शिवस्तोत्रम् (देवादिभिःकृतं १ वामनपुराणान्तर्गतम् नमस्ते परमात्मन् अनन्तयोने लोकसाक्षिन् परमेष्ठिन्) Devadibhih Kritam 1 Shiva Stotram

(देवादय ऊचुः)नमस्ते परमात्मन् अनन्तयोने लोकसाक्षिन् परमेष्ठिन्भगवन् सर्वज्ञ क्षेत्रज्ञ परावरज्ञ ज्ञानज्ञेय सर्वेश्वर महाविरिञ्चमहाविभूते महाक्षेत्रज्ञ महापुरुष सर्वभूतावास मनोनिवासआदिदेव महादेव सदाशिव ईशान दुर्विज्ञेय दुराराध्यमहाभूतेश्वर परमेश्वर महायोगेश्वर त्र्यम्बक महायोगिन्परब्रह्मन् परमज्योतिः ब्रह्मविदुत्तम ओङ्कार वषट्कारस्वाहाकार स्वधाकार परमकारण सर्वगत सर्वदर्शिन्सर्वशक्ते सर्वदेव अज सहस्रार्चिः पृषार्चिः सुधामन्हरधाम अनन्तधाम संवर्त सङ्कर्षण वडवानलअग्नीष्टोमात्मक पवित्र महापवित्र महामेघ महामायाधरमहाकाम कामहन् हंस परमहंस महाराजिक महेश्वरमहाकामुक महाहंस भवक्षयकर सुरसिद्धार्चित हिरण्यवाहहिरण्यरेतः हिरण्यनाभ हिरण्याग्रकेश मुञ्जकेशिन् सर्वलोकवरप्रदसर्वानुग्रहकर कमलेशय कुशेशय हृदयेशय ज्ञानोदधे शम्भो विभोमहायज्ञ महायाज्ञिक सर्वयज्ञमय सर्वयज्ञहृदय सर्वयज्ञसंस्तुतनिराश्रय समुद्रेशय अत्रिसम्भव भक्तानुकम्पिन् अभग्नयोग योगधरवासुकिमहामणि विद्योतितविग्रह हरितनयन त्रिलोचन जटाधरनीलकण्ठ चन्द्रार्धधर उमाशरीरार्धहर गजचर्मधरदुस्तरसंसारमहासंहारकर प्रसीद भक्तजनवत्सलएवं स्तुतो देवगणैः सुभक्त्या सब्रह्ममुख्यैश्च पितामहेन ।त्यक्त्वा तदा हस्तिरूपं महात्मा लिङ्गे तदा सन्निधानं चकार ॥ ३६॥

(devādaya ūcuḥ)namaste paramātman anantayone lokasākṣin parameṣṭhinbhagavan sarvajña kṣetrajña parāvarajña jñānajñeya sarveśvara mahāviriñcamahāvibhūte mahākṣetrajña mahāpuruṣa sarvabhūtāvāsa manonivāsaādideva mahādeva sadāśiva īśāna durvijñeya durārādhyamahābhūteśvara parameśvara mahāyogeśvara tryambaka mahāyoginparabrahman paramajyotiḥ brahmaviduttama oṅkāra vaṣaṭkārasvāhākāra svadhākāra paramakāraṇa sarvagata sarvadarśinsarvaśakte sarvadeva aja sahasrārciḥ pṛṣārciḥ sudhāmanharadhāma anantadhāma saṃvarta saṅkarṣaṇa vaḍavānalaagnīṣṭomātmaka pavitra mahāpavitra mahāmegha mahāmāyādharamahākāma kāmahan haṃsa paramahaṃsa mahārājika maheśvaramahākāmuka mahāhaṃsa bhavakṣayakara surasiddhārcita hiraṇyavāhahiraṇyaretaḥ hiraṇyanābha hiraṇyāgrakeśa muñjakeśin sarvalokavarapradasarvānugrahakara kamaleśaya kuśeśaya hṛdayeśaya jñānodadhe śambho vibhomahāyajña mahāyājñika sarvayajñamaya sarvayajñahṛdaya sarvayajñasaṃstutanirāśraya samudreśaya atrisambhava bhaktānukampin abhagnayoga yogadharavāsukimahāmaṇi vidyotitavigraha haritanayana trilocana jaṭādharanīlakaṇṭha candrārdhadhara umāśarīrārdhahara gajacarmadharadustarasaṃsāramahāsaṃhārakara prasīda bhaktajanavatsalaevaṃ stuto devagaṇaiḥ subhaktyā sabrahmamukhyaiśca pitāmahena |tyaktvā tadā hastirūpaṃ mahātmā liṅge tadā sannidhānaṃ cakāra || 36||

इति वामनपुराणे चतुश्चत्वारिंशाध्यायान्तर्गतंदेवादिभिः कृतं शिवस्तोत्रं समाप्तम् ।वामनपुराण । अध्याय ४४/३६॥वामनपुराण । अध्याय ४४/३६॥

iti vāmanapurāṇe catuścatvāriṃśādhyāyāntargataṃdevādibhiḥ kṛtaṃ śivastotraṃ samāptam |vāmanapurāṇa | adhyāya 44/36||vāmanapurāṇa | adhyāya 44/36||