रामप्रातःस्मरणम् २ Shri Rama Pratahsmaranam

प्रातः स्मरामि रघुनाथमुखारविन्दंलम्बालकावलिमधुव्रतमुग्धशोभम् ।मन्दस्मितांशुमहनीयमरालशोभंकारुण्यपूरितकटाक्षकृतार्तरक्षम् ॥ १॥

prātaḥ smarāmi raghunāthamukhāravindaṃlambālakāvalimadhuvratamugdhaśobham |mandasmitāṃśumahanīyamarālaśobhaṃkāruṇyapūritakaṭākṣakṛtārtarakṣam || 1||

प्रातः शृणोमि रघुनायकवाक्यजालंदीनौघरक्षणमहाव्रतलब्धमूलम् ।श्रोष्यामि येन न कथञ्चन कालदूतवक्त्रोद्गतं जहि विदारय ताडयेति ॥ २॥

prātaḥ śṛṇomi raghunāyakavākyajālaṃdīnaugharakṣaṇamahāvratalabdhamūlam |śroṣyāmi yena na kathañcana kāladūtavaktrodgataṃ jahi vidāraya tāḍayeti || 2||

प्रातर्भजामि रघुनायकवामहस्तंकोदण्डदण्डपरिमण्डितमद्भुताभम् ।यद्दर्शनाद्धृदयमाशरपुङ्गवानांसद्यस्स्फुटत्यखिललोकजयोद्धतानाम् ॥ ३॥

prātarbhajāmi raghunāyakavāmahastaṃkodaṇḍadaṇḍaparimaṇḍitamadbhutābham |yaddarśanāddhṛdayamāśarapuṅgavānāṃsadyassphuṭatyakhilalokajayoddhatānām || 3||

प्रातश्श्रयामि रघुनायकदक्षहस्तंसाधुद्रुहां विदलनोत्सुकबाणयुक्तम् ।आर्ताभयार्पणमहाव्रतबद्धदीक्षंदीनाल्यभीष्टवरदानसुधाशनद्रुम् ॥ ४॥

prātaśśrayāmi raghunāyakadakṣahastaṃsādhudruhāṃ vidalanotsukabāṇayuktam |ārtābhayārpaṇamahāvratabaddhadīkṣaṃdīnālyabhīṣṭavaradānasudhāśanadrum || 4||

प्रातर्नमामि रघुनाथपदारविन्दंदेवासुरोरगमुनीन्द्रमनुष्यवन्द्यम् ।यत्स्पर्शभाग्यवशतो भरतप्रियार्थम् ।साम्राज्यमाप किल दारु च पादुकाख्यम् ॥ ५॥

prātarnamāmi raghunāthapadāravindaṃdevāsuroragamunīndramanuṣyavandyam |yatsparśabhāgyavaśato bharatapriyārtham |sāmrājyamāpa kila dāru ca pādukākhyam || 5||

इति अगस्त्यमुनिकृतं श्रीरामप्रातःस्मरणं सम्पूर्णम् ।॥ श्रीरामशरणं मम ॥

iti agastyamunikṛtaṃ śrīrāmaprātaḥsmaraṇaṃ sampūrṇam ||| śrīrāmaśaraṇaṃ mama ||