नमोविंशतिः Shri Ramaramayanidevacharyapranita Namovimshatih

दाशरथे नमस्तुभ्यं भरताग्रज ते नमः ।नमो रघुपते तुभ्यं कौशल्येय नमोऽस्तु ते ॥ १॥

dāśarathe namastubhyaṃ bharatāgraja te namaḥ |namo raghupate tubhyaṃ kauśalyeya namo'stu te || 1||

नमस्ते दिव्यदेहाय नमो दिव्यगुणाय ते ।नमः सीतापते तुभ्यं मारुतीश नमोऽस्तु ते ॥ २॥

namaste divyadehāya namo divyaguṇāya te |namaḥ sītāpate tubhyaṃ mārutīśa namo'stu te || 2||

नमः कारणरूपाय कार्यरूपाय ते नमः ।नमः सच्चित्स्वरूपायानन्दरूप नमोऽस्तु ते ॥ ३॥

namaḥ kāraṇarūpāya kāryarūpāya te namaḥ |namaḥ saccitsvarūpāyānandarūpa namo'stu te || 3||

नमो भक्त्यैकलभ्याय भक्ताधीनाय ते नमः ।ज्ञानदाय नमस्तुभ्यं भक्तिप्रद नमोऽस्तु ते ॥ ४॥

namo bhaktyaikalabhyāya bhaktādhīnāya te namaḥ |jñānadāya namastubhyaṃ bhaktiprada namo'stu te || 4||

जगद्धेतो नमस्तुभ्यं प्रपन्नावक ते नमः ।नमोऽस्तु ब्रह्मणे तुभ्यं मुक्तिप्रद नमोऽस्तु ते ॥ ५॥

jagaddheto namastubhyaṃ prapannāvaka te namaḥ |namo'stu brahmaṇe tubhyaṃ muktiprada namo'stu te || 5||

रामरामायणीदेवद्वाराचार्येण निर्मिता ।भवताद् विंशतिश्चेयं पठतां सौख्यदायिनी ॥ ६॥

rāmarāmāyaṇīdevadvārācāryeṇa nirmitā |bhavatād viṃśatiśceyaṃ paṭhatāṃ saukhyadāyinī || 6||

इति श्रीरामरामायणीदेवाचार्यप्रणीता नमोविंशतिः सम्पूर्णा ।

iti śrīrāmarāmāyaṇīdevācāryapraṇītā namoviṃśatiḥ sampūrṇā |