रामाष्टोत्तरशतनामस्तोत्रम् १ Shri Rama Ashtottarashatanama Stotram

ध्यानम्श्रीराघवं दशरथात्मजमप्रमेयंसीतापतिं रघुकुलान्वयरत्नदीपम् ।आजानुबाहुमरविन्ददलायताक्षंरामं निशाचरविनाशकरं नमामि ॥वैदेहीसहितं सुरद्रुमतले हैमे महामण्डपेमध्ये पुष्पकमासने मणिमये वीरासने सुस्थितम् ।अग्रे वाचयति प्रभञ्जनसुते तत्त्वं मुनिभ्यः परंव्याख्यान्तं भरतादिभिः परिवृतं रामं भजे श्यामलम् ॥ॐ श्रीरामो रामभद्रश्च रामचन्द्रश्च शाश्वतः ।राजीवलोचनः श्रीमान् राजेन्द्रो रघुपुङ्गवः ॥ १॥

dhyānamśrīrāghavaṃ daśarathātmajamaprameyaṃsītāpatiṃ raghukulānvayaratnadīpam |ājānubāhumaravindadalāyatākṣaṃrāmaṃ niśācaravināśakaraṃ namāmi ||vaidehīsahitaṃ suradrumatale haime mahāmaṇḍapemadhye puṣpakamāsane maṇimaye vīrāsane susthitam |agre vācayati prabhañjanasute tattvaṃ munibhyaḥ paraṃvyākhyāntaṃ bharatādibhiḥ parivṛtaṃ rāmaṃ bhaje śyāmalam ||oṃ śrīrāmo rāmabhadraśca rāmacandraśca śāśvataḥ |rājīvalocanaḥ śrīmān rājendro raghupuṅgavaḥ || 1||

जानकीवल्लभो जैत्रो जितामित्रो जनार्दनः ।विश्वामित्रप्रियो दान्तः शत्रुजिच्छत्रुतापनः ॥ २॥

jānakīvallabho jaitro jitāmitro janārdanaḥ |viśvāmitrapriyo dāntaḥ śatrujicchatrutāpanaḥ || 2||

वालिप्रमथनो वाग्मी सत्यवाक् सत्यविक्रमः ।सत्यव्रतो व्रतधरः सदा हनुमदाश्रितः ॥ ३॥

vālipramathano vāgmī satyavāk satyavikramaḥ |satyavrato vratadharaḥ sadā hanumadāśritaḥ || 3||

कौसलेयः खरध्वंसी विराधवधपण्डितः ।विभीषणपरित्राता हरकोदण्डखण्डनः ॥ ४॥

kausaleyaḥ kharadhvaṃsī virādhavadhapaṇḍitaḥ |vibhīṣaṇaparitrātā harakodaṇḍakhaṇḍanaḥ || 4||

सप्ततालप्रभेत्ता च दशग्रीवशिरोहरः ।जामदग्न्यमहादर्पदलनस्ताटकान्तकः ॥ ५॥

saptatālaprabhettā ca daśagrīvaśiroharaḥ |jāmadagnyamahādarpadalanastāṭakāntakaḥ || 5||

वेदान्तसारो वेदात्मा भवरोगस्य भेषजम् ।दूषणत्रिशिरो हन्ता त्रिमूर्तिस्त्रिगुणात्मकः ॥ ६॥

vedāntasāro vedātmā bhavarogasya bheṣajam |dūṣaṇatriśiro hantā trimūrtistriguṇātmakaḥ || 6||

त्रिविक्रमस्त्रिलोकात्मा पुण्यचारित्रकीर्तनः ।त्रिलोकरक्षको धन्वी दण्डकारण्यपावनः ॥ ७॥

trivikramastrilokātmā puṇyacāritrakīrtanaḥ |trilokarakṣako dhanvī daṇḍakāraṇyapāvanaḥ || 7||

अहल्याशापशमनः पितृभक्तो वरप्रदः ।जितेन्द्रियो जितक्रोधो जितामित्रो जगद्गुरुः ॥ ८॥

ahalyāśāpaśamanaḥ pitṛbhakto varapradaḥ |jitendriyo jitakrodho jitāmitro jagadguruḥ || 8||

ऋक्षवानरसंघाती चित्रकूटसमाश्रयः ।जयन्तत्राणवरदः सुमित्रापुत्रसेवितः ॥ ९॥

ṛkṣavānarasaṃghātī citrakūṭasamāśrayaḥ |jayantatrāṇavaradaḥ sumitrāputrasevitaḥ || 9||

सर्वदेवादिदेवश्च मृतवानरजीवनः ।मायामारीचहन्ता च महादेवो महाभुजः ॥ १०॥

sarvadevādidevaśca mṛtavānarajīvanaḥ |māyāmārīcahantā ca mahādevo mahābhujaḥ || 10||

सर्वदेवस्तुतः सौम्यो ब्रह्मण्यो मुनिसंस्तुतः ।महायोगी महोदारः सुग्रीवेप्सितराज्यदः ॥ ११॥

sarvadevastutaḥ saumyo brahmaṇyo munisaṃstutaḥ |mahāyogī mahodāraḥ sugrīvepsitarājyadaḥ || 11||

सर्वपुण्याधिकफलः स्मृतसर्वाघनाशनः ।आदिदेवो महादेवो महापूरुष एव च ॥ १२॥

sarvapuṇyādhikaphalaḥ smṛtasarvāghanāśanaḥ |ādidevo mahādevo mahāpūruṣa eva ca || 12||

पुण्योदयो दयासारः पुराणपुरुषोत्तमः ।स्मितवक्त्रो मिताभाषी पूर्वभाषी च राघवः ॥ १३॥

puṇyodayo dayāsāraḥ purāṇapuruṣottamaḥ |smitavaktro mitābhāṣī pūrvabhāṣī ca rāghavaḥ || 13||

अनन्तगुणगम्भीरो धीरोदात्तगुणोत्तमः ।मायामानुषचारित्रो महादेवादिपूजितः ॥ १४॥

anantaguṇagambhīro dhīrodāttaguṇottamaḥ |māyāmānuṣacāritro mahādevādipūjitaḥ || 14||

सेतुकृज्जितवारीशः सर्वतीर्थमयो हरिः ।श्यामाङ्गः सुन्दरः शूरः पीतवासा धनुर्धरः ॥ १५॥

setukṛjjitavārīśaḥ sarvatīrthamayo hariḥ |śyāmāṅgaḥ sundaraḥ śūraḥ pītavāsā dhanurdharaḥ || 15||

सर्वयज्ञाधिपो यज्वा जरामरणवर्जितः ।शिवलिङ्गप्रतिष्ठाता सर्वावगुणवर्जितः ॥ १६॥

sarvayajñādhipo yajvā jarāmaraṇavarjitaḥ |śivaliṅgapratiṣṭhātā sarvāvaguṇavarjitaḥ || 16||

परमात्मा परं ब्रह्म सच्चिदानन्दविग्रहः ।परं ज्योतिः परंधाम पराकाशः परात्परः ॥ १७॥

paramātmā paraṃ brahma saccidānandavigrahaḥ |paraṃ jyotiḥ paraṃdhāma parākāśaḥ parātparaḥ || 17||

परेशः पारगः पारः सर्वदेवात्मकः परः ॥॥ इति श्रीरामाष्टोत्तरशतनामस्तोत्रं सम्पूर्णम् ॥

pareśaḥ pāragaḥ pāraḥ sarvadevātmakaḥ paraḥ |||| iti śrīrāmāṣṭottaraśatanāmastotraṃ sampūrṇam ||