शिवस्तवः हारीतकृतः Haritakrita Shivastavah

(एकलिङ्गमाहात्म्ये)

(ekaliṅgamāhātmye)

ॐ नमः शिवाय

oṃ namaḥ śivāya

जयत्यखिललोकशङ्करः शिवः सर्वसर्वपसर्वदप्रणतजनपशुपाशपटलपाटनलम्पटप्रसादशीलतालङ्कृतशरीरः, दक्षदक्षमखमथनधातृमुखकुहनिर्झरदखिलवेदविद्यासुरसरिज्जात्कारमुखरितत्रिदशकुलशैलराजः, मालतीमलयमन्दारकुटजकुन्दकदम्बोन्मत्तकेतकीकल्हारकर्पूरपारिजातकमधुरमधुकरकनकचम्पकमल्लिकाबिल्वपत्रपाटलीशतपत्रिकार्ककिंशुकबकुलकमलकर्णिकारत्रिसन्ध्यागस्त्यबर्बरिकाकङ्कोलकाञ्चनारकरवीरागरुश्रीखण्डयक्षकर्द्दमलिप्ताङ्गशरीरः, सततसंयुक्तकिन्नरकामिनीभृङ्ग(वृन्द)गीतनृत्यवंशवाद्यवीणावेदध्वनिभरितभुवनकैलाशशिखरशिखराग्रशैलराजः, पञ्चार्थतीर्थरतरतिभुवनरतितृप्तयोगयोगदयोगिनिर्वाणदः, पार्वतीनखव्रणचिह्नितशरीरनिर्मलनिष्कलनिष्कलङ्कः, विषविषमविषयमृत्युमकरकुलाकुलान्दोलितकलिजलजरास्फीतफेनजन्मोर्मिमालासंसारसागरसमुत्तरणैकपोतः, सदसदुत्पत्तिपालनविलयकारणधराद्यष्टतनुपरिपालितजगत्त्रितयसकलसुरासुरकराकर्षणजनितजवमन्दरपरिवर्तितघोराघातनिर्मथितदुग्धोदधिजातकालकूटचटुलानलकवलेनकृष्णकण्ठः श्रीकण्ठः, ब्रह्मचक्रलब्धलिङ्गावसानपरिपूर्णः, परितृप्तदशवदनप्रचण्डदोर्दण्डमण्डपोत्कलितकैलाशशृङ्गचलनभयचकितरणरणितरमणीयमणिखचितकनकनूपुरमधुररवमुखरितचरणकमलःगौरीकुचकलशकुङ्कुमपङ्कलाञ्छितशरीरः, विपुलपीनाङ्गःशशिशेखरः शिवः शान्तः शाश्वतः, हरिकरखरनखरसमूहतीव्रकिरणपटलाट्टाट्टहासभासुरकरतलचपेटापाटितविकटकरिकुम्भस्थलोच्छलितविमलमुक्ताफलखचितहरिनारीचर्मविचित्रनितम्बबिम्बः, प्रणतशचीपतिकर्णपूरपल्लवोल्लिखितपादपीठः, कण्ठोल्लुठितकपालमालाभरणभूषितशरीरः,जन्मजरामरणभयवर्जितः, त्र्यम्बको बकुलकुसुमसुरभितमणिशिलातलसमुल्लसितविमलजलविलुलितकलहंसमधुरध्वननिर्मलयोनिमधुमथनमधुरसामध्वनिसंस्तूयमानः, सहजानन्दोऽतिबलोऽणिमादिसिद्धिगुणनिधानः,प्रणतजनवत्सलप्रलयजलदतडिदंशुदुर्धरधगधगितनिर्गतकिरणश्रेणिपिशङ्गितवरललाटलोचनोच्छलच्चटुलशिखानिर्द्दग्धमकरध्वजशरीरः, हरो निखिलदुःखहरस्त्रिदशशेखरः, क्षरज्जलक(च)चक्रवालकवलितसकलदिग्वलयशूलनिर्भिन्नदुर्द्धरान्धकमहासुरः प्रमथनाथः, सप्तलोकेश्वरप्रवरपिनाकमुक्तैकशरनिर्गतविषयविशिखशिखासितप्रतापताप्यमानदनुजेन्द्रकर्णपूरभुजयुगलभस्मीकृतत्रिपुरत्रितयः, रुद्रो रौद्रो रौद्रभूताट्टसङ्ग्रामलम्पटनिशितनिर्स्त्रिशशूलपरशुपाशाङ्कुशाशनिशक्तितूणतोमरभल्लिकर्णनालिकनाराचशरशार्ङ्गचक्रगदावज्रमुद्गरदण्डभिन्दिपालहलमुसलशम्बलखड्ग(च)छुरिकाकर्तरीकुणपकुन्तफलकफलिकाभुशुण्डीशङ्कुस्फोटपरिधपट्टिशप्रभृतिवरायुधधरः, प्रहतपटुपटहटतटितबधिरितगगनगमनदुर्ललितसकलसुरासुरमौलिलीनचरणकमललीलालसाङ्गुलीतलनिर्द्दलितदशवदनमुखासुरसेवितविकटकिरीटकोटीरभारः, वलिताङ्गभुजङ्गाभरणो भवो भव्यो भाव्यो भूतेशोविभवप्रदो भवार्तिहरो विशुद्धवदनो भुजङ्गमणिविस्फूर्जितहृदयः,कालकालमहाकालानलकर्णपूरशिरोमणिः, कपालमालाखण्डमण्डितजटाजूटहरिबलवदनकालकूटलेखोद्घटनाङ्कितकण्ठैकदेशः, श्मशानभस्मोद्धूलितसकलविग्रहो हारीकृतमहाभुजङ्गः, कपिलकृतसकलविग्रहो विग्रहार्द्धनारीधरो भैरवमहाभैरवभैरववैतालमातृपरिवृतः, शुभदशनमुखमयूखखचितहसितदीप्तिविदलितबहुलान्धकारः पितृवनसमारब्धताण्डव प्रसारितभुजसहस्रदुर्निरीक्षिताकाण्डब्रह्माण्डमण्डपो वरो वरपरशुधरः, परापरः पवित्रःपवमानःपवनकम्पितकनकचम्पकलतापतितकुसुमधूलिधवलितत्रिशूलःपृथुकैलाशगिरिकन्दरनिवासः, शरणदध्यानदज्ञानदमोक्षदः, शुद्धस्फटिकमणिसङ्घशुभ्रदेहः, हिमधामधवलितसकलभुवनान्तरालः, शशिकोटिविघटनविकटकिरीटकोटीरभारः, सजलजलदजलशुद्धज्ञानैकतत्त्वकठिनपापानङ्गाङ्कुट्टनाकुण्ठितकुठारः, सुरकरिकपोलामलविगलितबहुलसमुज्ज्वलगन्धलुब्धमधुपपददलितकनकपङ्कजरजःपुञ्जपिञ्जरितगगनगमनमन्दाकिनीप्रवाहप्रोक्षिततृतीयनयनः, पाञ्चजन्यकुटिलार्द्धलोचनवरवरवृषभस्कन्धरतः,गजासुरकृत्तिवसनो बाणासुररिपुदर्पनाशनः, तत्त्वदृष्टिमार्गानुरतः,क्षुभितलक्ष्मीकरकमलान्दोलितोद्दामहेममणिमयदण्डमण्डितचारुचामरमरुद्वीजितचरणशतपत्रः, सत्यासत्यवृत्तः, त्रिभुवनैकनाथप्रभुः ।

jayatyakhilalokaśaṅkaraḥ śivaḥ sarvasarvapasarvadapraṇatajanapaśupāśapaṭalapāṭanalampaṭaprasādaśīlatālaṅkṛtaśarīraḥ, dakṣadakṣamakhamathanadhātṛmukhakuhanirjharadakhilavedavidyāsurasarijjātkāramukharitatridaśakulaśailarājaḥ, mālatīmalayamandārakuṭajakundakadambonmattaketakīkalhārakarpūrapārijātakamadhuramadhukarakanakacampakamallikābilvapatrapāṭalīśatapatrikārkakiṃśukabakulakamalakarṇikāratrisandhyāgastyabarbarikākaṅkolakāñcanārakaravīrāgaruśrīkhaṇḍayakṣakarddamaliptāṅgaśarīraḥ, satatasaṃyuktakinnarakāminībhṛṅga(vṛnda)gītanṛtyavaṃśavādyavīṇāvedadhvanibharitabhuvanakailāśaśikharaśikharāgraśailarājaḥ, pañcārthatīrtharataratibhuvanaratitṛptayogayogadayoginirvāṇadaḥ, pārvatīnakhavraṇacihnitaśarīranirmalaniṣkalaniṣkalaṅkaḥ, viṣaviṣamaviṣayamṛtyumakarakulākulāndolitakalijalajarāsphītaphenajanmormimālāsaṃsārasāgarasamuttaraṇaikapotaḥ, sadasadutpattipālanavilayakāraṇadharādyaṣṭatanuparipālitajagattritayasakalasurāsurakarākarṣaṇajanitajavamandaraparivartitaghorāghātanirmathitadugdhodadhijātakālakūṭacaṭulānalakavalenakṛṣṇakaṇṭhaḥ śrīkaṇṭhaḥ, brahmacakralabdhaliṅgāvasānaparipūrṇaḥ, paritṛptadaśavadanapracaṇḍadordaṇḍamaṇḍapotkalitakailāśaśṛṅgacalanabhayacakitaraṇaraṇitaramaṇīyamaṇikhacitakanakanūpuramadhuraravamukharitacaraṇakamalaḥgaurīkucakalaśakuṅkumapaṅkalāñchitaśarīraḥ, vipulapīnāṅgaḥśaśiśekharaḥ śivaḥ śāntaḥ śāśvataḥ, harikarakharanakharasamūhatīvrakiraṇapaṭalāṭṭāṭṭahāsabhāsurakaratalacapeṭāpāṭitavikaṭakarikumbhasthalocchalitavimalamuktāphalakhacitaharinārīcarmavicitranitambabimbaḥ, praṇataśacīpatikarṇapūrapallavollikhitapādapīṭhaḥ, kaṇṭholluṭhitakapālamālābharaṇabhūṣitaśarīraḥ,janmajarāmaraṇabhayavarjitaḥ, tryambako bakulakusumasurabhitamaṇiśilātalasamullasitavimalajalavilulitakalahaṃsamadhuradhvananirmalayonimadhumathanamadhurasāmadhvanisaṃstūyamānaḥ, sahajānando'tibalo'ṇimādisiddhiguṇanidhānaḥ,praṇatajanavatsalapralayajaladataḍidaṃśudurdharadhagadhagitanirgatakiraṇaśreṇipiśaṅgitavaralalāṭalocanocchalaccaṭulaśikhānirddagdhamakaradhvajaśarīraḥ, haro nikhiladuḥkhaharastridaśaśekharaḥ, kṣarajjalaka(ca)cakravālakavalitasakaladigvalayaśūlanirbhinnadurddharāndhakamahāsuraḥ pramathanāthaḥ, saptalokeśvarapravarapinākamuktaikaśaranirgataviṣayaviśikhaśikhāsitapratāpatāpyamānadanujendrakarṇapūrabhujayugalabhasmīkṛtatripuratritayaḥ, rudro raudro raudrabhūtāṭṭasaṅgrāmalampaṭaniśitanirstriśaśūlaparaśupāśāṅkuśāśaniśaktitūṇatomarabhallikarṇanālikanārācaśaraśārṅgacakragadāvajramudgaradaṇḍabhindipālahalamusalaśambalakhaḍga(ca)churikākartarīkuṇapakuntaphalakaphalikābhuśuṇḍīśaṅkusphoṭaparidhapaṭṭiśaprabhṛtivarāyudhadharaḥ, prahatapaṭupaṭahaṭataṭitabadhiritagaganagamanadurlalitasakalasurāsuramaulilīnacaraṇakamalalīlālasāṅgulītalanirddalitadaśavadanamukhāsurasevitavikaṭakirīṭakoṭīrabhāraḥ, valitāṅgabhujaṅgābharaṇo bhavo bhavyo bhāvyo bhūteśovibhavaprado bhavārtiharo viśuddhavadano bhujaṅgamaṇivisphūrjitahṛdayaḥ,kālakālamahākālānalakarṇapūraśiromaṇiḥ, kapālamālākhaṇḍamaṇḍitajaṭājūṭaharibalavadanakālakūṭalekhodghaṭanāṅkitakaṇṭhaikadeśaḥ, śmaśānabhasmoddhūlitasakalavigraho hārīkṛtamahābhujaṅgaḥ, kapilakṛtasakalavigraho vigrahārddhanārīdharo bhairavamahābhairavabhairavavaitālamātṛparivṛtaḥ, śubhadaśanamukhamayūkhakhacitahasitadīptividalitabahulāndhakāraḥ pitṛvanasamārabdhatāṇḍava prasāritabhujasahasradurnirīkṣitākāṇḍabrahmāṇḍamaṇḍapo varo varaparaśudharaḥ, parāparaḥ pavitraḥpavamānaḥpavanakampitakanakacampakalatāpatitakusumadhūlidhavalitatriśūlaḥpṛthukailāśagirikandaranivāsaḥ, śaraṇadadhyānadajñānadamokṣadaḥ, śuddhasphaṭikamaṇisaṅghaśubhradehaḥ, himadhāmadhavalitasakalabhuvanāntarālaḥ, śaśikoṭivighaṭanavikaṭakirīṭakoṭīrabhāraḥ, sajalajaladajalaśuddhajñānaikatattvakaṭhinapāpānaṅgāṅkuṭṭanākuṇṭhitakuṭhāraḥ, surakarikapolāmalavigalitabahulasamujjvalagandhalubdhamadhupapadadalitakanakapaṅkajarajaḥpuñjapiñjaritagaganagamanamandākinīpravāhaprokṣitatṛtīyanayanaḥ, pāñcajanyakuṭilārddhalocanavaravaravṛṣabhaskandharataḥ,gajāsurakṛttivasano bāṇāsuraripudarpanāśanaḥ, tattvadṛṣṭimārgānurataḥ,kṣubhitalakṣmīkarakamalāndolitoddāmahemamaṇimayadaṇḍamaṇḍitacārucāmaramarudvījitacaraṇaśatapatraḥ, satyāsatyavṛttaḥ, tribhuvanaikanāthaprabhuḥ |

श्रीमदेकलिङ्गदेव भक्तजनोपजीव्यमानमोक्षाद्यनन्तकल्पपादप, अभिललितनीलोन्मीलितसान्द्रमन्दारकुड्मलोद्दामहेममकरन्दपानमदिरामत्तषट्पदकुलसन्दोहसुन्दरसुन्दरीझङ्कारभूषिताङ्घ्रितामरसयुगलाव्ययाक्षयब्रह्मप्राजापत्यद ! विष्णुचक्रद ! इन्द्रराज्यद ! वज्रिवज्रद ! नन्दिगणाधिपत्यद !उपमन्युक्षीरोदधिदुग्धद ! नरकोदधिमुह्यमानासिपत्रवनसमुत्तरणैकप्रसादपोत ! यमनीतिकालकूट ! जननीजनजीवितैश्वर्यन्दः(द) शङ्कुकर्णन्धनदकमलजशक्रचक्रधरप्रमुखसुरासुरसेवितमन्दिरद्वारः(र) त्रिविष्टपप्रकटाटनविजयकरणकृष्णरुक्मिणीयुक्तरथगमनतुहिनपर्वतनितम्बबिम्बचुम्बितसुरसरिदम्बुप्रवाहधाराधौतधवलोपलतमोपविष्टमुनिजनविशुद्धध्यानसन्तानपूजितदत्तभैरवहस्तावलम्बनः(न) भैरवरूप सन्त्रासितासुरगणः(ण)अवज्ञालसवामकराङ्गुष्ठनखनिकृन्तितपितामहपञ्चमशिरःकमलः(ल)शरभवच्चञ्चुनखमुखाहतरुषितनरसिंहविग्रहः(ह) विग्रहार्द्धनारीधरः(र)पूष्णोः दशनपातनः(न) पातितकृष्णकेशस्तम्भितवज्रिवज्रः(ज्र)बाहुलेयसनत्कुमारयोगापहारकारकः(क) तीव्रतरणिकिरणनिवहविकसितकमलदलविपुलनयनः(न) शशिकरनिकरवर्षशतशङ्कुकर्णः(णं)हारीतऋषिशोकानलहरो(र) हर नमस्ते हर नमस्ते हर नमस्ते ।

śrīmadekaliṅgadeva bhaktajanopajīvyamānamokṣādyanantakalpapādapa, abhilalitanīlonmīlitasāndramandārakuḍmaloddāmahemamakarandapānamadirāmattaṣaṭpadakulasandohasundarasundarījhaṅkārabhūṣitāṅghritāmarasayugalāvyayākṣayabrahmaprājāpatyada ! viṣṇucakrada ! indrarājyada ! vajrivajrada ! nandigaṇādhipatyada !upamanyukṣīrodadhidugdhada ! narakodadhimuhyamānāsipatravanasamuttaraṇaikaprasādapota ! yamanītikālakūṭa ! jananījanajīvitaiśvaryandaḥ(da) śaṅkukarṇandhanadakamalajaśakracakradharapramukhasurāsurasevitamandiradvāraḥ(ra) triviṣṭapaprakaṭāṭanavijayakaraṇakṛṣṇarukmiṇīyuktarathagamanatuhinaparvatanitambabimbacumbitasurasaridambupravāhadhārādhautadhavalopalatamopaviṣṭamunijanaviśuddhadhyānasantānapūjitadattabhairavahastāvalambanaḥ(na) bhairavarūpa santrāsitāsuragaṇaḥ(ṇa)avajñālasavāmakarāṅguṣṭhanakhanikṛntitapitāmahapañcamaśiraḥkamalaḥ(la)śarabhavaccañcunakhamukhāhataruṣitanarasiṃhavigrahaḥ(ha) vigrahārddhanārīdharaḥ(ra)pūṣṇoḥ daśanapātanaḥ(na) pātitakṛṣṇakeśastambhitavajrivajraḥ(jra)bāhuleyasanatkumārayogāpahārakārakaḥ(ka) tīvrataraṇikiraṇanivahavikasitakamaladalavipulanayanaḥ(na) śaśikaranikaravarṣaśataśaṅkukarṇaḥ(ṇaṃ)hārītaṛṣiśokānalaharo(ra) hara namaste hara namaste hara namaste |

इति एकलिङ्गमाहात्म्ये हारीतकृतशिवस्तवः सम्पूर्णः ।

iti ekaliṅgamāhātmye hārītakṛtaśivastavaḥ sampūrṇaḥ |

॥ एकलिङ्गमाहात्म्यम् ।दशमोऽध्यायः उत्तरार्धः तीर्थयात्राफलम् ।१०\।१८२९॥

|| ekaliṅgamāhātmyam |daśamo'dhyāyaḥ uttarārdhaḥ tīrthayātrāphalam | 10\|1829||

– ॥ एकलिङ्गमाहात्म्यम् ।दशमोऽध्यायः – उत्तरार्धः – तीर्थयात्राफलम् ।१०।१८-२९ ॥

– || ekaliṅgamāhātmyam |daśamo'dhyāyaḥ – uttarārdhaḥ – tīrthayātrāphalam | 10|18-29 ||