रामकर्मनामाष्टाविंशत्युत्तरशतस्तोत्रम् Shri Ramakarma Nama Ashtavimshatyuttara Shata Stotram

अस्य श्रीरामकर्मनामाष्टाविंशत्युत्तरशतरहस्यस्तोत्रमन्त्रस्य,वाल्मीकिर्भगवान् ऋषिः, अनुष्टुप्छन्दः, श्रीरामचन्द्रःपौलस्त्यविध्वंसकः परमात्मा देवता, श्रीरामचन्द्रप्रसादसिद्।ह्ध्यर्थेजपे विनियोगः ॥परमात्मा परब्रह्म सच्चिदानन्दविग्रहः ।मायामयमहालीलः स्वयम्भूर्विष्णुरव्ययः ॥ १॥

asya śrīrāmakarmanāmāṣṭāviṃśatyuttaraśatarahasyastotramantrasya,vālmīkirbhagavān ṛṣiḥ, anuṣṭupchandaḥ, śrīrāmacandraḥpaulastyavidhvaṃsakaḥ paramātmā devatā, śrīrāmacandraprasādasid|hdhyarthejape viniyogaḥ ||paramātmā parabrahma saccidānandavigrahaḥ |māyāmayamahālīlaḥ svayambhūrviṣṇuravyayaḥ || 1||

लक्ष्मीक्षमानित्यसेव्यः शङ्खचक्रगदाधरः ।अनन्तशयनः सर्वदेवप्रियकरः सदा ॥ २॥

lakṣmīkṣamānityasevyaḥ śaṅkhacakragadādharaḥ |anantaśayanaḥ sarvadevapriyakaraḥ sadā || 2||

सुरवैरिकुलध्वंसी मायामानुषविग्रहः ।श्रीरामो रामचन्द्रश्च रामभद्र इति श्रुतः ॥ ३॥

suravairikuladhvaṃsī māyāmānuṣavigrahaḥ |śrīrāmo rāmacandraśca rāmabhadra iti śrutaḥ || 3||

प्रभुर्लक्ष्मणशत्रुघ्नकैकेयीतनयाग्रजः ।सर्वप्रियो दाशरथिः कौसल्यानन्दवर्धनः ॥ ४॥

prabhurlakṣmaṇaśatrughnakaikeyītanayāgrajaḥ |sarvapriyo dāśarathiḥ kausalyānandavardhanaḥ || 4||

सर्वलक्षणसम्पन्नः सर्वज्ञः सद्गुणाकरः ।विश्वामित्रानुयायी च ताटकाप्रविघातनः ॥ ५॥

sarvalakṣaṇasampannaḥ sarvajñaḥ sadguṇākaraḥ |viśvāmitrānuyāyī ca tāṭakāpravighātanaḥ || 5||

लब्धसर्वास्त्रकौशल्यो मारीचमुखरक्षसाम् ।शिक्षको यज्ञगोप्ता च गाधिसूनुकथारुचिः ॥ ६॥

labdhasarvāstrakauśalyo mārīcamukharakṣasām |śikṣako yajñagoptā ca gādhisūnukathāruciḥ || 6||

विशदं पूजितोऽहल्यापावनो जनकार्चितः ।शतानन्दकथाप्रीतः शैवकोदण्डखण्डनः ॥ ७॥

viśadaṃ pūjito'halyāpāvano janakārcitaḥ |śatānandakathāprītaḥ śaivakodaṇḍakhaṇḍanaḥ || 7||

जानकीवल्लभः श्रीमान् कृतकौतुकमङ्गलः ।जामदग्न्यमहादर्पदलनस्तातनन्दनः ॥ ८॥

jānakīvallabhaḥ śrīmān kṛtakautukamaṅgalaḥ |jāmadagnyamahādarpadalanastātanandanaḥ || 8||

वैदेहीसक्तहृदयः पितृनिर्देशकारकः ।वनवासपरः पौरप्रजासञ्चयवञ्चकः ॥ ९॥

vaidehīsaktahṛdayaḥ pitṛnirdeśakārakaḥ |vanavāsaparaḥ pauraprajāsañcayavañcakaḥ || 9||

निषादाधिपसेव्यश्च भरद्वाजानुशासितः ।चित्रकूटकृतावासः सीतासौमित्रिमोदितः ॥ १०॥

niṣādādhipasevyaśca bharadvājānuśāsitaḥ |citrakūṭakṛtāvāsaḥ sītāsaumitrimoditaḥ || 10||

भरतानुग्रहीता च राज्यार्थन्यस्तपादुकः ।दृढव्रतो जयन्ताहित्रासानुग्रहकारकः ॥ ११॥

bharatānugrahītā ca rājyārthanyastapādukaḥ |dṛḍhavrato jayantāhitrāsānugrahakārakaḥ || 11||

अनसूयाङ्गरागादिशोभिसीताभिहर्षितः ।दण्डकारण्यसञ्चारी विराधवधपण्डितः ॥ १२॥

anasūyāṅgarāgādiśobhisītābhiharṣitaḥ |daṇḍakāraṇyasañcārī virādhavadhapaṇḍitaḥ || 12||

शरभङ्गार्चितः सर्वतापसौघवरप्रदः ।सुतीक्ष्णपूजितः सीताधर्मोक्तिपरितोषितः ॥ १३॥

śarabhaṅgārcitaḥ sarvatāpasaughavarapradaḥ |sutīkṣṇapūjitaḥ sītādharmoktiparitoṣitaḥ || 13||

क्रमेणाध्युषिताशेषतापसाश्रममण्डलः ।अगस्त्यसत्कृतस्तेन दत्तासिशरकार्मुकः ॥ १४॥

krameṇādhyuṣitāśeṣatāpasāśramamaṇḍalaḥ |agastyasatkṛtastena dattāsiśarakārmukaḥ || 14||

कृतपश्चवटीवासो जटायुर्लब्धसौहृदः ।पर्यायोदितहेमन्तप्रीतः सीतासमन्वितः ॥ १५॥

kṛtapaścavaṭīvāso jaṭāyurlabdhasauhṛdaḥ |paryāyoditahemantaprītaḥ sītāsamanvitaḥ || 15||

दुष्टशूर्पणखी(खा)नासाकर्णयुग्मनिकृन्तनः ।राक्षसीपदवीप्राप्तदृप्तरक्षोविभेदनः ॥ १६॥

duṣṭaśūrpaṇakhī(khā)nāsākarṇayugmanikṛntanaḥ |rākṣasīpadavīprāptadṛptarakṣovibhedanaḥ || 16||

चतुर्दशसहस्रोग्ररक्षोबलनिषूदनः ।त्रिशिरोदूषणारातिरुन्मत्तखरघातनः ॥ १७॥

caturdaśasahasrograrakṣobalaniṣūdanaḥ |triśirodūṣaṇārātirunmattakharaghātanaḥ || 17||

मैथिलीहृदयानन्दी मायामृगविमर्दनः ।वैदेहीमार्गणासक्तो जटायुस्सद्गतिप्रदः ॥ १८॥

maithilīhṛdayānandī māyāmṛgavimardanaḥ |vaidehīmārgaṇāsakto jaṭāyussadgatipradaḥ || 18||

अयोमुखीभङ्गकरः कबन्धभुजखण्डनः ।शबरीपूजितः सम्यग्दर्शिताश्रमवैभवः ॥ १९॥

ayomukhībhaṅgakaraḥ kabandhabhujakhaṇḍanaḥ |śabarīpūjitaḥ samyagdarśitāśramavaibhavaḥ || 19||

पम्पातीरे वनोल्लासदर्शनोल्बणमन्मथः ।हनूमत्कृतसंवादः प्राप्तसुग्रीवसौहृदः ॥ २०॥

pampātīre vanollāsadarśanolbaṇamanmathaḥ |hanūmatkṛtasaṃvādaḥ prāptasugrīvasauhṛdaḥ || 20||

सुग्रीवदत्तवैदेहीत्यक्तवस्त्रविभूषणः ।सुग्रीवाय प्रतिज्ञातवालिनिर्वापणः स्वयम् ॥ २१॥

sugrīvadattavaidehītyaktavastravibhūṣaṇaḥ |sugrīvāya pratijñātavālinirvāpaṇaḥ svayam || 21||

पाददंष्ट्रासमुत्क्षिप्तमाहिषास्थिसमुत्करः ।सप्ततालप्रभेत्ता च कृतसुग्रीवलाञ्छनः ॥ २२॥

pādadaṃṣṭrāsamutkṣiptamāhiṣāsthisamutkaraḥ |saptatālaprabhettā ca kṛtasugrīvalāñchanaḥ || 22||

वालिप्रमथनो वाग्मी तारातत्त्वोपदेशकृत् ।सुग्रीवकृतसङ्केतः सुग्रीवेप्सितराज्यदः ॥ २३॥

vālipramathano vāgmī tārātattvopadeśakṛt |sugrīvakṛtasaṅketaḥ sugrīvepsitarājyadaḥ || 23||

वर्षासु माल्यवद्वासी लक्ष्मणप्रतिबोधितः ।ऋक्षवानरसङ्घाती दिक्षु प्रेषितवानरः ॥ २४॥

varṣāsu mālyavadvāsī lakṣmaṇapratibodhitaḥ |ṛkṣavānarasaṅghātī dikṣu preṣitavānaraḥ || 24||

अङ्गुलीयप्रदाता च निश्चितार्थो हनूमति ।हनुमन्मुखविज्ञातसीतोदन्तः प्रसन्नधीः ॥ २५॥

aṅgulīyapradātā ca niścitārtho hanūmati |hanumanmukhavijñātasītodantaḥ prasannadhīḥ || 25||

चूडामणिनिरस्ताधिः सीतावाक्यामृताप्लुतः ।हनूमतः परिष्वङ्गपारितोषिकदायकः ॥ २६॥

cūḍāmaṇinirastādhiḥ sītāvākyāmṛtāplutaḥ |hanūmataḥ pariṣvaṅgapāritoṣikadāyakaḥ || 26||

रक्षोवधाभिनिर्यायी सेनानयविशारदः ।विभीषणस्याभयदः शरणागतवत्सलः ॥ २७॥

rakṣovadhābhiniryāyī senānayaviśāradaḥ |vibhīṣaṇasyābhayadaḥ śaraṇāgatavatsalaḥ || 27||

समुद्रोपासिता रोषवेगक्षोभितसागरः ।शिवलिङ्गप्रतिष्ठाता नलसेतुविधायकः ॥ २८॥

samudropāsitā roṣavegakṣobhitasāgaraḥ |śivaliṅgapratiṣṭhātā nalasetuvidhāyakaḥ || 28||

हनुमद्वाहनश्चैव लङ्काद्वारावरोधकः ।दशग्रीवमहारत्नकिरीटवरभञ्जनः ॥ २९॥

hanumadvāhanaścaiva laṅkādvārāvarodhakaḥ |daśagrīvamahāratnakirīṭavarabhañjanaḥ || 29||

उदीर्णकुम्भकर्णादिसर्वरक्षःकुलान्तकः ।युद्धे रावणहन्ता च ब्रह्मादिसुरसंस्तुतः ॥ ३०॥

udīrṇakumbhakarṇādisarvarakṣaḥkulāntakaḥ |yuddhe rāvaṇahantā ca brahmādisurasaṃstutaḥ || 30||

सीतासमेतः शक्रादिवरोत्थापितवानरः ।सुहृत्सौमित्रिसीताधिरूढपुष्पविमानकः ॥ ३१॥

sītāsametaḥ śakrādivarotthāpitavānaraḥ |suhṛtsaumitrisītādhirūḍhapuṣpavimānakaḥ || 31||

भरद्वाजार्चितः सम्यग्भरतादिसमन्वितः ।नन्दिग्रामगतः स्नातः सर्वालङ्कारभूषितः ॥ ३२॥

bharadvājārcitaḥ samyagbharatādisamanvitaḥ |nandigrāmagataḥ snātaḥ sarvālaṅkārabhūṣitaḥ || 32||

अयोध्यापुरवासी च राज्ये पट्टाभिषेचितः ।तालवृन्तसितच्छत्रचामराद्युपशोभितः ॥ ३३॥

ayodhyāpuravāsī ca rājye paṭṭābhiṣecitaḥ |tālavṛntasitacchatracāmarādyupaśobhitaḥ || 33||

जानकीनन्दनः सर्वसुहृद्वर्गाभिहर्षणः ।हृष्टपुष्टजनाकीर्णः पुरराष्ट्राभिरञ्जनः ॥ ३४॥

jānakīnandanaḥ sarvasuhṛdvargābhiharṣaṇaḥ |hṛṣṭapuṣṭajanākīrṇaḥ purarāṣṭrābhirañjanaḥ || 34||

इत्येवं रामचन्द्रस्य कर्मनाम शुभावहम् ।अष्टाविंशोत्तरशतं कीर्तितं परमर्षिणा ॥ ३५॥

ityevaṃ rāmacandrasya karmanāma śubhāvaham |aṣṭāviṃśottaraśataṃ kīrtitaṃ paramarṣiṇā || 35||

गुह्याद्गुह्यतरं पुण्यं भक्त्या युक्तो नरः सदा ।यः पठेच्छृणुयाद्वापि सर्वपापैः प्रमुच्यते ॥ ३६॥

guhyādguhyataraṃ puṇyaṃ bhaktyā yukto naraḥ sadā |yaḥ paṭhecchṛṇuyādvāpi sarvapāpaiḥ pramucyate || 36||

इति श्रीरामनामाष्टाविंशत्युत्तरशतस्तोत्रं सम्पूर्णम् ।

iti śrīrāmanāmāṣṭāviṃśatyuttaraśatastotraṃ sampūrṇam |