रामसप्तर्षिस्तोत्रम् Shri Rama Saptarshi Stotram

काश्यपःनित्यं किं धावसि चलविषयाननुभवितुं सुखलेशाभासानुरुतरदुःखानति दुःसहानत्यन्तायासानंहोमूलानुग्रभयङ्कररौरवादिनारकगतिहेतूनेतानपि परिहर सीतापतिमाशु परिचरेशं भो चेतः श्रीरामं भज शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ १॥

kāśyapaḥnityaṃ kiṃ dhāvasi calaviṣayānanubhavituṃ sukhaleśābhāsānurutaraduḥkhānati duḥsahānatyantāyāsānaṃhomūlānugrabhayaṅkararauravādinārakagatihetūnetānapi parihara sītāpatimāśu paricareśaṃ bho cetaḥ śrīrāmaṃ bhaja śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 1||

अत्रिःबहुविधपापवशादिह नानायोनिषु जन्ममृतिर्यो देही दैवादुत्तममानुषपूरुष विप्रदेहविद्यासम्पन्नोऽपि ब्रह्मणि परमे विमुखो दुःखी दुर्विषयैषी नश्यति तृणकबलस्वीकरणे काले पशुरिव रोमन्थं कुर्वन् भो चेतः श्रीरामं भज शरणम् ।श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ २॥

atriḥbahuvidhapāpavaśādiha nānāyoniṣu janmamṛtiryo dehī daivāduttamamānuṣapūruṣa vipradehavidyāsampanno'pi brahmaṇi parame vimukho duḥkhī durviṣayaiṣī naśyati tṛṇakabalasvīkaraṇe kāle paśuriva romanthaṃ kurvan bho cetaḥ śrīrāmaṃ bhaja śaraṇam |śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 2||

भरद्वाजःउपर्युपरि मनोरथजालं विद्वानपि कामयते यतते पुत्रमित्रकलत्रादिषु निर्वेदं नैति कामकामी विद्यासम्पत्कुलधनसौभगयौवनगर्वपर्वताधिरूढो मूढः पश्चादन्धे तमसि पतेदवशोऽन्योऽन्धुमिव भो चेतः श्रीरामं भज शरणं भज रघुरामं शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ ३॥

bharadvājaḥuparyupari manorathajālaṃ vidvānapi kāmayate yatate putramitrakalatrādiṣu nirvedaṃ naiti kāmakāmī vidyāsampatkuladhanasaubhagayauvanagarvaparvatādhirūḍho mūḍhaḥ paścādandhe tamasi patedavaśo'nyo'ndhumiva bho cetaḥ śrīrāmaṃ bhaja śaraṇaṃ bhaja raghurāmaṃ śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 3||

विश्वामित्रःअरिषड्वर्गं जहि तृष्णामपि मायाविलसितमिदमिति बुद्।ह्ध्वा दुर्जनसङ्गतिमतिदूरीकुरु सज्जनमाश्रय भो परधनपरदाराभिरतिं त्यज पारलौकिकं धर्मं परिचिनु पद्मापतिपदपद्मं सेव(य)(स्व) बन्धविमुक्त्यै भो चेतः श्रीरामं भज शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ ४॥

viśvāmitraḥariṣaḍvargaṃ jahi tṛṣṇāmapi māyāvilasitamidamiti bud|hdhvā durjanasaṅgatimatidūrīkuru sajjanamāśraya bho paradhanaparadārābhiratiṃ tyaja pāralaukikaṃ dharmaṃ paricinu padmāpatipadapadmaṃ seva(ya)(sva) bandhavimuktyai bho cetaḥ śrīrāmaṃ bhaja śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 4||

गौतमः"कर्णाकर्णय वैदेहीवरवर्णनीयगुणवन्दितचरितं नयनालोकय नयननलिनमुखसुन्दरेन्दुबिम्बं मस्तक संस्तुतमहिमानं नम कस्तूरीनिकराकारं हस्तयुगार्चय हरिपदममलं ह्यवनीपालमिनकुलरत्नं भो चेतः श्रीरामं भज शरणं भज रघुरामं शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ ५॥

gautamaḥ"karṇākarṇaya vaidehīvaravarṇanīyaguṇavanditacaritaṃ nayanālokaya nayananalinamukhasundarendubimbaṃ mastaka saṃstutamahimānaṃ nama kastūrīnikarākāraṃ hastayugārcaya haripadamamalaṃ hyavanīpālaminakularatnaṃ bho cetaḥ śrīrāmaṃ bhaja śaraṇaṃ bhaja raghurāmaṃ śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 5||

जमदग्निःपरापवादं परिहर जिह्वे पारुष्यं चानृतमपि मा वद सङ्कीर्तय केशव नारायण दामोदर कृष्ण नरहरे वैकुण्ठाधिप लक्ष्मीवल्लभ बुधजनमानसमन्दिर सीतानायक दशरथनन्दन इति सततं भो चेतः श्रीरामं भज शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ ६॥

jamadagniḥparāpavādaṃ parihara jihve pāruṣyaṃ cānṛtamapi mā vada saṅkīrtaya keśava nārāyaṇa dāmodara kṛṣṇa narahare vaikuṇṭhādhipa lakṣmīvallabha budhajanamānasamandira sītānāyaka daśarathanandana iti satataṃ bho cetaḥ śrīrāmaṃ bhaja śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 6||

वसिष्टःनित्यानन्दं सत्यमनन्तं ब्रह्म परात्परमव्ययममलं नित्यं शुद्धं बुद्धं शाश्वतमप्रमेयमनाद्यन्तं सर्वासामुपनिषदामर्थोऽयं श्रीरामः सीतापतिरिति चतुराननशिवहैमवतीजपसर्वस्वं मन्त्रं भो चेतः श्रीरामं भज शरणं भज रघुरामं शरणम् ॥श्रितचिन्तामणिमतिकरुणाकरमरिहरमुरुतरशरकोदण्डं भो चेतः श्रीरामं भज शरणम् ॥ ७॥

vasiṣṭaḥnityānandaṃ satyamanantaṃ brahma parātparamavyayamamalaṃ nityaṃ śuddhaṃ buddhaṃ śāśvatamaprameyamanādyantaṃ sarvāsāmupaniṣadāmartho'yaṃ śrīrāmaḥ sītāpatiriti caturānanaśivahaimavatījapasarvasvaṃ mantraṃ bho cetaḥ śrīrāmaṃ bhaja śaraṇaṃ bhaja raghurāmaṃ śaraṇam ||śritacintāmaṇimatikaruṇākaramariharamurutaraśarakodaṇḍaṃ bho cetaḥ śrīrāmaṃ bhaja śaraṇam || 7||

एवं स्तुत्वा रामचन्द्रं मुनीन्द्राःप्रत्येकं ते भक्तिनम्रास्तदानीम् ।आपन्नार्तिध्वान्तभानुं प्रपन्नास्तूष्णीमासन् रामपादैकनिष्ठाः ॥ ८॥

evaṃ stutvā rāmacandraṃ munīndrāḥpratyekaṃ te bhaktinamrāstadānīm |āpannārtidhvāntabhānuṃ prapannāstūṣṇīmāsan rāmapādaikaniṣṭhāḥ || 8||

इति श्रीरामसप्तर्षिस्तोत्रं सम्पूर्णम् ।

iti śrīrāmasaptarṣistotraṃ sampūrṇam |