रामसुप्रभातम् Shri Rama Shuprabhatam

श्रीराम कोसलसुताजठरामृताब्धिपीयूषभा दशरथाङ्कविभूषणग्रथ ।साकेतवासिजननेत्रसुधाञ्जनश्रीः ।स्वामिन्कृपाजलनिधे तव सुप्रभातम् ॥ १॥

śrīrāma kosalasutājaṭharāmṛtābdhipīyūṣabhā daśarathāṅkavibhūṣaṇagratha |sāketavāsijananetrasudhāñjanaśrīḥ |svāminkṛpājalanidhe tava suprabhātam || 1||

श्रीराम कौशिकमखावन सुन्दपत्नीप्राणाशुगाहिवर बालमनुष्यरूप ।मारीचमत्तगजसिंह सुबाहुशैलवज्राभसायकवतस्तव सुप्रभातम् ॥ २॥

śrīrāma kauśikamakhāvana sundapatnīprāṇāśugāhivara bālamanuṣyarūpa |mārīcamattagajasiṃha subāhuśailavajrābhasāyakavatastava suprabhātam || 2||

श्रीराम शङ्करशरासवरेक्षुदण्डमत्तेभ मैथिलसुताननपद्मभृङ्ग ।श्रीजामदग्न्यमदनाममहान्धकारसूर्याभ वीर्यजलधे तव सुप्रभातम् ॥ ३॥

śrīrāma śaṅkaraśarāsavarekṣudaṇḍamattebha maithilasutānanapadmabhṛṅga |śrījāmadagnyamadanāmamahāndhakārasūryābha vīryajaladhe tava suprabhātam || 3||

श्रीराम तातवचसोज्झितयौवराज्यश्रीमत्सुमन्त्रपरिदर्शितदिव्यरूप ।आलिङ्गनेन दृढितातिनिषादसख्यश्रीचित्रकूटगृहिणस्तव सुप्रभातम् ॥ ४॥

śrīrāma tātavacasojjhitayauvarājyaśrīmatsumantraparidarśitadivyarūpa |āliṅganena dṛḍhitātiniṣādasakhyaśrīcitrakūṭagṛhiṇastava suprabhātam || 4||

श्रीराम दण्डकवनागमनानसूयादत्ताङ्गरागलसितावनिजासहाय ।हत्वा विराधमनुदृष्टमुनीन्द्रसङ्घसम्पूज्यमानगृहिणस्तव सुप्रभातम् ॥ ५॥

śrīrāma daṇḍakavanāgamanānasūyādattāṅgarāgalasitāvanijāsahāya |hatvā virādhamanudṛṣṭamunīndrasaṅghasampūjyamānagṛhiṇastava suprabhātam || 5||

इति श्रीरामसुप्रभातं सम्पूर्णम् ।

iti śrīrāmasuprabhātaṃ sampūrṇam |