शिवार्चनोपदेशम् ईश्वरप्रोक्तं ३ Ishvaraproktam 3 Shivarchanopadesham

(शिवरहस्यान्तर्गते महादेवाख्ये)शिवपार्वतीसंवादेपृथिव्यां यानि तीर्थानि पुण्यान्यायतनानि च ।लीयन्ते तानि लिङ्गे तु तस्माल्लिङ्गं प्रपूजयेत् ॥ १॥

(śivarahasyāntargate mahādevākhye)śivapārvatīsaṃvādepṛthivyāṃ yāni tīrthāni puṇyānyāyatanāni ca |līyante tāni liṅge tu tasmālliṅgaṃ prapūjayet || 1||

तस्मात्सर्वत्र तीर्थेषु सर्वयज्ञेषु दीक्षितः ।पूजयेच्च महालिङ्गं पुण्यं सर्वार्थसिद्धिदम् ॥ २॥

tasmātsarvatra tīrtheṣu sarvayajñeṣu dīkṣitaḥ |pūjayecca mahāliṅgaṃ puṇyaṃ sarvārthasiddhidam || 2||

शतेन स्थापितं देवं सहस्रेण न चालयेत् ।दुःस्थितं सुस्थितं वापि शिवलिङ्गं न चालयेत् ॥ ३॥

śatena sthāpitaṃ devaṃ sahasreṇa na cālayet |duḥsthitaṃ susthitaṃ vāpi śivaliṅgaṃ na cālayet || 3||

घृताभिषेकं यः कुर्यात् अहोरात्रं शिवस्य तुपुण्यमासे समुद्युक्ते नियतं श्लक्ष्णधारया ॥ ४॥

ghṛtābhiṣekaṃ yaḥ kuryāt ahorātraṃ śivasya tupuṇyamāse samudyukte niyataṃ ślakṣṇadhārayā || 4||

गीतनृत्योपहारेण शङ्खवादित्रनिः स्वनैः ।कुर्याज्जागरणं तत्र प्रदीपादिसमाकुलम् ॥ ५॥

gītanṛtyopahāreṇa śaṅkhavāditraniḥ svanaiḥ |kuryājjāgaraṇaṃ tatra pradīpādisamākulam || 5||

समस्तपापनिर्मुक्तः समस्तगुणसंयुतः ।समस्तकामसम्पूर्णः समस्तकुलसंयुतः ॥ ६॥

samastapāpanirmuktaḥ samastaguṇasaṃyutaḥ |samastakāmasampūrṇaḥ samastakulasaṃyutaḥ || 6||

चलद्भिः सुमहायानैरसङ्ख्येयैरनूपमैः ।युक्तः शिवपुरे नित्यं मोदते शिववत्सुखी ॥ ७॥

caladbhiḥ sumahāyānairasaṅkhyeyairanūpamaiḥ |yuktaḥ śivapure nityaṃ modate śivavatsukhī || 7||

ग्रहणे विषुवे चैव पुण्येषु दिवसेषु च ।घृताभिषेकं यः कुर्यात् महापुण्यमवाप्नुयात् ॥ ८॥

grahaṇe viṣuve caiva puṇyeṣu divaseṣu ca |ghṛtābhiṣekaṃ yaḥ kuryāt mahāpuṇyamavāpnuyāt || 8||

घृताभिषेकं यः पश्येदासमोप्तेरुपोषितः ।विधूय सर्वपापानि शिवलोके महीयते ॥ ९॥

ghṛtābhiṣekaṃ yaḥ paśyedāsamopterupoṣitaḥ |vidhūya sarvapāpāni śivaloke mahīyate || 9||

एकः पूजयते भक्त्या भक्त्या चान्यः प्रपश्यति ।तुल्यमेव फलं ताभ्यां भक्तिरेवात्र कारणम् ॥ १०॥

ekaḥ pūjayate bhaktyā bhaktyā cānyaḥ prapaśyati |tulyameva phalaṃ tābhyāṃ bhaktirevātra kāraṇam || 10||

यः कुर्यात्पर्वकालेषु महापूजाप्रवर्तनम् ।शिवस्य रथयात्रां वा नगरान्तपरिभ्रमात् ॥ ११॥

yaḥ kuryātparvakāleṣu mahāpūjāpravartanam |śivasya rathayātrāṃ vā nagarāntaparibhramāt || 11||

महाचित्रध्वजैश्छन्त्रैः किङ्कणीरवकान्वितैः ।वितानध्वजमालाभिर्घण्टाचामरदर्पणैः ॥ १२॥

mahācitradhvajaiśchantraiḥ kiṅkaṇīravakānvitaiḥ |vitānadhvajamālābhirghaṇṭācāmaradarpaṇaiḥ || 12||

शङ्खभेर्यादिनिर्घोषैर्गीतवादित्रसङ्कुलैः ।लख्यदारुमयैर्यन्त्रैर्मातृयक्षमणादिभिः ॥ १३॥

śaṅkhabheryādinirghoṣairgītavāditrasaṅkulaiḥ |lakhyadārumayairyantrairmātṛyakṣamaṇādibhiḥ || 13||

उदगायनयन्त्रैश्च बह्वाश्चर्यैरनेकशः ।स्त्रीडोलाचक्रयन्त्रैश्च रथमन्दिरशोभितैः ॥ १४॥

udagāyanayantraiśca bahvāścaryairanekaśaḥ |strīḍolācakrayantraiśca rathamandiraśobhitaiḥ || 14||

दध्यन्नपानकाद्यैश्च महासत्रसमाहितैः ।महाजनसमाकीर्णं यथाविभवविस्तरम् ॥ १५॥

dadhyannapānakādyaiśca mahāsatrasamāhitaiḥ |mahājanasamākīrṇaṃ yathāvibhavavistaram || 15||

सर्वदानानि पुण्यानि सर्वयज्ञफलानि च ।अत्युग्रतपसा पूर्णं सर्वतीर्थफलानि च ॥ १६॥

sarvadānāni puṇyāni sarvayajñaphalāni ca |atyugratapasā pūrṇaṃ sarvatīrthaphalāni ca || 16||

लब्ध्वा नरवरः श्रीमान् शिवयात्राप्रवर्तनात् ।शिवलोके महाभागैः शिववन्मोदते चिरम् ॥ १७॥

labdhvā naravaraḥ śrīmān śivayātrāpravartanāt |śivaloke mahābhāgaiḥ śivavanmodate ciram || 17||

तस्यान्ते देवराजत्वं स्थिरं कालमवाप्नुयात् ।जम्बूद्वीपाधिपो भूत्वा तस्यान्ते च महीपतिः ॥ १८॥

tasyānte devarājatvaṃ sthiraṃ kālamavāpnuyāt |jambūdvīpādhipo bhūtvā tasyānte ca mahīpatiḥ || 18||

त्रिलिङ्गवेदिपर्यन्तं यो दद्याद्घृतकम्बलम् ।घृतधाराफलं तस्य माघे पूर्णे तु पर्वणि ॥ १९॥

triliṅgavediparyantaṃ yo dadyādghṛtakambalam |ghṛtadhārāphalaṃ tasya māghe pūrṇe tu parvaṇi || 19||

जागरं गीतनृत्ताद्यैः सकृत्कृत्वा तु पर्वणि ।मन्वन्तरशतं साग्रं शिवलोके महीयते ॥ २०॥

jāgaraṃ gītanṛttādyaiḥ sakṛtkṛtvā tu parvaṇi |manvantaraśataṃ sāgraṃ śivaloke mahīyate || 20||

चित्राभिरामनाट्याढ्यं शिवस्यायतनाग्रतः ।सम्यक् प्रेक्षणकं दत्वा रुद्रलोके महीयते ॥ २१॥

citrābhirāmanāṭyāḍhyaṃ śivasyāyatanāgrataḥ |samyak prekṣaṇakaṃ datvā rudraloke mahīyate || 21||

पौर्णमास्यां तु वैशाख्यां नीत्वा पात्रं शिवाग्रतः ।प्रीयतां मे महादेवः सोममूर्तिर्जगत्पतिः ॥ ३७॥

paurṇamāsyāṃ tu vaiśākhyāṃ nītvā pātraṃ śivāgrataḥ |prīyatāṃ me mahādevaḥ somamūrtirjagatpatiḥ || 37||

इत्युक्त्वा वचनं ध्यायेद्देवदेवमुमापतिम् ।तस्मै विप्राय तत्पात्रमर्पयेद्भक्तितः शनैः ॥ ३८॥

ityuktvā vacanaṃ dhyāyeddevadevamumāpatim |tasmai viprāya tatpātramarpayedbhaktitaḥ śanaiḥ || 38||

एतसोमव्रतं नाम कृत्वा रुद्रान्तिकं व्रजेत् ।रुद्रलोकात्परिभ्रष्टो भवेज्जातिस्मरो नरः ॥ ३९॥

etasomavrataṃ nāma kṛtvā rudrāntikaṃ vrajet |rudralokātparibhraṣṭo bhavejjātismaro naraḥ || 39||

पूर्वाभ्यासेन तेनैव पुनः शिवपदं व्रजेत् ।पूर्णिमायामवस्यां शिवं सम्पूज्य यत्नतः ॥ ४०॥

pūrvābhyāsena tenaiva punaḥ śivapadaṃ vrajet |pūrṇimāyāmavasyāṃ śivaṃ sampūjya yatnataḥ || 40||

उपवीतं शिवे दद्यात् शिवभक्तांश्च पूजयेत् ।पुनरेव तु कार्तिक्यां पूज्य शम्भुं क्षमापयेत् ॥ ४१॥

upavītaṃ śive dadyāt śivabhaktāṃśca pūjayet |punareva tu kārtikyāṃ pūjya śambhuṃ kṣamāpayet || 41||

यतीनां दक्षिणां दद्यात्सूत्रवस्त्रादिपूर्विकाम् ।यत्कुर्यात्सकृदप्येवं चातुर्मास्ये पवित्रकम् ॥ ४२॥

yatīnāṃ dakṣiṇāṃ dadyātsūtravastrādipūrvikām |yatkuryātsakṛdapyevaṃ cāturmāsye pavitrakam || 42||

कल्पकोटिशतं दिव्यं रुद्रलोके महीयते ।इच्छया वा भवेद्राजा गुणरूपसमन्वितः ॥ ४३॥

kalpakoṭiśataṃ divyaṃ rudraloke mahīyate |icchayā vā bhavedrājā guṇarūpasamanvitaḥ || 43||

भूमिदानस्य यत्पुण्यं कन्यादानस्य यत्फलम् ।मुखवाद्येन यत्पुण्यमुभयं लभते नरः ॥ ४४॥

bhūmidānasya yatpuṇyaṃ kanyādānasya yatphalam |mukhavādyena yatpuṇyamubhayaṃ labhate naraḥ || 44||

तदेव पुण्यं गीतस्य नृत्तस्य च विशेषतः ।तदेव जायते शब्दाद्धस्ततालध्वनेस्तथा ॥ ४५॥

tadeva puṇyaṃ gītasya nṛttasya ca viśeṣataḥ |tadeva jāyate śabdāddhastatāladhvanestathā || 45||

यो गां पयस्विनीं दधात्तरुणीं वृषसंयुताम् ।शिवाय तेन दत्तं स्याज्जगत्सर्वं चराचरम् ॥ ४६॥

yo gāṃ payasvinīṃ dadhāttaruṇīṃ vṛṣasaṃyutām |śivāya tena dattaṃ syājjagatsarvaṃ carācaram || 46||

वृषं च परिपूर्णाङ्गमुदारं च शशिप्रभम् ।गोपतिं धूर्वहं वापि शिवाय विनिवेदयेत् ॥ ४७॥

vṛṣaṃ ca paripūrṇāṅgamudāraṃ ca śaśiprabham |gopatiṃ dhūrvahaṃ vāpi śivāya vinivedayet || 47||

यावन्ति देहे रोमाणि तत्प्रसूतिः कुलेषु च ।तावद्युगसहस्राणि रुद्रलोके महीयते ॥ ४८॥

yāvanti dehe romāṇi tatprasūtiḥ kuleṣu ca |tāvadyugasahasrāṇi rudraloke mahīyate || 48||

सूत उवाच ।यो धर्मवाहपरमेश्वरमीशितारंसम्पूजयेद्यदिह भूमिगतः सभक्त्या ।तस्योत्तमायुरथ सौधकलत्रपुत्रमित्रातिरात्रकरणं लभते शिवेऽत्र ॥ ४९॥

sūta uvāca |yo dharmavāhaparameśvaramīśitāraṃsampūjayedyadiha bhūmigataḥ sabhaktyā |tasyottamāyuratha saudhakalatraputramitrātirātrakaraṇaṃ labhate śive'tra || 49||

॥ इति शिवरहस्यान्तर्गते ईश्वरप्रोक्तं ३ शिवार्चनोपदेशं सम्पूर्णम् ॥॥ श्रीशिवरहस्यम् । महादेवाख्यः एकादशमांशः । अध्यायः ४४ शिवधर्मकथनम् । वावृत्तश्लोकाः ॥– ॥ श्रीशिवरहस्यम् । महादेवाख्यः एकादशमांशः । अध्यायः ४४ शिवधर्मकथनम् । वावृत्तश्लोकाः ॥

|| iti śivarahasyāntargate īśvaraproktaṃ 3 śivārcanopadeśaṃ sampūrṇam |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 44 śivadharmakathanam | vāvṛttaślokāḥ ||– || śrīśivarahasyam | mahādevākhyaḥ ekādaśamāṃśaḥ | adhyāyaḥ 44 śivadharmakathanam | vāvṛttaślokāḥ ||