रामचिन्तामणिप्रश्नः Shri Rama Chintamani Prashna

॥ श्रीः ॥अकारे पुत्रलाभाय सर्वलाभस्तथैव च ।सर्वलाभसमृद्धिश्च सन्तानफलमुत्तमम् ॥ १॥

|| śrīḥ ||akāre putralābhāya sarvalābhastathaiva ca |sarvalābhasamṛddhiśca santānaphalamuttamam || 1||

आकारे पलितासिद्धिः पलितं पतिशोभनम् ।सर्वकार्यसमृद्धिं च आकारेण शुभं भवेत् ॥ २॥

ākāre palitāsiddhiḥ palitaṃ patiśobhanam |sarvakāryasamṛddhiṃ ca ākāreṇa śubhaṃ bhavet || 2||

इकारे शोकतापं च योगेभ्यो(मित्र)बान्धवः ।सर्वकार्य विनाशं च वृत्तिहानिर्भविष्यति ॥ ३॥

ikāre śokatāpaṃ ca yogebhyo(mitra)bāndhavaḥ |sarvakārya vināśaṃ ca vṛttihānirbhaviṣyati || 3||

ईकारे पुत्रलाभं च तथा ऐश्वर्यमेव च ।प्रमाणसर्वसिद्धिस्तु सौख्यं वापि ध्रुवं भवेत् ॥ ४॥

īkāre putralābhaṃ ca tathā aiśvaryameva ca |pramāṇasarvasiddhistu saukhyaṃ vāpi dhruvaṃ bhavet || 4||

उकारे सर्वसिद्धिस्तु शोभनं शीघ्रमेव च ।आयुष्यं च जयं सौख्यं उकारे शोभनं भवेत् ॥ ५॥

ukāre sarvasiddhistu śobhanaṃ śīghrameva ca |āyuṣyaṃ ca jayaṃ saukhyaṃ ukāre śobhanaṃ bhavet || 5||

ऊकारे शोकसन्तापं कलहं प्रतिशिष्यति ।दुःखप्राप्तिमहाकार्या ऊकारे वानिशं भवेत् ॥ ६॥

ūkāre śokasantāpaṃ kalahaṃ pratiśiṣyati |duḥkhaprāptimahākāryā ūkāre vāniśaṃ bhavet || 6||

ऋकारे च शुभं नित्यं शुभावस्य च सम्पदः ।चित्तानन्दं कार्यसिद्धिः शुभं भवति निश्चयः ॥ ७॥

ṛkāre ca śubhaṃ nityaṃ śubhāvasya ca sampadaḥ |cittānandaṃ kāryasiddhiḥ śubhaṃ bhavati niścayaḥ || 7||

ॠकारे हृदयक्लेशमर्थहानिश्च जायते ।सर्वकार्यविनाशाय मनस्तापं च विभ्रमम् ॥ ८॥ (विभ्रमः)

ṝkāre hṛdayakleśamarthahāniśca jāyate |sarvakāryavināśāya manastāpaṃ ca vibhramam || 8|| (vibhramaḥ)

ऌकारे पुत्रलाभश्च भ्रात्रा च परिणं गमः ।अतिशीघ्रं शुभञ्चैव सर्वलाभो भविष्यति ॥ ९॥

ḷkāre putralābhaśca bhrātrā ca pariṇaṃ gamaḥ |atiśīghraṃ śubhañcaiva sarvalābho bhaviṣyati || 9||

ॡकारे जनचित्तं च महाव्याधिर्भविष्यति ।सर्वकार्यविनाशाय अर्थहानिश्च जायते ॥ १०॥

ḹkāre janacittaṃ ca mahāvyādhirbhaviṣyati |sarvakāryavināśāya arthahāniśca jāyate || 10||

एकारे दृश्यते लाभं द्रव्यलाभं भविष्यति ।कल्याणं पुत्रलाभं च आरोग्यं सुखमेव च ॥ ११॥

ekāre dṛśyate lābhaṃ dravyalābhaṃ bhaviṣyati |kalyāṇaṃ putralābhaṃ ca ārogyaṃ sukhameva ca || 11||

ऐकारेण विनाशः च पुत्रेण च विरोधनम् ।अन्यस्थ चिन्तितं कार्यं सर्वमेव भविष्यति ॥ १२॥

aikāreṇa vināśaḥ ca putreṇa ca virodhanam |anyastha cintitaṃ kāryaṃ sarvameva bhaviṣyati || 12||

ओकारेऽर्थप्राप्तिश्च अर्थलाभं भविष्यति ।मनोवाञ्छितकल्याणं पुत्रमित्रसमागमम् ॥ १३॥

okāre'rthaprāptiśca arthalābhaṃ bhaviṣyati |manovāñchitakalyāṇaṃ putramitrasamāgamam || 13||

औकारे अरिनाशश्च दुःखं कलहमेव च ।प्रारम्भेषु च कल्याणं तत्सर्वं निष्फलं भवेत् ॥ १४॥

aukāre arināśaśca duḥkhaṃ kalahameva ca |prārambheṣu ca kalyāṇaṃ tatsarvaṃ niṣphalaṃ bhavet || 14||

अंकारे सम्पदं बुद्धिस्सुखं सन्तोषमेव च ।अर्थं च रूपिणं योगिसेवयैव न संशयः । १५॥

aṃkāre sampadaṃ buddhissukhaṃ santoṣameva ca |arthaṃ ca rūpiṇaṃ yogisevayaiva na saṃśayaḥ | 15||

अःकारेणैव कार्याणि कलहं दुःखमेव च ।विनाशं च मनस्तापं पुत्रहानिश्च जायते ॥ १६॥

aḥkāreṇaiva kāryāṇi kalahaṃ duḥkhameva ca |vināśaṃ ca manastāpaṃ putrahāniśca jāyate || 16||

ककारे विजयं राज्यं पुत्रलाभं शुभावहम् ।सर्वकार्याणि सिद्धिं च ककारे विनिवेशयेत् ॥ १७॥

kakāre vijayaṃ rājyaṃ putralābhaṃ śubhāvaham |sarvakāryāṇi siddhiṃ ca kakāre viniveśayet || 17||

खकारे बहुदुःखाय धर्महानिस्तथैव च ।सर्वरोगमवाप्नोति दारिद्र्यं च पुनः पुनः ॥ १८॥

khakāre bahuduḥkhāya dharmahānistathaiva ca |sarvarogamavāpnoti dāridryaṃ ca punaḥ punaḥ || 18||

गकारे शोभनं कार्यं सर्वकार्यं बलाबलम् ।पुत्रलाभं भवेत्तस्य सर्वान् कामानवाप्नुयात् ॥ १९॥

gakāre śobhanaṃ kāryaṃ sarvakāryaṃ balābalam |putralābhaṃ bhavettasya sarvān kāmānavāpnuyāt || 19||

घकारे दृश्यते बोधं कार्यसिद्धिं च जायते ।सर्वकार्यशुभं राज्यं कल्याणं नो च निश्चयम् ॥ २०॥

ghakāre dṛśyate bodhaṃ kāryasiddhiṃ ca jāyate |sarvakāryaśubhaṃ rājyaṃ kalyāṇaṃ no ca niścayam || 20||

ङकारे धनसम्पत्तिमर्प्यते धनमेव च ।बन्धनं अवमानं च कार्यहानिर्भविष्यति ॥ २१॥

ṅakāre dhanasampattimarpyate dhanameva ca |bandhanaṃ avamānaṃ ca kāryahānirbhaviṣyati || 21||

चकारे विजयं राज्यं शुभं सम्पत्सुशोभनम् ।अर्थलाभं महासौख्यं पुत्रलाभं च जायते ॥ २२॥

cakāre vijayaṃ rājyaṃ śubhaṃ sampatsuśobhanam |arthalābhaṃ mahāsaukhyaṃ putralābhaṃ ca jāyate || 22||

छकारे जयसंयुक्तं राजसी परिभाविका ।सौभाग्यं सुखमायुष्यं लोकपूजास्वभावकम् ॥ २३॥

chakāre jayasaṃyuktaṃ rājasī paribhāvikā |saubhāgyaṃ sukhamāyuṣyaṃ lokapūjāsvabhāvakam || 23||

जकारे स्वसृलाभाय शोकरोगं भविष्यति ।पितरं चावमानेन जायते कलहं भवेत् ॥ २४॥

jakāre svasṛlābhāya śokarogaṃ bhaviṣyati |pitaraṃ cāvamānena jāyate kalahaṃ bhavet || 24||

झकारे दृश्यते लाभं सर्वं स परिपूर्णता ।दीर्घायुः पुत्रलाभं च आरोग्यं क्षेममेव च ॥ २५॥

jhakāre dṛśyate lābhaṃ sarvaṃ sa paripūrṇatā |dīrghāyuḥ putralābhaṃ ca ārogyaṃ kṣemameva ca || 25||

ञकारे शोकक्लेशं च आधिर्व्याधिर्भविष्यति ।बहुदुःखमनस्तापं जायते नात्र संशयः ॥ २६॥

ñakāre śokakleśaṃ ca ādhirvyādhirbhaviṣyati |bahuduḥkhamanastāpaṃ jāyate nātra saṃśayaḥ || 26||

टकारे दृश्यते लाभं बन्धुश्चैव समागमम् ।धनधान्यसमृद्धिं च सुखं भवति निश्चयम् ॥ २७॥

ṭakāre dṛśyate lābhaṃ bandhuścaiva samāgamam |dhanadhānyasamṛddhiṃ ca sukhaṃ bhavati niścayam || 27||

ठकारे पूर्णकुम्भं च शोभनं च भविष्यति ।आरोग्यमर्थलाभं च पुत्रवृद्धिं च जायते ॥ २८॥

ṭhakāre pūrṇakumbhaṃ ca śobhanaṃ ca bhaviṣyati |ārogyamarthalābhaṃ ca putravṛddhiṃ ca jāyate || 28||

डकारे दृश्यते लाभं दीर्घमायुष्यवर्धनम् ।निर्विघ्नक्षेममायुष्यं सुखं भवति निश्चयम् ॥ २९॥

ḍakāre dṛśyate lābhaṃ dīrghamāyuṣyavardhanam |nirvighnakṣemamāyuṣyaṃ sukhaṃ bhavati niścayam || 29||

ढकारे सर्वसौख्यं च आरोग्यं शोभनं तथा ।प्रयाणे सर्वकार्यं स्युः यदि शत्रुजयं तथा ॥ ३०॥

ḍhakāre sarvasaukhyaṃ ca ārogyaṃ śobhanaṃ tathā |prayāṇe sarvakāryaṃ syuḥ yadi śatrujayaṃ tathā || 30||

णकारेण फलं नित्यं आयुर्वृद्धिं च जायते ।सर्वकामानवाप्नोति सुखं भवति निश्चयम् ॥ ३१॥

ṇakāreṇa phalaṃ nityaṃ āyurvṛddhiṃ ca jāyate |sarvakāmānavāpnoti sukhaṃ bhavati niścayam || 31||

तकारे दीर्घमायुष्यं क्षेमं च सुतदारिकम् ।आरोग्यं अर्थलाभं च पुत्रवृद्धिं च जायते ॥ ३२॥

takāre dīrghamāyuṣyaṃ kṣemaṃ ca sutadārikam |ārogyaṃ arthalābhaṃ ca putravṛddhiṃ ca jāyate || 32||

थकारे नास्ति बुद्धिं च चिद्दुःखं तथैव च ।नश्यन्ति सर्वकार्याणि कार्यसिद्धिर्भविष्यति ॥ ३३॥

thakāre nāsti buddhiṃ ca cidduḥkhaṃ tathaiva ca |naśyanti sarvakāryāṇi kāryasiddhirbhaviṣyati || 33||

दकारे विजयं राज्यं धनलाभं तथैव च ।पुत्रक्षेमं च कार्याणि सिद्धिर्भवति निश्चयः ॥ ३४॥

dakāre vijayaṃ rājyaṃ dhanalābhaṃ tathaiva ca |putrakṣemaṃ ca kāryāṇi siddhirbhavati niścayaḥ || 34||

धकारे धनधान्यं च सर्वलाभं तथैव च ।पुत्रलाभं च योग्यं च धकारैको विनिर्दिशेत् ॥ ३५॥

dhakāre dhanadhānyaṃ ca sarvalābhaṃ tathaiva ca |putralābhaṃ ca yogyaṃ ca dhakāraiko vinirdiśet || 35||

नकारे अर्थहीनं च आयुर्हानिं च जायते ।चित्तरोगमवाप्नोति नात्र श्रीः विनिर्दिशेत् ॥ ३६॥

nakāre arthahīnaṃ ca āyurhāniṃ ca jāyate |cittarogamavāpnoti nātra śrīḥ vinirdiśet || 36||

पकारे दृश्यते सर्वं धनहानिं च जायते ।व्याकुलं सर्वदुःखं च सर्वं सुखविनाशनम् ॥ ३७॥

pakāre dṛśyate sarvaṃ dhanahāniṃ ca jāyate |vyākulaṃ sarvaduḥkhaṃ ca sarvaṃ sukhavināśanam || 37||

फकारे किञ्चित् सौभाग्यं बन्धुश्चैव समागमम् ।पितृप्रियं च कार्याणि सर्वं शीघ्रफलप्रदम् ॥ ३८॥

phakāre kiñcit saubhāgyaṃ bandhuścaiva samāgamam |pitṛpriyaṃ ca kāryāṇi sarvaṃ śīghraphalapradam || 38||

बकारे नास्तिलाभाय अर्थहानिं च जायते ।मनोव्याधिं च कल्याणि मनोव्याधिं च निष्फलम् ॥ ३९॥

bakāre nāstilābhāya arthahāniṃ ca jāyate |manovyādhiṃ ca kalyāṇi manovyādhiṃ ca niṣphalam || 39||

भकारे दृश्यते भद्रं बन्धूजन समागमम् ।सर्वकार्याणि सिध्यन्ति बृहत्कार्यं भविष्यति ॥ ४०॥ (बृहत्कार्यं वतीभुवि)

bhakāre dṛśyate bhadraṃ bandhūjana samāgamam |sarvakāryāṇi sidhyanti bṛhatkāryaṃ bhaviṣyati || 40|| (bṛhatkāryaṃ vatībhuvi)

मकारे दुःखसन्तापं रोगहानिश्च जायते ।गमने बन्धुनाशाय चिन्तयेव भविष्यति ॥ ४१॥

makāre duḥkhasantāpaṃ rogahāniśca jāyate |gamane bandhunāśāya cintayeva bhaviṣyati || 41||

यकारे तु फलं वित्तं दृश्यते यस्व तत्फलम् ।फलं च लभते दृश्यते वा सुसम्पदा ॥ ४२॥

yakāre tu phalaṃ vittaṃ dṛśyate yasva tatphalam |phalaṃ ca labhate dṛśyate vā susampadā || 42||

रकारे व्याहते पीडा न कार्यसफलं भवेत् ।पुत्रहानिर्भवेन्नित्यं द्रव्यहानिं च जायते ॥ ४३॥

rakāre vyāhate pīḍā na kāryasaphalaṃ bhavet |putrahānirbhavennityaṃ dravyahāniṃ ca jāyate || 43||

लकारे दृश्यते पूर्वयद्दुःखज समागमम् ।महद्भिश्चैव कार्याणि दृश्यते अस्य सम्पदा ॥ ४४॥

lakāre dṛśyate pūrvayadduḥkhaja samāgamam |mahadbhiścaiva kāryāṇi dṛśyate asya sampadā || 44||

वकारे शुभदं कार्यं प्राप्यते भद्रमन्त्रकः ।राजतं (त्वथ)वा शुभ्रं दीर्घायुष्यसिद्धिदम् ॥ ४५॥

vakāre śubhadaṃ kāryaṃ prāpyate bhadramantrakaḥ |rājataṃ (tvatha)vā śubhraṃ dīrghāyuṣyasiddhidam || 45||

शकारे शयनं यानं वस्तुवाहनमेव च ।राज्यं शुद्धान्न सङ्काशं शुभं चैव भविष्यति ॥ ४६॥

śakāre śayanaṃ yānaṃ vastuvāhanameva ca |rājyaṃ śuddhānna saṅkāśaṃ śubhaṃ caiva bhaviṣyati || 46||

षकारे सर्वकार्याणि धनधान्यं तथैव च ।कुलं च सर्वकार्याणि दृश्यते सर्वपारगैः ॥ ४७॥

ṣakāre sarvakāryāṇi dhanadhānyaṃ tathaiva ca |kulaṃ ca sarvakāryāṇi dṛśyate sarvapāragaiḥ || 47||

सकारेऽत्र पणं चैव श्रवणं च प्रभावतम् ।वस्तुलाभं विवाहं च पुत्रलाभं च जायते ॥ ४८॥

sakāre'tra paṇaṃ caiva śravaṇaṃ ca prabhāvatam |vastulābhaṃ vivāhaṃ ca putralābhaṃ ca jāyate || 48||

हकारे ध्यानमाप्नोति वित्तसम्प्राप्यवाहनम् ।आरोग्यं व्याधिनाशाय लभते नात्र संशयः ॥ ४९॥

hakāre dhyānamāpnoti vittasamprāpyavāhanam |ārogyaṃ vyādhināśāya labhate nātra saṃśayaḥ || 49||

ळकारे अर्थहानिं च आयुर्दुःखानि जायते ।चित्तरोगमवाप्नोति ळकारे नो विनिर्दिशेत् ॥ ५०॥

ḷakāre arthahāniṃ ca āyurduḥkhāni jāyate |cittarogamavāpnoti ḷakāre no vinirdiśet || 50||

॥ इति श्रीरामचिन्तामणिप्रश्नशास्त्रं समाप्तम् ॥

|| iti śrīrāmacintāmaṇipraśnaśāstraṃ samāptam ||