रामशतकम् १ Shri Ramashatakam

आपादकेशमतिसुन्दरदिव्यगात्रंश्रीपादरेणुहृतगौतमदारशापम् ।कोपातिरक्तनयनक्षुभिताम्बुराशिंभूपालसूनुमवलोकय रामचन्द्रम् ॥ १॥

āpādakeśamatisundaradivyagātraṃśrīpādareṇuhṛtagautamadāraśāpam |kopātiraktanayanakṣubhitāmburāśiṃbhūpālasūnumavalokaya rāmacandram || 1||

कोदण्डकोटिविनिवेशितबाहुदण्डमाखण्डलाद्यमरपातितपुष्पवर्षम् ।आयोधनक्षितिरजःपरिधूसराङ्गमव्याच्चिरं रघुपतेरवसन्नशत्रोः ॥ २॥

kodaṇḍakoṭiviniveśitabāhudaṇḍamākhaṇḍalādyamarapātitapuṣpavarṣam |āyodhanakṣitirajaḥparidhūsarāṅgamavyācciraṃ raghupateravasannaśatroḥ || 2||

चन्द्रोपमं मलयचन्दनरूषिताङ्गंमन्दारपुष्पपरिपूजितपादपद्मम् ।ब्रह्मेन्द्रदेवमुनियोगिगणावृतं तंवन्देऽरविन्दनयनं रघुरामचन्द्रम् ॥ ३॥

candropamaṃ malayacandanarūṣitāṅgaṃmandārapuṣpaparipūjitapādapadmam |brahmendradevamuniyogigaṇāvṛtaṃ taṃvande'ravindanayanaṃ raghurāmacandram || 3||

सम्पूर्णचन्द्रवदनं सरसीरुहाक्षंमाणिक्यकुण्डलधरं मकुटाभिरामम् ।चाम्पेयगौरवसनं शरचापहस्तंश्रीरामचन्द्रमनिशं कलयामि चित्ते ॥ ४॥

sampūrṇacandravadanaṃ sarasīruhākṣaṃmāṇikyakuṇḍaladharaṃ makuṭābhirāmam |cāmpeyagauravasanaṃ śaracāpahastaṃśrīrāmacandramaniśaṃ kalayāmi citte || 4||

सीतापतिं कमलपत्रविशालनेत्रंरामं कृपाकरमनन्तगुणानुरक्तम् ।इन्द्रादिसर्वसुरसिद्धसुपूजिताङ्घ्रिंनित्यं भजेऽहमसुनायकमप्रमेयम् ॥ ५॥

sītāpatiṃ kamalapatraviśālanetraṃrāmaṃ kṛpākaramanantaguṇānuraktam |indrādisarvasurasiddhasupūjitāṅghriṃnityaṃ bhaje'hamasunāyakamaprameyam || 5||

एकेन बाणमितरेण करेण चापंहारं वहन्तमुरसा शिरसा जटाश्च ।सीतासहायमनुजेन वने चरन्तंश्रीरामचन्द्रमनिशं कलयामि चित्ते ॥ ६॥

ekena bāṇamitareṇa kareṇa cāpaṃhāraṃ vahantamurasā śirasā jaṭāśca |sītāsahāyamanujena vane carantaṃśrīrāmacandramaniśaṃ kalayāmi citte || 6||

संसारसागरसमुद्धरणैकमन्त्रंब्रह्मादिदेवमुनिसेवितसिद्धमन्त्रम् ।दारिद्र्यदुःखभवरोगविनाशमन्त्रंसेवे सदा गुणनिधिं रघुरामचन्द्रम् ॥ ७॥

saṃsārasāgarasamuddharaṇaikamantraṃbrahmādidevamunisevitasiddhamantram |dāridryaduḥkhabhavarogavināśamantraṃseve sadā guṇanidhiṃ raghurāmacandram || 7||

सीतासमेतमजिनाम्बरमप्रमेयंसौमित्रिणा नियतसेवितपादयुग्मम् ।नीलोत्पलद्युतिमनन्तगुणं प्रशान्तंश्रीरामचन्द्रमनिशं कलयामि चित्ते ॥ ८॥

sītāsametamajināmbaramaprameyaṃsaumitriṇā niyatasevitapādayugmam |nīlotpaladyutimanantaguṇaṃ praśāntaṃśrīrāmacandramaniśaṃ kalayāmi citte || 8||

श्रीराघवं दशरथात्मजमप्रमेयंसीतापतिं रघुकुलान्वयरत्नदीपम् ।आजानुबाहुमरविन्ददलायताक्षंरामं निशाचरविनाशकरं नमामि ॥ ९॥

śrīrāghavaṃ daśarathātmajamaprameyaṃsītāpatiṃ raghukulānvayaratnadīpam |ājānubāhumaravindadalāyatākṣaṃrāmaṃ niśācaravināśakaraṃ namāmi || 9||

श्रीराघवं दशमुखान्तकमम्बुजाक्षंसीतामनोरमणमम्बुदनीलदेहम् ।काकुत्स्थवंशपयसान्निधिपूर्णचन्द्रंश्रीरामचन्द्रमनिशं शिरसा नमामि ॥ १०॥

śrīrāghavaṃ daśamukhāntakamambujākṣaṃsītāmanoramaṇamambudanīladeham |kākutsthavaṃśapayasānnidhipūrṇacandraṃśrīrāmacandramaniśaṃ śirasā namāmi || 10||

राकाशशाङ्कवदनं रघुवंशदीपंराजाधिराजतनयं रमणीयमूर्तिम् ।रात्रिञ्चरान्तकमनन्तगुणं मनोज्ञंश्रीरामचन्द्रमनिशं शरणं भजेऽहम् ॥ ११॥

rākāśaśāṅkavadanaṃ raghuvaṃśadīpaṃrājādhirājatanayaṃ ramaṇīyamūrtim |rātriñcarāntakamanantaguṇaṃ manojñaṃśrīrāmacandramaniśaṃ śaraṇaṃ bhaje'ham || 11||

कन्दर्पकोटिसदृशं करुणाम्बुराशिंकाकुत्स्थवंशकनकाचलरत्नदीपम् ।कञ्जातपत्रनयनं करचापबाणंकल्याणराममनिशं शरणं भजेऽहम् ॥ १२॥

kandarpakoṭisadṛśaṃ karuṇāmburāśiṃkākutsthavaṃśakanakācalaratnadīpam |kañjātapatranayanaṃ karacāpabāṇaṃkalyāṇarāmamaniśaṃ śaraṇaṃ bhaje'ham || 12||

विश्वाधिपं विबुधपूजितपादपद्मंविप्रप्रियं विमलपङ्कजपत्रनेत्रम् ।विद्यात्मकं विजितराक्षसवीरकोटिंश्रीवीरराममनिशं शरणं भजेऽहम् ॥ १३॥

viśvādhipaṃ vibudhapūjitapādapadmaṃviprapriyaṃ vimalapaṅkajapatranetram |vidyātmakaṃ vijitarākṣasavīrakoṭiṃśrīvīrarāmamaniśaṃ śaraṇaṃ bhaje'ham || 13||

पद्मासनादिपुरुहूतसुरार्चितं तंपापान्धकारतरणिं पवनात्मजेशम् ।पङ्केरुहाक्षमखिलश्रुतिमौलिसारंपट्टाभिराममनिशं शरणं भजेऽहम् ॥ १४॥

padmāsanādipuruhūtasurārcitaṃ taṃpāpāndhakārataraṇiṃ pavanātmajeśam |paṅkeruhākṣamakhilaśrutimaulisāraṃpaṭṭābhirāmamaniśaṃ śaraṇaṃ bhaje'ham || 14||

श्रीवत्सहारमकुटाङ्गदभूषिताङ्गंश्रीभारतीविधृतचामरवीज्यमानम् ।श्रीनायकं शिवविरिञ्चिनुताङ्घ्रिपीठंश्रीरामचन्द्रमनिशं शरणं भजेऽहम् ॥ १५॥

śrīvatsahāramakuṭāṅgadabhūṣitāṅgaṃśrībhāratīvidhṛtacāmaravījyamānam |śrīnāyakaṃ śivaviriñcinutāṅghripīṭhaṃśrīrāmacandramaniśaṃ śaraṇaṃ bhaje'ham || 15||

यत्पादपङ्कजरजः श्रुतिभिर्विमृद्यं (ग्यं)यन्नाभिपङ्कजभवः कमलासनश्च ।यन्नामसाररसिको भगवान् पुरारिःश्रीरामचन्द्रमनिशं कलयामि चित्ते ॥ १६॥

yatpādapaṅkajarajaḥ śrutibhirvimṛdyaṃ (gyaṃ)yannābhipaṅkajabhavaḥ kamalāsanaśca |yannāmasārarasiko bhagavān purāriḥśrīrāmacandramaniśaṃ kalayāmi citte || 16||

हा राम हा रमण हा जगदेकवीरहा नाथ हा रघुपते करुणालवाल ।हा जानकीरमण हा जगदेकबन्धोहा रामभद्र जनपालक पाहि नित्यम् ॥ १७॥

hā rāma hā ramaṇa hā jagadekavīrahā nātha hā raghupate karuṇālavāla |hā jānakīramaṇa hā jagadekabandhohā rāmabhadra janapālaka pāhi nityam || 17||

हा वीर हा दशरथात्मज मैथिलीशहा देव हा पवनजप्रिय दीनबन्धो ।हा धीर हा दशमुखान्तक लोकनाथहा भूप हा भरतपूर्वज पाहि नित्यम् ॥ १८॥

hā vīra hā daśarathātmaja maithilīśahā deva hā pavanajapriya dīnabandho |hā dhīra hā daśamukhāntaka lokanāthahā bhūpa hā bharatapūrvaja pāhi nityam || 18||

जानाति राम तव नामरुचिं महेशोजानाति गौतमसती चरणप्रभावम् ।जानाति दोर्बलपराक्रममीशचापोजानात्यमोघपटुबाणगतिं पयोधिः ॥ १९॥

jānāti rāma tava nāmaruciṃ maheśojānāti gautamasatī caraṇaprabhāvam |jānāti dorbalaparākramamīśacāpojānātyamoghapaṭubāṇagatiṃ payodhiḥ || 19||

जानाति राम तव चित्तगतिं हनूमान्जानाति राम तव सख्यरुचिं कपीन्द्रः ।जानाति राम तव युद्धगतिं दशास्योजानाति राम विमतानुज एव सत्यम् ॥ २०॥

jānāti rāma tava cittagatiṃ hanūmānjānāti rāma tava sakhyaruciṃ kapīndraḥ |jānāti rāma tava yuddhagatiṃ daśāsyojānāti rāma vimatānuja eva satyam || 20||

(विमतानुज = विमतस्य शत्रो रावणस्य अनुजः विभीषणः)श्रीराम राम रघुनन्दन राम रामश्रीराम राम भरताग्रज राम राम ।श्रीराम राम हनुमत्प्रिय राम रामश्रीराम राम शरणं भव राम राम ॥ २१॥

(vimatānuja = vimatasya śatro rāvaṇasya anujaḥ vibhīṣaṇaḥ)śrīrāma rāma raghunandana rāma rāmaśrīrāma rāma bharatāgraja rāma rāma |śrīrāma rāma hanumatpriya rāma rāmaśrīrāma rāma śaraṇaṃ bhava rāma rāma || 21||

श्रीरामचन्द्र करुणाकर रामचन्द्रराजेन्द्रचन्द्र रघुवंशसमुद्रचन्द्र ।सुग्रीवनेत्रयुगलोत्पलपूर्णचन्द्रसीतामनःकुमुदचन्द्र नमो नमस्ते ॥ २२॥

śrīrāmacandra karuṇākara rāmacandrarājendracandra raghuvaṃśasamudracandra |sugrīvanetrayugalotpalapūrṇacandrasītāmanaḥkumudacandra namo namaste || 22||

वन्देन्दु(ऽब्ज)मौलिमणिशोभिपदारविन्दंवन्दे सुचापशरशोभिकरारविन्दम् ।वन्दे सदा स्मितलसद्वदनारविन्दंवन्दे कटाक्षविलसन्नयनारविन्दम् ॥ २३॥

vandendu('bja)maulimaṇiśobhipadāravindaṃvande sucāpaśaraśobhikarāravindam |vande sadā smitalasadvadanāravindaṃvande kaṭākṣavilasannayanāravindam || 23||

वन्दे रघूत्तमकुलार्णवपूर्णचन्द्रंवन्दे दशाननभुजङ्गविहङ्गमेन्द्रम् ।वन्दे समर्चितकवीन्द्रसुरामरेन्द्रंवन्दे कृपाजलनिधिं रघुरामचन्द्रम् ॥ २४॥

vande raghūttamakulārṇavapūrṇacandraṃvande daśānanabhujaṅgavihaṅgamendram |vande samarcitakavīndrasurāmarendraṃvande kṛpājalanidhiṃ raghurāmacandram || 24||

भवतिमिरपतङ्गं पापतूलस्फुलिङ्गंप्रणवतरुविहङ्गं भक्तचित्ताब्जभृङ्गम् ।निगमवनकुरङ्गं नीरदश्यामलाङ्गंरघुकुलगिरिशृङ्गं नौमि सीतान्तरङ्गम् ॥ २५॥

bhavatimirapataṅgaṃ pāpatūlasphuliṅgaṃpraṇavataruvihaṅgaṃ bhaktacittābjabhṛṅgam |nigamavanakuraṅgaṃ nīradaśyāmalāṅgaṃraghukulagiriśṛṅgaṃ naumi sītāntaraṅgam || 25||

सरसिजदलनेत्रं सर्वलोकैकमित्रंदशरथवरपुत्रं नीलजीमूतगात्रम् ।सकलजनपवित्रं सर्वदा सच्चरित्रंविधृतकनकवस्त्रं (नेत्रं) नौमि सीताकलत्रम् ॥ २६॥

sarasijadalanetraṃ sarvalokaikamitraṃdaśarathavaraputraṃ nīlajīmūtagātram |sakalajanapavitraṃ sarvadā saccaritraṃvidhṛtakanakavastraṃ (netraṃ) naumi sītākalatram || 26||

वदनजितनिशेशं कोटिसूर्यप्रकाशंसकलजगदधीशं माल्यसंशोभिकेशम् ।निखिलसुरमुनीशं दूतशाखामृगेशंविजितनिशिचरेशं नौम्यहं जानकीशम् ॥ २७॥

vadanajitaniśeśaṃ koṭisūryaprakāśaṃsakalajagadadhīśaṃ mālyasaṃśobhikeśam |nikhilasuramunīśaṃ dūtaśākhāmṛgeśaṃvijitaniśicareśaṃ naumyahaṃ jānakīśam || 27||

सकलभुवनराजं सर्वशास्त्रार्थबीजंनयनजितसरोजं सर्वदा सत्समाजम् ।अघकरिमृगराजं सेवकामर्त्यराजंदशरथसुतनूजं नौम्यहं राजराजम् ॥ २८॥

sakalabhuvanarājaṃ sarvaśāstrārthabījaṃnayanajitasarojaṃ sarvadā satsamājam |aghakarimṛgarājaṃ sevakāmartyarājaṃdaśarathasutanūjaṃ naumyahaṃ rājarājam || 28||

निगमविपिनकीरं वेदवेदान्तसारंभवजलनिधिपारं कण्ठसंशोभिहारम् ।तुहिनशिखरधीरं जानकीप्रेमदारंरुचिरतरशरीरं नौम्यहं रामवीरम् ॥ २९॥

nigamavipinakīraṃ vedavedāntasāraṃbhavajalanidhipāraṃ kaṇṭhasaṃśobhihāram |tuhinaśikharadhīraṃ jānakīpremadāraṃrucirataraśarīraṃ naumyahaṃ rāmavīram || 29||

दशरथनृपबालं वेदकल्पद्रुमूलंनतजनपरिपालं सर्वदा लोकपालम् ।विधृतकनकचेलं वानरेन्द्रादिजालं (जालम् एवं गर्वः)मरतकमणिनीलं नौमि सीतानुकूलम् ॥ ३०॥

daśarathanṛpabālaṃ vedakalpadrumūlaṃnatajanaparipālaṃ sarvadā lokapālam |vidhṛtakanakacelaṃ vānarendrādijālaṃ (jālam evaṃ garvaḥ)maratakamaṇinīlaṃ naumi sītānukūlam || 30||

नतसुरनिकुरुम्बं वक्त्रशीतांशुबिम्बंकलभगतिविडम्बं दीनचित्तावलम्बम् ।सहचरविधिसाम्बं सर्वदा सत्कदम्बंकरविधृतकलम्बं नौमि सीताकुटुम्बम् ॥ ३१॥

natasuranikurumbaṃ vaktraśītāṃśubimbaṃkalabhagativiḍambaṃ dīnacittāvalambam |sahacaravidhisāmbaṃ sarvadā satkadambaṃkaravidhṛtakalambaṃ naumi sītākuṭumbam || 31||

रघुकुलमणिदीपं सर्वलोकैकभूपंहृतजनपरितापं दत्तदीनादिगोपम् ।धृतमकुटकलापं हस्तविन्यस्तचापंकृतजलनिधिकोपं नौमि कल्याणरूपम् ॥ ३२॥

raghukulamaṇidīpaṃ sarvalokaikabhūpaṃhṛtajanaparitāpaṃ dattadīnādigopam |dhṛtamakuṭakalāpaṃ hastavinyastacāpaṃkṛtajalanidhikopaṃ naumi kalyāṇarūpam || 32||

पवनतनयदूतं सर्वदा मन्त्रगीतंकुशलववरतातं रावणादिप्रघातम् ।धृतलसदुपवीतं चन्दनात्यन्तशीतंत्रिभुवनजनपूतं नौमि सीतासमेतम् ॥ ३३॥

pavanatanayadūtaṃ sarvadā mantragītaṃkuśalavavaratātaṃ rāvaṇādipraghātam |dhṛtalasadupavītaṃ candanātyantaśītaṃtribhuvanajanapūtaṃ naumi sītāsametam || 33||

विकचकमलतुण्डं चापविद्यातिशौण्डंकरिकरभुजदण्डं कुण्डलाशोभिगण्डम् ।नखजितशशिखण्डं हस्तसंशोभिकाण्डंविधृतमणिशिखण्डं नौमि रामं प्रचण्डम् ॥ ३४॥

vikacakamalatuṇḍaṃ cāpavidyātiśauṇḍaṃkarikarabhujadaṇḍaṃ kuṇḍalāśobhigaṇḍam |nakhajitaśaśikhaṇḍaṃ hastasaṃśobhikāṇḍaṃvidhṛtamaṇiśikhaṇḍaṃ naumi rāmaṃ pracaṇḍam || 34||

निगमशिरसि रत्नं सर्वलोकैकरत्नंदशरथसुतरत्नं सीतया सेव्यरत्नम् ।भुवनवलयरत्नं भू भुजामेकरत्नंरघुकुलघनरत्नं पातु मां रामरत्नम् ॥ ३५॥

nigamaśirasi ratnaṃ sarvalokaikaratnaṃdaśarathasutaratnaṃ sītayā sevyaratnam |bhuvanavalayaratnaṃ bhū bhujāmekaratnaṃraghukulaghanaratnaṃ pātu māṃ rāmaratnam || 35||

जगति विबुधमन्त्रं जानकीप्राणमन्त्रंविबुधविनुतमन्त्रं विश्वविख्यातमन्त्रम् ।दशरथसुतमन्त्रं दैत्यसंहारमन्त्रंरघुपतिनिजमन्त्रं रामरामेति मन्त्रम् ॥ ३६॥

jagati vibudhamantraṃ jānakīprāṇamantraṃvibudhavinutamantraṃ viśvavikhyātamantram |daśarathasutamantraṃ daityasaṃhāramantraṃraghupatinijamantraṃ rāmarāmeti mantram || 36||

सजलजलदनीलं सन्मुनिस्तुत्यलीलंनिखिलनिगममूलं यातुधानान्तकालम् ।तिलकलसितभालं सर्वदा लोकपालंविधृतकनकचेलं नौमि सीतानुकूलम् ॥ ३७॥

sajalajaladanīlaṃ sanmunistutyalīlaṃnikhilanigamamūlaṃ yātudhānāntakālam |tilakalasitabhālaṃ sarvadā lokapālaṃvidhṛtakanakacelaṃ naumi sītānukūlam || 37||

विमलकमलनेत्रं विस्फुरन्नीलगात्रंतपनकुलपवित्रं दानवध्वान्तमित्रम् ।भुवनहितचरित्रं भूमिपुत्रीकलत्रंरघुपतिवरपुत्रं नौम्यहं चन्द्रवक्त्रम् ॥ ३८॥

vimalakamalanetraṃ visphurannīlagātraṃtapanakulapavitraṃ dānavadhvāntamitram |bhuvanahitacaritraṃ bhūmiputrīkalatraṃraghupativaraputraṃ naumyahaṃ candravaktram || 38||

मरतकमणिनीलो मत्तमातङ्गलीलोमधुरवचनशीलो मारुतिप्रेममूलः ।मणिमुकुरकपोलो मैथिलीकेलिलोलोमम हृदि रघुपालो पातु मारीचकालः ॥ ३९॥

maratakamaṇinīlo mattamātaṅgalīlomadhuravacanaśīlo mārutipremamūlaḥ |maṇimukurakapolo maithilīkelilolomama hṛdi raghupālo pātu mārīcakālaḥ || 39||

त्रिदशकुमुदचन्द्रो दानवाम्भोजचन्द्रोमरुत(दितिज)तिमिरचन्द्रो योगिनां ज्ञानचन्द्रः ।प्रणतनयनचन्द्रो भक्तिचित्ताब्धिचन्द्रोवदनविजितचन्द्रः पातु मां रामचन्द्रः ॥ ४०॥

tridaśakumudacandro dānavāmbhojacandromaruta(ditija)timiracandro yogināṃ jñānacandraḥ |praṇatanayanacandro bhakticittābdhicandrovadanavijitacandraḥ pātu māṃ rāmacandraḥ || 40||

निखिलभुवननेता नित्यकल्याणदातात्वमिति न हि विवादस्तत्र घण्टानिनादः ।जनयति मम हासं जातु चेतोनिवासंमम कुरु गुणसिन्धो मैथिलीप्राणबन्धो ॥ ४१॥

nikhilabhuvananetā nityakalyāṇadātātvamiti na hi vivādastatra ghaṇṭāninādaḥ |janayati mama hāsaṃ jātu cetonivāsaṃmama kuru guṇasindho maithilīprāṇabandho || 41||

पटुजलधरधीरध्वानमाकृष्य चापंपवनजवनमेकं बाणमादाय तूणात् ।अभयवचनदायी सानुजः सर्वतो मेरणहतदनुजेन्द्रो रामचन्द्रः सहायः ॥ ४२॥

paṭujaladharadhīradhvānamākṛṣya cāpaṃpavanajavanamekaṃ bāṇamādāya tūṇāt |abhayavacanadāyī sānujaḥ sarvato meraṇahatadanujendro rāmacandraḥ sahāyaḥ || 42||

कुवलयदलनीलः पीतवासा दयालुर्विविधरुचिरभूषाभूषितो दिव्यमूर्तिः ।दशरथकुलनाथो मैथिलीप्राणनाथोनिवसतु मम चित्ते सर्वदा रामचन्द्रः ॥ ४३॥

kuvalayadalanīlaḥ pītavāsā dayālurvividharucirabhūṣābhūṣito divyamūrtiḥ |daśarathakulanātho maithilīprāṇanāthonivasatu mama citte sarvadā rāmacandraḥ || 43||

मरतककनकाभौ मण्डलीभूतचापौभुवनभरणदक्षौ पुण्डरीकायताक्षौ ।मकुटकनकभूषौ वीरलक्ष्मीसमेतौपरिचरति मनो मे जानकीरामचन्द्रौ ॥ ४४॥

maratakakanakābhau maṇḍalībhūtacāpaubhuvanabharaṇadakṣau puṇḍarīkāyatākṣau |makuṭakanakabhūṣau vīralakṣmīsametauparicarati mano me jānakīrāmacandrau || 44||

जयतु जयतु रामो जानकीमोदकारीदशवदनकुलारी रम्यकोदण्डधारी ।विविधविपिनचारी विष्णुपूर्णावतारीसकलदनुजहारी सर्वलोकाधिकारी ॥ ४५॥

jayatu jayatu rāmo jānakīmodakārīdaśavadanakulārī ramyakodaṇḍadhārī |vividhavipinacārī viṣṇupūrṇāvatārīsakaladanujahārī sarvalokādhikārī || 45||

कनकनिकषभासा सीतयालिङ्गिताङ्गोनवकुवलयदामश्यामवर्णाभिरामः ।अभिनव इव विद्युन्मण्डितो मेघराशिःशमयतु परितापं सर्वदा रामभद्रः ॥ ४६॥

kanakanikaṣabhāsā sītayāliṅgitāṅgonavakuvalayadāmaśyāmavarṇābhirāmaḥ |abhinava iva vidyunmaṇḍito megharāśiḥśamayatu paritāpaṃ sarvadā rāmabhadraḥ || 46||

श्रीरामचन्द्रः श्रितपारिजातसमस्तकल्याणगुणाभिरामः ।सीतामुखाम्भोरुहचञ्चरीकोनिरन्तरं मङ्गलमातनोतु ॥ ४७॥

śrīrāmacandraḥ śritapārijātasamastakalyāṇaguṇābhirāmaḥ |sītāmukhāmbhoruhacañcarīkonirantaraṃ maṅgalamātanotu || 47||

दयानिधे राघव रामचन्द्रनिरस्य पापानि ममाखिलानि ।त्वय्येव भक्ति सुदृढां प्रयच्छसैव प्रसूते सकलान् पुमर्थान् ॥ ४८॥

dayānidhe rāghava rāmacandranirasya pāpāni mamākhilāni |tvayyeva bhakti sudṛḍhāṃ prayacchasaiva prasūte sakalān pumarthān || 48||

रामेति वर्णद्वयमादरेणसदा जपन् मुक्तिमुपैति जन्तुः ।कलौ युगे कल्मषमानसानामन्यत्र धर्मे खलु नाधिकारः ॥ ४९॥

rāmeti varṇadvayamādareṇasadā japan muktimupaiti jantuḥ |kalau yuge kalmaṣamānasānāmanyatra dharme khalu nādhikāraḥ || 49||

रामेति सीतारमणेति मेघश्यामेति काकासुररक्षकेति ।पीताम्बरेति प्रियलक्ष्मणेतिश्रीरामचन्द्रेति वदाशु जिह्वे ॥ ५०॥

rāmeti sītāramaṇeti meghaśyāmeti kākāsurarakṣaketi |pītāmbareti priyalakṣmaṇetiśrīrāmacandreti vadāśu jihve || 50||

श्रीरामचन्द्रेति सलक्ष्मणेतिनीलोत्पलश्यामल कोमलेति ।आक्रोश रामेत्यधुनैव जिह्वेसीतापते राघव राघवेति ॥ ५१॥

śrīrāmacandreti salakṣmaṇetinīlotpalaśyāmala komaleti |ākrośa rāmetyadhunaiva jihvesītāpate rāghava rāghaveti || 51||

इन्दीवरश्यामलमायताक्षंधनुर्धरं नीलजटावचूडम् ।पार्श्वद्वये लक्ष्मणमैथिलीभ्यांनिषेव्यमाणं प्रणतोऽस्मि रामम् ॥ ५२॥

indīvaraśyāmalamāyatākṣaṃdhanurdharaṃ nīlajaṭāvacūḍam |pārśvadvaye lakṣmaṇamaithilībhyāṃniṣevyamāṇaṃ praṇato'smi rāmam || 52||

आकर्णमाकृष्य धनुर्गुणोद्यद्ब्रह्मास्त्रलक्षीकृतराक्षसेन्द्रम् ।रथाधिरूढं रणरङ्गधीरंरामं भजे रक्तसरोरुहाक्षम् ॥ ५३॥

ākarṇamākṛṣya dhanurguṇodyadbrahmāstralakṣīkṛtarākṣasendram |rathādhirūḍhaṃ raṇaraṅgadhīraṃrāmaṃ bhaje raktasaroruhākṣam || 53||

अकार्मुकालङ्कृतबाहुदण्डैरराक्षसाधीश्वरभङ्गदक्षैः ।अजानकीन्द्रैरपयोदनीलैररामचन्द्रैरलमन्यदैवैः ॥ ५४॥

akārmukālaṅkṛtabāhudaṇḍairarākṣasādhīśvarabhaṅgadakṣaiḥ |ajānakīndrairapayodanīlairarāmacandrairalamanyadaivaiḥ || 54||

अलं विवादेन न मानुषोऽयंरामात्मना राक्षसमर्दनाय ।भुजङ्गशय्यां परिमुच्य साक्षान्नारायणो भूमितलं जगाम ॥ ५५॥

alaṃ vivādena na mānuṣo'yaṃrāmātmanā rākṣasamardanāya |bhujaṅgaśayyāṃ parimucya sākṣānnārāyaṇo bhūmitalaṃ jagāma || 55||

कल्याणदं कौशिकयज्ञपालंकलानिधिं काञ्चनशैलधैर्यम् ।कञ्जातनेत्रं करुणासमुद्रंकाकुत्स्थरामं कलयामि चित्ते ॥ ५६॥

kalyāṇadaṃ kauśikayajñapālaṃkalānidhiṃ kāñcanaśailadhairyam |kañjātanetraṃ karuṇāsamudraṃkākutstharāmaṃ kalayāmi citte || 56||

मर्त्यावतारे मनुजाकृतिं हरिंरामाभिदेहं (भिधेयं) रमणीयदेहम् ।धनुर्धरं पद्मपलाशनेत्रंनमामि नित्यं रघुनाथमूर्तिम् ॥ ५७॥

martyāvatāre manujākṛtiṃ hariṃrāmābhidehaṃ (bhidheyaṃ) ramaṇīyadeham |dhanurdharaṃ padmapalāśanetraṃnamāmi nityaṃ raghunāthamūrtim || 57||

विशालनेत्रं परिपूर्णगात्रंसीताकलत्रं शुभसच्चरित्रम् ।सुग्रीवमित्रं जगतः पवित्रंवन्दे सुवक्त्रं वरभूपपुत्रम् ॥ ५८॥

viśālanetraṃ paripūrṇagātraṃsītākalatraṃ śubhasaccaritram |sugrīvamitraṃ jagataḥ pavitraṃvande suvaktraṃ varabhūpaputram || 58||

कारीरभासा कलयन् विनोदंशारीरभासा जितशाम्बरारिः ।वारीशगेहे कृतसेतुरीशोमारीचवैरी मम सन्निधत्ताम् ॥ ५९॥

kārīrabhāsā kalayan vinodaṃśārīrabhāsā jitaśāmbarāriḥ |vārīśagehe kṛtaseturīśomārīcavairī mama sannidhattām || 59||

वदन्तु केचिच्चतुरोऽपि वेदान्पठन्तु शास्त्राण्यपरेऽखिलानि ।अटन्तु तीर्थान्यपरे पृथिव्यांवयं तु रामं मनसा स्मरामः ॥ ६०॥

vadantu keciccaturo'pi vedānpaṭhantu śāstrāṇyapare'khilāni |aṭantu tīrthānyapare pṛthivyāṃvayaṃ tu rāmaṃ manasā smarāmaḥ || 60||

नमामि रामं नतपारिजातंकरोमि रामाङ्घ्रिसरोजपूजाम् ।वदामि रामस्य सुदिव्यनामस्मरामि रामं न तु विस्मरामि ॥ ६१॥

namāmi rāmaṃ natapārijātaṃkaromi rāmāṅghrisarojapūjām |vadāmi rāmasya sudivyanāmasmarāmi rāmaṃ na tu vismarāmi || 61||

अन्नं नराणाममृतं सुराणांभृङ्गावलीनां मकरन्द एव ।श्रीरामपादाम्बुजसेवकानांमहात्मनां रामकथैवमुक्ता ॥ ६२॥

annaṃ narāṇāmamṛtaṃ surāṇāṃbhṛṅgāvalīnāṃ makaranda eva |śrīrāmapādāmbujasevakānāṃmahātmanāṃ rāmakathaivamuktā || 62||

श्रीशब्दपूर्वं जयशब्दमर्त्यं(मध्यं)जयद्वायावुत्तरत(द्वयं चोत्तरत)स्तथैव ।त्रिस्सप्तकृत्वो भुवि रामनामजपं तु हन्याद्द्विजकोटिहत्याम् ॥ ६३॥

śrīśabdapūrvaṃ jayaśabdamartyaṃ(madhyaṃ)jayadvāyāvuttarata(dvayaṃ cottarata)stathaiva |trissaptakṛtvo bhuvi rāmanāmajapaṃ tu hanyāddvijakoṭihatyām || 63||

यो दण्डकारण्यनिशाचरेन्द्रान्कोदण्डलीलाविषयीचकार ।वेतण्डशुण्डायितबाहुदण्डोकोदण्डपाणी(णिः) कुलदैवतं नः ॥ ६४॥

yo daṇḍakāraṇyaniśācarendrānkodaṇḍalīlāviṣayīcakāra |vetaṇḍaśuṇḍāyitabāhudaṇḍokodaṇḍapāṇī(ṇiḥ) kuladaivataṃ naḥ || 64||

कोदण्डदीक्षागुरुमप्रमेयंसलक्ष्मणं दाशरथिं दयालुम् ।महानुभावं जगदेकवीरमनाथनाथं रघुनाथमीडे ॥ ६५॥

kodaṇḍadīkṣāgurumaprameyaṃsalakṣmaṇaṃ dāśarathiṃ dayālum |mahānubhāvaṃ jagadekavīramanāthanāthaṃ raghunāthamīḍe || 65||

रामः पिता राघव एव मातारामः सुबन्धुश्च सुहृत् स एव ।रामो गुरुर्मे परमं च दैवंरामं विना नान्यमहं स्मरामि ॥ ६६॥

rāmaḥ pitā rāghava eva mātārāmaḥ subandhuśca suhṛt sa eva |rāmo gururme paramaṃ ca daivaṃrāmaṃ vinā nānyamahaṃ smarāmi || 66||

माता रामो मत्पिता रामभद्रोभ्राता रामो मत्सखो राघवेशः ।भर्ता त्राता रामचन्द्रो दयालुर्नान्यं जाने नैव जाने न जाने ॥ ६७॥

mātā rāmo matpitā rāmabhadrobhrātā rāmo matsakho rāghaveśaḥ |bhartā trātā rāmacandro dayālurnānyaṃ jāne naiva jāne na jāne || 67||

रघुनन्दन एव दैवतं नोरघुवंशोद्भव एव दैवतं नः ।भरताग्रज एव दैवतं नोभगवान् राघव एव दैवतं नः ॥ ६८॥

raghunandana eva daivataṃ noraghuvaṃśodbhava eva daivataṃ naḥ |bharatāgraja eva daivataṃ nobhagavān rāghava eva daivataṃ naḥ || 68||

दीनवत्सलमनाथरक्षकंदीर्घबाहुमरविन्दलोचनम् ।दीक्षितं सकललोकरक्षणंदैवतं दशरथात्मजं भजे ॥ ६९॥

dīnavatsalamanātharakṣakaṃdīrghabāhumaravindalocanam |dīkṣitaṃ sakalalokarakṣaṇaṃdaivataṃ daśarathātmajaṃ bhaje || 69||

इन्द्रनीलमणिसन्निभदेहंवन्द्यमानचरणं मुनिवृन्दैः ।लम्बमानतुलसीवनमालंचिन्तयामि सततं रघुवीरम् ॥ ७०॥

indranīlamaṇisannibhadehaṃvandyamānacaraṇaṃ munivṛndaiḥ |lambamānatulasīvanamālaṃcintayāmi satataṃ raghuvīram || 70||

चापं दधानः स्तनयित्नुघोषंकर्षन्निषङ्गादिषुमप्यरिघ्नम् ।आपत्सु भूयादभयप्रदो मेसाकं सुमित्रातनयेन रामः ॥ ७१॥

cāpaṃ dadhānaḥ stanayitnughoṣaṃkarṣanniṣaṅgādiṣumapyarighnam |āpatsu bhūyādabhayaprado mesākaṃ sumitrātanayena rāmaḥ || 71||

यः पूतनामारणलब्धवर्णःकाकोदरो येन विनीतदर्पः ।यशोदयालङ्कृतमूर्तिरव्यान्नाथो यदूनामथ वा रघूणाम् ॥ ७२॥

yaḥ pūtanāmāraṇalabdhavarṇaḥkākodaro yena vinītadarpaḥ |yaśodayālaṅkṛtamūrtiravyānnātho yadūnāmatha vā raghūṇām || 72||

(फ़ूत्नोते ओन् वेर्से ७२)रामपक्षेःपूतनामा रणलब्धवर्णः इति पदच्छेदः ।काकोदरः काकासुरः । यशः दया द्वाभ्यां अलङ्कृतमूर्तिः ।कृष्णपक्षेः पूतना राक्षसी । काकोदरः सर्पः कालियः ।यशोदा नन्दस्य पत्नी ।)जातो वंशे रघूणां मुनिवरवचनात्ताटकां ताडयित्वाकृत्वा पुण्यामहल्यां त्रुटितभवधनुर्मैथिलीवल्लभोऽभूत् ।प्राप्यायोध्यां निदेशात् पितुरटविमगाद्वीतसीतोऽस्तवालीबद्धाब्धिर्ध्वस्तलङ्को दलितदशमुखः सीतया राज्यमाप ॥ ७३॥

(फ़ūtnote on verse 72)rāmapakṣeḥpūtanāmā raṇalabdhavarṇaḥ iti padacchedaḥ |kākodaraḥ kākāsuraḥ | yaśaḥ dayā dvābhyāṃ alaṅkṛtamūrtiḥ |kṛṣṇapakṣeḥ pūtanā rākṣasī | kākodaraḥ sarpaḥ kāliyaḥ |yaśodā nandasya patnī |)jāto vaṃśe raghūṇāṃ munivaravacanāttāṭakāṃ tāḍayitvākṛtvā puṇyāmahalyāṃ truṭitabhavadhanurmaithilīvallabho'bhūt |prāpyāyodhyāṃ nideśāt pituraṭavimagādvītasīto'stavālībaddhābdhirdhvastalaṅko dalitadaśamukhaḥ sītayā rājyamāpa || 73||

रामं श्यामाभिरामं रविशशिनयनं कोटिसूर्यप्रकाशंदिव्यं दिव्यास्त्रपाणिं शरमुखशरधिं चारुकोदण्डहस्तम् ।कालं कालाग्निरुद्रं रिपुकुलदहनं विघ्नविच्छेददक्षंभीमं भीमाट्टहासं सकलभयहरं रामचन्द्रं भजेऽहम् ॥ ७४॥

rāmaṃ śyāmābhirāmaṃ raviśaśinayanaṃ koṭisūryaprakāśaṃdivyaṃ divyāstrapāṇiṃ śaramukhaśaradhiṃ cārukodaṇḍahastam |kālaṃ kālāgnirudraṃ ripukuladahanaṃ vighnavicchedadakṣaṃbhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 74||

राम वीरासनस्थं हृदयगतकरव्यञ्जितज्ञानमुद्रंजानौ विन्यस्तहस्तं जनकतनयया भूषितं वामभागे ।षट्छास्त्रं व्याहरन्तं पवनसुतनयं चाग्रतो मानयन्तंसंसेवे सेव्यमानं करधृतधनुषा दक्षिणे लक्ष्मणेन ॥ ७५॥

rāma vīrāsanasthaṃ hṛdayagatakaravyañjitajñānamudraṃjānau vinyastahastaṃ janakatanayayā bhūṣitaṃ vāmabhāge |ṣaṭchāstraṃ vyāharantaṃ pavanasutanayaṃ cāgrato mānayantaṃsaṃseve sevyamānaṃ karadhṛtadhanuṣā dakṣiṇe lakṣmaṇena || 75||

वामे कोदण्डदण्डं निजकरकमले दक्षिणे बाणमेकंपश्चाद्भागे च नित्यं विदधदभिमतं सासितूणीरभारम् ।वामे भागे लसद्भ्यां सहमिलिततनुं जानकीलक्ष्मणाभ्यांरामं श्यामं भजेऽहं प्रणतजनमनःखेदविच्छेददक्षम् ॥ ७६॥

vāme kodaṇḍadaṇḍaṃ nijakarakamale dakṣiṇe bāṇamekaṃpaścādbhāge ca nityaṃ vidadhadabhimataṃ sāsitūṇīrabhāram |vāme bhāge lasadbhyāṃ sahamilitatanuṃ jānakīlakṣmaṇābhyāṃrāmaṃ śyāmaṃ bhaje'haṃ praṇatajanamanaḥkhedavicchedadakṣam || 76||

शुद्धान्ते मातृमध्ये दशरथपुरतः सञ्चरन्तं मनोज्ञंकाञ्चीदामानुविद्धप्रतिमणिविलसत्किङ्किणीनिक्वणाङ्कम् ।फाले मुक्ताललामं मृदुतरनिनदं नूपुरं चारुहारंबालं रामं भजेऽहं मृदुमधुरगिरं कुण्डलश्रीकपोलम् ॥ ७७॥

śuddhānte mātṛmadhye daśarathapurataḥ sañcarantaṃ manojñaṃkāñcīdāmānuviddhapratimaṇivilasatkiṅkiṇīnikvaṇāṅkam |phāle muktālalāmaṃ mṛdutaraninadaṃ nūpuraṃ cāruhāraṃbālaṃ rāmaṃ bhaje'haṃ mṛdumadhuragiraṃ kuṇḍalaśrīkapolam || 77||

लोकत्राणानुकारी दशवदनशिरःपङ्क्तिविच्छेदकारीसीतासीमन्तकारी मणिमयमकुटोद्दण्डकोदण्डधारी ।लङ्कालङ्कारहारी भृगुतनयमनःसर्वगर्वापहारी(वालिप्राणापहारी) शमयतु दुरितं भूमिभारापहारी ॥ ७८॥

lokatrāṇānukārī daśavadanaśiraḥpaṅktivicchedakārīsītāsīmantakārī maṇimayamakuṭoddaṇḍakodaṇḍadhārī |laṅkālaṅkārahārī bhṛgutanayamanaḥsarvagarvāpahārī(vāliprāṇāpahārī) śamayatu duritaṃ bhūmibhārāpahārī || 78||

जातः श्रीरघुनायको दशरथान्मुन्याज्ञया ताटकांहत्वा रक्षितकौशिकक्रतुवरः कृत्वाप्यहल्यां शुभाम् ।भङ्क्त्वा भार्गशरासनं जनकजामुद्वाह्य रामस्थितो (रामः स्थितं)जित्वा चाध्वनि भार्गवं पुनरगात् सीतासमेतं भजे ॥ ७९॥

jātaḥ śrīraghunāyako daśarathānmunyājñayā tāṭakāṃhatvā rakṣitakauśikakratuvaraḥ kṛtvāpyahalyāṃ śubhām |bhaṅktvā bhārgaśarāsanaṃ janakajāmudvāhya rāmasthito (rāmaḥ sthitaṃ)jitvā cādhvani bhārgavaṃ punaragāt sītāsametaṃ bhaje || 79||

स श्रेयांसि बलीनि सन्दिशतु ते वीरः कृपात्मा शुचिःयन्नेत्राञ्चलरक्तिमा समतनोदब्धीश्वराग्रस्थितिम् ।यद्वक्षो विमतानुजाय सदयं लङ्काधिपत्यं ददौयत्पादाब्जपरागपालिरकरोत् पाषाणमेणीदृशम् ॥ ८०॥

sa śreyāṃsi balīni sandiśatu te vīraḥ kṛpātmā śuciḥyannetrāñcalaraktimā samatanodabdhīśvarāgrasthitim |yadvakṣo vimatānujāya sadayaṃ laṅkādhipatyaṃ dadauyatpādābjaparāgapālirakarot pāṣāṇameṇīdṛśam || 80||

गीतार्थामृतवारिधिं रघुपतिं शीतांशुबिम्बाननंसूताङ्गीरसनारदैरभिनुतं वातात्मजाभीष्टदम् ।आताम्राधरशोभितं सुरनुतं पीताम्बरालङ्कृतंसीताराममहं भजामि शरणं कारुण्यदुग्धार्णवम् ॥ ८१॥

gītārthāmṛtavāridhiṃ raghupatiṃ śītāṃśubimbānanaṃsūtāṅgīrasanāradairabhinutaṃ vātātmajābhīṣṭadam |ātāmrādharaśobhitaṃ suranutaṃ pītāmbarālaṅkṛtaṃsītārāmamahaṃ bhajāmi śaraṇaṃ kāruṇyadugdhārṇavam || 81||

श्रीरामोऽजनि राघवो मुनिमखं पाति स्म सीतापतिःकान्ताराणि निनाय वीतभयतां रामेण वाली हतः ।आनन्दं हनुमत् ? ? रघुपतिर्निन्ये जजृम्भे बले ?लकेशःस्वपदात् स्वयं विजघटे रामः स्त्रियागात्पुरीम् ॥ ८२॥

śrīrāmo'jani rāghavo munimakhaṃ pāti sma sītāpatiḥkāntārāṇi nināya vītabhayatāṃ rāmeṇa vālī hataḥ |ānandaṃ hanumat ? ? raghupatirninye jajṛmbhe bale ?lakeśaḥsvapadāt svayaṃ vijaghaṭe rāmaḥ striyāgātpurīm || 82||

श्रीरामं जगदेकवीरममलं सीतामनोहारिणंकौसल्यावरनन्दनं सुरनुतं काकुत्स्थवंशोद्भवम् ।लोकानामभिवाञ्छितार्थफलदं कारुण्यकल्पद्रुमंवन्देऽहं जनघोरपापनिकरध्वंसव्रतं राघवम् ॥ ८३॥

śrīrāmaṃ jagadekavīramamalaṃ sītāmanohāriṇaṃkausalyāvaranandanaṃ suranutaṃ kākutsthavaṃśodbhavam |lokānāmabhivāñchitārthaphaladaṃ kāruṇyakalpadrumaṃvande'haṃ janaghorapāpanikaradhvaṃsavrataṃ rāghavam || 83||

राम लक्ष्मणपूर्वजं रघुपतिं सीतापतिं सुन्दरंकाकुत्स्थं करुणाकरं गुणनिधिं विप्रप्रियं धार्मिकम् ।राजेन्द्रं सत्यसन्धं दशरथतनयं श्यामलं शान्तमूर्तिंवन्दे लोकाभिरामं रघुकुलतिलकं राघवं रावणारिम् ॥ ८४॥

rāma lakṣmaṇapūrvajaṃ raghupatiṃ sītāpatiṃ sundaraṃkākutsthaṃ karuṇākaraṃ guṇanidhiṃ viprapriyaṃ dhārmikam |rājendraṃ satyasandhaṃ daśarathatanayaṃ śyāmalaṃ śāntamūrtiṃvande lokābhirāmaṃ raghukulatilakaṃ rāghavaṃ rāvaṇārim || 84||

रामं चन्दनशीतलं मणिलसद्रुक्माम्बरालङ्कृतंकौसल्यातनयं विशालनयनं सम्पूर्णचन्द्राननम् ।राजानं करुणासमेतमनघं सीतामनोहारिणंसीतादर्शनलालसं गुणनिधिं वन्दे सदा राघवम् ॥ ८५॥

rāmaṃ candanaśītalaṃ maṇilasadrukmāmbarālaṅkṛtaṃkausalyātanayaṃ viśālanayanaṃ sampūrṇacandrānanam |rājānaṃ karuṇāsametamanaghaṃ sītāmanohāriṇaṃsītādarśanalālasaṃ guṇanidhiṃ vande sadā rāghavam || 85||

रामं रत्नकिरीटकुण्डलधरं केयूरहारान्वितंसीतालङ्कृतवामभागममलं वीरासने सुस्थितम् ।सुग्रीवादिसमस्तवानरगणैः संसेव्यमानं सदाविश्वामित्रपराशरादिमुनिभिः संस्तूयमानं भजे ॥ ८६॥

rāmaṃ ratnakirīṭakuṇḍaladharaṃ keyūrahārānvitaṃsītālaṅkṛtavāmabhāgamamalaṃ vīrāsane susthitam |sugrīvādisamastavānaragaṇaiḥ saṃsevyamānaṃ sadāviśvāmitraparāśarādimunibhiḥ saṃstūyamānaṃ bhaje || 86||

रामं राजशिरोमणिं रघुवरं देवारिदर्पापहंलोकानां हितकारिणं गुणनिधिं कारुण्यपूर्णोदयम् ।मुक्ताकाञ्चनभूषणान्विततनुं चापेषुहस्ताम्बुजंकौसल्याकुलभूषणं रघुपतिं श्रीरामचन्द्रं भजे ॥ ८७॥

rāmaṃ rājaśiromaṇiṃ raghuvaraṃ devāridarpāpahaṃlokānāṃ hitakāriṇaṃ guṇanidhiṃ kāruṇyapūrṇodayam |muktākāñcanabhūṣaṇānvitatanuṃ cāpeṣuhastāmbujaṃkausalyākulabhūṣaṇaṃ raghupatiṃ śrīrāmacandraṃ bhaje || 87||

राम त्वच्चरणारविन्दममलं श्रीरामपारायणंभक्तत्राणपरायणं भवभयत्राणप्रवीणं सदा ।तन्मे कर्तुमुपायनं मम मनः प्रीतिं दिशा सर्वदा (दिश त्वं सदा)दीनं दीनशरण्य पूर्णकृपया सीतापते पाहि माम् ॥ ८८॥

rāma tvaccaraṇāravindamamalaṃ śrīrāmapārāyaṇaṃbhaktatrāṇaparāyaṇaṃ bhavabhayatrāṇapravīṇaṃ sadā |tanme kartumupāyanaṃ mama manaḥ prītiṃ diśā sarvadā (diśa tvaṃ sadā)dīnaṃ dīnaśaraṇya pūrṇakṛpayā sītāpate pāhi mām || 88||

रामो नः कुलदैवतं सकरुणं रामं भजे सादरंरामेणेशधनुः क्षणेन दलितं रामाय तस्मै नमः ।रामान्नाशमवाप राक्षसकुलं रामस्य दासोऽस्म्यहंरामे तिष्ठति विश्वमेतदखिलं हे राम(रक्षस्व) संरक्ष माम् ॥ ८९॥

rāmo naḥ kuladaivataṃ sakaruṇaṃ rāmaṃ bhaje sādaraṃrāmeṇeśadhanuḥ kṣaṇena dalitaṃ rāmāya tasmai namaḥ |rāmānnāśamavāpa rākṣasakulaṃ rāmasya dāso'smyahaṃrāme tiṣṭhati viśvametadakhilaṃ he rāma(rakṣasva) saṃrakṣa mām || 89||

रामो रक्षतु लक्ष्मणेन सहितो रामं सरामं भजेरामेणैव हि रक्षिताः सुरगणा रामाय तस्मै नमः ।रामान्नापरमस्ति दैवतमहो रामस्य दासोऽस्म्यहंरामे तिष्ठतु मानसं मम सदा हे राम तुभ्यं नमः ॥ ९०॥

rāmo rakṣatu lakṣmaṇena sahito rāmaṃ sarāmaṃ bhajerāmeṇaiva hi rakṣitāḥ suragaṇā rāmāya tasmai namaḥ |rāmānnāparamasti daivatamaho rāmasya dāso'smyahaṃrāme tiṣṭhatu mānasaṃ mama sadā he rāma tubhyaṃ namaḥ || 90||

दिव्यस्यन्दनमध्यगं घनरणच्चापान्वितं भीषणंकालाग्निप्रतिमानबाणकलितं घोरास्त्रतूणीद्वयम् ।सौमित्र्यर्कजरावणानुजमरुत्पुत्रादिसंसेवितंरामं राक्षसकोटिवीरहरणं श्रीरामचन्द्रं भजे ॥ ९१॥

divyasyandanamadhyagaṃ ghanaraṇaccāpānvitaṃ bhīṣaṇaṃkālāgnipratimānabāṇakalitaṃ ghorāstratūṇīdvayam |saumitryarkajarāvaṇānujamarutputrādisaṃsevitaṃrāmaṃ rākṣasakoṭivīraharaṇaṃ śrīrāmacandraṃ bhaje || 91||

राजीवायतलोचनं रघुपतिं नीलोत्पलश्यामलंमुक्तालङ्कृतमण्डपे सुललिते सौवर्णके पुष्पके ।आसीनं नवरत्नकाञ्चनलसत्सिंहासने साम्बुजेसीतालक्ष्मणवायुसूनुसहितं श्रीरामचन्द्रं भजे ॥ ९२॥

rājīvāyatalocanaṃ raghupatiṃ nīlotpalaśyāmalaṃmuktālaṅkṛtamaṇḍape sulalite sauvarṇake puṣpake |āsīnaṃ navaratnakāñcanalasatsiṃhāsane sāmbujesītālakṣmaṇavāyusūnusahitaṃ śrīrāmacandraṃ bhaje || 92||

कर्पूराङ्गविलेपनं रघुवरं राजीवनेत्रान्वितंकस्तूरीतिलकाङ्कितं करिवरप्रत्येयमेकं प्रभुम् ।कन्दर्पायुतकोटिसुन्दरतनुं कारुण्यपाथोनिधिंकान्ताकाममदमप्रमेयमनघं सीतासमेतं भजे ॥ ९३॥

karpūrāṅgavilepanaṃ raghuvaraṃ rājīvanetrānvitaṃkastūrītilakāṅkitaṃ karivarapratyeyamekaṃ prabhum |kandarpāyutakoṭisundaratanuṃ kāruṇyapāthonidhiṃkāntākāmamadamaprameyamanaghaṃ sītāsametaṃ bhaje || 93||

पूर्वं रामतपोवनानुगमनं हत्वा मृगं काञ्चनंवैदेहीहरणं जटायुमरणं सुग्रीवसम्भाषणम् ।पश्चाद्रावणकुम्भकर्णनिधनं ह्येतद्धि रामायणम् ॥ ९४॥

pūrvaṃ rāmatapovanānugamanaṃ hatvā mṛgaṃ kāñcanaṃvaidehīharaṇaṃ jaṭāyumaraṇaṃ sugrīvasambhāṣaṇam |paścādrāvaṇakumbhakarṇanidhanaṃ hyetaddhi rāmāyaṇam || 94||

राकेन्दुप्रतिमाननस्य महिमा हा केन वा वर्ण्यतेलोके यः स दयापरोऽजनि महान् काकेऽपि सान्द्रागसि ।एकेनैव शरेण येन समरे नाकेशसूनुर्हतःशोकेनाकुलचेतसां भुवि सतां साकेतवासी गतिः ॥ ९५॥

rākendupratimānanasya mahimā hā kena vā varṇyateloke yaḥ sa dayāparo'jani mahān kāke'pi sāndrāgasi |ekenaiva śareṇa yena samare nākeśasūnurhataḥśokenākulacetasāṃ bhuvi satāṃ sāketavāsī gatiḥ || 95||

यन्नामैव सहस्रनामसदृशं यत्कर्म कैवल्यदंयद्विद्या हृदयाम्बुजेषु विदुषामानन्दसन्दायिनी ।यन्मूर्तिविजयान्विता त्रिजगतीरक्षाविधौ दीक्षितातं कल्याणगुणान्वितं प्रतिदिनं श्रीरामचन्द्रं भजे ॥ ९६॥

yannāmaiva sahasranāmasadṛśaṃ yatkarma kaivalyadaṃyadvidyā hṛdayāmbujeṣu viduṣāmānandasandāyinī |yanmūrtivijayānvitā trijagatīrakṣāvidhau dīkṣitātaṃ kalyāṇaguṇānvitaṃ pratidinaṃ śrīrāmacandraṃ bhaje || 96||

मैथिल्या नगरे विवाहसमये कल्याणवेद्यन्तरेश्रीमन्तौ तपनीयरत्नखचिते पीठे व(ल)सन्तौ शुभौ ।श्रीमन्तौ निगमार्थतत्त्वविदुषामाशीर्गिरौ पावनौपायास्तां च वधूवरौ सुललितौ श्रीजानकीराघवौ ॥ ९७॥

maithilyā nagare vivāhasamaye kalyāṇavedyantareśrīmantau tapanīyaratnakhacite pīṭhe va(la)santau śubhau |śrīmantau nigamārthatattvaviduṣāmāśīrgirau pāvanaupāyāstāṃ ca vadhūvarau sulalitau śrījānakīrāghavau || 97||

यत्पादः सुरसिन्धुवाससदनं यन्नाभिजातोऽब्जभूःयः साकेतनिकेतनं यदुदरं लोकैकशय्यागृहम् ।यद्वक्षः कमलाविलासभवनं यन्नेत्रयुग्मं दयाराश्या(लास्या)गारमखण्डमङ्गलनिधिः पायात् स नो राघवः ॥ ९८॥

yatpādaḥ surasindhuvāsasadanaṃ yannābhijāto'bjabhūḥyaḥ sāketaniketanaṃ yadudaraṃ lokaikaśayyāgṛham |yadvakṣaḥ kamalāvilāsabhavanaṃ yannetrayugmaṃ dayārāśyā(lāsyā)gāramakhaṇḍamaṅgalanidhiḥ pāyāt sa no rāghavaḥ || 98||

कौसल्या जननी पिता दशरथः सल्लक्षणो लक्ष्मणःशत्रुघ्नो भरतोऽनुजो जनकजा जाया वसिष्ठो गुरुः ।सुग्रीवश्च विभीषणः प्रियसखौ दूतो हनूमान् महान्सायोध्या नगरी सुतौ कुशलवौ श्रीरामदासा वयम् ॥ ९९॥

kausalyā jananī pitā daśarathaḥ sallakṣaṇo lakṣmaṇaḥśatrughno bharato'nujo janakajā jāyā vasiṣṭho guruḥ |sugrīvaśca vibhīṣaṇaḥ priyasakhau dūto hanūmān mahānsāyodhyā nagarī sutau kuśalavau śrīrāmadāsā vayam || 99||

रक्षोघ्नं रणरागिणं रविसमं रुद्रप्रियं रक्षकंरूपैकाभरणं रुषादिरहित रुक्माङ्गदाराधितम् ।रोचिष्णुं रथिनं रमापतिसमं राज्यप्रदं राघवंरामं राजशिरोमणिं रघुपतिं श्रीरामचन्द्रं भजे ॥ १००॥

rakṣoghnaṃ raṇarāgiṇaṃ ravisamaṃ rudrapriyaṃ rakṣakaṃrūpaikābharaṇaṃ ruṣādirahita rukmāṅgadārādhitam |rociṣṇuṃ rathinaṃ ramāpatisamaṃ rājyapradaṃ rāghavaṃrāmaṃ rājaśiromaṇiṃ raghupatiṃ śrīrāmacandraṃ bhaje || 100||

साकेते शरदिन्दुकुन्त(द)धवले सौधे महामण्डपेपर्यस्तागरुधूपगन्धललिते कर्पूरदीपोज्ज्वले ।सुग्रीवाङ्गदजाम्बवत्परिवृतं सौमित्रिणा सेवितंलीलामानुषविग्रहं रघुपतिं सीतासमेतं भजे ॥ १०१॥

sākete śaradindukunta(da)dhavale saudhe mahāmaṇḍapeparyastāgarudhūpagandhalalite karpūradīpojjvale |sugrīvāṅgadajāmbavatparivṛtaṃ saumitriṇā sevitaṃlīlāmānuṣavigrahaṃ raghupatiṃ sītāsametaṃ bhaje || 101||

वामाङ्गे जनकात्मजां पदतले वायोः सुतं लक्ष्मणंपश्चाच्छत्रुहरं विभीषणयुतं सुग्रीवमग्रे स्थितम् ।पार्श्वे कैकयिनन्दनं तदितरे शत्रुघ्नसंसेवितंरामं नीरदनीलमञ्जुलतनुं सीतासमेतं भजे ॥ १०२॥

vāmāṅge janakātmajāṃ padatale vāyoḥ sutaṃ lakṣmaṇaṃpaścācchatruharaṃ vibhīṣaṇayutaṃ sugrīvamagre sthitam |pārśve kaikayinandanaṃ taditare śatrughnasaṃsevitaṃrāmaṃ nīradanīlamañjulatanuṃ sītāsametaṃ bhaje || 102||

वामे भूमिसुता पुरस्तु हनुमान् पश्चात्सुमित्रासुतःशत्रुघ्नो भरतश्च पार्श्वदलयोर्वाय्वादिकोणेषु च ।सुग्रीवश्च विभीषणश्च युवराट् तारासुतो जाम्बवान्मध्ये नीलसरोजकोमलरुचिं रामं भजे श्यामलम् ॥ १०३॥

vāme bhūmisutā purastu hanumān paścātsumitrāsutaḥśatrughno bharataśca pārśvadalayorvāyvādikoṇeṣu ca |sugrīvaśca vibhīṣaṇaśca yuvarāṭ tārāsuto jāmbavānmadhye nīlasarojakomalaruciṃ rāmaṃ bhaje śyāmalam || 103||

कालाम्भोधरकान्तिकान्तमनिशं वीरासनाध्यासितंमुद्रां ज्ञानमयीं दधानमपरं हस्ताम्बुजं जानुनि ।सीतां पार्श्वगतां सरोरुहकरां विद्युन्निभां राघवंपश्यन्तं मकुटाङ्गदादिविविधाकल्पोज्ज्वलाङ्गं भजे ॥ १०४॥

kālāmbhodharakāntikāntamaniśaṃ vīrāsanādhyāsitaṃmudrāṃ jñānamayīṃ dadhānamaparaṃ hastāmbujaṃ jānuni |sītāṃ pārśvagatāṃ saroruhakarāṃ vidyunnibhāṃ rāghavaṃpaśyantaṃ makuṭāṅgadādivividhākalpojjvalāṅgaṃ bhaje || 104||

वैदेहीसहितं सुरद्रुमतले हैमे महामण्डपेमध्येपुष्पकमासने मणिमये वीरासने सुस्थितम् ।अग्रे वाचयति प्रभञ्जनसुते तत्त्वं मुनिभ्यः परंव्याख्यान्तं भरतादिभिः परिवृतं रामं भजे श्यामलम् ॥ १०५॥

vaidehīsahitaṃ suradrumatale haime mahāmaṇḍapemadhyepuṣpakamāsane maṇimaye vīrāsane susthitam |agre vācayati prabhañjanasute tattvaṃ munibhyaḥ paraṃvyākhyāntaṃ bharatādibhiḥ parivṛtaṃ rāmaṃ bhaje śyāmalam || 105||

वैदेहीकुचमण्डलोपरि लसत्माणिक्यहारावलीमध्यस्थोपलनीलकोमलरुचिं नीलोत्पलश्यामलम् ।कन्दर्पायुतकोटिसुन्दरतनुं कोदण्डदीक्षागुरुंकौसल्याकुलभूषणं रघुवरं रामं भजे श्यामलम् ॥ १०६॥

vaidehīkucamaṇḍalopari lasatmāṇikyahārāvalīmadhyasthopalanīlakomalaruciṃ nīlotpalaśyāmalam |kandarpāyutakoṭisundaratanuṃ kodaṇḍadīkṣāguruṃkausalyākulabhūṣaṇaṃ raghuvaraṃ rāmaṃ bhaje śyāmalam || 106||

वैदेहीमधिरोप्य जातपुलकां लज्जावतीं सुस्थितांकाञ्चीकङ्कणहारनूपुरलसत्कर्णावतंसोज्ज्वलाम् ।कस्तूरीघनसारचर्चितकुचां चन्द्राननां जानकींकन्दर्पायुतसुन्दरं रघुपतिं रामं भजे श्यामलम् ॥ १०७॥

vaidehīmadhiropya jātapulakāṃ lajjāvatīṃ susthitāṃkāñcīkaṅkaṇahāranūpuralasatkarṇāvataṃsojjvalām |kastūrīghanasāracarcitakucāṃ candrānanāṃ jānakīṃkandarpāyutasundaraṃ raghupatiṃ rāmaṃ bhaje śyāmalam || 107||

वैदेहीमधिरोप्य जातपुलकां वामाङ्कमाश्लेषिणींवामेन स्तनचूचुकं पुलकितं वामं करेण स्पृशन् ।तत्त्वं दक्षिणपाणिना कलितया धीमुद्रया बोधयन्रामो मारुतिसेवितः स्फुरतु मे साम्राज्यसिंहासने ॥ १०८॥

vaidehīmadhiropya jātapulakāṃ vāmāṅkamāśleṣiṇīṃvāmena stanacūcukaṃ pulakitaṃ vāmaṃ kareṇa spṛśan |tattvaṃ dakṣiṇapāṇinā kalitayā dhīmudrayā bodhayanrāmo mārutisevitaḥ sphuratu me sāmrājyasiṃhāsane || 108||

उत्फुल्लामलकोमलोत्पलदलश्यामाय रामाय नःकामाय प्रथमाय निर्मलगुणारामाय रामात्मने ।ध्यानारूढमुनीन्द्रमानससरोहंसाय संसारविध्वंसाय स्फुरदोजसे रघुकुलोत्तंसाय पुंसे नमः ॥ १०९॥

utphullāmalakomalotpaladalaśyāmāya rāmāya naḥkāmāya prathamāya nirmalaguṇārāmāya rāmātmane |dhyānārūḍhamunīndramānasasarohaṃsāya saṃsāravidhvaṃsāya sphuradojase raghukulottaṃsāya puṃse namaḥ || 109||

क्षीराम्भोनिधिमध्यवर्तिनिशिता ? ? सुवर्णाम्बरेरक्तोल्लोचनहेमपद्मपटले जाम्बूनदे मण्डपे ।तेजोधामनि पुष्पके रविनिभे माणिक्यसिंहासनेहेमाम्भोरुहकर्णिकान्तरतले वीरासने सुस्थितम् (? ) ॥ ११०॥

kṣīrāmbhonidhimadhyavartiniśitā ? ? suvarṇāmbareraktollocanahemapadmapaṭale jāmbūnade maṇḍape |tejodhāmani puṣpake ravinibhe māṇikyasiṃhāsanehemāmbhoruhakarṇikāntaratale vīrāsane susthitam (? ) || 110||

ये शृण्वन्ति पठन्ति रामचरितं ये भाग्यवन्तः सदाधीरोदात्तरघूत्तमस्य चरणौ ध्यायन्ति ये मानसे ।ये कुर्वन्ति समस्तधर्मनिचयं रामस्य सुप्रीतयेतेषां सर्वमनोरथान् वितनुते साक्षाद्रघूणां पतिः ॥ १११॥

ye śṛṇvanti paṭhanti rāmacaritaṃ ye bhāgyavantaḥ sadādhīrodāttaraghūttamasya caraṇau dhyāyanti ye mānase |ye kurvanti samastadharmanicayaṃ rāmasya suprītayeteṣāṃ sarvamanorathān vitanute sākṣādraghūṇāṃ patiḥ || 111||

रामं रामानुजं सीतां भरतं भरतानुजम् ।सुग्रीवं वायुसूनुं च प्रणमामि पुनः पुनः ॥ ११२॥

rāmaṃ rāmānujaṃ sītāṃ bharataṃ bharatānujam |sugrīvaṃ vāyusūnuṃ ca praṇamāmi punaḥ punaḥ || 112||

यन्नामधेयं म्रियमाण आतुरःपतन् स्खलन् वाप्यवशो गृणन्नरः ।विमुक्तकर्मार्गल उत्तमां गतिंप्राप्नोति यक्ष्यन्ति न तं कलौ जनाः ॥ ११३॥

yannāmadheyaṃ mriyamāṇa āturaḥpatan skhalan vāpyavaśo gṛṇannaraḥ |vimuktakarmārgala uttamāṃ gatiṃprāpnoti yakṣyanti na taṃ kalau janāḥ || 113||

इति श्रीरामशतकं सम्पूर्णम् ।

iti śrīrāmaśatakaṃ sampūrṇam |