शिवस्तोत्रम् (हिमालयकृतं २ शिवपुराणान्तर्गतम् देवदेव महादेव कपर्दिन् शङ्कर प्रभो) Himalayakritam 2 Shiva Stotram
śivastotram (himālayakṛtaṃ 2 śivapurāṇāntargatam devadeva mahādeva kapardin śaṅkara prabho)
Himalayakritam 2 Shiva Stotram (शिवस्तोत्रम् (हिमालयकृतं २ शिवपुराणान्तर्गतम् देवदेव महादेव कपर्दिन् शङ्कर प्रभो)): a stotra to Śiva. 12 verses in Sanskrit with Devanagari and IAST.
- Stotra
- Stotra
- Śiva
- Stotra
शिवस्तोत्रम् (हिमालयकृतं २ शिवपुराणान्तर्गतम् देवदेव महादेव कपर्दिन् शङ्कर प्रभो)
1 / 12
हिमालय उवाच ।देवदेव महादेव कपर्दिन् शङ्कर प्रभो ।त्वयैव लोकनाथेन पालितं भुवनत्रयम् ॥ १२॥
himālaya uvāca |devadeva mahādeva kapardin śaṅkara prabho |tvayaiva lokanāthena pālitaṃ bhuvanatrayam || 12||
नमस्ते देवदेवेश योगिरूपधराय च ।निर्गुणाय नमस्तुभ्यं सगुणाय विहारिणे ॥ १३॥
namaste devadeveśa yogirūpadharāya ca |nirguṇāya namastubhyaṃ saguṇāya vihāriṇe || 13||
कैलासवासिने शम्भो सर्वलोकाटनाय च ।नमस्ते परमेशाय लीलाकाराय शूलिने ॥ १४॥
kailāsavāsine śambho sarvalokāṭanāya ca |namaste parameśāya līlākārāya śūline || 14||
परिपूर्णगुणाधानविकाररहिताय ते ।नमोऽनीहाय वीहाय धीराय परमात्मने ॥ १५॥
paripūrṇaguṇādhānavikārarahitāya te |namo'nīhāya vīhāya dhīrāya paramātmane || 15||
अबहिर्भोगकाराय जनवत्सल ते नमः ।त्रिगुणाधीश मायेश ब्रह्मणे परमात्मने ॥ १६॥
abahirbhogakārāya janavatsala te namaḥ |triguṇādhīśa māyeśa brahmaṇe paramātmane || 16||
विष्णुब्रह्मादिसेव्याय विष्णुब्रह्मस्वरूपिणे ।विष्णुब्रह्मकदात्रे ते भक्तप्रिय नमोऽस्तु ते ॥ १७॥
viṣṇubrahmādisevyāya viṣṇubrahmasvarūpiṇe |viṣṇubrahmakadātre te bhaktapriya namo'stu te || 17||
तपोरत तपस्थानसुतपःफलदायिने ।तपःप्रियाय शान्ताय नमस्ते ब्रह्मरूपिणे ॥ १८॥
taporata tapasthānasutapaḥphaladāyine |tapaḥpriyāya śāntāya namaste brahmarūpiṇe || 18||
व्यवहारकरायैव लोकाचारकराय ते ।सगुणाय परेशाय नमोऽस्तु परमात्मने ॥ १९॥
vyavahārakarāyaiva lokācārakarāya te |saguṇāya pareśāya namo'stu paramātmane || 19||
लीला तव महेशानावेद्या साधुसुखप्रदा ।भक्ताधीनस्वरूपोऽसि भक्तवश्यो हि कर्मकृत् ॥ ३\।११\।२०॥मम भाग्योदयादत्र त्वमागत इह प्रभो ।सनाथ कृतवान्मां त्वं वर्णितो दानवत्सलः ॥ २१॥
līlā tava maheśānāvedyā sādhusukhapradā |bhaktādhīnasvarūpo'si bhaktavaśyo hi karmakṛt || 3\|11\|20||mama bhāgyodayādatra tvamāgata iha prabho |sanātha kṛtavānmāṃ tvaṃ varṇito dānavatsalaḥ || 21||
अद्य मे सफलं जन्म सफलं जीवनं मम ।अद्य मे सफलं सर्वं यदत्र त्वं समागतः ॥ २२॥
adya me saphalaṃ janma saphalaṃ jīvanaṃ mama |adya me saphalaṃ sarvaṃ yadatra tvaṃ samāgataḥ || 22||
ज्ञात्वा मां दासमव्यग्रमाज्ञान्देहि महेश्वर ।त्वत्सेवां च महाप्रीत्या कुर्यामहमनन्यधीः ॥ २३॥
jñātvā māṃ dāsamavyagramājñāndehi maheśvara |tvatsevāṃ ca mahāprītyā kuryāmahamananyadhīḥ || 23||
इति शिवपुराणे रुद्रसंहितायां पार्वतीखण्डे एकादशाध्यायान्तर्गतंहिमालयकृतं शिवस्तोत्रं समाप्तम् ।शिवपुराण । रुद्रसंहिता । पार्वतीखण्ड । अध्याय ११/१२२०॥शिवपुराण । रुद्रसंहिता । पार्वतीखण्ड । अध्याय ११/१२-२०॥
iti śivapurāṇe rudrasaṃhitāyāṃ pārvatīkhaṇḍe ekādaśādhyāyāntargataṃhimālayakṛtaṃ śivastotraṃ samāptam |śivapurāṇa | rudrasaṃhitā | pārvatīkhaṇḍa | adhyāya 11/1220||śivapurāṇa | rudrasaṃhitā | pārvatīkhaṇḍa | adhyāya 11/12-20||
॥ इति शिवस्तोत्रम् (हिमालयकृतं २ शिवपुराणान्तर्गतम् देवदेव महादेव कपर्दिन् शङ्कर प्रभो) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Himalayakritam 2 Shiva Stotram?
Himalayakritam 2 Shiva Stotram has 12 verses on this page, each shown with its number, Devanagari text and transliteration, and meaning where available.
Can I read Himalayakritam 2 Shiva Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Himalayakritam 2 Shiva Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
