हरिशङ्करस्तोत्रम् पापशमनम् Harishankarastotram by Sage Agastya

मत्स्यं नमस्ये देवेशं कूर्मं देवेशमेव च ।हयशीर्षं नमस्येऽहं भवं विष्णुं त्रिविक्रमम् ॥ २॥ १॥

matsyaṃ namasye deveśaṃ kūrmaṃ deveśameva ca |hayaśīrṣaṃ namasye'haṃ bhavaṃ viṣṇuṃ trivikramam || 2|| 1||

नमस्ये माधवेशानौ हृषीकेषकुमारिलौ ।नारायणं नमस्येऽहं नमस्ते गरुडासनम् ॥ ३॥

namasye mādhaveśānau hṛṣīkeṣakumārilau |nārāyaṇaṃ namasye'haṃ namaste garuḍāsanam || 3||

जयेशं नरसिंहं च रूपधारं कुरुध्वजम् ।कामपालमखण्डं च नमस्ये ब्राह्मणप्रियम् ॥ ४॥

jayeśaṃ narasiṃhaṃ ca rūpadhāraṃ kurudhvajam |kāmapālamakhaṇḍaṃ ca namasye brāhmaṇapriyam || 4||

अजितं विश्वकर्माणं पुण्डरीकं द्विजप्रियम् ।हरिं शम्भुं नमस्ये च ब्रह्माणं सप्रजापतिम् ॥ ५॥

ajitaṃ viśvakarmāṇaṃ puṇḍarīkaṃ dvijapriyam |hariṃ śambhuṃ namasye ca brahmāṇaṃ saprajāpatim || 5||

नमस्ये शूलबाहुं च देवं चक्रधरं तथा ।शिवं विष्णुं सुवर्णाक्षं गोपतिं पीतवाससम् ॥ ६॥

namasye śūlabāhuṃ ca devaṃ cakradharaṃ tathā |śivaṃ viṣṇuṃ suvarṇākṣaṃ gopatiṃ pītavāsasam || 6||

नमस्ये च गदापाणिं नमस्ये च कुशेशयम् ।अर्धनारीश्वरं देवं नमस्ये पापनाशनम् ॥ ७॥

namasye ca gadāpāṇiṃ namasye ca kuśeśayam |ardhanārīśvaraṃ devaṃ namasye pāpanāśanam || 7||

गोपालं च सवैकुण्ठं नमस्ये चापधारिणम् ।नमस्ये विष्णुरूपं च ज्येष्ठेशं पञ्चमं तथा ॥ ८॥

gopālaṃ ca savaikuṇṭhaṃ namasye cāpadhāriṇam |namasye viṣṇurūpaṃ ca jyeṣṭheśaṃ pañcamaṃ tathā || 8||

उपशान्तं नमस्येऽहं मार्कण्डेयं सजम्बुकम् ।नमस्ये पद्मकिरणं नमस्ये वडवामुखम् ॥ ९॥

upaśāntaṃ namasye'haṃ mārkaṇḍeyaṃ sajambukam |namasye padmakiraṇaṃ namasye vaḍavāmukham || 9||

कार्त्तिकेयं नमस्येऽहं बाह्लिकं शङ्खिनं तथा ।नमस्ये पद्मकिरणं नमस्ये च कुशेशयम् ॥ १०॥

kārttikeyaṃ namasye'haṃ bāhlikaṃ śaṅkhinaṃ tathā |namasye padmakiraṇaṃ namasye ca kuśeśayam || 10||

नमस्ये स्थाणुमनघं नमस्ये वनमालिनम् ।नमस्ये लाङ्गलीशं च नमस्येऽहं श्रियः पतिम् ॥ ११॥

namasye sthāṇumanaghaṃ namasye vanamālinam |namasye lāṅgalīśaṃ ca namasye'haṃ śriyaḥ patim || 11||

नमस्ये च त्रिनयनं नमस्ये हव्यवाहनम् ।नमस्ये च त्रिसौवर्णं नमस्ये धरणीधरम् ॥ १२॥

namasye ca trinayanaṃ namasye havyavāhanam |namasye ca trisauvarṇaṃ namasye dharaṇīdharam || 12||

त्रिणाचिकेतं ब्रह्माणं नमस्ये शशिभूषणम् ।कपर्दिनं नमस्ये च सर्वामयविनाशनम् ॥ १३॥

triṇāciketaṃ brahmāṇaṃ namasye śaśibhūṣaṇam |kapardinaṃ namasye ca sarvāmayavināśanam || 13||

नमस्ये शशिनं सूर्यं ध्रुवं रुद्रं महौजसम् ।पद्मनाभं हिरण्याक्षं नमस्ये स्कन्दमव्ययम् ॥ १४॥

namasye śaśinaṃ sūryaṃ dhruvaṃ rudraṃ mahaujasam |padmanābhaṃ hiraṇyākṣaṃ namasye skandamavyayam || 14||

नमस्येऽहं भीमहंसौ नमस्ये हाटकेश्वरम् ।सदाहंसं नमस्ये च नमस्ये घ्राणतर्पणम् ॥ १५॥

namasye'haṃ bhīmahaṃsau namasye hāṭakeśvaram |sadāhaṃsaṃ namasye ca namasye ghrāṇatarpaṇam || 15||

नमस्ये रुक्मकवचं महायोगिनमीश्वरम् ।नमस्ये श्रीनिवासं च नमस्ये पुरुषोत्तमम् ॥ २६॥

namasye rukmakavacaṃ mahāyoginamīśvaram |namasye śrīnivāsaṃ ca namasye puruṣottamam || 26||

नमस्ये च चतुर्बाहुं नमस्ये च सुधाधिपम् ।वनस्पतिं मधुपतिं नमस्ये मनुमव्ययम् ॥ १७॥

namasye ca caturbāhuṃ namasye ca sudhādhipam |vanaspatiṃ madhupatiṃ namasye manumavyayam || 17||

श्रीकण्ठं वासुदेवं च नीलकण्ठं सदाशिवम् ।नमस्ये शर्वमनघं गौरीशं लकुडेश्वरम् ॥ १८॥

śrīkaṇṭhaṃ vāsudevaṃ ca nīlakaṇṭhaṃ sadāśivam |namasye śarvamanaghaṃ gaurīśaṃ lakuḍeśvaram || 18||

मनोहरं च कृष्णेशं नमस्ये चक्रपाणिनम् ।यशोधनं महाबाहुं नमस्ये च कुशप्रियम् ॥ १९॥

manoharaṃ ca kṛṣṇeśaṃ namasye cakrapāṇinam |yaśodhanaṃ mahābāhuṃ namasye ca kuśapriyam || 19||

भूधरं छादितगदं सुनेत्रं सुरशंसितम् ।भद्राक्षं वीरभद्रं च नमस्ये शङ्कुकर्णिनम् ॥ २०॥

bhūdharaṃ chāditagadaṃ sunetraṃ suraśaṃsitam |bhadrākṣaṃ vīrabhadraṃ ca namasye śaṅkukarṇinam || 20||

वृषध्वजं महेशं च विश्वामित्रं शशिप्रभम् ।उपेन्द्रं च सगोविन्दं नमस्ये पङ्कजप्रियम् ॥ २१॥

vṛṣadhvajaṃ maheśaṃ ca viśvāmitraṃ śaśiprabham |upendraṃ ca sagovindaṃ namasye paṅkajapriyam || 21||

सहस्रशिरसं देवं नमस्ये कुन्दमालिनम् ।कालाग्निं रुद्रदेवेशं नमस्ये कृत्तिवाससम् ॥ २२॥

sahasraśirasaṃ devaṃ namasye kundamālinam |kālāgniṃ rudradeveśaṃ namasye kṛttivāsasam || 22||

नमस्ये छागलेशं च नमस्ये पङ्कजासनम् ।सहस्राक्षं कोकनदं नमस्ये हरिशङ्करम् ॥ २३॥

namasye chāgaleśaṃ ca namasye paṅkajāsanam |sahasrākṣaṃ kokanadaṃ namasye hariśaṅkaram || 23||

अगस्त्यं गरुडं विष्णुं कपिलं ब्रह्मवाङ्मयम् ।सनातनं च ब्रह्माणं नमस्ये ब्रह्म तत्परम् ॥ २४॥

agastyaṃ garuḍaṃ viṣṇuṃ kapilaṃ brahmavāṅmayam |sanātanaṃ ca brahmāṇaṃ namasye brahma tatparam || 24||

अप्रतर्क्यं चतुर्बाहुं सहस्रांशुं तपोमयम् ।नमस्ये धर्मराजानं देवं गरुडवाहनम् ॥ २५॥

apratarkyaṃ caturbāhuṃ sahasrāṃśuṃ tapomayam |namasye dharmarājānaṃ devaṃ garuḍavāhanam || 25||

सर्वभूतगतं शान्तं निर्मलं सर्वलक्षणम् ।महायोगिनमव्यक्तं नमस्ये पापनाशनम् ॥ २६॥

sarvabhūtagataṃ śāntaṃ nirmalaṃ sarvalakṣaṇam |mahāyoginamavyaktaṃ namasye pāpanāśanam || 26||

निरञ्जनं निराकारं निर्गुणं निलयं पदम् ।नमस्ये पापहर्तारं शरण्यं शरणं व्रजे ॥ २७॥

nirañjanaṃ nirākāraṃ nirguṇaṃ nilayaṃ padam |namasye pāpahartāraṃ śaraṇyaṃ śaraṇaṃ vraje || 27||

एतत् पवित्रं परमं पुराणप्रोक्त त्वगस्त्येन महर्षणा च ।धन्यं यशस्यं बहुपापनाशनंसंङ्कीर्तनात् स्मरणात् स्पर्शनाच्च ॥ २८॥ २७॥

etat pavitraṃ paramaṃ purāṇaprokta tvagastyena maharṣaṇā ca |dhanyaṃ yaśasyaṃ bahupāpanāśanaṃsaṃṅkīrtanāt smaraṇāt sparśanācca || 28|| 27||

इति वामनपुराणे अगस्त्यप्रोक्तं पापशमनं नाम हरिशङ्करस्तोत्रं सम्पूर्णम् ।(वामनपुराण, अध्याय ८८, श्लोकस् २-२८)

iti vāmanapurāṇe agastyaproktaṃ pāpaśamanaṃ nāma hariśaṅkarastotraṃ sampūrṇam |(vāmanapurāṇa, adhyāya 88, ślokas 2-28)