शिवताण्डवविग्रहवर्णनम् अभ्रसभान्तरे Abhrasabhantare Shivatandavavigrahavarnanam

(शिवरहस्यान्तर्गते सदाशिवाख्ये)प्राणंसीदवतंसितेन्दुमनलालङ्कारभालाक्षधृग्धस्तोत्तेजितवाङ्कुमध्वनिभृतासड्रामरेणाम्बिकाम् ।पश्यन्हेमसभाविभासिचरणाम्भोजं हि रक्षोगणाध्यक्षाक्ष्य्यगतिप्रदानकुशलं विन्यस्य नृत्तं सदा ॥ ४१॥

(śivarahasyāntargate sadāśivākhye)prāṇaṃsīdavataṃsitendumanalālaṅkārabhālākṣadhṛgdhastottejitavāṅkumadhvanibhṛtāsaḍrāmareṇāmbikām |paśyanhemasabhāvibhāsicaraṇāmbhojaṃ hi rakṣogaṇādhyakṣākṣyyagatipradānakuśalaṃ vinyasya nṛttaṃ sadā || 41||

कुर्वन्तं चललोललम्बितजटासाम्राज्य वित्रांसितनक्षत्रोडुप तत्सुवर्षणझणत्कारोरुसत्कङ्कणम् ।सव्यासव्यकरद्वयारुणलताभ्राजत्सुभीतिं हरल्लोकानामभयप्रदानकुशलं चान्येन चालम्बिना ॥ ४२॥

kurvantaṃ calalolalambitajaṭāsāmrājya vitrāṃsitanakṣatroḍupa tatsuvarṣaṇajhaṇatkārorusatkaṅkaṇam |savyāsavyakaradvayāruṇalatābhrājatsubhītiṃ harallokānāmabhayapradānakuśalaṃ cānyena cālambinā || 42||

पादेनोरु निकुञ्चितेन मधुना संसिञ्चता सिञ्जितालोलालम्बितपादकङ्कणफणीफूत्कारलोलस्रजा ।ब्राह्मोत्तुङ्गकरङ्कषण्डसुमहारत्नोरुमालांशुकभ्राजद्वक्त्रसमुल्लसद्युतिभृता पर्वेन्दुपूर्णश्रिया ॥ ४३॥

pādenoru nikuñcitena madhunā saṃsiñcatā siñjitālolālambitapādakaṅkaṇaphaṇīphūtkāralolasrajā |brāhmottuṅgakaraṅkaṣaṇḍasumahāratnorumālāṃśukabhrājadvaktrasamullasadyutibhṛtā parvendupūrṇaśriyā || 43||

सोमानलार्कसुकटाक्षरसावलोकैरालोक्य लोकमखिलं शरदिन्दुकुन्दम् ।कान्तायिताङ्ग सुभुजाङ्गमहोरुहारंमातङ्ककृत्तिवसनं हृदयान्तरङ्गे ॥ ४४॥

somānalārkasukaṭākṣarasāvalokairālokya lokamakhilaṃ śaradindukundam |kāntāyitāṅga subhujāṅgamahoruhāraṃmātaṅkakṛttivasanaṃ hṛdayāntaraṅge || 44||

तत्पार्श्वगामचलराजसुतां नतां तत्पादाम्बुजान्तरदृगञ्चलकां ददर्श ।उत्फुल्लपद्मवदनोत्थितनीलनीरजातेक्षणाञ्चितकपोलतलायताक्षीम् ॥ ४५॥

tatpārśvagāmacalarājasutāṃ natāṃ tatpādāmbujāntaradṛgañcalakāṃ dadarśa |utphullapadmavadanotthitanīlanīrajātekṣaṇāñcitakapolatalāyatākṣīm || 45||

कर्णान्तरोद्यतसुरत्नज कान्तिकान्तताटङ्कयुग्मविनिवार्यरवीन्दुबिम्बाम् ।बिम्बाधरां चिकुरवेणिगरत्नपद्मांशुक्रोयमोरुनसलम्बितमौक्तिकां ताम्(शुक्राधिकोरुनसलम्बितमौक्तिकां ताम्) ॥ ४६॥

karṇāntarodyatasuratnaja kāntikāntatāṭaṅkayugmavinivāryaravīndubimbām |bimbādharāṃ cikuraveṇigaratnapadmāṃśukroyamorunasalambitamauktikāṃ tām(śukrādhikorunasalambitamauktikāṃ tām) || 46||

ग्रैवेयकावलिभवोत्तमकम्बुकण्ठींश्रीनीलकण्ठहृदयाम्बुज केलिभृङ्गीम् ।पाणिप्रभाविजिततामरसोरुनालबाहुद्वयीविधृतकङ्कणनिःस्वनां ताम् ॥ ४७॥

graiveyakāvalibhavottamakambukaṇṭhīṃśrīnīlakaṇṭhahṛdayāmbuja kelibhṛṅgīm |pāṇiprabhāvijitatāmarasorunālabāhudvayīvidhṛtakaṅkaṇaniḥsvanāṃ tām || 47||

हीरात्तभालफलकान्तलसत्सुरेखांसिन्दूरबिन्दुवदनां रदशोभिकुन्दाम् ।कौसुम्भचेलगकृताञ्चलकान्तशातकुम्भोत्तरीयविनिबद्धमदेभकुम्भाम् ॥ ४८॥

hīrāttabhālaphalakāntalasatsurekhāṃsindūrabinduvadanāṃ radaśobhikundām |kausumbhacelagakṛtāñcalakāntaśātakumbhottarīyavinibaddhamadebhakumbhām || 48||

तद्भ्राजिसल्लिकुचवर्णकुचानताङ्गबद्धप्रभात्रिवलितोदरमध्यभागाम् ।रत्नोरुहेमखचितोत्तमचाकचक्यकाञ्चीकचत्कटितटाञ्चितमौक्तिकां ताम् ॥ ४९॥

tadbhrājisallikucavarṇakucānatāṅgabaddhaprabhātrivalitodaramadhyabhāgām |ratnoruhemakhacitottamacākacakyakāñcīkacatkaṭitaṭāñcitamauktikāṃ tām || 49||

रम्भानिभोरुकमठीनिभपृष्ठलग्नलाक्षारुणाङ्घ्रियुगलां मणिनूपुरां ताम् ।मत्वा हृदम्बुरुहमोदविकासिताकतुष्टाव सुन्दरगिरा स च सुन्दरोऽपि ॥ ५०॥

rambhānibhorukamaṭhīnibhapṛṣṭhalagnalākṣāruṇāṅghriyugalāṃ maṇinūpurāṃ tām |matvā hṛdamburuhamodavikāsitākatuṣṭāva sundaragirā sa ca sundaro'pi || 50||

॥ इति शिवरहस्यान्तर्गते अभ्रसभान्तरे शिवताण्डवविग्रहवर्णनं सम्पूर्णम् ॥॥ श्रीशिवरहस्यम् । सदाशिवाख्यः नवमांशः । अध्यायः २१ (चित्)सभादर्शनम् । ४१५०॥

|| iti śivarahasyāntargate abhrasabhāntare śivatāṇḍavavigrahavarṇanaṃ sampūrṇam |||| śrīśivarahasyam | sadāśivākhyaḥ navamāṃśaḥ | adhyāyaḥ 21 (cit)sabhādarśanam | 4150||

– ॥ श्रीशिवरहस्यम् ।सदाशिवाख्यः नवमांशः ।अध्यायः २१ (चित्)सभादर्शनम् ।४१-५०॥

– || śrīśivarahasyam |sadāśivākhyaḥ navamāṃśaḥ |adhyāyaḥ 21 (cit)sabhādarśanam | 41-50||