रामरत्नदशकम् Shri Ramaratnadashakam

वेणुनादलोलबालगोपिकाकदम्बकंलीलयोद्धृतैकशैलगुप्तगोकदम्बकम् ।कामरूपकेलिलोलभूविलासिनीपतिंराम राम राम रामनाम जल्प तारकम् ॥ १॥

veṇunādalolabālagopikākadambakaṃlīlayoddhṛtaikaśailaguptagokadambakam |kāmarūpakelilolabhūvilāsinīpatiṃrāma rāma rāma rāmanāma jalpa tārakam || 1||

राजराजमौलिरत्नराजिताङ्घ्रिपङ्कजंराजराजसोदरोच्छिरःसरोजभञ्जनम् ।रामशब्दगीतयुक्तयोगिमुक्तिदायकंराम राम राम रामनाम जल्प तारकम् ॥ २॥

rājarājamauliratnarājitāṅghripaṅkajaṃrājarājasodarocchiraḥsarojabhañjanam |rāmaśabdagītayuktayogimuktidāyakaṃrāma rāma rāma rāmanāma jalpa tārakam || 2||

जानकीमनःसरोजराजहंसविभ्रमंपारिजातजातदेववन्दितोरुविक्रमम् ।पादपद्मरेणुधौतगौतमाङ्गनार्चितंराम राम राम रामनाम जल्प तारकम् ॥ ३॥

jānakīmanaḥsarojarājahaṃsavibhramaṃpārijātajātadevavanditoruvikramam |pādapadmareṇudhautagautamāṅganārcitaṃrāma rāma rāma rāmanāma jalpa tārakam || 3||

दूषणादिराक्षसेन्द्रदन्तिकेसरीश्वरंसप्तसालभेदकृत्यदक्षदिव्यसायकम् ।कामितप्रदानदक्षकल्पवृक्षरूपिणंराम राम राम रामनाम जल्प तारकम् ॥ ४॥

dūṣaṇādirākṣasendradantikesarīśvaraṃsaptasālabhedakṛtyadakṣadivyasāyakam |kāmitapradānadakṣakalpavṛkṣarūpiṇaṃrāma rāma rāma rāmanāma jalpa tārakam || 4||

शङ्करादिगीयमानपुण्यनामकीर्तनंभानुकोटिकान्तिकान्तरत्नशेखराञ्चितम् ।सामगानलोलचित्तभक्तलोकनायकंराम राम राम रामनाम जल्प तारकम् ॥ ५॥

śaṅkarādigīyamānapuṇyanāmakīrtanaṃbhānukoṭikāntikāntaratnaśekharāñcitam |sāmagānalolacittabhaktalokanāyakaṃrāma rāma rāma rāmanāma jalpa tārakam || 5||

जातयातुधाननाशकारिकार्मुकोज्ज्वलंपादरेणुलेशधौतगौतमप्रियानुतम् ।जानकीविलासलोलमानसं कृपानिधिंराम राम राम रामनाम जल्प तारकम् ॥ ६॥

jātayātudhānanāśakārikārmukojjvalaṃpādareṇuleśadhautagautamapriyānutam |jānakīvilāsalolamānasaṃ kṛpānidhiṃrāma rāma rāma rāmanāma jalpa tārakam || 6||

भानुवंशवार्धिचन्द्रमिन्द्रनीलसुन्दरंभारतीविलासनृत्तमण्टपायुताननम् ।बालभानुकोटितुल्यपीतवस्त्रसंवृतंराम राम राम रामनाम जल्प तारकम् ॥ ७॥

bhānuvaṃśavārdhicandramindranīlasundaraṃbhāratīvilāsanṛttamaṇṭapāyutānanam |bālabhānukoṭitulyapītavastrasaṃvṛtaṃrāma rāma rāma rāmanāma jalpa tārakam || 7||

वारिजातपारिजातसूनशोभिकन्धरंहारिहारशोभमानबाहुमध्यसुन्दरम् ।कामदेव(देह)कान्तिपूरसोदराङ्गवैभवंराम राम राम रामनाम जल्प तारकम् ॥ ८॥

vārijātapārijātasūnaśobhikandharaṃhārihāraśobhamānabāhumadhyasundaram |kāmadeva(deha)kāntipūrasodarāṅgavaibhavaṃrāma rāma rāma rāmanāma jalpa tārakam || 8||

भोगिराजभोगपीनबाहुदण्डमण्डितंराजराजसोदरास्यपद्मशीतदीधितम् ।वालिसूनुशोकदानधीरधीरविक्रमंराम राम राम रामनाम जल्प तारकम् ॥ ९॥

bhogirājabhogapīnabāhudaṇḍamaṇḍitaṃrājarājasodarāsyapadmaśītadīdhitam |vālisūnuśokadānadhīradhīravikramaṃrāma rāma rāma rāmanāma jalpa tārakam || 9||

नारदादियोगिवृन्दवन्द्यपादपङ्कजंवारिदावलीनिकाशकायकान्तिसुन्दरम् ।शारदारविन्दपत्ररम्यदीर्घलोचनंराम राम राम रामनाम जल्प तारकम् ॥ १०॥

nāradādiyogivṛndavandyapādapaṅkajaṃvāridāvalīnikāśakāyakāntisundaram |śāradāravindapatraramyadīrghalocanaṃrāma rāma rāma rāmanāma jalpa tārakam || 10||

पापितापजातभेदकारणं गुणान्वितंरामदिव्यनामयुक्तवृत्तपञ्चकद्वयम् ।भुक्तिमुक्तिदानबद्धचित्तवृत्तिमन्वहंवक्ति यः शृणोति सोऽपि वाञ्छितं समीहते ॥ ११॥

pāpitāpajātabhedakāraṇaṃ guṇānvitaṃrāmadivyanāmayuktavṛttapañcakadvayam |bhuktimuktidānabaddhacittavṛttimanvahaṃvakti yaḥ śṛṇoti so'pi vāñchitaṃ samīhate || 11||

इति श्रीरामरत्नदशकं सम्पूर्णम् ।

iti śrīrāmaratnadaśakaṃ sampūrṇam |