शिवस्तोत्रम् (देवदानवादिकृतं मत्स्यपुराणान्तर्गतम् नमस्तुभ्यं विरूपाक्ष नमस्ते दिव्यचक्षुषे) Devadanavadikritam Shiva Stotram
śivastotram (devadānavādikṛtaṃ matsyapurāṇāntargatam namastubhyaṃ virūpākṣa namaste divyacakṣuṣe)
Devadanavadikritam Shiva Stotram (शिवस्तोत्रम् (देवदानवादिकृतं मत्स्यपुराणान्तर्गतम् नमस्तुभ्यं विरूपाक्ष नमस्ते दिव्यचक्षुषे)): a stotra to Śiva. 14 verses in Sanskrit with Devanagari and IAST.
- Stotra
- Stotra
- Śiva
- Stotra
शिवस्तोत्रम् (देवदानवादिकृतं मत्स्यपुराणान्तर्गतम् नमस्तुभ्यं विरूपाक्ष नमस्ते दिव्यचक्षुषे)
1 / 14
देवदानवा ऊचुः ।नमस्तुभ्यं विरूपाक्ष नमस्ते दिव्यचक्षुषे ।नमः पिनाकहस्ताय वज्रहस्ताय धन्विने ॥ २८॥
devadānavā ūcuḥ |namastubhyaṃ virūpākṣa namaste divyacakṣuṣe |namaḥ pinākahastāya vajrahastāya dhanvine || 28||
नमस्त्रिशूलहस्ताय दण्डहस्ताय धूर्जटे ।नमस्त्रैलोक्यनाथाय भूतग्रामशरीरिणे ॥ २९॥
namastriśūlahastāya daṇḍahastāya dhūrjaṭe |namastrailokyanāthāya bhūtagrāmaśarīriṇe || 29||
नमः सुरारिहन्त्रे च सोमाग्न्यर्काग्र्यचक्षुषे ।ब्रह्मणे चैव रुद्राय नमस्ते विष्णुरूपिणे ॥ ३०॥
namaḥ surārihantre ca somāgnyarkāgryacakṣuṣe |brahmaṇe caiva rudrāya namaste viṣṇurūpiṇe || 30||
ब्रह्मणे वेदरूपाय नमस्ते देवरूपिणे ।साङ्ख्ययोगाय भूतानां नमस्ते शम्भवाय ते ॥ ३१॥
brahmaṇe vedarūpāya namaste devarūpiṇe |sāṅkhyayogāya bhūtānāṃ namaste śambhavāya te || 31||
मन्मथाङ्गविनाशाय नमः कालक्षयङ्कर ।रंहसे देवदेवाय नमस्ते वसुरेतसे ॥ ३२॥
manmathāṅgavināśāya namaḥ kālakṣayaṅkara |raṃhase devadevāya namaste vasuretase || 32||
एकवीराय सर्वाय नमः पिङ्गकपर्दिने ।उमाभर्त्रे नमस्तुभ्यं यज्ञत्रिपुरघातिने ॥ ३३॥
ekavīrāya sarvāya namaḥ piṅgakapardine |umābhartre namastubhyaṃ yajñatripuraghātine || 33||
शुद्धबोधप्रबुद्धाय मुक्तकैवल्यरूपिणे ।लोकत्रयविधात्रे च वरुणेन्द्राग्निरूपिणे ॥ ३४॥
śuddhabodhaprabuddhāya muktakaivalyarūpiṇe |lokatrayavidhātre ca varuṇendrāgnirūpiṇe || 34||
ऋग्यजुःसामवेदाय पुरुषायेश्वराय च ।अग्र्याय चैव चोग्राय विप्राय श्रुतिचक्षुषे ॥ ३५॥
ṛgyajuḥsāmavedāya puruṣāyeśvarāya ca |agryāya caiva cogrāya viprāya śruticakṣuṣe || 35||
रजसे चैव सत्त्वाय तमसे तिमिरात्मने ।अनित्यनित्यभावाय नमो नित्यचरात्मने ॥ ३६॥
rajase caiva sattvāya tamase timirātmane |anityanityabhāvāya namo nityacarātmane || 36||
व्यक्ताय चैवाव्यक्ताय व्यक्ताव्यक्ताय वै नमः ।भक्तानामार्तिनाशाय प्रियनारायणाय च ॥ ३७॥
vyaktāya caivāvyaktāya vyaktāvyaktāya vai namaḥ |bhaktānāmārtināśāya priyanārāyaṇāya ca || 37||
उमाप्रियाय शर्वाय नन्दिवक्त्राञ्चिताय च ।ऋतुमन्वन्तकल्पाय पक्षमासदिनात्मने ॥ ३८॥
umāpriyāya śarvāya nandivaktrāñcitāya ca |ṛtumanvantakalpāya pakṣamāsadinātmane || 38||
नानारूपाय मुण्डाय वरूथपृथुदण्डिने ।नमः कपालहस्ताय दिग्वासाय शिखण्डिने ॥ ३९॥
nānārūpāya muṇḍāya varūthapṛthudaṇḍine |namaḥ kapālahastāya digvāsāya śikhaṇḍine || 39||
धन्विने रथिने चैव यतये ब्रह्मचारिणे ।इत्येवमादिचरितैः स्तुतं तुभ्यं नमो नमः ॥ ४०॥
dhanvine rathine caiva yataye brahmacāriṇe |ityevamādicaritaiḥ stutaṃ tubhyaṃ namo namaḥ || 40||
इति मत्स्यपुराणे पञ्चाशदधिकद्विशततमाध्यायान्तर्गतंदेवदानवादिकृतं शिवस्तोत्रं समाप्तम् ।मत्स्यपुराण । अध्याय २५०/२८४०॥मत्स्यपुराण । अध्याय २५०/२८-४०॥
iti matsyapurāṇe pañcāśadadhikadviśatatamādhyāyāntargataṃdevadānavādikṛtaṃ śivastotraṃ samāptam |matsyapurāṇa | adhyāya 250/2840||matsyapurāṇa | adhyāya 250/28-40||
॥ इति शिवस्तोत्रम् (देवदानवादिकृतं मत्स्यपुराणान्तर्गतम् नमस्तुभ्यं विरूपाक्ष नमस्ते दिव्यचक्षुषे) सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Devadanavadikritam Shiva Stotram?
Devadanavadikritam Shiva Stotram has 14 verses on this page, each shown with its number, Devanagari text and transliteration, and meaning where available.
Can I read Devadanavadikritam Shiva Stotram in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Devadanavadikritam Shiva Stotram?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
