṇḍāmbayā sākaṃ jñānabhūmau vasāmyaham || 4\|14||puṇyaṃ saptamunisthānaṃ tasya pūrve virājate |tasminnapi gaṇaissākaṃ paścimābhimukhe sadā || 4\|15||nivasāmi tvayā sārdhaṃ sarvasaubhāgyadāyini |kāveryāścottare tīre sthāṇḍīśvaramanuttamam || 4\|16||bhāti tatrāmaraissārdhaṃ sarvadā nivasāmyaham |kāveryāśvottaretīre jalpeśvaramanuttamam || 4\|17||tasmin jalpeśvare puṇyā nāmnā pañcanade śubhe |tatranyānāṃ ca jantūnāṃ mṛtikāle dayāyutaḥ || 4\|18||ahaṃ tārakamantratya marma vakṣyāmi sarvadā |kāveryā dakṣiṇetīre puṇyaṃ puṣpavanābhidham || 4\|19||tatra vāsomeraismākaṃ mama priyataraṃ priye |kāveryā dakṣiṇetīre tañjīśvaramanuttamam || 4\|20||ānandavallīdevyā ca tvayā saha vasāmyaham |tasya cottarabhāgetu kāveryā dakṣiṇe taṭe || 4\|21||śrīkaṇṭhanagare tatra vīrasthāne vasāmyaham |manābhimatamatyantaṃ muktisthānaṃ ca tadbhuvi || 4\|22||tasya pūrve mahat kṣetraṃ pavitraṃ pāpanāśanam |śrīśabdapūrvaṃ vikhyātaṃ nānnā jīvantikāsthalam || 4\|23||yattīrthaṃ śrīvaṭākhyaṃ tat bhāti tatra mamāspadam |sārdhaṃ koṭigaṇairgauritvayā saha vasāmyaham || 4\|24||anyadatyadbhutaṃ pūrve kāveryā dakṣiṇetaṭe |kumbhaghoṇamiti khyātamastikṣetraṃ mahadbhuvi || 4\|25||tatra saṃvasatāṃ devi narāṇāmasti niścayam |hemapadma vicitraṃ tyāt vaṭikādvaya mātrataḥ|| 4\|26||nāmnā kumbheśvarastatraṃ saptasthāneśvarāvṛte |vivasāmi tvayā sārddhaṃ jagatāmadhināyike || 4\|27||marudvṛdhāyāstīre tat someśvaramiti śrutam |tasmin sthale tvayā sākaṃ nivasāmyakhileśvari || 4\|28||paṭṭīśvaramiti khyātaṃ kāveryā dakṣiṇe taṭe |tatrāpi ca tvayā sārddhaṃ vasāmi nikhileśvari || 4\|29||kāveryā dakṣiṇe tīre viśrutaṃ jagatītale |sthānaṃ tribhuvanaṃ nāma mahadasti mamāspadam || 4\|30||tasmin sthale tvayā sārdhaṃ nivasāmi maheśvari |anyadatyadbhutaṃ gauri brahmahatyāvināśakam || 4\|31||madhyārjunamiti khayātaṃ triṣu lokeṣu viśrutam |tasya kṣetrasya māhātmyaṃ kovā varṇayituṃ kṣamaḥ || 4\|32||tasmin sthale mahāliṅgaḥ nivasāmi tvayā saha |tasya svayambhusthānasya pūrvasyāṃ matpriyaṃ sthalam || 4\|33||mahadvadhāyāstīre tat dakṣiṇe sakalaṃ pradam |gomuktīśamiti khyātaṃ triṣu lokeṣu viśrutam || 4\|34||gomuktīśa tvayā tatra sadā'tula kucākhyayā |nivasāmi mudānṛṇāṃ vasatāṃ mokṣadāyakaḥ || 4\|35||āścaryāṇi ca varāṇi madīyāni vibhāntyapi |ṛṣīṇāṃ maṇḍalaṃ tatra bahūnāmapi vartate || 4\|36||vasavo'ṣṭau ca rudrāśca dvādaśādityadevatāḥ |sarvāśca śaktayaścāpi tatra gomuktiśaṅkaram || 4\|37||ārādhayanti sidhyarthaṃ mama priyamume bhṛśam |tasya cottara bhāge tu trikoṭīśvaranāmakam || 4\|38||asti kṣetraṃ mahāpuṇyaṃ sarvamaṅgaladāyakam |nivasāmi tvayā tatra sarvadā jagadīśvarī || 4\|39||marudvṛdhātaṭe pūrvadakṣiṇe bhīmadāyake |māyūramiti vikhyātaṃ kāśikṣetrasamaṃ śubham || 4\|40||mama prītikaraṃ śreṣṭhamadbhutaṃ pāpanāśanam |tatra devaissamastaiśca pūjyamānapadāmbujaḥ || 4\|41||abhayāmbikayā sākaṃ tvayā devī vasāmyaham |eteṣu puṇyakṣetreṣu madīyeṣu sadā mama || 4\|42||āvāso lokarakṣārthaṃ tathāpi śṛṇu me vacaḥ |rahasyabhūtamatyantaṃ tat sukhāvahahetukam || 4\|43||anantaśaktisahite svayaṃliṅge manohare |uttare sahyajāyāśca pāvane pāpanāśake || 4\|44||puṇye pradhānabhūte'smin kṣetrāṇāmuttamottame |vaidyanāthasthale prītigauryāvāseti nirmale || 4\|45||nāmnā śrīgandhakaṇṭhī ca tvanmūrtiḥ śubhadāyinī |anantaśaktiyuktā sā sarvābhīṣṭapradāyinī || 4\|46||tathā śrīgandhakaṇṭhyāhaṃ kośaśaktisamāhitaḥ |sarveṣāṃ sarvadā nityaṃ grahanigrahasādaraḥ || 4\|47||svāmī ca ṣaṇmukhasteṣāṃ niyantā rakṣasāmapi |vasatyanudinaṃ tatra madājñāparipālakaḥ || 4\|48||triṣu bhūrādiṣu śive madīyeṣu padeṣvapi |ṣaṣṭikoṭi sahasreṣu pratyeka śaradāṃ śatam || 4\|49||śivārcanaparāṇāṃ tu śreyā bhavati yannṛṇām |tato'dhikaṃ mahacchreyaḥ sakṛdvaidyeśvarasthale || 4\|50||acikitsā cikitseśaṃ sarvābhīṣṭapradāyakam |bilvairarcayatāṃ puṃsāṃ bhavatyeva na saṃśayaḥ || 4\|51||abhiṣekaṃ ca naivedyaṃ tāmbūlaṃ ca pradakṣiṇam |namaskāro jayaścaiva dānāni dvijabhojanam || 4\|52||ye kurvanti narā bhaktyā teṣāṃ puṇyaphalaṃ śṛṇu |rogārto roganirmukto netrārthī netramāpnuyāt || 4\|53||putrārthī labhate putraṃ dhanārthī dhanamāpnuyāt |bhūtapretapiśācādyaiḥ grastāścenmanujāḥ striyaḥ || 4\|54||taddoṣebhyo vinirmuktāḥ sarvān kāmānavāpya ca |trisaptakulamuddhṛtya vrajeyurmatpadaṃ dhruvam || 4\|55||snātvā siddhāmṛte gaurī gokṣīrākhyeti nirmale |kalpakākhyaṃ gaṇapatiṃ sarvābhīṣṭapradāyakam || 4\|56||śrīgandhakaṇṭhīṃ tvāṃ māṃ ca tvatputraṃ ṣaṇmukhaṃ priye |sevante ye narā bhaktyā stuvanti stutivāṅmayaiḥ || 4\|57||te sarve bhavarogaiśca vinirmuktā bhavantyamī |grahādipīḍayā muktā iti tatra kimadbhutam || 4\|58||prāpnuvanti parāṃ muktiṃ bhuktvā bhogānanekaśaḥ |vaidyanāthasthale pūjāṃ viśeṣāt kalpayanti ye || 4\|59||madāsthānanivāsāste kalpe kalpe bhavantyaho |agastya uvāca |tacchrutvā vacanaṃ tasya pārvatī jagadambikā || 4\|60||ānandāmbudhikallolasvāntarā girijā tadā |pādābjaṃ parameśasya praṇanāma muhurmuhuḥ || 4\|61|||| iti vaidyanāthasthalamāhātmye īśvaraproktaṃ vaidyanāthatīrthakṣetramāhātmyaṃ sampūrṇam |||| vaidyanāthasthalamāhātmyam | 34| vāvṛttaślokāḥ ||

– ॥ वैद्यनाथस्थलमाहात्म्यम् ।३-४। वावृत्तश्लोकाः ॥

– || vaidyanāthasthalamāhātmyam | 3-4| vāvṛttaślokāḥ ||