शिवलिङ्गे पुष्पपत्रार्पणोपदेशम् ईश्वरप्रोक्तं २ Ishvaraproktam 2 Shivalinge Pushpapatrarpanopadesham

(शिवरहस्यान्तर्गते महादेवाख्ये)शिवगौरीसंवादेईश्वर उवाच ।बिल्वापामार्गजाजीतुलसिशमिबृहत्कानकं भृङ्गदूर्वामन्दाम्भोजाहिदर्भामुनितिलकतगारब्रह्मकत्वारमल्ली ।चापाश्वारातिकुम्भीदमनमरुवकाबिल्वतोहानिशस्तात्रिंशत्र्येकार्यरीशोदधिनिधिवसुभभूयमाभूययेव ॥ ५७॥

(śivarahasyāntargate mahādevākhye)śivagaurīsaṃvādeīśvara uvāca |bilvāpāmārgajājītulasiśamibṛhatkānakaṃ bhṛṅgadūrvāmandāmbhojāhidarbhāmunitilakatagārabrahmakatvāramallī |cāpāśvārātikumbhīdamanamaruvakābilvatohāniśastātriṃśatryekāryarīśodadhinidhivasubhabhūyamābhūyayeva || 57||

यत्तत्पर्युषितं न चैव कलितं वृन्तैर्विहीनं शिवेदुर्गन्धाद्युपहन्तृकेतकमहापद्मादि नार्च्यं शिवे ।छित्वा नैव निपातयेत्सुममुपे सम्पूर्णमेवार्चयेत्सौवर्णेषु च रत्नगर्भकलि ते नो पर्युषितत्वे विधिः ॥ ५८॥

yattatparyuṣitaṃ na caiva kalitaṃ vṛntairvihīnaṃ śivedurgandhādyupahantṛketakamahāpadmādi nārcyaṃ śive |chitvā naiva nipātayetsumamupe sampūrṇamevārcayetsauvarṇeṣu ca ratnagarbhakali te no paryuṣitatve vidhiḥ || 58||

स्वारामोद्भवमेव पुष्पमगजे मत्पूजनार्हं भवेत्नो वा शूद्रकलब्धमाहतमधो यात्येव तत्पूजनात् ।भूमौ वा पतितैरपि स्पृशति चेत्स्नानादिहीनो नरःपुष्पेष्वेवमयं विधिर्भवति मे नो बिल्वपत्रोत्तमे ॥ ५९॥

svārāmodbhavameva puṣpamagaje matpūjanārhaṃ bhavetno vā śūdrakalabdhamāhatamadho yātyeva tatpūjanāt |bhūmau vā patitairapi spṛśati cetsnānādihīno naraḥpuṣpeṣvevamayaṃ vidhirbhavati me no bilvapatrottame || 59||

शुक्राख्य पत्रं च कपित्थ पत्रंनिर्गुण्डिकावारणबिल्वपत्रम् ।पञचैव बिल्वानि ममेशि पूजनेप्रशस्तरूपं प्रियमेव बिल्वम् ॥ ६०॥

śukrākhya patraṃ ca kapittha patraṃnirguṇḍikāvāraṇabilvapatram |pañacaiva bilvāni mameśi pūjanepraśastarūpaṃ priyameva bilvam || 60||

वसुधाराधिप मित्रपादपूज्यावसुधाधृग्वरहारपादसाराः ।सकृदारग्वधपुष्पतोऽर्च्य लिङ्गेसकलप्राणिवधोत्थपापमुक्ताः ॥ ६१॥

vasudhārādhipa mitrapādapūjyāvasudhādhṛgvarahārapādasārāḥ |sakṛdāragvadhapuṣpato'rcya liṅgesakalaprāṇivadhotthapāpamuktāḥ || 61||

गौरीयल्लकलिङ्गपूजनरतोमल्लीभिरेवांदयंमल्लीभिर्नियमेन मल्लयरतो गल्लस्य वाद्यं चरन् ।हल्लीलास्यलयानुगौ मम कृपावल्ली प्ररोहं गतातस्मिन्नेव समुल्लसत्यनुदिनं सल्लापतस्तस्य हि ॥ ६२॥

gaurīyallakaliṅgapūjanaratomallībhirevāṃdayaṃmallībhirniyamena mallayarato gallasya vādyaṃ caran |hallīlāsyalayānugau mama kṛpāvallī prarohaṃ gatātasminneva samullasatyanudinaṃ sallāpatastasya hi || 62||

पारिभद्रसुमपूजया शिवेवीरभद्रगणपोपमलीलः ।भद्रमेव लभते जिततन्द्रोरुद्र एव स भवेन्न दरिद्रः ॥ ६३॥

pāribhadrasumapūjayā śivevīrabhadragaṇapopamalīlaḥ |bhadrameva labhate jitatandrorudra eva sa bhavenna daridraḥ || 63||

शिवे मरुबकैर्बकैरपि तथैव सच्चम्पकैस्तथा कुरवबकैर्धवैःकनकनागपुन्नागकैः ।समर्च्य शिवमंहसा प्रवरराशिपारङ्गतोजनो भवति मुक्तिभागतुलतुङ्गलिङ्गे मम ॥ ६४॥

śive marubakairbakairapi tathaiva saccampakaistathā kuravabakairdhavaiḥkanakanāgapunnāgakaiḥ |samarcya śivamaṃhasā pravararāśipāraṅgatojano bhavati muktibhāgatulatuṅgaliṅge mama || 64||

कदलीफलपुष्पपूजयादलितान्येव भवन्ति पातकानि ।दलितान्यथ तस्य दुःखजालान्यमितान्यप्यथ सत्यमेव गौरि ॥ ६५॥

kadalīphalapuṣpapūjayādalitānyeva bhavanti pātakāni |dalitānyatha tasya duḥkhajālānyamitānyapyatha satyameva gauri || 65||

कुशकाशसमर्चको यदि स्यान्मयि भक्तोऽम्बरकेशलिङ्गके मे ।यमपाशकशाभिघातदुःखंन भवेज्जातु कदाचिदस्य गौरि ॥ ६६॥

kuśakāśasamarcako yadi syānmayi bhakto'mbarakeśaliṅgake me |yamapāśakaśābhighātaduḥkhaṃna bhavejjātu kadācidasya gauri || 66||

भूतास्वपामार्गदलैः समर्च्यलिङ्गं ममाङ्गं विशते स धन्यः ।कनिष्ठजन्मापि स गर्भदुःखंनैवाप्नुयाज्जातु सुदर्भतोऽर्च्य ॥ ६७॥

bhūtāsvapāmārgadalaiḥ samarcyaliṅgaṃ mamāṅgaṃ viśate sa dhanyaḥ |kaniṣṭhajanmāpi sa garbhaduḥkhaṃnaivāpnuyājjātu sudarbhato'rcya || 67||

जितैणमदसौरभैरसमबिल्वपुष्पैर्दलैःसुसौरभसुमैः शिवे नववसन्तकालोत्थितैः ।जनो जनि विवर्जितां गतिमुपैति भाग्योदयैर्निशासु वरकेतकीकुसुमपूजकोधन्यधीः ॥ ६८॥

jitaiṇamadasaurabhairasamabilvapuṣpairdalaiḥsusaurabhasumaiḥ śive navavasantakālotthitaiḥ |jano jani vivarjitāṃ gatimupaiti bhāgyodayairniśāsu varaketakīkusumapūjakodhanyadhīḥ || 68||

यः पुण्डरीककुसुमैर्नवचन्द्रखण्डलीलालकावलितलिङ्गसुपूजकश्चेत् ।आखण्डलादिमुखवन्दितपादपीठश्चण्डांशुजातवदनं न स जातु पश्येत् ॥ ६९॥

yaḥ puṇḍarīkakusumairnavacandrakhaṇḍalīlālakāvalitaliṅgasupūjakaścet |ākhaṇḍalādimukhavanditapādapīṭhaścaṇḍāṃśujātavadanaṃ na sa jātu paśyet || 69||

कमलैरमलैर्महेशलिङ्गंशतपत्रैःशतपत्रमित्रनेत्रम् ।परिपूज्य लभेत्कलत्रपुत्रंमखसत्रादधिकां तु पुण्यवृद्धिम् ॥ ७०॥

kamalairamalairmaheśaliṅgaṃśatapatraiḥśatapatramitranetram |paripūjya labhetkalatraputraṃmakhasatrādadhikāṃ tu puṇyavṛddhim || 70||

बिम्बाभदाडिमकदम्बकदम्बपुष्पैरम्बापतेः प्रियतमोत्तमचारुलिङ्गम् ।वृन्दारवृन्दवरनायकमौलिवन्द्योबन्धाद्विमुक्तिमुपयाति न पापगन्धम् ॥ ७१॥

bimbābhadāḍimakadambakadambapuṣpairambāpateḥ priyatamottamacāruliṅgam |vṛndāravṛndavaranāyakamaulivandyobandhādvimuktimupayāti na pāpagandham || 71||

अतसीतुलसीभिरीशलिङ्गंकुमुदैरप्यमदैर्मुदा भवानि ।सकृदीश्वर पूज्य वन्य पुष्पैःयदि सामान्य नरो भवेत्स धन्यः ॥ ७२॥

atasītulasībhirīśaliṅgaṃkumudairapyamadairmudā bhavāni |sakṛdīśvara pūjya vanya puṣpaiḥyadi sāmānya naro bhavetsa dhanyaḥ || 72||

अर्कद्वयं च करवीरमुनीन्द्रपुष्पैधात्री पवित्रसुमैर्वरजातिकाभिः ।द्रोणैश्च नन्दिकुसुमैरसमैः कदम्बैःशेवन्तिकात्रयमुमे परिपूज्य धन्यः ॥ ७३॥

arkadvayaṃ ca karavīramunīndrapuṣpaidhātrī pavitrasumairvarajātikābhiḥ |droṇaiśca nandikusumairasamaiḥ kadambaiḥśevantikātrayamume paripūjya dhanyaḥ || 73||

जातेन किं तेन हि पारिजातपूजारतं यस्य न मानसं स्यात् ।मन्दोऽपि मन्दार सुमं समर्प्यवाचस्पतिं धिक्कुरुते सभासु ॥ ७४॥

jātena kiṃ tena hi pārijātapūjārataṃ yasya na mānasaṃ syāt |mando'pi mandāra sumaṃ samarpyavācaspatiṃ dhikkurute sabhāsu || 74||

शमीकुसुमपूजया सुमशरारिलिङ्गे शिवेशरारिरिवनीरगोऽप्युरगवैरिवेगातिगः ।भवेसुचिरसम्भृतैरघसहस्रकैरावृतोऽप्यनारतमनुस्मरेत् शमनजातभीत्युज्झितः ॥ ७५॥

śamīkusumapūjayā sumaśarāriliṅge śiveśarāririvanīrago'pyuragavairivegātigaḥ |bhavesucirasambhṛtairaghasahasrakairāvṛto'pyanāratamanusmaret śamanajātabhītyujjhitaḥ || 75||

सौवर्णवर्णसमदिव्यसुकर्णिकारैःसम्पूज्य लिङ्गमगजे सकलोऽपि वर्णः ।पर्वण्यपि प्रथितदोपहर प्रदोषेऽपर्णापतेः प्रियतरो गणपः स तूर्णम् ॥ ७६॥

sauvarṇavarṇasamadivyasukarṇikāraiḥsampūjya liṅgamagaje sakalo'pi varṇaḥ |parvaṇyapi prathitadopahara pradoṣe'parṇāpateḥ priyataro gaṇapaḥ sa tūrṇam || 76||

सितासितसुपाटलीपटलपुष्पसम्पूजयास पाटयति पातकद्रुमसहस्रमेव द्रुतम् ।स सङ्कटकुलं सदा न हि कदापि पश्येन्नरःसकण्टकपथं शिदे यमभटोरुदण्डाहतः ॥ ७७॥

sitāsitasupāṭalīpaṭalapuṣpasampūjayāsa pāṭayati pātakadrumasahasrameva drutam |sa saṅkaṭakulaṃ sadā na hi kadāpi paśyennaraḥsakaṇṭakapathaṃ śide yamabhaṭorudaṇḍāhataḥ || 77||

ईषच्छिरीषकुसुमैर्ममलिङ्गमौलौ(ईशा)एषोऽनुरक्तहृदयःसुविशेषयेच्चेत् ।हित्वाघसङ्घमगजे गणपुङ्गवेन्द्रोभद्राणि सोऽद्य(देवि) लभते स सुरेन्द्रवन्द्यः ॥ ७८॥

īṣacchirīṣakusumairmamaliṅgamaulau(īśā)eṣo'nuraktahṛdayaḥsuviśeṣayeccet |hitvāghasaṅghamagaje gaṇapuṅgavendrobhadrāṇi so'dya(devi) labhate sa surendravandyaḥ || 78||

उत्फुल्लहल्लकुसुमैर्मृगबालपाणिलिङ्गार्चनेन कलयेन्न स जातु कालम् ।रङ्कोऽप्यसौ भवति सर्वधराधिनाथवन्द्याङ्घ्रियुग्मनखचन्द्ररुचिर्भवानि ॥ ७९॥

utphullahallakusumairmṛgabālapāṇiliṅgārcanena kalayenna sa jātu kālam |raṅko'pyasau bhavati sarvadharādhināthavandyāṅghriyugmanakhacandrarucirbhavāni || 79||

मन्दाराम्बुजमल्लिकाविरचितां मालां च नीलोत्पलैःयुक्तां यः प्रददाति शङ्करमहालिङ्गे सहस्रैः कृताम् ।तस्यार्धार्धसुसङ्ख्यया सुविहिता स्यात्प्रीतये मुक्तिद (स्याद्भुक्तिमुक्तिप्रदा)मुक्तापुष्पसमर्चनादपि सदा सम्प्रीतये मे (मत्प्रीतये सा) परा ॥ ८०॥

mandārāmbujamallikāviracitāṃ mālāṃ ca nīlotpalaiḥyuktāṃ yaḥ pradadāti śaṅkaramahāliṅge sahasraiḥ kṛtām |tasyārdhārdhasusaṅkhyayā suvihitā syātprītaye muktida (syādbhuktimuktipradā)muktāpuṣpasamarcanādapi sadā samprītaye me (matprītaye sā) parā || 80||

पुष्पाध्यायमिदं सदैव हृदये धार्यं हि वर्यैः सदाकार्यं स्यान्मम पूजनं सुविहितं वीर्योन्नतैः शैलजे ।गर्वं चाप्यपहृत्य धैर्यपरमैर्हस्तार्चितैः पावनैरर्च्योऽहं भुवि सादरं सुमगणैर्हीनो भवेत्पातकैः ॥ ८१॥

puṣpādhyāyamidaṃ sadaiva hṛdaye dhāryaṃ hi varyaiḥ sadākāryaṃ syānmama pūjanaṃ suvihitaṃ vīryonnataiḥ śailaje |garvaṃ cāpyapahṛtya dhairyaparamairhastārcitaiḥ pāvanairarcyo'haṃ bhuvi sādaraṃ sumagaṇairhīno bhavetpātakaiḥ || 81||

॥ इति शिवरहस्यान्तर्गते ईश्वरप्रोक्तं शिवलिङ्गे पुष्पपत्रार्पणोपदेशं २ सम्पूर्णम् ॥॥ श्रीशिवरहस्यम् । महादेवाख्यः एकादशमांशः । अध्यायः ९ पुष्पाध्यायः । ५७\।८१॥– ॥ श्रीशिवरहस्यम् । महादेवाख्यः एकादशमांशः । अध्यायः ९ पुष्पाध्यायः । ५७।८१॥

|| iti śivarahasyāntargate īśvaraproktaṃ śivaliṅge puṣpapatrārpaṇopadeśaṃ 2 sampūrṇam |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 9 puṣpādhyāyaḥ | 57\|81||– || śrīśivarahasyam | mahādevākhyaḥ ekādaśamāṃśaḥ | adhyāyaḥ 9 puṣpādhyāyaḥ | 57|81||