रामदण्डकं Shri Ramadandakam

श्रीरामध्यानम् ।हत्वा युद्धे दशास्यं त्रिभुवनविषमं वामहस्तेन चापंभूमौ विष्टभ्य तिष्ठन्नितरकरधृतं भ्रामयन्बाणमेकम् ।आरक्तोपान्तनेत्रः शरदलितवपुः कोटिसूर्यप्रकाशोवीरश्रीबन्धुराङ्गस्त्रिदशपतिनुतः पातु मां वीररामः ॥अथ श्रीरामदण्डकं स्तोत्रम् ।ॐ श्रीरामपरब्रह्माणे नमः ।श्रीमदखिलाण्डकोटिब्रह्माण्डभाण्डदण्डोपदण्डकरण्डमलाशान्तोद्दीपितसगुणनिर्गुणातीतसच्चिदानन्दपरात्परतारकब्रह्माह्वयदशदिक् प्रकाशं,सकलचराचराधीशम् ॥ १॥

śrīrāmadhyānam |hatvā yuddhe daśāsyaṃ tribhuvanaviṣamaṃ vāmahastena cāpaṃbhūmau viṣṭabhya tiṣṭhannitarakaradhṛtaṃ bhrāmayanbāṇamekam |āraktopāntanetraḥ śaradalitavapuḥ koṭisūryaprakāśovīraśrībandhurāṅgastridaśapatinutaḥ pātu māṃ vīrarāmaḥ ||atha śrīrāmadaṇḍakaṃ stotram |oṃ śrīrāmaparabrahmāṇe namaḥ |śrīmadakhilāṇḍakoṭibrahmāṇḍabhāṇḍadaṇḍopadaṇḍakaraṇḍamalāśāntoddīpitasaguṇanirguṇātītasaccidānandaparātparatārakabrahmāhvayadaśadik prakāśaṃ,sakalacarācarādhīśam || 1||

कमलसम्भवशचीधवप्रमुखनिखिलवृन्दारकवृन्दवन्द्यमानसन्दीप्तदिव्यचारणारविन्दं, श्रीमुकुन्दम् ॥ २॥

kamalasambhavaśacīdhavapramukhanikhilavṛndārakavṛndavandyamānasandīptadivyacāraṇāravindaṃ, śrīmukundam || 2||

दुष्टनिग्रहशिष्टपरिपालनोत्कटकपटनाटकसूत्रचरित्रारञ्जितबहुविधावतारं, श्रीरघुवीरम् ॥ ३॥

duṣṭanigrahaśiṣṭaparipālanotkaṭakapaṭanāṭakasūtracaritrārañjitabahuvidhāvatāraṃ, śrīraghuvīram || 3||

कौसल्यादाशरथमनोरथामन्दानन्दकन्दलिताधिरूढक्रीडाविलोलनशैशवं श्रीकेशवम् ॥ ४॥

kausalyādāśarathamanorathāmandānandakandalitādhirūḍhakrīḍāvilolanaśaiśavaṃ śrīkeśavam || 4||

विश्वामित्रयज्ञविघ्नकारणोत्कटताटकासुवाहुबाहुबलविदलनबाणप्रवीणकोपपरायणं, श्रीमन्नारायणम् ॥ ५॥

viśvāmitrayajñavighnakāraṇotkaṭatāṭakāsuvāhubāhubalavidalanabāṇapravīṇakopaparāyaṇaṃ, śrīmannārāyaṇam || 5||

निजपादजलजरजः कणस्पर्शनीयशिलारूपशापविमुक्तगौतमसतीविनुतमहीधवं, श्रीमाधवम्! ॥ ६॥

nijapādajalajarajaḥ kaṇasparśanīyaśilārūpaśāpavimuktagautamasatīvinutamahīdhavaṃ, śrīmādhavam! || 6||

खण्डेन्दुधरप्रचण्डकोदण्डखण्डनोद्दण्डदर्द्दण्डकौशिकलोचनोत्सवजनकचक्रेश्वरसमर्पितसीताविवाहोत्सवानन्दं,श्रीगोविन्दम् ॥ ७॥

khaṇḍendudharapracaṇḍakodaṇḍakhaṇḍanoddaṇḍadarddaṇḍakauśikalocanotsavajanakacakreśvarasamarpitasītāvivāhotsavānandaṃ,śrīgovindam || 7||

परशुरामभूजाखर्वगर्वनिर्वापणपदानुगतरणविजयवर्तिष्णुंश्रीविष्णुम् ॥ ८॥

paraśurāmabhūjākharvagarvanirvāpaṇapadānugataraṇavijayavartiṣṇuṃśrīviṣṇum || 8||

पितृवाक्यपरिपालनोत्कटजटावल्कलोद्यतसीतालक्ष्मणसहितमहितराज्याभिमतदृढव्रतसङ्कलितप्रयाणरङ्गगाङ्गावतरणसाधनं,श्रीमधुसूदनम् ॥ ९॥

pitṛvākyaparipālanotkaṭajaṭāvalkalodyatasītālakṣmaṇasahitamahitarājyābhimatadṛḍhavratasaṅkalitaprayāṇaraṅgagāṅgāvataraṇasādhanaṃ,śrīmadhusūdanam || 9||

भरद्वाजोपचारनिवारितश्रमक्रमनिराघाटचित्रकूटप्रवेशकक्रमं,श्रीत्रिविक्रमम् ॥ १०॥

bharadvājopacāranivāritaśramakramanirāghāṭacitrakūṭapraveśakakramaṃ,śrītrivikramam || 10||

जनकवियोगशोकाकुलितभरतशत्रुघ्नलालनानुकूलभरतपादुकाप्रदानसुधानिर्मितान्तःकरणदुष्टचेष्टायमानक्रूरकाकासुरगर्वोपशमनं, श्रीवामनम् ॥ ११॥

janakaviyogaśokākulitabharataśatrughnalālanānukūlabharatapādukāpradānasudhānirmitāntaḥkaraṇaduṣṭaceṣṭāyamānakrūrakākāsuragarvopaśamanaṃ, śrīvāmanam || 11||

दण्डकागमनविरोधक्रोधविराधानलज्वालाजलधरं श्रीधरम् ॥ १२॥

daṇḍakāgamanavirodhakrodhavirādhānalajvālājaladharaṃ śrīdharam || 12||

शरभङ्गसुतीक्ष्णात्रिदर्शनाशीर्वादनिर्व्याजकुम्भसम्भवकृपालब्धमहादिव्यास्त्रसमुदायार्जितप्रकाशं, श्रीहृषीकेशम् ॥ १३॥

śarabhaṅgasutīkṣṇātridarśanāśīrvādanirvyājakumbhasambhavakṛpālabdhamahādivyāstrasamudāyārjitaprakāśaṃ, śrīhṛṣīkeśam || 13||

पञ्चवटीतटीसङ्घटितविशालपर्णशालागतशूर्पणखानासिकाच्छेदनमानावबोधनमहाहवारम्भणविजृम्भणरावणनियोगमायामृगसंहारकार्यार्थलाभं, श्रीपद्मनाभम् ॥ १४॥

pañcavaṭītaṭīsaṅghaṭitaviśālaparṇaśālāgataśūrpaṇakhānāsikācchedanamānāvabodhanamahāhavārambhaṇavijṛmbhaṇarāvaṇaniyogamāyāmṛgasaṃhārakāryārthalābhaṃ, śrīpadmanābham || 14||

रात्रिञ्चरवरवञ्चनापहृतसीतान्वेषणरतपङ्क्तिकन्थरक्षोभशिथिलीकृतपक्षजटायुर्मोक्षबन्धुक्रियावसाननिर्बन्धनकबन्धवक्त्रोदरशरीरनिरादरं, श्रीमद्दामोदरम् ॥ १५॥

rātriñcaravaravañcanāpahṛtasītānveṣaṇaratapaṅktikantharakṣobhaśithilīkṛtapakṣajaṭāyurmokṣabandhukriyāvasānanirbandhanakabandhavaktrodaraśarīranirādaraṃ, śrīmaddāmodaram || 15||

शबर्योपदेशपम्पातटहनुमत्सुग्रीवसम्भाषित बन्धुराद्वन्ददुन्दुभिकलेवरोत्पतनसप्तसालच्छेदनबालिविदारणप्रसन्नयुग्रीवसाम्राज्यसुखमर्षणं, श्रीसङ्कर्षणम् ॥ १६॥

śabaryopadeśapampātaṭahanumatsugrīvasambhāṣita bandhurādvandadundubhikalevarotpatanasaptasālacchedanabālividāraṇaprasannayugrīvasāmrājyasukhamarṣaṇaṃ, śrīsaṅkarṣaṇam || 16||

सुग्रीवाङ्गदनीलजाम्बवत्पनसकेसरिप्रमुखनिखिलकपिनायकसेनासमुदायार्चितसेवं, श्रीवासुदेवम् ॥ १७॥

sugrīvāṅgadanīlajāmbavatpanasakesaripramukhanikhilakapināyakasenāsamudāyārcitasevaṃ, śrīvāsudevam || 17||

निजदत्तमुद्रिकाजाग्रत्समुग्राञ्जनेयविनयवचनरचनाम्बुधिलङ्घितलङ्किणीप्राणोल्लङ्घनजनकजादर्शनाक्षकुमारमारणलङ्कापुरीदहनतत्प्रतिष्ठितसुखप्रसङ्गधृष्टद्युम्नं, श्रीप्रद्युम्नम् ॥ १८॥

nijadattamudrikājāgratsamugrāñjaneyavinayavacanaracanāmbudhilaṅghitalaṅkiṇīprāṇollaṅghanajanakajādarśanākṣakumāramāraṇalaṅkāpurīdahanatatpratiṣṭhitasukhaprasaṅgadhṛṣṭadyumnaṃ, śrīpradyumnam || 18||

अग्रजोदग्रमहोग्रनिग्रहपलायमानापमाननीयनिजशरण्यागण्यपुण्योदयविभीषणाभयप्रदानानिरुद्धं, श्रीमदनिरुद्धम् ॥ १९॥

agrajodagramahogranigrahapalāyamānāpamānanīyanijaśaraṇyāgaṇyapuṇyodayavibhīṣaṇābhayapradānāniruddhaṃ, śrīmadaniruddham || 19||

अपारलवणपारावारसमुज्जृम्भितोत्करणगर्वनिर्वापणदीक्षासमर्थसेतुनिर्माणप्रवीणाखिलनरसुरोत्तमं, श्रीपुरुषोत्तमम् ॥ २०॥

apāralavaṇapārāvārasamujjṛmbhitotkaraṇagarvanirvāpaṇadīkṣāsamarthasetunirmāṇapravīṇākhilanarasurottamaṃ, śrīpuruṣottamam || 20||

निस्तुलप्रहस्तकुम्भकर्णेन्द्रजित्कुम्भनिकुम्भाग्निवर्णातिकायमहोदरमहापार्श्वादिदनुजतनुखण्डनायमानकोदण्डगुणश्रवणशोषणहतशेषराक्षसव्रजं, श्री अधोक्षजम् ॥ २१॥

nistulaprahastakumbhakarṇendrajitkumbhanikumbhāgnivarṇātikāyamahodaramahāpārśvādidanujatanukhaṇḍanāyamānakodaṇḍaguṇaśravaṇaśoṣaṇahataśeṣarākṣasavrajaṃ, śrī adhokṣajam || 21||

अकुण्ठितरणोपकण्ठदशकण्ठदनुजकण्ठीरवकण्ठलुण्ठनायमानजयार्हं,श्रीनारसिंहम् ॥ २२॥

akuṇṭhitaraṇopakaṇṭhadaśakaṇṭhadanujakaṇṭhīravakaṇṭhaluṇṭhanāyamānajayārhaṃ,śrīnārasiṃham || 22||

दशग्रीवानुजपट्टभद्रत्वशक्यविभवलङ्कापुरीस्फुरणसकलसाम्राज्यसुखोर्जितं, श्रीमदच्युतम् ॥ २३॥

daśagrīvānujapaṭṭabhadratvaśakyavibhavalaṅkāpurīsphuraṇasakalasāmrājyasukhorjitaṃ, śrīmadacyutam || 23||

सकलसुरासुराद्भुतप्रज्वलितपावकमुखपूतायमानसीतालक्ष्मणानुगतमहनीयपुष्पकाधिरोहण नन्दिग्रामस्थितभ्रातृभिर्युतजटावत्कलविसर्जनाम्बरभूषणालङ्कृतश्रेयोविवर्धनं, श्रीजनार्द्दनम् ॥ २४॥

sakalasurāsurādbhutaprajvalitapāvakamukhapūtāyamānasītālakṣmaṇānugatamahanīyapuṣpakādhirohaṇa nandigrāmasthitabhrātṛbhiryutajaṭāvatkalavisarjanāmbarabhūṣaṇālaṅkṛtaśreyovivardhanaṃ, śrījanārddanam || 24||

अयोध्यानगरपट्टाभिषेकविशेषमहोत्सवनिरन्तरदिगन्तविश्रान्तहारहीरकर्पूरपयःपारावारापाराभवाणी कुन्देन्दुमन्दाकिनीचन्दनसुरधेनुशरदम्बुदालीशरदम्भोली शतधाराधावल्यशुभकीर्त्तिच्छटान्तरपाण्डुरीभूतसभाविभ्राजमाननिखिलभुवनैकसान्द्रयशस्सान्द्रं,श्री उपेन्द्रम् ॥ २५॥

ayodhyānagarapaṭṭābhiṣekaviśeṣamahotsavanirantaradigantaviśrāntahārahīrakarpūrapayaḥpārāvārāpārābhavāṇī kundendumandākinīcandanasuradhenuśaradambudālīśaradambholī śatadhārādhāvalyaśubhakīrtticchaṭāntarapāṇḍurībhūtasabhāvibhrājamānanikhilabhuvanaikasāndrayaśassāndraṃ,śrī upendram || 25||

भक्तजनसंरक्षणदीक्षाकटाक्षसुखोदयसमुत्सारिं, श्रीहरिम् ॥ २६॥

bhaktajanasaṃrakṣaṇadīkṣākaṭākṣasukhodayasamutsāriṃ, śrīharim || 26||

केशवादि चतुर्विंशतिनामगर्भसन्दर्भोचितनिजकथाङ्गीकृतमेधावतिष्णं, श्रीकृष्णम् ॥ २७॥

keśavādi caturviṃśatināmagarbhasandarbhocitanijakathāṅgīkṛtamedhāvatiṣṇaṃ, śrīkṛṣṇam || 27||

सर्वसुपर्वपार्वतीहृदयकमलतारकब्रह्मनामं, श्रीसम्पूर्णकामम् ॥ २८॥

sarvasuparvapārvatīhṛdayakamalatārakabrahmanāmaṃ, śrīsampūrṇakāmam || 28||

भवतरणानुयशस्सान्द्रं भवजनितभयोच्छेदविच्छात्रमच्छिद्रंभक्तजनमनोरथोन्निद्रं, श्रीभद्राचलरामभद्रम् ॥ २९॥

bhavataraṇānuyaśassāndraṃ bhavajanitabhayocchedavicchātramacchidraṃbhaktajanamanorathonnidraṃ, śrībhadrācalarāmabhadram || 29||

ॐ श्रीरामभद्राय नमः ।इति श्रीरामदण्डकं समाप्तम् ।

oṃ śrīrāmabhadrāya namaḥ |iti śrīrāmadaṇḍakaṃ samāptam |