राममङ्गलाशासनम् २ Shri Rama Mangalashasanam 2

श्रीमन्मार्ताण्डवंशे दशरथनृपतेरात्मजत्वं प्रपन्नःसाकं शेषारिसङ्गैर्निशिचरनिवहं संहरिष्यन् सुरार्थे ।गुर्वादेशेन हत्वा पथि रजनिचरीं प्राप्य सिद्धाश्रमं यःचक्रे यज्ञस्य रक्षां स दिशतु भगवान् मङ्गलं रामचन्द्रः ॥ १॥

śrīmanmārtāṇḍavaṃśe daśarathanṛpaterātmajatvaṃ prapannaḥsākaṃ śeṣārisaṅgairniśicaranivahaṃ saṃhariṣyan surārthe |gurvādeśena hatvā pathi rajanicarīṃ prāpya siddhāśramaṃ yaḥcakre yajñasya rakṣāṃ sa diśatu bhagavān maṅgalaṃ rāmacandraḥ || 1||

राज्यं गच्छन् मुनीनामथ पथि विगलच्छापशल्यामहल्यांकृत्वा भङ्क्त्वा भवानीरमणभुजसरोजालयं चापदण्डम् ।पाणौ कृत्वावनेयीं भृगुसुतविजयी भ्रातृभिः प्राप्तदारैःयोऽवात्सीदात्मपुर्यां स दिशतु भगवान् मङ्गलं रामचन्द्रः ॥ २॥

rājyaṃ gacchan munīnāmatha pathi vigalacchāpaśalyāmahalyāṃkṛtvā bhaṅktvā bhavānīramaṇabhujasarojālayaṃ cāpadaṇḍam |pāṇau kṛtvāvaneyīṃ bhṛgusutavijayī bhrātṛbhiḥ prāptadāraiḥyo'vātsīdātmapuryāṃ sa diśatu bhagavān maṅgalaṃ rāmacandraḥ || 2||

मातुर्वाचा सुमित्रातनयजनकजामात्रमित्रप्रविष्टःकान्तारं शान्तचेताः कलशभवमुनेराश्रमं प्राप्य भूयः ।प्रीत्यै तस्य प्रतिज्ञां निशिचरकुलनिर्मूलनायात्तरोषःचक्रे यो विश्ववीरः स दिशतु भगवान् मङ्गलं रामचन्द्रः ॥ ३॥

māturvācā sumitrātanayajanakajāmātramitrapraviṣṭaḥkāntāraṃ śāntacetāḥ kalaśabhavamunerāśramaṃ prāpya bhūyaḥ |prītyai tasya pratijñāṃ niśicarakulanirmūlanāyāttaroṣaḥcakre yo viśvavīraḥ sa diśatu bhagavān maṅgalaṃ rāmacandraḥ || 3||

यस्या भ्राता दशास्यो निशिचरतरुणीं कामुकीं कारयित्वाभ्रात्रा तां कृत्तनासां झटिति खरमुखं राक्षसौघं च हत्वा ।मायाशक्त्यैव रक्षोमुषितजनकजः क्लृप्तसुग्रीवसख्यःयो जघ्ने वानरेन्द्रं स दिशतु भगवान् मङ्गलं रामचन्द्रः ॥ ४॥

yasyā bhrātā daśāsyo niśicarataruṇīṃ kāmukīṃ kārayitvābhrātrā tāṃ kṛttanāsāṃ jhaṭiti kharamukhaṃ rākṣasaughaṃ ca hatvā |māyāśaktyaiva rakṣomuṣitajanakajaḥ klṛptasugrīvasakhyaḥyo jaghne vānarendraṃ sa diśatu bhagavān maṅgalaṃ rāmacandraḥ || 4||

नष्टां कान्तां विचेतुं दिशि दिशि चलिते वानराणां निकायेश्रुत्वा कान्ताप्रवृत्तिं पवनसुतगिरा प्राप्तपाथोधितीरः ।आग्नेयास्त्रानुभावक्षपितमदभरं दीनदीनं नदीनंतेने यो मानशाली स दिशतु भगवान् मङ्गलं रामचन्द्रः ॥ ५॥

naṣṭāṃ kāntāṃ vicetuṃ diśi diśi calite vānarāṇāṃ nikāyeśrutvā kāntāpravṛttiṃ pavanasutagirā prāptapāthodhitīraḥ |āgneyāstrānubhāvakṣapitamadabharaṃ dīnadīnaṃ nadīnaṃtene yo mānaśālī sa diśatu bhagavān maṅgalaṃ rāmacandraḥ || 5||

मध्येपाथोधि बद्धां झटिति गिरिशतैः सेतुमाढैक्य लङ्कांहत्वा सभ्रातृमित्रं रणशिरसि रुषा रावणं दारचोरम् ।कान्तां स्वीकृत्य शुद्धां ज्वलनपतनतः प्राप्य रम्यामयोध्यांयोऽवात्सीदात्तमोदः स दिशतु भगवान् मङ्गलं रामचन्द्रः ॥ ६॥

madhyepāthodhi baddhāṃ jhaṭiti giriśataiḥ setumāḍhaikya laṅkāṃhatvā sabhrātṛmitraṃ raṇaśirasi ruṣā rāvaṇaṃ dāracoram |kāntāṃ svīkṛtya śuddhāṃ jvalanapatanataḥ prāpya ramyāmayodhyāṃyo'vātsīdāttamodaḥ sa diśatu bhagavān maṅgalaṃ rāmacandraḥ || 6||

यो नित्यं रामचन्द्रस्तुतिमिति जपति ध्वस्तसर्वारिसङ्घोभुक्त्वा भोगानभीष्टानभिनवयशसा पूरयित्वा त्रिलोकीम् ।अन्ते सञ्चिन्त्य कान्ताधनतनयगृहाद्येषु रूढं ममत्वंसाक्षादालीयतेऽसौ भगवति भवसिन्धुप्लवे चक्रपाणौ ॥ ७॥

yo nityaṃ rāmacandrastutimiti japati dhvastasarvārisaṅghobhuktvā bhogānabhīṣṭānabhinavayaśasā pūrayitvā trilokīm |ante sañcintya kāntādhanatanayagṛhādyeṣu rūḍhaṃ mamatvaṃsākṣādālīyate'sau bhagavati bhavasindhuplave cakrapāṇau || 7||

श्रीराघवं दशरथात्मजमप्रमेयंसीतापतिं रघुकुलान्वयरत्नदीपम् ।आजानुबाहुमरविन्ददलायताक्षंरामं निशाचरविनाशकरं नमामि ॥ ८॥

śrīrāghavaṃ daśarathātmajamaprameyaṃsītāpatiṃ raghukulānvayaratnadīpam |ājānubāhumaravindadalāyatākṣaṃrāmaṃ niśācaravināśakaraṃ namāmi || 8||

इति श्रीराममङ्गलाशासनं सम्पूर्णम् ।

iti śrīrāmamaṅgalāśāsanaṃ sampūrṇam |