श्रीरामचरितमानस ३ अरण्यकाण्ड Shri Ram Charit Manas (3)

श्री गणेशाय नमः

śrī gaṇeśāya namaḥ

श्री जानकीवल्लभो विजयतेश्री रामचरितमानस

śrī jānakīvallabho vijayateśrī rāmacaritamānasa

तृतीय सोपान(अरण्यकाण्ड)श्लोकमूलं धर्मतरोर्विवेकजलधेः पूर्णेन्दुमानन्ददंवैराग्याम्बुजभास्करं ह्यघघनध्वान्तापहं तापहम्।मोहाम्भोधरपूगपाटनविधौ स्वःसम्भवं शङ्करंवन्दे ब्रह्मकुलं कलंकशमनं श्रीरामभूपप्रियम् ॥ १ ॥

tṛtīya sopāna(araṇyakāṇḍa)ślokamūlaṃ dharmatarorvivekajaladheḥ pūrṇendumānandadaṃvairāgyāmbujabhāskaraṃ hyaghaghanadhvāntāpahaṃ tāpaham|mohāmbhodharapūgapāṭanavidhau svaḥsambhavaṃ śaṅkaraṃvande brahmakulaṃ kalaṃkaśamanaṃ śrīrāmabhūpapriyam || 1 ||

सान्द्रानन्दपयोदसौभगतनुं पीताम्बरं सुन्दरंपाणौ बाणशरासनं कटिलसत्तूणीरभारं वरम्राजीवायतलोचनं धृतजटाजूटेन संशोभितंसीतालक्ष्मणसंयुतं पथिगतं रामाभिरामं भजे ॥ २ ॥

sāndrānandapayodasaubhagatanuṃ pītāmbaraṃ sundaraṃpāṇau bāṇaśarāsanaṃ kaṭilasattūṇīrabhāraṃ varamrājīvāyatalocanaṃ dhṛtajaṭājūṭena saṃśobhitaṃsītālakṣmaṇasaṃyutaṃ pathigataṃ rāmābhirāmaṃ bhaje || 2 ||

सो\। उमा राम गुन गूढ़ पंडित मुनि पावहिं बिरति।पावहिं मोह बिमूढ़ जे हरि बिमुख न धर्म रति ॥पुर नर भरत प्रीति मैं गाई। मति अनुरूप अनूप सुहाई ॥अब प्रभु चरित सुनहु अति पावन। करत जे बन सुर नर मुनि भावन ॥एक बार चुनि कुसुम सुहाए। निज कर भूषन राम बनाए ॥सीतहि पहिराए प्रभु सादर। बैठे फटिक सिला पर सुंदर ॥सुरपति सुत धरि बायस बेषा। सठ चाहत रघुपति बल देखा ॥जिमि पिपीलिका सागर थाहा। महा मंदमति पावन चाहा ॥सीता चरन चौंच हति भागा। मूढ़ मंदमति कारन कागा ॥चला रुधिर रघुनायक जाना। सींक धनुष सायक संधाना ॥

so\| umā rāma guna gūṛha paṃḍita muni pāvahiṃ birati|pāvahiṃ moha bimūṛha je hari bimukha na dharma rati ||pura nara bharata prīti maiṃ gāī| mati anurūpa anūpa suhāī ||aba prabhu carita sunahu ati pāvana| karata je bana sura nara muni bhāvana ||eka bāra cuni kusuma suhāe| nija kara bhūṣana rāma banāe ||sītahi pahirāe prabhu sādara| baiṭhe phaṭika silā para suṃdara ||surapati suta dhari bāyasa beṣā| saṭha cāhata raghupati bala dekhā ||jimi pipīlikā sāgara thāhā| mahā maṃdamati pāvana cāhā ||sītā carana cauṃca hati bhāgā| mūṛha maṃdamati kārana kāgā ||calā rudhira raghunāyaka jānā| sīṃka dhanuṣa sāyaka saṃdhānā ||

दो\। अति कृपाल रघुनायक सदा दीन पर नेह।ता सन आइ कीन्ह छलु मूरख अवगुन गेह ॥ १ ॥

do\| ati kṛpāla raghunāyaka sadā dīna para neha|tā sana āi kīnha chalu mūrakha avaguna geha || 1 ||

प्रेरित मंत्र ब्रह्मसर धावा। चला भाजि बायस भय पावा ॥धरि निज रुप गयउ पितु पाहीं। राम बिमुख राखा तेहि नाहीं ॥भा निरास उपजी मन त्रासा। जथा चक्र भय रिषि दुर्बासा ॥ब्रह्मधाम सिवपुर सब लोका। फिरा श्रमित ब्याकुल भय सोका ॥काहूँ बैठन कहा न ओही। राखि को सकइ राम कर द्रोही ॥मातु मृत्यु पितु समन समाना। सुधा होइ बिष सुनु हरिजाना ॥मित्र करइ सत रिपु कै करनी। ता कहँ बिबुधनदी बैतरनी ॥सब जगु ताहि अनलहु ते ताता। जो रघुबीर बिमुख सुनु भ्राता ॥नारद देखा बिकल जयंता। लागि दया कोमल चित संता ॥पठवा तुरत राम पहिं ताही। कहेसि पुकारि प्रनत हित पाही ॥आतुर सभय गहेसि पद जाई। त्राहि त्राहि दयाल रघुराई ॥अतुलित बल अतुलित प्रभुताई। मैं मतिमंद जानि नहिं पाई ॥निज कृत कर्म जनित फल पायउँ। अब प्रभु पाहि सरन तकि आयउँ ॥सुनि कृपाल अति आरत बानी। एकनयन करि तजा भवानी ॥

prerita maṃtra brahmasara dhāvā| calā bhāji bāyasa bhaya pāvā ||dhari nija rupa gayau pitu pāhīṃ| rāma bimukha rākhā tehi nāhīṃ ||bhā nirāsa upajī mana trāsā| jathā cakra bhaya riṣi durbāsā ||brahmadhāma sivapura saba lokā| phirā śramita byākula bhaya sokā ||kāhūm̐ baiṭhana kahā na ohī| rākhi ko sakai rāma kara drohī ||mātu mṛtyu pitu samana samānā| sudhā hoi biṣa sunu harijānā ||mitra karai sata ripu kai karanī| tā kaham̐ bibudhanadī baitaranī ||saba jagu tāhi analahu te tātā| jo raghubīra bimukha sunu bhrātā ||nārada dekhā bikala jayaṃtā| lāgi dayā komala cita saṃtā ||paṭhavā turata rāma pahiṃ tāhī| kahesi pukāri pranata hita pāhī ||ātura sabhaya gahesi pada jāī| trāhi trāhi dayāla raghurāī ||atulita bala atulita prabhutāī| maiṃ matimaṃda jāni nahiṃ pāī ||nija kṛta karma janita phala pāyaum̐| aba prabhu pāhi sarana taki āyaum̐ ||suni kṛpāla ati ārata bānī| ekanayana kari tajā bhavānī ||

सो\। कीन्ह मोह बस द्रोह जद्यपि तेहि कर बध उचित।प्रभु छाड़ेउ करि छोह को कृपाल रघुबीर सम ॥ २ ॥

so\| kīnha moha basa droha jadyapi tehi kara badha ucita|prabhu chāड़eu kari choha ko kṛpāla raghubīra sama || 2 ||

रघुपति चित्रकूट बसि नाना। चरित किए श्रुति सुधा समाना ॥बहुरि राम अस मन अनुमाना। होइहि भीर सबहिं मोहि जाना ॥सकल मुनिन्ह सन बिदा कराई। सीता सहित चले द्वौ भाई ॥अत्रि के आश्रम जब प्रभु गयऊ। सुनत महामुनि हरषित भयऊ ॥पुलकित गात अत्रि उठि धाए। देखि रामु आतुर चलि आए ॥करत दंडवत मुनि उर लाए। प्रेम बारि द्वौ जन अन्हवाए ॥देखि राम छबि नयन जुड़ाने। सादर निज आश्रम तब आने ॥करि पूजा कहि बचन सुहाए। दिए मूल फल प्रभु मन भाए ॥

raghupati citrakūṭa basi nānā| carita kie śruti sudhā samānā ||bahuri rāma asa mana anumānā| hoihi bhīra sabahiṃ mohi jānā ||sakala muninha sana bidā karāī| sītā sahita cale dvau bhāī ||atri ke āśrama jaba prabhu gayaū| sunata mahāmuni haraṣita bhayaū ||pulakita gāta atri uṭhi dhāe| dekhi rāmu ātura cali āe ||karata daṃḍavata muni ura lāe| prema bāri dvau jana anhavāe ||dekhi rāma chabi nayana juड़āne| sādara nija āśrama taba āne ||kari pūjā kahi bacana suhāe| die mūla phala prabhu mana bhāe ||

सो\। प्रभु आसन आसीन भरि लोचन सोभा निरखि।मुनिबर परम प्रबीन जोरि पानि अस्तुति करत ॥ ३ ॥

so\| prabhu āsana āsīna bhari locana sobhā nirakhi|munibara parama prabīna jori pāni astuti karata || 3 ||

छं\। नमामि भक्त वत्सलं। कृपालु शील कोमलं ॥भजामि ते पदांबुजं। अकामिनां स्वधामदं ॥निकाम श्याम सुंदरं। भवाम्बुनाथ मंदरं ॥प्रफुल्ल कंज लोचनं। मदादि दोष मोचनं ॥प्रलंब बाहु विक्रमं। प्रभोऽप्रमेय वैभवं ॥निषंग चाप सायकं। धरं त्रिलोक नायकं ॥दिनेश वंश मंडनं। महेश चाप खंडनं ॥मुनींद्र संत रंजनं। सुरारि वृंद भंजनं ॥मनोज वैरि वंदितं। अजादि देव सेवितं ॥विशुद्ध बोध विग्रहं। समस्त दूषणापहं ॥नमामि इंदिरा पतिं। सुखाकरं सतां गतिं ॥भजे सशक्ति सानुजं। शची पतिं प्रियानुजं ॥त्वदंघ्रि मूल ये नराः। भजंति हीन मत्सरा ॥पतंति नो भवार्णवे। वितर्क वीचि संकुले ॥विविक्त वासिनः सदा। भजंति मुक्तये मुदा ॥निरस्य इंद्रियादिकं। प्रयांति ते गतिं स्वकं ॥तमेकमभ्दुतं प्रभुं। निरीहमीश्वरं विभुं ॥जगद्गुरुं च शाश्वतं। तुरीयमेव केवलं ॥भजामि भाव वल्लभं। कुयोगिनां सुदुर्लभं ॥स्वभक्त कल्प पादपं। समं सुसेव्यमन्वहं ॥अनूप रूप भूपतिं। नतोऽहमुर्विजा पतिं ॥प्रसीद मे नमामि ते। पदाब्ज भक्ति देहि मे ॥पठंति ये स्तवं इदं। नरादरेण ते पदं ॥व्रजंति नात्र संशयं। त्वदीय भक्ति संयुता ॥

chaṃ\| namāmi bhakta vatsalaṃ| kṛpālu śīla komalaṃ ||bhajāmi te padāṃbujaṃ| akāmināṃ svadhāmadaṃ ||nikāma śyāma suṃdaraṃ| bhavāmbunātha maṃdaraṃ ||praphulla kaṃja locanaṃ| madādi doṣa mocanaṃ ||pralaṃba bāhu vikramaṃ| prabho'prameya vaibhavaṃ ||niṣaṃga cāpa sāyakaṃ| dharaṃ triloka nāyakaṃ ||dineśa vaṃśa maṃḍanaṃ| maheśa cāpa khaṃḍanaṃ ||munīṃdra saṃta raṃjanaṃ| surāri vṛṃda bhaṃjanaṃ ||manoja vairi vaṃditaṃ| ajādi deva sevitaṃ ||viśuddha bodha vigrahaṃ| samasta dūṣaṇāpahaṃ ||namāmi iṃdirā patiṃ| sukhākaraṃ satāṃ gatiṃ ||bhaje saśakti sānujaṃ| śacī patiṃ priyānujaṃ ||tvadaṃghri mūla ye narāḥ| bhajaṃti hīna matsarā ||pataṃti no bhavārṇave| vitarka vīci saṃkule ||vivikta vāsinaḥ sadā| bhajaṃti muktaye mudā ||nirasya iṃdriyādikaṃ| prayāṃti te gatiṃ svakaṃ ||tamekamabhdutaṃ prabhuṃ| nirīhamīśvaraṃ vibhuṃ ||jagadguruṃ ca śāśvataṃ| turīyameva kevalaṃ ||bhajāmi bhāva vallabhaṃ| kuyogināṃ sudurlabhaṃ ||svabhakta kalpa pādapaṃ| samaṃ susevyamanvahaṃ ||anūpa rūpa bhūpatiṃ| nato'hamurvijā patiṃ ||prasīda me namāmi te| padābja bhakti dehi me ||paṭhaṃti ye stavaṃ idaṃ| narādareṇa te padaṃ ||vrajaṃti nātra saṃśayaṃ| tvadīya bhakti saṃyutā ||

दो\। बिनती करि मुनि नाइ सिरु कह कर जोरि बहोरि।चरन सरोरुह नाथ जनि कबहुँ तजै मति मोरि ॥ ४ ॥

do\| binatī kari muni nāi siru kaha kara jori bahori|carana saroruha nātha jani kabahum̐ tajai mati mori || 4 ||

श्री गणेशाय नमः

śrī gaṇeśāya namaḥ

श्री जानकीवल्लभो विजयतेश्री रामचरितमानस

śrī jānakīvallabho vijayateśrī rāmacaritamānasa

तृतीय सोपान(अरण्यकाण्ड)श्लोकमूलं धर्मतरोर्विवेकजलधेः पूर्णेन्दुमानन्ददंवैराग्याम्बुजभास्करं ह्यघघनध्वान्तापहं तापहम्।मोहाम्भोधरपूगपाटनविधौ स्वःसम्भवं शङ्करंवन्दे ब्रह्मकुलं कलंकशमनं श्रीरामभूपप्रियम् ॥ १ ॥

tṛtīya sopāna(araṇyakāṇḍa)ślokamūlaṃ dharmatarorvivekajaladheḥ pūrṇendumānandadaṃvairāgyāmbujabhāskaraṃ hyaghaghanadhvāntāpahaṃ tāpaham|mohāmbhodharapūgapāṭanavidhau svaḥsambhavaṃ śaṅkaraṃvande brahmakulaṃ kalaṃkaśamanaṃ śrīrāmabhūpapriyam || 1 ||

सान्द्रानन्दपयोदसौभगतनुं पीताम्बरं सुन्दरंपाणौ बाणशरासनं कटिलसत्तूणीरभारं वरम्राजीवायतलोचनं धृतजटाजूटेन संशोभितंसीतालक्ष्मणसंयुतं पथिगतं रामाभिरामं भजे ॥ २ ॥

sāndrānandapayodasaubhagatanuṃ pītāmbaraṃ sundaraṃpāṇau bāṇaśarāsanaṃ kaṭilasattūṇīrabhāraṃ varamrājīvāyatalocanaṃ dhṛtajaṭājūṭena saṃśobhitaṃsītālakṣmaṇasaṃyutaṃ pathigataṃ rāmābhirāmaṃ bhaje || 2 ||

सो\। उमा राम गुन गूढ़ पंडित मुनि पावहिं बिरति।पावहिं मोह बिमूढ़ जे हरि बिमुख न धर्म रति ॥पुर नर भरत प्रीति मैं गाई। मति अनुरूप अनूप सुहाई ॥अब प्रभु चरित सुनहु अति पावन। करत जे बन सुर नर मुनि भावन ॥एक बार चुनि कुसुम सुहाए। निज कर भूषन राम बनाए ॥सीतहि पहिराए प्रभु सादर। बैठे फटिक सिला पर सुंदर ॥सुरपति सुत धरि बायस बेषा। सठ चाहत रघुपति बल देखा ॥जिमि पिपीलिका सागर थाहा। महा मंदमति पावन चाहा ॥सीता चरन चौंच हति भागा। मूढ़ मंदमति कारन कागा ॥चला रुधिर रघुनायक जाना। सींक धनुष सायक संधाना ॥

so\| umā rāma guna gūṛha paṃḍita muni pāvahiṃ birati|pāvahiṃ moha bimūṛha je hari bimukha na dharma rati ||pura nara bharata prīti maiṃ gāī| mati anurūpa anūpa suhāī ||aba prabhu carita sunahu ati pāvana| karata je bana sura nara muni bhāvana ||eka bāra cuni kusuma suhāe| nija kara bhūṣana rāma banāe ||sītahi pahirāe prabhu sādara| baiṭhe phaṭika silā para suṃdara ||surapati suta dhari bāyasa beṣā| saṭha cāhata raghupati bala dekhā ||jimi pipīlikā sāgara thāhā| mahā maṃdamati pāvana cāhā ||sītā carana cauṃca hati bhāgā| mūṛha maṃdamati kārana kāgā ||calā rudhira raghunāyaka jānā| sīṃka dhanuṣa sāyaka saṃdhānā ||

दो\। अति कृपाल रघुनायक सदा दीन पर नेह।ता सन आइ कीन्ह छलु मूरख अवगुन गेह ॥ १ ॥

do\| ati kṛpāla raghunāyaka sadā dīna para neha|tā sana āi kīnha chalu mūrakha avaguna geha || 1 ||

प्रेरित मंत्र ब्रह्मसर धावा। चला भाजि बायस भय पावा ॥धरि निज रुप गयउ पितु पाहीं। राम बिमुख राखा तेहि नाहीं ॥भा निरास उपजी मन त्रासा। जथा चक्र भय रिषि दुर्बासा ॥ब्रह्मधाम सिवपुर सब लोका। फिरा श्रमित ब्याकुल भय सोका ॥काहूँ बैठन कहा न ओही। राखि को सकइ राम कर द्रोही ॥मातु मृत्यु पितु समन समाना। सुधा होइ बिष सुनु हरिजाना ॥मित्र करइ सत रिपु कै करनी। ता कहँ बिबुधनदी बैतरनी ॥सब जगु ताहि अनलहु ते ताता। जो रघुबीर बिमुख सुनु भ्राता ॥नारद देखा बिकल जयंता। लागि दया कोमल चित संता ॥पठवा तुरत राम पहिं ताही। कहेसि पुकारि प्रनत हित पाही ॥आतुर सभय गहेसि पद जाई। त्राहि त्राहि दयाल रघुराई ॥अतुलित बल अतुलित प्रभुताई। मैं मतिमंद जानि नहिं पाई ॥निज कृत कर्म जनित फल पायउँ। अब प्रभु पाहि सरन तकि आयउँ ॥सुनि कृपाल अति आरत बानी। एकनयन करि तजा भवानी ॥

prerita maṃtra brahmasara dhāvā| calā bhāji bāyasa bhaya pāvā ||dhari nija rupa gayau pitu pāhīṃ| rāma bimukha rākhā tehi nāhīṃ ||bhā nirāsa upajī mana trāsā| jathā cakra bhaya riṣi durbāsā ||brahmadhāma sivapura saba lokā| phirā śramita byākula bhaya sokā ||kāhūm̐ baiṭhana kahā na ohī| rākhi ko sakai rāma kara drohī ||mātu mṛtyu pitu samana samānā| sudhā hoi biṣa sunu harijānā ||mitra karai sata ripu kai karanī| tā kaham̐ bibudhanadī baitaranī ||saba jagu tāhi analahu te tātā| jo raghubīra bimukha sunu bhrātā ||nārada dekhā bikala jayaṃtā| lāgi dayā komala cita saṃtā ||paṭhavā turata rāma pahiṃ tāhī| kahesi pukāri pranata hita pāhī ||ātura sabhaya gahesi pada jāī| trāhi trāhi dayāla raghurāī ||atulita bala atulita prabhutāī| maiṃ matimaṃda jāni nahiṃ pāī ||nija kṛta karma janita phala pāyaum̐| aba prabhu pāhi sarana taki āyaum̐ ||suni kṛpāla ati ārata bānī| ekanayana kari tajā bhavānī ||

सो\। कीन्ह मोह बस द्रोह जद्यपि तेहि कर बध उचित।प्रभु छाड़ेउ करि छोह को कृपाल रघुबीर सम ॥ २ ॥

so\| kīnha moha basa droha jadyapi tehi kara badha ucita|prabhu chāड़eu kari choha ko kṛpāla raghubīra sama || 2 ||

रघुपति चित्रकूट बसि नाना। चरित किए श्रुति सुधा समाना ॥बहुरि राम अस मन अनुमाना। होइहि भीर सबहिं मोहि जाना ॥सकल मुनिन्ह सन बिदा कराई। सीता सहित चले द्वौ भाई ॥अत्रि के आश्रम जब प्रभु गयऊ। सुनत महामुनि हरषित भयऊ ॥पुलकित गात अत्रि उठि धाए। देखि रामु आतुर चलि आए ॥करत दंडवत मुनि उर लाए। प्रेम बारि द्वौ जन अन्हवाए ॥देखि राम छबि नयन जुड़ाने। सादर निज आश्रम तब आने ॥करि पूजा कहि बचन सुहाए। दिए मूल फल प्रभु मन भाए ॥

raghupati citrakūṭa basi nānā| carita kie śruti sudhā samānā ||bahuri rāma asa mana anumānā| hoihi bhīra sabahiṃ mohi jānā ||sakala muninha sana bidā karāī| sītā sahita cale dvau bhāī ||atri ke āśrama jaba prabhu gayaū| sunata mahāmuni haraṣita bhayaū ||pulakita gāta atri uṭhi dhāe| dekhi rāmu ātura cali āe ||karata daṃḍavata muni ura lāe| prema bāri dvau jana anhavāe ||dekhi rāma chabi nayana juड़āne| sādara nija āśrama taba āne ||kari pūjā kahi bacana suhāe| die mūla phala prabhu mana bhāe ||

सो\। प्रभु आसन आसीन भरि लोचन सोभा निरखि।मुनिबर परम प्रबीन जोरि पानि अस्तुति करत ॥ ३ ॥

so\| prabhu āsana āsīna bhari locana sobhā nirakhi|munibara parama prabīna jori pāni astuti karata || 3 ||

छं\। नमामि भक्त वत्सलं। कृपालु शील कोमलं ॥भजामि ते पदांबुजं। अकामिनां स्वधामदं ॥निकाम श्याम सुंदरं। भवाम्बुनाथ मंदरं ॥प्रफुल्ल कंज लोचनं। मदादि दोष मोचनं ॥प्रलंब बाहु विक्रमं। प्रभोऽप्रमेय वैभवं ॥निषंग चाप सायकं। धरं त्रिलोक नायकं ॥दिनेश वंश मंडनं। महेश चाप खंडनं ॥मुनींद्र संत रंजनं। सुरारि वृंद भंजनं ॥मनोज वैरि वंदितं। अजादि देव सेवितं ॥विशुद्ध बोध विग्रहं। समस्त दूषणापहं ॥नमामि इंदिरा पतिं। सुखाकरं सतां गतिं ॥भजे सशक्ति सानुजं। शची पतिं प्रियानुजं ॥त्वदंघ्रि मूल ये नराः। भजंति हीन मत्सरा ॥पतंति नो भवार्णवे। वितर्क वीचि संकुले ॥विविक्त वासिनः सदा। भजंति मुक्तये मुदा ॥निरस्य इंद्रियादिकं। प्रयांति ते गतिं स्वकं ॥तमेकमभ्दुतं प्रभुं। निरीहमीश्वरं विभुं ॥जगद्गुरुं च शाश्वतं। तुरीयमेव केवलं ॥भजामि भाव वल्लभं। कुयोगिनां सुदुर्लभं ॥स्वभक्त कल्प पादपं। समं सुसेव्यमन्वहं ॥अनूप रूप भूपतिं। नतोऽहमुर्विजा पतिं ॥प्रसीद मे नमामि ते। पदाब्ज भक्ति देहि मे ॥पठंति ये स्तवं इदं। नरादरेण ते पदं ॥व्रजंति नात्र संशयं। त्वदीय भक्ति संयुता ॥

chaṃ\| namāmi bhakta vatsalaṃ| kṛpālu śīla komalaṃ ||bhajāmi te padāṃbujaṃ| akāmināṃ svadhāmadaṃ ||nikāma śyāma suṃdaraṃ| bhavāmbunātha maṃdaraṃ ||praphulla kaṃja locanaṃ| madādi doṣa mocanaṃ ||pralaṃba bāhu vikramaṃ| prabho'prameya vaibhavaṃ ||niṣaṃga cāpa sāyakaṃ| dharaṃ triloka nāyakaṃ ||dineśa vaṃśa maṃḍanaṃ| maheśa cāpa khaṃḍanaṃ ||munīṃdra saṃta raṃjanaṃ| surāri vṛṃda bhaṃjanaṃ ||manoja vairi vaṃditaṃ| ajādi deva sevitaṃ ||viśuddha bodha vigrahaṃ| samasta dūṣaṇāpahaṃ ||namāmi iṃdirā patiṃ| sukhākaraṃ satāṃ gatiṃ ||bhaje saśakti sānujaṃ| śacī patiṃ priyānujaṃ ||tvadaṃghri mūla ye narāḥ| bhajaṃti hīna matsarā ||pataṃti no bhavārṇave| vitarka vīci saṃkule ||vivikta vāsinaḥ sadā| bhajaṃti muktaye mudā ||nirasya iṃdriyādikaṃ| prayāṃti te gatiṃ svakaṃ ||tamekamabhdutaṃ prabhuṃ| nirīhamīśvaraṃ vibhuṃ ||jagadguruṃ ca śāśvataṃ| turīyameva kevalaṃ ||bhajāmi bhāva vallabhaṃ| kuyogināṃ sudurlabhaṃ ||svabhakta kalpa pādapaṃ| samaṃ susevyamanvahaṃ ||anūpa rūpa bhūpatiṃ| nato'hamurvijā patiṃ ||prasīda me namāmi te| padābja bhakti dehi me ||paṭhaṃti ye stavaṃ idaṃ| narādareṇa te padaṃ ||vrajaṃti nātra saṃśayaṃ| tvadīya bhakti saṃyutā ||

दो\। बिनती करि मुनि नाइ सिरु कह कर जोरि बहोरि।चरन सरोरुह नाथ जनि कबहुँ तजै मति मोरि ॥ ४ ॥

do\| binatī kari muni nāi siru kaha kara jori bahori|carana saroruha nātha jani kabahum̐ tajai mati mori || 4 ||

अनुसुइया के पद गहि सीता। मिली बहोरि सुसील बिनीता ॥रिषिपतिनी मन सुख अधिकाई। आसिष देइ निकट बैठाई ॥दिब्य बसन भूषन पहिराए। जे नित नूतन अमल सुहाए ॥कह रिषिबधू सरस मृदु बानी। नारिधर्म कछु ब्याज बखानी ॥मातु पिता भ्राता हितकारी। मितप्रद सब सुनु राजकुमारी ॥अमित दानि भर्ता बयदेही। अधम सो नारि जो सेव न तेही ॥धीरज धर्म मित्र अरु नारी। आपद काल परिखिअहिं चारी ॥बृद्ध रोगबस जड़ धनहीना। अधं बधिर क्रोधी अति दीना ॥ऐसेहु पति कर किएँ अपमाना। नारि पाव जमपुर दुख नाना ॥एकइ धर्म एक ब्रत नेमा। कायँ बचन मन पति पद प्रेमा ॥जग पति ब्रता चारि बिधि अहहिं। बेद पुरान संत सब कहहिं ॥उत्तम के अस बस मन माहीं। सपनेहुँ आन पुरुष जग नाहीं ॥मध्यम परपति देखइ कैसें। भ्राता पिता पुत्र निज जैंसें ॥धर्म बिचारि समुझि कुल रहई। सो निकिष्ट त्रिय श्रुति अस कहई ॥बिनु अवसर भय तें रह जोई। जानेहु अधम नारि जग सोई ॥पति बंचक परपति रति करई। रौरव नरक कल्प सत परई ॥छन सुख लागि जनम सत कोटि। दुख न समुझ तेहि सम को खोटी ॥बिनु श्रम नारि परम गति लहई। पतिब्रत धर्म छाड़ि छल गहई ॥पति प्रतिकुल जनम जहँ जाई। बिधवा होई पाई तरुनाई ॥

anusuiyā ke pada gahi sītā| milī bahori susīla binītā ||riṣipatinī mana sukha adhikāī| āsiṣa dei nikaṭa baiṭhāī ||dibya basana bhūṣana pahirāe| je nita nūtana amala suhāe ||kaha riṣibadhū sarasa mṛdu bānī| nāridharma kachu byāja bakhānī ||mātu pitā bhrātā hitakārī| mitaprada saba sunu rājakumārī ||amita dāni bhartā bayadehī| adhama so nāri jo seva na tehī ||dhīraja dharma mitra aru nārī| āpada kāla parikhiahiṃ cārī ||bṛddha rogabasa jaड़ dhanahīnā| adhaṃ badhira krodhī ati dīnā ||aisehu pati kara kiem̐ apamānā| nāri pāva jamapura dukha nānā ||ekai dharma eka brata nemā| kāyam̐ bacana mana pati pada premā ||jaga pati bratā cāri bidhi ahahiṃ| beda purāna saṃta saba kahahiṃ ||uttama ke asa basa mana māhīṃ| sapanehum̐ āna puruṣa jaga nāhīṃ ||madhyama parapati dekhai kaiseṃ| bhrātā pitā putra nija jaiṃseṃ ||dharma bicāri samujhi kula rahaī| so nikiṣṭa triya śruti asa kahaī ||binu avasara bhaya teṃ raha joī| jānehu adhama nāri jaga soī ||pati baṃcaka parapati rati karaī| raurava naraka kalpa sata paraī ||chana sukha lāgi janama sata koṭi| dukha na samujha tehi sama ko khoṭī ||binu śrama nāri parama gati lahaī| patibrata dharma chāड़i chala gahaī ||pati pratikula janama jaham̐ jāī| bidhavā hoī pāī tarunāī ||

सो\। सहज अपावनि नारि पति सेवत सुभ गति लहइ।जसु गावत श्रुति चारि अजहु तुलसिका हरिहि प्रिय ॥ ५क ॥

so\| sahaja apāvani nāri pati sevata subha gati lahai|jasu gāvata śruti cāri ajahu tulasikā harihi priya || 5ka ||

सनु सीता तव नाम सुमिर नारि पतिब्रत करहि।तोहि प्रानप्रिय राम कहिउँ कथा संसार हित ॥ ५ख ॥

sanu sītā tava nāma sumira nāri patibrata karahi|tohi prānapriya rāma kahium̐ kathā saṃsāra hita || 5kha ||

सुनि जानकीं परम सुखु पावा। सादर तासु चरन सिरु नावा ॥तब मुनि सन कह कृपानिधाना। आयसु होइ जाउँ बन आना ॥संतत मो पर कृपा करेहू। सेवक जानि तजेहु जनि नेहू ॥धर्म धुरंधर प्रभु कै बानी। सुनि सप्रेम बोले मुनि ग्यानी ॥जासु कृपा अज सिव सनकादी। चहत सकल परमारथ बादी ॥ते तुम्ह राम अकाम पिआरे। दीन बंधु मृदु बचन उचारे ॥अब जानी मैं श्री चतुराई। भजी तुम्हहि सब देव बिहाई ॥जेहि समान अतिसय नहिं कोई। ता कर सील कस न अस होई ॥केहि बिधि कहौं जाहु अब स्वामी। कहहु नाथ तुम्ह अंतरजामी ॥अस कहि प्रभु बिलोकि मुनि धीरा। लोचन जल बह पुलक सरीरा ॥

suni jānakīṃ parama sukhu pāvā| sādara tāsu carana siru nāvā ||taba muni sana kaha kṛpānidhānā| āyasu hoi jāum̐ bana ānā ||saṃtata mo para kṛpā karehū| sevaka jāni tajehu jani nehū ||dharma dhuraṃdhara prabhu kai bānī| suni saprema bole muni gyānī ||jāsu kṛpā aja siva sanakādī| cahata sakala paramāratha bādī ||te tumha rāma akāma piāre| dīna baṃdhu mṛdu bacana ucāre ||aba jānī maiṃ śrī caturāī| bhajī tumhahi saba deva bihāī ||jehi samāna atisaya nahiṃ koī| tā kara sīla kasa na asa hoī ||kehi bidhi kahauṃ jāhu aba svāmī| kahahu nātha tumha aṃtarajāmī ||asa kahi prabhu biloki muni dhīrā| locana jala baha pulaka sarīrā ||

छं\। तन पुलक निर्भर प्रेम पुरन नयन मुख पंकज दिए।मन ग्यान गुन गोतीत प्रभु मैं दीख जप तप का किए ॥जप जोग धर्म समूह तें नर भगति अनुपम पावई।रधुबीर चरित पुनीत निसि दिन दास तुलसी गावई ॥

chaṃ\| tana pulaka nirbhara prema purana nayana mukha paṃkaja die|mana gyāna guna gotīta prabhu maiṃ dīkha japa tapa kā kie ||japa joga dharma samūha teṃ nara bhagati anupama pāvaī|radhubīra carita punīta nisi dina dāsa tulasī gāvaī ||

दो\। कलिमल समन दमन मन राम सुजस सुखमूल।सादर सुनहि जे तिन्ह पर राम रहहिं अनुकूल ॥ ६(क) ॥

do\| kalimala samana damana mana rāma sujasa sukhamūla|sādara sunahi je tinha para rāma rahahiṃ anukūla || 6(ka) ||

सो\। कठिन काल मल कोस धर्म न ग्यान न जोग जप।परिहरि सकल भरोस रामहि भजहिं ते चतुर नर ॥ ६(ख) ॥

so\| kaṭhina kāla mala kosa dharma na gyāna na joga japa|parihari sakala bharosa rāmahi bhajahiṃ te catura nara || 6(kha) ||

मुनि पद कमल नाइ करि सीसा। चले बनहि सुर नर मुनि ईसा ॥आगे राम अनुज पुनि पाछें। मुनि बर बेष बने अति काछें ॥उमय बीच श्री सोहइ कैसी। ब्रह्म जीव बिच माया जैसी ॥सरिता बन गिरि अवघट घाटा। पति पहिचानी देहिं बर बाटा ॥जहँ जहँ जाहि देव रघुराया। करहिं मेध तहँ तहँ नभ छाया ॥मिला असुर बिराध मग जाता। आवतहीं रघुवीर निपाता ॥तुरतहिं रुचिर रूप तेहिं पावा। देखि दुखी निज धाम पठावा ॥पुनि आए जहँ मुनि सरभंगा। सुंदर अनुज जानकी संगा ॥

muni pada kamala nāi kari sīsā| cale banahi sura nara muni īsā ||āge rāma anuja puni pācheṃ| muni bara beṣa bane ati kācheṃ ||umaya bīca śrī sohai kaisī| brahma jīva bica māyā jaisī ||saritā bana giri avaghaṭa ghāṭā| pati pahicānī dehiṃ bara bāṭā ||jaham̐ jaham̐ jāhi deva raghurāyā| karahiṃ medha taham̐ taham̐ nabha chāyā ||milā asura birādha maga jātā| āvatahīṃ raghuvīra nipātā ||turatahiṃ rucira rūpa tehiṃ pāvā| dekhi dukhī nija dhāma paṭhāvā ||puni āe jaham̐ muni sarabhaṃgā| suṃdara anuja jānakī saṃgā ||

दो\। देखी राम मुख पंकज मुनिबर लोचन भृंग।सादर पान करत अति धन्य जन्म सरभंग ॥ ७ ॥

do\| dekhī rāma mukha paṃkaja munibara locana bhṛṃga|sādara pāna karata ati dhanya janma sarabhaṃga || 7 ||

कह मुनि सुनु रघुबीर कृपाला। संकर मानस राजमराला ॥जात रहेउँ बिरंचि के धामा। सुनेउँ श्रवन बन ऐहहिं रामा ॥चितवत पंथ रहेउँ दिन राती। अब प्रभु देखि जुड़ानी छाती ॥नाथ सकल साधन मैं हीना। कीन्ही कृपा जानि जन दीना ॥सो कछु देव न मोहि निहोरा। निज पन राखेउ जन मन चोरा ॥तब लगि रहहु दीन हित लागी। जब लगि मिलौं तुम्हहि तनु त्यागी ॥जोग जग्य जप तप ब्रत कीन्हा। प्रभु कहँ देइ भगति बर लीन्हा ॥एहि बिधि सर रचि मुनि सरभंगा। बैठे हृदयँ छाड़ि सब संगा ॥

kaha muni sunu raghubīra kṛpālā| saṃkara mānasa rājamarālā ||jāta raheum̐ biraṃci ke dhāmā| suneum̐ śravana bana aihahiṃ rāmā ||citavata paṃtha raheum̐ dina rātī| aba prabhu dekhi juड़ānī chātī ||nātha sakala sādhana maiṃ hīnā| kīnhī kṛpā jāni jana dīnā ||so kachu deva na mohi nihorā| nija pana rākheu jana mana corā ||taba lagi rahahu dīna hita lāgī| jaba lagi milauṃ tumhahi tanu tyāgī ||joga jagya japa tapa brata kīnhā| prabhu kaham̐ dei bhagati bara līnhā ||ehi bidhi sara raci muni sarabhaṃgā| baiṭhe hṛdayam̐ chāड़i saba saṃgā ||

दो\। सीता अनुज समेत प्रभु नील जलद तनु स्याम।मम हियँ बसहु निरंतर सगुनरुप श्रीराम ॥ ८ ॥

do\| sītā anuja sameta prabhu nīla jalada tanu syāma|mama hiyam̐ basahu niraṃtara sagunarupa śrīrāma || 8 ||

अस कहि जोग अगिनि तनु जारा। राम कृपाँ बैकुंठ सिधारा ॥ताते मुनि हरि लीन न भयऊ। प्रथमहिं भेद भगति बर लयऊ ॥रिषि निकाय मुनिबर गति देखि। सुखी भए निज हृदयँ बिसेषी ॥अस्तुति करहिं सकल मुनि बृंदा। जयति प्रनत हित करुना कंदा ॥पुनि रघुनाथ चले बन आगे। मुनिबर बृंद बिपुल सँग लागे ॥अस्थि समूह देखि रघुराया। पूछी मुनिन्ह लागि अति दाया ॥जानतहुँ पूछिअ कस स्वामी। सबदरसी तुम्ह अंतरजामी ॥निसिचर निकर सकल मुनि खाए। सुनि रघुबीर नयन जल छाए ॥

asa kahi joga agini tanu jārā| rāma kṛpām̐ baikuṃṭha sidhārā ||tāte muni hari līna na bhayaū| prathamahiṃ bheda bhagati bara layaū ||riṣi nikāya munibara gati dekhi| sukhī bhae nija hṛdayam̐ biseṣī ||astuti karahiṃ sakala muni bṛṃdā| jayati pranata hita karunā kaṃdā ||puni raghunātha cale bana āge| munibara bṛṃda bipula sam̐ga lāge ||asthi samūha dekhi raghurāyā| pūchī muninha lāgi ati dāyā ||jānatahum̐ pūchia kasa svāmī| sabadarasī tumha aṃtarajāmī ||nisicara nikara sakala muni khāe| suni raghubīra nayana jala chāe ||

दो\। निसिचर हीन करउँ महि भुज उठाइ पन कीन्ह।सकल मुनिन्ह के आश्रमन्हि जाइ जाइ सुख दीन्ह ॥ ९ ॥

do\| nisicara hīna karaum̐ mahi bhuja uṭhāi pana kīnha|sakala muninha ke āśramanhi jāi jāi sukha dīnha || 9 ||

मुनि अगस्ति कर सिष्य सुजाना। नाम सुतीछन रति भगवाना ॥मन क्रम बचन राम पद सेवक। सपनेहुँ आन भरोस न देवक ॥प्रभु आगवनु श्रवन सुनि पावा। करत मनोरथ आतुर धावा ॥हे बिधि दीनबंधु रघुराया। मो से सठ पर करिहहिं दाया ॥सहित अनुज मोहि राम गोसाई। मिलिहहिं निज सेवक की नाई ॥मोरे जियँ भरोस दृढ़ नाहीं। भगति बिरति न ग्यान मन माहीं ॥नहिं सतसंग जोग जप जागा। नहिं दृढ़ चरन कमल अनुरागा ॥एक बानि करुनानिधान की। सो प्रिय जाकें गति न आन की ॥होइहैं सुफल आजु मम लोचन। देखि बदन पंकज भव मोचन ॥निर्भर प्रेम मगन मुनि ग्यानी। कहि न जाइ सो दसा भवानी ॥दिसि अरु बिदिसि पंथ नहिं सूझा। को मैं चलेउँ कहाँ नहिं बूझा ॥कबहुँक फिरि पाछें पुनि जाई। कबहुँक नृत्य करइ गुन गाई ॥अबिरल प्रेम भगति मुनि पाई। प्रभु देखैं तरु ओट लुकाई ॥अतिसय प्रीति देखि रघुबीरा। प्रगटे हृदयँ हरन भव भीरा ॥मुनि मग माझ अचल होइ बैसा। पुलक सरीर पनस फल जैसा ॥तब रघुनाथ निकट चलि आए। देखि दसा निज जन मन भाए ॥मुनिहि राम बहु भाँति जगावा। जाग न ध्यानजनित सुख पावा ॥भूप रूप तब राम दुरावा। हृदयँ चतुर्भुज रूप देखावा ॥मुनि अकुलाइ उठा तब कैसें। बिकल हीन मनि फनि बर जैसें ॥आगें देखि राम तन स्यामा। सीता अनुज सहित सुख धामा ॥परेउ लकुट इव चरनन्हि लागी। प्रेम मगन मुनिबर बड़भागी ॥भुज बिसाल गहि लिए उठाई। परम प्रीति राखे उर लाई ॥मुनिहि मिलत अस सोह कृपाला। कनक तरुहि जनु भेंट तमाला ॥राम बदनु बिलोक मुनि ठाढ़ा। मानहुँ चित्र माझ लिखि काढ़ा ॥

muni agasti kara siṣya sujānā| nāma sutīchana rati bhagavānā ||mana krama bacana rāma pada sevaka| sapanehum̐ āna bharosa na devaka ||prabhu āgavanu śravana suni pāvā| karata manoratha ātura dhāvā ||he bidhi dīnabaṃdhu raghurāyā| mo se saṭha para karihahiṃ dāyā ||sahita anuja mohi rāma gosāī| milihahiṃ nija sevaka kī nāī ||more jiyam̐ bharosa dṛṛha nāhīṃ| bhagati birati na gyāna mana māhīṃ ||nahiṃ satasaṃga joga japa jāgā| nahiṃ dṛṛha carana kamala anurāgā ||eka bāni karunānidhāna kī| so priya jākeṃ gati na āna kī ||hoihaiṃ suphala āju mama locana| dekhi badana paṃkaja bhava mocana ||nirbhara prema magana muni gyānī| kahi na jāi so dasā bhavānī ||disi aru bidisi paṃtha nahiṃ sūjhā| ko maiṃ caleum̐ kahām̐ nahiṃ būjhā ||kabahum̐ka phiri pācheṃ puni jāī| kabahum̐ka nṛtya karai guna gāī ||abirala prema bhagati muni pāī| prabhu dekhaiṃ taru oṭa lukāī ||atisaya prīti dekhi raghubīrā| pragaṭe hṛdayam̐ harana bhava bhīrā ||muni maga mājha acala hoi baisā| pulaka sarīra panasa phala jaisā ||taba raghunātha nikaṭa cali āe| dekhi dasā nija jana mana bhāe ||munihi rāma bahu bhām̐ti jagāvā| jāga na dhyānajanita sukha pāvā ||bhūpa rūpa taba rāma durāvā| hṛdayam̐ caturbhuja rūpa dekhāvā ||muni akulāi uṭhā taba kaiseṃ| bikala hīna mani phani bara jaiseṃ ||āgeṃ dekhi rāma tana syāmā| sītā anuja sahita sukha dhāmā ||pareu lakuṭa iva carananhi lāgī| prema magana munibara baड़bhāgī ||bhuja bisāla gahi lie uṭhāī| parama prīti rākhe ura lāī ||munihi milata asa soha kṛpālā| kanaka taruhi janu bheṃṭa tamālā ||rāma badanu biloka muni ṭhāṛhā| mānahum̐ citra mājha likhi kāṛhā ||

दो\। तब मुनि हृदयँ धीर धीर गहि पद बारहिं बार।निज आश्रम प्रभु आनि करि पूजा बिबिध प्रकार ॥ १० ॥

do\| taba muni hṛdayam̐ dhīra dhīra gahi pada bārahiṃ bāra|nija āśrama prabhu āni kari pūjā bibidha prakāra || 10 ||

कह मुनि प्रभु सुनु बिनती मोरी। अस्तुति करौं कवन बिधि तोरी ॥महिमा अमित मोरि मति थोरी। रबि सन्मुख खद्योत अँजोरी ॥श्याम तामरस दाम शरीरं। जटा मुकुट परिधन मुनिचीरं ॥पाणि चाप शर कटि तूणीरं। नौमि निरंतर श्रीरघुवीरं ॥मोह विपिन घन दहन कृशानुः। संत सरोरुह कानन भानुः ॥निशिचर करि वरूथ मृगराजः। त्रातु सदा नो भव खग बाजः ॥अरुण नयन राजीव सुवेशं। सीता नयन चकोर निशेशं ॥हर ह्रदि मानस बाल मरालं। नौमि राम उर बाहु विशालं ॥संशय सर्प ग्रसन उरगादः। शमन सुकर्कश तर्क विषादः ॥भव भंजन रंजन सुर यूथः। त्रातु सदा नो कृपा वरूथः ॥निर्गुण सगुण विषम सम रूपं। ज्ञान गिरा गोतीतमनूपं ॥अमलमखिलमनवद्यमपारं। नौमि राम भंजन महि भारं ॥भक्त कल्पपादप आरामः। तर्जन क्रोध लोभ मद कामः ॥अति नागर भव सागर सेतुः। त्रातु सदा दिनकर कुल केतुः ॥अतुलित भुज प्रताप बल धामः। कलि मल विपुल विभंजन नामः ॥धर्म वर्म नर्मद गुण ग्रामः। संतत शं तनोतु मम रामः ॥जदपि बिरज ब्यापक अबिनासी। सब के हृदयँ निरंतर बासी ॥तदपि अनुज श्री सहित खरारी। बसतु मनसि मम काननचारी ॥जे जानहिं ते जानहुँ स्वामी। सगुन अगुन उर अंतरजामी ॥जो कोसल पति राजिव नयना। करउ सो राम हृदय मम अयना।अस अभिमान जाइ जनि भोरे। मैं सेवक रघुपति पति मोरे ॥सुनि मुनि बचन राम मन भाए। बहुरि हरषि मुनिबर उर लाए ॥परम प्रसन्न जानु मुनि मोही। जो बर मागहु देउ सो तोही ॥मुनि कह मै बर कबहुँ न जाचा। समुझि न परइ झूठ का साचा ॥तुम्हहि नीक लागै रघुराई। सो मोहि देहु दास सुखदाई ॥अबिरल भगति बिरति बिग्याना। होहु सकल गुन ग्यान निधाना ॥प्रभु जो दीन्ह सो बरु मैं पावा। अब सो देहु मोहि जो भावा ॥

kaha muni prabhu sunu binatī morī| astuti karauṃ kavana bidhi torī ||mahimā amita mori mati thorī| rabi sanmukha khadyota am̐jorī ||śyāma tāmarasa dāma śarīraṃ| jaṭā mukuṭa paridhana municīraṃ ||pāṇi cāpa śara kaṭi tūṇīraṃ| naumi niraṃtara śrīraghuvīraṃ ||moha vipina ghana dahana kṛśānuḥ| saṃta saroruha kānana bhānuḥ ||niśicara kari varūtha mṛgarājaḥ| trātu sadā no bhava khaga bājaḥ ||aruṇa nayana rājīva suveśaṃ| sītā nayana cakora niśeśaṃ ||hara hradi mānasa bāla marālaṃ| naumi rāma ura bāhu viśālaṃ ||saṃśaya sarpa grasana uragādaḥ| śamana sukarkaśa tarka viṣādaḥ ||bhava bhaṃjana raṃjana sura yūthaḥ| trātu sadā no kṛpā varūthaḥ ||nirguṇa saguṇa viṣama sama rūpaṃ| jñāna girā gotītamanūpaṃ ||amalamakhilamanavadyamapāraṃ| naumi rāma bhaṃjana mahi bhāraṃ ||bhakta kalpapādapa ārāmaḥ| tarjana krodha lobha mada kāmaḥ ||ati nāgara bhava sāgara setuḥ| trātu sadā dinakara kula ketuḥ ||atulita bhuja pratāpa bala dhāmaḥ| kali mala vipula vibhaṃjana nāmaḥ ||dharma varma narmada guṇa grāmaḥ| saṃtata śaṃ tanotu mama rāmaḥ ||jadapi biraja byāpaka abināsī| saba ke hṛdayam̐ niraṃtara bāsī ||tadapi anuja śrī sahita kharārī| basatu manasi mama kānanacārī ||je jānahiṃ te jānahum̐ svāmī| saguna aguna ura aṃtarajāmī ||jo kosala pati rājiva nayanā| karau so rāma hṛdaya mama ayanā|asa abhimāna jāi jani bhore| maiṃ sevaka raghupati pati more ||suni muni bacana rāma mana bhāe| bahuri haraṣi munibara ura lāe ||parama prasanna jānu muni mohī| jo bara māgahu deu so tohī ||muni kaha mai bara kabahum̐ na jācā| samujhi na parai jhūṭha kā sācā ||tumhahi nīka lāgai raghurāī| so mohi dehu dāsa sukhadāī ||abirala bhagati birati bigyānā| hohu sakala guna gyāna nidhānā ||prabhu jo dīnha so baru maiṃ pāvā| aba so dehu mohi jo bhāvā ||

दो\। अनुज जानकी सहित प्रभु चाप बान धर राम।मम हिय गगन इंदु इव बसहु सदा निहकाम ॥ ११ ॥

do\| anuja jānakī sahita prabhu cāpa bāna dhara rāma|mama hiya gagana iṃdu iva basahu sadā nihakāma || 11 ||

एवमस्तु करि रमानिवासा। हरषि चले कुभंज रिषि पासा ॥बहुत दिवस गुर दरसन पाएँ। भए मोहि एहिं आश्रम आएँ ॥अब प्रभु संग जाउँ गुर पाहीं। तुम्ह कहँ नाथ निहोरा नाहीं ॥देखि कृपानिधि मुनि चतुराई। लिए संग बिहसै द्वौ भाई ॥पंथ कहत निज भगति अनूपा। मुनि आश्रम पहुँचे सुरभूपा ॥तुरत सुतीछन गुर पहिं गयऊ। करि दंडवत कहत अस भयऊ ॥नाथ कौसलाधीस कुमारा। आए मिलन जगत आधारा ॥राम अनुज समेत बैदेही। निसि दिनु देव जपत हहु जेही ॥सुनत अगस्ति तुरत उठि धाए। हरि बिलोकि लोचन जल छाए ॥मुनि पद कमल परे द्वौ भाई। रिषि अति प्रीति लिए उर लाई ॥सादर कुसल पूछि मुनि ग्यानी। आसन बर बैठारे आनी ॥पुनि करि बहु प्रकार प्रभु पूजा। मोहि सम भाग्यवंत नहिं दूजा ॥जहँ लगि रहे अपर मुनि बृंदा। हरषे सब बिलोकि सुखकंदा ॥

evamastu kari ramānivāsā| haraṣi cale kubhaṃja riṣi pāsā ||bahuta divasa gura darasana pāem̐| bhae mohi ehiṃ āśrama āem̐ ||aba prabhu saṃga jāum̐ gura pāhīṃ| tumha kaham̐ nātha nihorā nāhīṃ ||dekhi kṛpānidhi muni caturāī| lie saṃga bihasai dvau bhāī ||paṃtha kahata nija bhagati anūpā| muni āśrama pahum̐ce surabhūpā ||turata sutīchana gura pahiṃ gayaū| kari daṃḍavata kahata asa bhayaū ||nātha kausalādhīsa kumārā| āe milana jagata ādhārā ||rāma anuja sameta baidehī| nisi dinu deva japata hahu jehī ||sunata agasti turata uṭhi dhāe| hari biloki locana jala chāe ||muni pada kamala pare dvau bhāī| riṣi ati prīti lie ura lāī ||sādara kusala pūchi muni gyānī| āsana bara baiṭhāre ānī ||puni kari bahu prakāra prabhu pūjā| mohi sama bhāgyavaṃta nahiṃ dūjā ||jaham̐ lagi rahe apara muni bṛṃdā| haraṣe saba biloki sukhakaṃdā ||

दो\। मुनि समूह महँ बैठे सन्मुख सब की ओर।सरद इंदु तन चितवत मानहुँ निकर चकोर ॥ १२ ॥

do\| muni samūha maham̐ baiṭhe sanmukha saba kī ora|sarada iṃdu tana citavata mānahum̐ nikara cakora || 12 ||

तब रघुबीर कहा मुनि पाहीं। तुम्ह सन प्रभु दुराव कछु नाही ॥तुम्ह जानहु जेहि कारन आयउँ। ताते तात न कहि समुझायउँ ॥अब सो मंत्र देहु प्रभु मोही। जेहि प्रकार मारौं मुनिद्रोही ॥मुनि मुसकाने सुनि प्रभु बानी। पूछेहु नाथ मोहि का जानी ॥तुम्हरेइँ भजन प्रभाव अघारी। जानउँ महिमा कछुक तुम्हारी ॥ऊमरि तरु बिसाल तव माया। फल ब्रह्मांड अनेक निकाया ॥जीव चराचर जंतु समाना। भीतर बसहि न जानहिं आना ॥ते फल भच्छक कठिन कराला। तव भयँ डरत सदा सोउ काला ॥ते तुम्ह सकल लोकपति साईं। पूँछेहु मोहि मनुज की नाईं ॥यह बर मागउँ कृपानिकेता। बसहु हृदयँ श्री अनुज समेता ॥अबिरल भगति बिरति सतसंगा। चरन सरोरुह प्रीति अभंगा ॥जद्यपि ब्रह्म अखंड अनंता। अनुभव गम्य भजहिं जेहि संता ॥अस तव रूप बखानउँ जानउँ। फिरि फिरि सगुन ब्रह्म रति मानउँ ॥संतत दासन्ह देहु बड़ाई। तातें मोहि पूँछेहु रघुराई ॥है प्रभु परम मनोहर ठाऊँ। पावन पंचबटी तेहि नाऊँ ॥दंडक बन पुनीत प्रभु करहू। उग्र साप मुनिबर कर हरहू ॥बास करहु तहँ रघुकुल राया। कीजे सकल मुनिन्ह पर दाया ॥चले राम मुनि आयसु पाई। तुरतहिं पंचबटी निअराई ॥

taba raghubīra kahā muni pāhīṃ| tumha sana prabhu durāva kachu nāhī ||tumha jānahu jehi kārana āyaum̐| tāte tāta na kahi samujhāyaum̐ ||aba so maṃtra dehu prabhu mohī| jehi prakāra mārauṃ munidrohī ||muni musakāne suni prabhu bānī| pūchehu nātha mohi kā jānī ||tumhareim̐ bhajana prabhāva aghārī| jānaum̐ mahimā kachuka tumhārī ||ūmari taru bisāla tava māyā| phala brahmāṃḍa aneka nikāyā ||jīva carācara jaṃtu samānā| bhītara basahi na jānahiṃ ānā ||te phala bhacchaka kaṭhina karālā| tava bhayam̐ ḍarata sadā sou kālā ||te tumha sakala lokapati sāīṃ| pūm̐chehu mohi manuja kī nāīṃ ||yaha bara māgaum̐ kṛpāniketā| basahu hṛdayam̐ śrī anuja sametā ||abirala bhagati birati satasaṃgā| carana saroruha prīti abhaṃgā ||jadyapi brahma akhaṃḍa anaṃtā| anubhava gamya bhajahiṃ jehi saṃtā ||asa tava rūpa bakhānaum̐ jānaum̐| phiri phiri saguna brahma rati mānaum̐ ||saṃtata dāsanha dehu baड़āī| tāteṃ mohi pūm̐chehu raghurāī ||hai prabhu parama manohara ṭhāūm̐| pāvana paṃcabaṭī tehi nāūm̐ ||daṃḍaka bana punīta prabhu karahū| ugra sāpa munibara kara harahū ||bāsa karahu taham̐ raghukula rāyā| kīje sakala muninha para dāyā ||cale rāma muni āyasu pāī| turatahiṃ paṃcabaṭī niarāī ||

दो\। गीधराज सैं भैंट भइ बहु बिधि प्रीति बढ़ाइ ॥गोदावरी निकट प्रभु रहे परन गृह छाइ ॥ १३ ॥

do\| gīdharāja saiṃ bhaiṃṭa bhai bahu bidhi prīti baṛhāi ||godāvarī nikaṭa prabhu rahe parana gṛha chāi || 13 ||

जब ते राम कीन्ह तहँ बासा। सुखी भए मुनि बीती त्रासा ॥गिरि बन नदीं ताल छबि छाए। दिन दिन प्रति अति हौहिं सुहाए ॥खग मृग बृंद अनंदित रहहीं। मधुप मधुर गंजत छबि लहहीं ॥सो बन बरनि न सक अहिराजा। जहाँ प्रगट रघुबीर बिराजा ॥एक बार प्रभु सुख आसीना। लछिमन बचन कहे छलहीना ॥सुर नर मुनि सचराचर साईं। मैं पूछउँ निज प्रभु की नाई ॥मोहि समुझाइ कहहु सोइ देवा। सब तजि करौं चरन रज सेवा ॥कहहु ग्यान बिराग अरु माया। कहहु सो भगति करहु जेहिं दाया ॥

jaba te rāma kīnha taham̐ bāsā| sukhī bhae muni bītī trāsā ||giri bana nadīṃ tāla chabi chāe| dina dina prati ati hauhiṃ suhāe ||khaga mṛga bṛṃda anaṃdita rahahīṃ| madhupa madhura gaṃjata chabi lahahīṃ ||so bana barani na saka ahirājā| jahām̐ pragaṭa raghubīra birājā ||eka bāra prabhu sukha āsīnā| lachimana bacana kahe chalahīnā ||sura nara muni sacarācara sāīṃ| maiṃ pūchaum̐ nija prabhu kī nāī ||mohi samujhāi kahahu soi devā| saba taji karauṃ carana raja sevā ||kahahu gyāna birāga aru māyā| kahahu so bhagati karahu jehiṃ dāyā ||

दो\। ईस्वर जीव भेद प्रभु सकल कहौ समुझाइ ॥जातें होइ चरन रति सोक मोह भ्रम जाइ ॥ १४ ॥

do\| īsvara jīva bheda prabhu sakala kahau samujhāi ||jāteṃ hoi carana rati soka moha bhrama jāi || 14 ||

थोरेहि महँ सब कहउँ बुझाई। सुनहु तात मति मन चित लाई ॥मैं अरु मोर तोर तैं माया। जेहिं बस कीन्हे जीव निकाया ॥गो गोचर जहँ लगि मन जाई। सो सब माया जानेहु भाई ॥तेहि कर भेद सुनहु तुम्ह सोऊ। बिद्या अपर अबिद्या दोऊ ॥एक दुष्ट अतिसय दुखरूपा। जा बस जीव परा भवकूपा ॥एक रचइ जग गुन बस जाकें। प्रभु प्रेरित नहिं निज बल ताकें ॥ग्यान मान जहँ एकउ नाहीं। देख ब्रह्म समान सब माही ॥कहिअ तात सो परम बिरागी। तृन सम सिद्धि तीनि गुन त्यागी ॥

thorehi maham̐ saba kahaum̐ bujhāī| sunahu tāta mati mana cita lāī ||maiṃ aru mora tora taiṃ māyā| jehiṃ basa kīnhe jīva nikāyā ||go gocara jaham̐ lagi mana jāī| so saba māyā jānehu bhāī ||tehi kara bheda sunahu tumha soū| bidyā apara abidyā doū ||eka duṣṭa atisaya dukharūpā| jā basa jīva parā bhavakūpā ||eka racai jaga guna basa jākeṃ| prabhu prerita nahiṃ nija bala tākeṃ ||gyāna māna jaham̐ ekau nāhīṃ| dekha brahma samāna saba māhī ||kahia tāta so parama birāgī| tṛna sama siddhi tīni guna tyāgī ||

दो\। माया ईस न आपु कहुँ जान कहिअ सो जीव।बंध मोच्छ प्रद सर्बपर माया प्रेरक सीव ॥ १५ ॥

do\| māyā īsa na āpu kahum̐ jāna kahia so jīva|baṃdha moccha prada sarbapara māyā preraka sīva || 15 ||

धर्म तें बिरति जोग तें ग्याना। ग्यान मोच्छप्रद बेद बखाना ॥जातें बेगि द्रवउँ मैं भाई। सो मम भगति भगत सुखदाई ॥सो सुतंत्र अवलंब न आना। तेहि आधीन ग्यान बिग्याना ॥भगति तात अनुपम सुखमूला। मिलइ जो संत होइँ अनुकूला ॥भगति कि साधन कहउँ बखानी। सुगम पंथ मोहि पावहिं प्रानी ॥प्रथमहिं बिप्र चरन अति प्रीती। निज निज कर्म निरत श्रुति रीती ॥एहि कर फल पुनि बिषय बिरागा। तब मम धर्म उपज अनुरागा ॥श्रवनादिक नव भक्ति दृढ़ाहीं। मम लीला रति अति मन माहीं ॥संत चरन पंकज अति प्रेमा। मन क्रम बचन भजन दृढ़ नेमा ॥गुरु पितु मातु बंधु पति देवा। सब मोहि कहँ जाने दृढ़ सेवा ॥मम गुन गावत पुलक सरीरा। गदगद गिरा नयन बह नीरा ॥काम आदि मद दंभ न जाकें। तात निरंतर बस मैं ताकें ॥

dharma teṃ birati joga teṃ gyānā| gyāna mocchaprada beda bakhānā ||jāteṃ begi dravaum̐ maiṃ bhāī| so mama bhagati bhagata sukhadāī ||so sutaṃtra avalaṃba na ānā| tehi ādhīna gyāna bigyānā ||bhagati tāta anupama sukhamūlā| milai jo saṃta hoim̐ anukūlā ||bhagati ki sādhana kahaum̐ bakhānī| sugama paṃtha mohi pāvahiṃ prānī ||prathamahiṃ bipra carana ati prītī| nija nija karma nirata śruti rītī ||ehi kara phala puni biṣaya birāgā| taba mama dharma upaja anurāgā ||śravanādika nava bhakti dṛṛhāhīṃ| mama līlā rati ati mana māhīṃ ||saṃta carana paṃkaja ati premā| mana krama bacana bhajana dṛṛha nemā ||guru pitu mātu baṃdhu pati devā| saba mohi kaham̐ jāne dṛṛha sevā ||mama guna gāvata pulaka sarīrā| gadagada girā nayana baha nīrā ||kāma ādi mada daṃbha na jākeṃ| tāta niraṃtara basa maiṃ tākeṃ ||

दो\। बचन कर्म मन मोरि गति भजनु करहिं निःकाम ॥तिन्ह के हृदय कमल महुँ करउँ सदा बिश्राम ॥ १६ ॥

do\| bacana karma mana mori gati bhajanu karahiṃ niḥkāma ||tinha ke hṛdaya kamala mahum̐ karaum̐ sadā biśrāma || 16 ||

भगति जोग सुनि अति सुख पावा। लछिमन प्रभु चरनन्हि सिरु नावा ॥एहि बिधि गए कछुक दिन बीती। कहत बिराग ग्यान गुन नीती ॥सूपनखा रावन कै बहिनी। दुष्ट हृदय दारुन जस अहिनी ॥पंचबटी सो गइ एक बारा। देखि बिकल भइ जुगल कुमारा ॥भ्राता पिता पुत्र उरगारी। पुरुष मनोहर निरखत नारी ॥होइ बिकल सक मनहि न रोकी। जिमि रबिमनि द्रव रबिहि बिलोकी ॥रुचिर रुप धरि प्रभु पहिं जाई। बोली बचन बहुत मुसुकाई ॥तुम्ह सम पुरुष न मो सम नारी। यह सँजोग बिधि रचा बिचारी ॥मम अनुरूप पुरुष जग माहीं। देखेउँ खोजि लोक तिहु नाहीं ॥ताते अब लगि रहिउँ कुमारी। मनु माना कछु तुम्हहि निहारी ॥सीतहि चितइ कही प्रभु बाता। अहइ कुआर मोर लघु भ्राता ॥गइ लछिमन रिपु भगिनी जानी। प्रभु बिलोकि बोले मृदु बानी ॥सुंदरि सुनु मैं उन्ह कर दासा। पराधीन नहिं तोर सुपासा ॥प्रभु समर्थ कोसलपुर राजा। जो कछु करहिं उनहि सब छाजा ॥सेवक सुख चह मान भिखारी। ब्यसनी धन सुभ गति बिभिचारी ॥लोभी जसु चह चार गुमानी। नभ दुहि दूध चहत ए प्रानी ॥पुनि फिरि राम निकट सो आई। प्रभु लछिमन पहिं बहुरि पठाई ॥लछिमन कहा तोहि सो बरई। जो तृन तोरि लाज परिहरई ॥तब खिसिआनि राम पहिं गई। रूप भयंकर प्रगटत भई ॥सीतहि सभय देखि रघुराई। कहा अनुज सन सयन बुझाई ॥

bhagati joga suni ati sukha pāvā| lachimana prabhu carananhi siru nāvā ||ehi bidhi gae kachuka dina bītī| kahata birāga gyāna guna nītī ||sūpanakhā rāvana kai bahinī| duṣṭa hṛdaya dāruna jasa ahinī ||paṃcabaṭī so gai eka bārā| dekhi bikala bhai jugala kumārā ||bhrātā pitā putra uragārī| puruṣa manohara nirakhata nārī ||hoi bikala saka manahi na rokī| jimi rabimani drava rabihi bilokī ||rucira rupa dhari prabhu pahiṃ jāī| bolī bacana bahuta musukāī ||tumha sama puruṣa na mo sama nārī| yaha sam̐joga bidhi racā bicārī ||mama anurūpa puruṣa jaga māhīṃ| dekheum̐ khoji loka tihu nāhīṃ ||tāte aba lagi rahium̐ kumārī| manu mānā kachu tumhahi nihārī ||sītahi citai kahī prabhu bātā| ahai kuāra mora laghu bhrātā ||gai lachimana ripu bhaginī jānī| prabhu biloki bole mṛdu bānī ||suṃdari sunu maiṃ unha kara dāsā| parādhīna nahiṃ tora supāsā ||prabhu samartha kosalapura rājā| jo kachu karahiṃ unahi saba chājā ||sevaka sukha caha māna bhikhārī| byasanī dhana subha gati bibhicārī ||lobhī jasu caha cāra gumānī| nabha duhi dūdha cahata e prānī ||puni phiri rāma nikaṭa so āī| prabhu lachimana pahiṃ bahuri paṭhāī ||lachimana kahā tohi so baraī| jo tṛna tori lāja pariharaī ||taba khisiāni rāma pahiṃ gaī| rūpa bhayaṃkara pragaṭata bhaī ||sītahi sabhaya dekhi raghurāī| kahā anuja sana sayana bujhāī ||

दो\। लछिमन अति लाघवँ सो नाक कान बिनु कीन्हि।ताके कर रावन कहँ मनौ चुनौती दीन्हि ॥ १७ ॥

do\| lachimana ati lāghavam̐ so nāka kāna binu kīnhi|tāke kara rāvana kaham̐ manau cunautī dīnhi || 17 ||

नाक कान बिनु भइ बिकरारा। जनु स्त्रव सैल गैरु कै धारा ॥खर दूषन पहिं गइ बिलपाता। धिग धिग तव पौरुष बल भ्राता ॥तेहि पूछा सब कहेसि बुझाई। जातुधान सुनि सेन बनाई ॥धाए निसिचर निकर बरूथा। जनु सपच्छ कज्जल गिरि जूथा ॥नाना बाहन नानाकारा। नानायुध धर घोर अपारा ॥सुपनखा आगें करि लीनी। असुभ रूप श्रुति नासा हीनी ॥असगुन अमित होहिं भयकारी। गनहिं न मृत्यु बिबस सब झारी ॥गर्जहि तर्जहिं गगन उड़ाहीं। देखि कटकु भट अति हरषाहीं ॥कोउ कह जिअत धरहु द्वौ भाई। धरि मारहु तिय लेहु छड़ाई ॥धूरि पूरि नभ मंडल रहा। राम बोलाइ अनुज सन कहा ॥लै जानकिहि जाहु गिरि कंदर। आवा निसिचर कटकु भयंकर ॥रहेहु सजग सुनि प्रभु कै बानी। चले सहित श्री सर धनु पानी ॥देखि राम रिपुदल चलि आवा। बिहसि कठिन कोदंड चढ़ावा ॥

nāka kāna binu bhai bikarārā| janu strava saila gairu kai dhārā ||khara dūṣana pahiṃ gai bilapātā| dhiga dhiga tava pauruṣa bala bhrātā ||tehi pūchā saba kahesi bujhāī| jātudhāna suni sena banāī ||dhāe nisicara nikara barūthā| janu sapaccha kajjala giri jūthā ||nānā bāhana nānākārā| nānāyudha dhara ghora apārā ||supanakhā āgeṃ kari līnī| asubha rūpa śruti nāsā hīnī ||asaguna amita hohiṃ bhayakārī| ganahiṃ na mṛtyu bibasa saba jhārī ||garjahi tarjahiṃ gagana uड़āhīṃ| dekhi kaṭaku bhaṭa ati haraṣāhīṃ ||kou kaha jiata dharahu dvau bhāī| dhari mārahu tiya lehu chaड़āī ||dhūri pūri nabha maṃḍala rahā| rāma bolāi anuja sana kahā ||lai jānakihi jāhu giri kaṃdara| āvā nisicara kaṭaku bhayaṃkara ||rahehu sajaga suni prabhu kai bānī| cale sahita śrī sara dhanu pānī ||dekhi rāma ripudala cali āvā| bihasi kaṭhina kodaṃḍa caṛhāvā ||

छं\। कोदंड कठिन चढ़ाइ सिर जट जूट बाँधत सोह क्यों।मरकत सयल पर लरत दामिनि कोटि सों जुग भुजग ज्यों ॥कटि कसि निषंग बिसाल भुज गहि चाप बिसिख सुधारि कै ॥चितवत मनहुँ मृगराज प्रभु गजराज घटा निहारि कै ॥

chaṃ\| kodaṃḍa kaṭhina caṛhāi sira jaṭa jūṭa bām̐dhata soha kyoṃ|marakata sayala para larata dāmini koṭi soṃ juga bhujaga jyoṃ ||kaṭi kasi niṣaṃga bisāla bhuja gahi cāpa bisikha sudhāri kai ||citavata manahum̐ mṛgarāja prabhu gajarāja ghaṭā nihāri kai ||

सो\। आइ गए बगमेल धरहु धरहु धावत सुभट।जथा बिलोकि अकेल बाल रबिहि घेरत दनुज ॥ १८ ॥

so\| āi gae bagamela dharahu dharahu dhāvata subhaṭa|jathā biloki akela bāla rabihi gherata danuja || 18 ||

प्रभु बिलोकि सर सकहिं न डारी। थकित भई रजनीचर धारी ॥सचिव बोलि बोले खर दूषन। यह कोउ नृपबालक नर भूषन ॥नाग असुर सुर नर मुनि जेते। देखे जिते हते हम केते ॥हम भरि जन्म सुनहु सब भाई। देखी नहिं असि सुंदरताई ॥जद्यपि भगिनी कीन्ह कुरूपा। बध लायक नहिं पुरुष अनूपा ॥देहु तुरत निज नारि दुराई। जीअत भवन जाहु द्वौ भाई ॥मोर कहा तुम्ह ताहि सुनावहु। तासु बचन सुनि आतुर आवहु ॥दूतन्ह कहा राम सन जाई। सुनत राम बोले मुसकाई ॥हम छत्री मृगया बन करहीं। तुम्ह से खल मृग खौजत फिरहीं ॥रिपु बलवंत देखि नहिं डरहीं। एक बार कालहु सन लरहीं ॥जद्यपि मनुज दनुज कुल घालक। मुनि पालक खल सालक बालक ॥जौं न होइ बल घर फिरि जाहू। समर बिमुख मैं हतउँ न काहू ॥रन चढ़ि करिअ कपट चतुराई। रिपु पर कृपा परम कदराई ॥दूतन्ह जाइ तुरत सब कहेऊ। सुनि खर दूषन उर अति दहेऊ ॥छं\। उर दहेउ कहेउ कि धरहु धाए बिकट भट रजनीचरा।सर चाप तोमर सक्ति सूल कृपान परिघ परसु धरा ॥प्रभु कीन्ह धनुष टकोर प्रथम कठोर घोर भयावहा।भए बधिर ब्याकुल जातुधान न ग्यान तेहि अवसर रहा ॥

prabhu biloki sara sakahiṃ na ḍārī| thakita bhaī rajanīcara dhārī ||saciva boli bole khara dūṣana| yaha kou nṛpabālaka nara bhūṣana ||nāga asura sura nara muni jete| dekhe jite hate hama kete ||hama bhari janma sunahu saba bhāī| dekhī nahiṃ asi suṃdaratāī ||jadyapi bhaginī kīnha kurūpā| badha lāyaka nahiṃ puruṣa anūpā ||dehu turata nija nāri durāī| jīata bhavana jāhu dvau bhāī ||mora kahā tumha tāhi sunāvahu| tāsu bacana suni ātura āvahu ||dūtanha kahā rāma sana jāī| sunata rāma bole musakāī ||hama chatrī mṛgayā bana karahīṃ| tumha se khala mṛga khaujata phirahīṃ ||ripu balavaṃta dekhi nahiṃ ḍarahīṃ| eka bāra kālahu sana larahīṃ ||jadyapi manuja danuja kula ghālaka| muni pālaka khala sālaka bālaka ||jauṃ na hoi bala ghara phiri jāhū| samara bimukha maiṃ hataum̐ na kāhū ||rana caṛhi karia kapaṭa caturāī| ripu para kṛpā parama kadarāī ||dūtanha jāi turata saba kaheū| suni khara dūṣana ura ati daheū ||chaṃ\| ura daheu kaheu ki dharahu dhāe bikaṭa bhaṭa rajanīcarā|sara cāpa tomara sakti sūla kṛpāna parigha parasu dharā ||prabhu kīnha dhanuṣa ṭakora prathama kaṭhora ghora bhayāvahā|bhae badhira byākula jātudhāna na gyāna tehi avasara rahā ||

दो\। सावधान होइ धाए जानि सबल आराति।लागे बरषन राम पर अस्त्र सस्त्र बहु भाँति ॥ १९(क) ॥

do\| sāvadhāna hoi dhāe jāni sabala ārāti|lāge baraṣana rāma para astra sastra bahu bhām̐ti || 19(ka) ||

तिन्ह के आयुध तिल सम करि काटे रघुबीर।तानि सरासन श्रवन लगि पुनि छाँड़े निज तीर ॥ १९(ख) ॥

tinha ke āyudha tila sama kari kāṭe raghubīra|tāni sarāsana śravana lagi puni chām̐ड़e nija tīra || 19(kha) ||

छं\। तब चले जान बबान कराल। फुंकरत जनु बहु ब्याल ॥कोपेउ समर श्रीराम। चले बिसिख निसित निकाम ॥अवलोकि खरतर तीर। मुरि चले निसिचर बीर ॥भए क्रुद्ध तीनिउ भाइ। जो भागि रन ते जाइ ॥तेहि बधब हम निज पानि। फिरे मरन मन महुँ ठानि ॥आयुध अनेक प्रकार। सनमुख ते करहिं प्रहार ॥रिपु परम कोपे जानि। प्रभु धनुष सर संधानि ॥छाँड़े बिपुल नाराच। लगे कटन बिकट पिसाच ॥उर सीस भुज कर चरन। जहँ तहँ लगे महि परन ॥चिक्करत लागत बान। धर परत कुधर समान ॥भट कटत तन सत खंड। पुनि उठत करि पाषंड ॥नभ उड़त बहु भुज मुंड। बिनु मौलि धावत रुंड ॥खग कंक काक सृगाल। कटकटहिं कठिन कराल ॥

chaṃ\| taba cale jāna babāna karāla| phuṃkarata janu bahu byāla ||kopeu samara śrīrāma| cale bisikha nisita nikāma ||avaloki kharatara tīra| muri cale nisicara bīra ||bhae kruddha tīniu bhāi| jo bhāgi rana te jāi ||tehi badhaba hama nija pāni| phire marana mana mahum̐ ṭhāni ||āyudha aneka prakāra| sanamukha te karahiṃ prahāra ||ripu parama kope jāni| prabhu dhanuṣa sara saṃdhāni ||chām̐ड़e bipula nārāca| lage kaṭana bikaṭa pisāca ||ura sīsa bhuja kara carana| jaham̐ taham̐ lage mahi parana ||cikkarata lāgata bāna| dhara parata kudhara samāna ||bhaṭa kaṭata tana sata khaṃḍa| puni uṭhata kari pāṣaṃḍa ||nabha uड़ta bahu bhuja muṃḍa| binu mauli dhāvata ruṃḍa ||khaga kaṃka kāka sṛgāla| kaṭakaṭahiṃ kaṭhina karāla ||

छं\। कटकटहिं ज़ंबुक भूत प्रेत पिसाच खर्पर संचहीं।बेताल बीर कपाल ताल बजाइ जोगिनि नंचहीं ॥रघुबीर बान प्रचंड खंडहिं भटन्ह के उर भुज सिरा।जहँ तहँ परहिं उठि लरहिं धर धरु धरु करहिं भयकर गिरा ॥अंतावरीं गहि उड़त गीध पिसाच कर गहि धावहीं ॥संग्राम पुर बासी मनहुँ बहु बाल गुड़ी उड़ावहीं ॥मारे पछारे उर बिदारे बिपुल भट कहँरत परे।अवलोकि निज दल बिकल भट तिसिरादि खर दूषन फिरे ॥सर सक्ति तोमर परसु सूल कृपान एकहि बारहीं।करि कोप श्रीरघुबीर पर अगनित निसाचर डारहीं ॥प्रभु निमिष महुँ रिपु सर निवारि पचारि डारे सायका।दस दस बिसिख उर माझ मारे सकल निसिचर नायका ॥महि परत उठि भट भिरत मरत न करत माया अति घनी।सुर डरत चौदह सहस प्रेत बिलोकि एक अवध धनी ॥सुर मुनि सभय प्रभु देखि मायानाथ अति कौतुक कर् यो।देखहि परसपर राम करि संग्राम रिपुदल लरि मर् यो ॥

chaṃ\| kaṭakaṭahiṃ ज़ṃbuka bhūta preta pisāca kharpara saṃcahīṃ|betāla bīra kapāla tāla bajāi jogini naṃcahīṃ ||raghubīra bāna pracaṃḍa khaṃḍahiṃ bhaṭanha ke ura bhuja sirā|jaham̐ taham̐ parahiṃ uṭhi larahiṃ dhara dharu dharu karahiṃ bhayakara girā ||aṃtāvarīṃ gahi uड़ta gīdha pisāca kara gahi dhāvahīṃ ||saṃgrāma pura bāsī manahum̐ bahu bāla guड़ī uड़āvahīṃ ||māre pachāre ura bidāre bipula bhaṭa kaham̐rata pare|avaloki nija dala bikala bhaṭa tisirādi khara dūṣana phire ||sara sakti tomara parasu sūla kṛpāna ekahi bārahīṃ|kari kopa śrīraghubīra para aganita nisācara ḍārahīṃ ||prabhu nimiṣa mahum̐ ripu sara nivāri pacāri ḍāre sāyakā|dasa dasa bisikha ura mājha māre sakala nisicara nāyakā ||mahi parata uṭhi bhaṭa bhirata marata na karata māyā ati ghanī|sura ḍarata caudaha sahasa preta biloki eka avadha dhanī ||sura muni sabhaya prabhu dekhi māyānātha ati kautuka kar yo|dekhahi parasapara rāma kari saṃgrāma ripudala lari mar yo ||

दो\। राम राम कहि तनु तजहिं पावहिं पद निर्बान।करि उपाय रिपु मारे छन महुँ कृपानिधान ॥ २०(क) ॥

do\| rāma rāma kahi tanu tajahiṃ pāvahiṃ pada nirbāna|kari upāya ripu māre chana mahum̐ kṛpānidhāna || 20(ka) ||

हरषित बरषहिं सुमन सुर बाजहिं गगन निसान।अस्तुति करि करि सब चले सोभित बिबिध बिमान ॥ २०(ख) ॥

haraṣita baraṣahiṃ sumana sura bājahiṃ gagana nisāna|astuti kari kari saba cale sobhita bibidha bimāna || 20(kha) ||

जब रघुनाथ समर रिपु जीते। सुर नर मुनि सब के भय बीते ॥तब लछिमन सीतहि लै आए। प्रभु पद परत हरषि उर लाए।सीता चितव स्याम मृदु गाता। परम प्रेम लोचन न अघाता ॥पंचवटीं बसि श्रीरघुनायक। करत चरित सुर मुनि सुखदायक ॥धुआँ देखि खरदूषन केरा। जाइ सुपनखाँ रावन प्रेरा ॥बोलि बचन क्रोध करि भारी। देस कोस कै सुरति बिसारी ॥करसि पान सोवसि दिनु राती। सुधि नहिं तव सिर पर आराती ॥राज नीति बिनु धन बिनु धर्मा। हरिहि समर्पे बिनु सतकर्मा ॥बिद्या बिनु बिबेक उपजाएँ। श्रम फल पढ़े किएँ अरु पाएँ ॥संग ते जती कुमंत्र ते राजा। मान ते ग्यान पान तें लाजा ॥प्रीति प्रनय बिनु मद ते गुनी। नासहि बेगि नीति अस सुनी ॥

jaba raghunātha samara ripu jīte| sura nara muni saba ke bhaya bīte ||taba lachimana sītahi lai āe| prabhu pada parata haraṣi ura lāe|sītā citava syāma mṛdu gātā| parama prema locana na aghātā ||paṃcavaṭīṃ basi śrīraghunāyaka| karata carita sura muni sukhadāyaka ||dhuām̐ dekhi kharadūṣana kerā| jāi supanakhām̐ rāvana prerā ||boli bacana krodha kari bhārī| desa kosa kai surati bisārī ||karasi pāna sovasi dinu rātī| sudhi nahiṃ tava sira para ārātī ||rāja nīti binu dhana binu dharmā| harihi samarpe binu satakarmā ||bidyā binu bibeka upajāem̐| śrama phala paṛhe kiem̐ aru pāem̐ ||saṃga te jatī kumaṃtra te rājā| māna te gyāna pāna teṃ lājā ||prīti pranaya binu mada te gunī| nāsahi begi nīti asa sunī ||

सो\। रिपु रुज पावक पाप प्रभु अहि गनिअ न छोट करि।अस कहि बिबिध बिलाप करि लागी रोदन करन ॥ २१(क) ॥

so\| ripu ruja pāvaka pāpa prabhu ahi gania na choṭa kari|asa kahi bibidha bilāpa kari lāgī rodana karana || 21(ka) ||

दो\। सभा माझ परि ब्याकुल बहु प्रकार कह रोइ।तोहि जिअत दसकंधर मोरि कि असि गति होइ ॥ २१(ख) ॥

do\| sabhā mājha pari byākula bahu prakāra kaha roi|tohi jiata dasakaṃdhara mori ki asi gati hoi || 21(kha) ||

सुनत सभासद उठे अकुलाई। समुझाई गहि बाहँ उठाई ॥कह लंकेस कहसि निज बाता। केँइँ तव नासा कान निपाता ॥अवध नृपति दसरथ के जाए। पुरुष सिंघ बन खेलन आए ॥समुझि परी मोहि उन्ह कै करनी। रहित निसाचर करिहहिं धरनी ॥जिन्ह कर भुजबल पाइ दसानन। अभय भए बिचरत मुनि कानन ॥देखत बालक काल समाना। परम धीर धन्वी गुन नाना ॥अतुलित बल प्रताप द्वौ भ्राता। खल बध रत सुर मुनि सुखदाता ॥सोभाधाम राम अस नामा। तिन्ह के संग नारि एक स्यामा ॥रुप रासि बिधि नारि सँवारी। रति सत कोटि तासु बलिहारी ॥तासु अनुज काटे श्रुति नासा। सुनि तव भगिनि करहिं परिहासा ॥खर दूषन सुनि लगे पुकारा। छन महुँ सकल कटक उन्ह मारा ॥खर दूषन तिसिरा कर घाता। सुनि दससीस जरे सब गाता ॥

sunata sabhāsada uṭhe akulāī| samujhāī gahi bāham̐ uṭhāī ||kaha laṃkesa kahasi nija bātā| kem̐im̐ tava nāsā kāna nipātā ||avadha nṛpati dasaratha ke jāe| puruṣa siṃgha bana khelana āe ||samujhi parī mohi unha kai karanī| rahita nisācara karihahiṃ dharanī ||jinha kara bhujabala pāi dasānana| abhaya bhae bicarata muni kānana ||dekhata bālaka kāla samānā| parama dhīra dhanvī guna nānā ||atulita bala pratāpa dvau bhrātā| khala badha rata sura muni sukhadātā ||sobhādhāma rāma asa nāmā| tinha ke saṃga nāri eka syāmā ||rupa rāsi bidhi nāri sam̐vārī| rati sata koṭi tāsu balihārī ||tāsu anuja kāṭe śruti nāsā| suni tava bhagini karahiṃ parihāsā ||khara dūṣana suni lage pukārā| chana mahum̐ sakala kaṭaka unha mārā ||khara dūṣana tisirā kara ghātā| suni dasasīsa jare saba gātā ||

दो\। सुपनखहि समुझाइ करि बल बोलेसि बहु भाँति।गयउ भवन अति सोचबस नीद परइ नहिं राति ॥ २२ ॥

do\| supanakhahi samujhāi kari bala bolesi bahu bhām̐ti|gayau bhavana ati socabasa nīda parai nahiṃ rāti || 22 ||

सुर नर असुर नाग खग माहीं। मोरे अनुचर कहँ कोउ नाहीं ॥खर दूषन मोहि सम बलवंता। तिन्हहि को मारइ बिनु भगवंता ॥सुर रंजन भंजन महि भारा। जौं भगवंत लीन्ह अवतारा ॥तौ मै जाइ बैरु हठि करऊँ। प्रभु सर प्रान तजें भव तरऊँ ॥होइहि भजनु न तामस देहा। मन क्रम बचन मंत्र दृढ़ एहा ॥जौं नररुप भूपसुत कोऊ। हरिहउँ नारि जीति रन दोऊ ॥चला अकेल जान चढि तहवाँ। बस मारीच सिंधु तट जहवाँ ॥इहाँ राम जसि जुगुति बनाई। सुनहु उमा सो कथा सुहाई ॥

sura nara asura nāga khaga māhīṃ| more anucara kaham̐ kou nāhīṃ ||khara dūṣana mohi sama balavaṃtā| tinhahi ko mārai binu bhagavaṃtā ||sura raṃjana bhaṃjana mahi bhārā| jauṃ bhagavaṃta līnha avatārā ||tau mai jāi bairu haṭhi karaūm̐| prabhu sara prāna tajeṃ bhava taraūm̐ ||hoihi bhajanu na tāmasa dehā| mana krama bacana maṃtra dṛṛha ehā ||jauṃ nararupa bhūpasuta koū| harihaum̐ nāri jīti rana doū ||calā akela jāna caḍhi tahavām̐| basa mārīca siṃdhu taṭa jahavām̐ ||ihām̐ rāma jasi juguti banāī| sunahu umā so kathā suhāī ||

दो\। लछिमन गए बनहिं जब लेन मूल फल कंद।जनकसुता सन बोले बिहसि कृपा सुख बृंद ॥ २३ ॥

do\| lachimana gae banahiṃ jaba lena mūla phala kaṃda|janakasutā sana bole bihasi kṛpā sukha bṛṃda || 23 ||

सुनहु प्रिया ब्रत रुचिर सुसीला। मैं कछु करबि ललित नरलीला ॥तुम्ह पावक महुँ करहु निवासा। जौ लगि करौं निसाचर नासा ॥जबहिं राम सब कहा बखानी। प्रभु पद धरि हियँ अनल समानी ॥निज प्रतिबिंब राखि तहँ सीता। तैसइ सील रुप सुबिनीता ॥लछिमनहूँ यह मरमु न जाना। जो कछु चरित रचा भगवाना ॥दसमुख गयउ जहाँ मारीचा। नाइ माथ स्वारथ रत नीचा ॥नवनि नीच कै अति दुखदाई। जिमि अंकुस धनु उरग बिलाई ॥भयदायक खल कै प्रिय बानी। जिमि अकाल के कुसुम भवानी ॥

sunahu priyā brata rucira susīlā| maiṃ kachu karabi lalita naralīlā ||tumha pāvaka mahum̐ karahu nivāsā| jau lagi karauṃ nisācara nāsā ||jabahiṃ rāma saba kahā bakhānī| prabhu pada dhari hiyam̐ anala samānī ||nija pratibiṃba rākhi taham̐ sītā| taisai sīla rupa subinītā ||lachimanahūm̐ yaha maramu na jānā| jo kachu carita racā bhagavānā ||dasamukha gayau jahām̐ mārīcā| nāi mātha svāratha rata nīcā ||navani nīca kai ati dukhadāī| jimi aṃkusa dhanu uraga bilāī ||bhayadāyaka khala kai priya bānī| jimi akāla ke kusuma bhavānī ||

दो\। करि पूजा मारीच तब सादर पूछी बात।कवन हेतु मन ब्यग्र अति अकसर आयहु तात ॥ २४ ॥

do\| kari pūjā mārīca taba sādara pūchī bāta|kavana hetu mana byagra ati akasara āyahu tāta || 24 ||

दसमुख सकल कथा तेहि आगें। कही सहित अभिमान अभागें ॥होहु कपट मृग तुम्ह छलकारी। जेहि बिधि हरि आनौ नृपनारी ॥तेहिं पुनि कहा सुनहु दससीसा। ते नररुप चराचर ईसा ॥तासों तात बयरु नहिं कीजे। मारें मरिअ जिआएँ जीजै ॥मुनि मख राखन गयउ कुमारा। बिनु फर सर रघुपति मोहि मारा ॥सत जोजन आयउँ छन माहीं। तिन्ह सन बयरु किएँ भल नाहीं ॥भइ मम कीट भृंग की नाई। जहँ तहँ मैं देखउँ दोउ भाई ॥जौं नर तात तदपि अति सूरा। तिन्हहि बिरोधि न आइहि पूरा ॥

dasamukha sakala kathā tehi āgeṃ| kahī sahita abhimāna abhāgeṃ ||hohu kapaṭa mṛga tumha chalakārī| jehi bidhi hari ānau nṛpanārī ||tehiṃ puni kahā sunahu dasasīsā| te nararupa carācara īsā ||tāsoṃ tāta bayaru nahiṃ kīje| māreṃ maria jiāem̐ jījai ||muni makha rākhana gayau kumārā| binu phara sara raghupati mohi mārā ||sata jojana āyaum̐ chana māhīṃ| tinha sana bayaru kiem̐ bhala nāhīṃ ||bhai mama kīṭa bhṛṃga kī nāī| jaham̐ taham̐ maiṃ dekhaum̐ dou bhāī ||jauṃ nara tāta tadapi ati sūrā| tinhahi birodhi na āihi pūrā ||

दो\। जेहिं ताड़का सुबाहु हति खंडेउ हर कोदंड ॥खर दूषन तिसिरा बधेउ मनुज कि अस बरिबंड ॥ २५ ॥

do\| jehiṃ tāड़kā subāhu hati khaṃḍeu hara kodaṃḍa ||khara dūṣana tisirā badheu manuja ki asa baribaṃḍa || 25 ||

जाहु भवन कुल कुसल बिचारी। सुनत जरा दीन्हिसि बहु गारी ॥गुरु जिमि मूढ़ करसि मम बोधा। कहु जग मोहि समान को जोधा ॥तब मारीच हृदयँ अनुमाना। नवहि बिरोधें नहिं कल्याना ॥सस्त्री मर्मी प्रभु सठ धनी। बैद बंदि कबि भानस गुनी ॥उभय भाँति देखा निज मरना। तब ताकिसि रघुनायक सरना ॥उतरु देत मोहि बधब अभागें। कस न मरौं रघुपति सर लागें ॥अस जियँ जानि दसानन संगा। चला राम पद प्रेम अभंगा ॥मन अति हरष जनाव न तेही। आजु देखिहउँ परम सनेही ॥

jāhu bhavana kula kusala bicārī| sunata jarā dīnhisi bahu gārī ||guru jimi mūṛha karasi mama bodhā| kahu jaga mohi samāna ko jodhā ||taba mārīca hṛdayam̐ anumānā| navahi birodheṃ nahiṃ kalyānā ||sastrī marmī prabhu saṭha dhanī| baida baṃdi kabi bhānasa gunī ||ubhaya bhām̐ti dekhā nija maranā| taba tākisi raghunāyaka saranā ||utaru deta mohi badhaba abhāgeṃ| kasa na marauṃ raghupati sara lāgeṃ ||asa jiyam̐ jāni dasānana saṃgā| calā rāma pada prema abhaṃgā ||mana ati haraṣa janāva na tehī| āju dekhihaum̐ parama sanehī ||

छं\। निज परम प्रीतम देखि लोचन सुफल करि सुख पाइहौं।श्री सहित अनुज समेत कृपानिकेत पद मन लाइहौं ॥निर्बान दायक क्रोध जा कर भगति अबसहि बसकरी।निज पानि सर संधानि सो मोहि बधिहि सुखसागर हरी ॥

chaṃ\| nija parama prītama dekhi locana suphala kari sukha pāihauṃ|śrī sahita anuja sameta kṛpāniketa pada mana lāihauṃ ||nirbāna dāyaka krodha jā kara bhagati abasahi basakarī|nija pāni sara saṃdhāni so mohi badhihi sukhasāgara harī ||

दो\। मम पाछें धर धावत धरें सरासन बान।फिरि फिरि प्रभुहि बिलोकिहउँ धन्य न मो सम आन ॥ २६ ॥

do\| mama pācheṃ dhara dhāvata dhareṃ sarāsana bāna|phiri phiri prabhuhi bilokihaum̐ dhanya na mo sama āna || 26 ||

तेहि बन निकट दसानन गयऊ। तब मारीच कपटमृग भयऊ ॥अति बिचित्र कछु बरनि न जाई। कनक देह मनि रचित बनाई ॥सीता परम रुचिर मृग देखा। अंग अंग सुमनोहर बेषा ॥सुनहु देव रघुबीर कृपाला। एहि मृग कर अति सुंदर छाला ॥सत्यसंध प्रभु बधि करि एही। आनहु चर्म कहति बैदेही ॥तब रघुपति जानत सब कारन। उठे हरषि सुर काजु सँवारन ॥मृग बिलोकि कटि परिकर बाँधा। करतल चाप रुचिर सर साँधा ॥प्रभु लछिमनिहि कहा समुझाई। फिरत बिपिन निसिचर बहु भाई ॥सीता केरि करेहु रखवारी। बुधि बिबेक बल समय बिचारी ॥प्रभुहि बिलोकि चला मृग भाजी। धाए रामु सरासन साजी ॥निगम नेति सिव ध्यान न पावा। मायामृग पाछें सो धावा ॥कबहुँ निकट पुनि दूरि पराई। कबहुँक प्रगटइ कबहुँ छपाई ॥प्रगटत दुरत करत छल भूरी। एहि बिधि प्रभुहि गयउ लै दूरी ॥तब तकि राम कठिन सर मारा। धरनि परेउ करि घोर पुकारा ॥लछिमन कर प्रथमहिं लै नामा। पाछें सुमिरेसि मन महुँ रामा ॥प्रान तजत प्रगटेसि निज देहा। सुमिरेसि रामु समेत सनेहा ॥अंतर प्रेम तासु पहिचाना। मुनि दुर्लभ गति दीन्हि सुजाना ॥

tehi bana nikaṭa dasānana gayaū| taba mārīca kapaṭamṛga bhayaū ||ati bicitra kachu barani na jāī| kanaka deha mani racita banāī ||sītā parama rucira mṛga dekhā| aṃga aṃga sumanohara beṣā ||sunahu deva raghubīra kṛpālā| ehi mṛga kara ati suṃdara chālā ||satyasaṃdha prabhu badhi kari ehī| ānahu carma kahati baidehī ||taba raghupati jānata saba kārana| uṭhe haraṣi sura kāju sam̐vārana ||mṛga biloki kaṭi parikara bām̐dhā| karatala cāpa rucira sara sām̐dhā ||prabhu lachimanihi kahā samujhāī| phirata bipina nisicara bahu bhāī ||sītā keri karehu rakhavārī| budhi bibeka bala samaya bicārī ||prabhuhi biloki calā mṛga bhājī| dhāe rāmu sarāsana sājī ||nigama neti siva dhyāna na pāvā| māyāmṛga pācheṃ so dhāvā ||kabahum̐ nikaṭa puni dūri parāī| kabahum̐ka pragaṭai kabahum̐ chapāī ||pragaṭata durata karata chala bhūrī| ehi bidhi prabhuhi gayau lai dūrī ||taba taki rāma kaṭhina sara mārā| dharani pareu kari ghora pukārā ||lachimana kara prathamahiṃ lai nāmā| pācheṃ sumiresi mana mahum̐ rāmā ||prāna tajata pragaṭesi nija dehā| sumiresi rāmu sameta sanehā ||aṃtara prema tāsu pahicānā| muni durlabha gati dīnhi sujānā ||

दो\। बिपुल सुमन सुर बरषहिं गावहिं प्रभु गुन गाथ।निज पद दीन्ह असुर कहुँ दीनबंधु रघुनाथ ॥ २७ ॥

do\| bipula sumana sura baraṣahiṃ gāvahiṃ prabhu guna gātha|nija pada dīnha asura kahum̐ dīnabaṃdhu raghunātha || 27 ||

खल बधि तुरत फिरे रघुबीरा। सोह चाप कर कटि तूनीरा ॥आरत गिरा सुनी जब सीता। कह लछिमन सन परम सभीता ॥जाहु बेगि संकट अति भ्राता। लछिमन बिहसि कहा सुनु माता ॥भृकुटि बिलास सृष्टि लय होई। सपनेहुँ संकट परइ कि सोई ॥मरम बचन जब सीता बोला। हरि प्रेरित लछिमन मन डोला ॥बन दिसि देव सौंपि सब काहू। चले जहाँ रावन ससि राहू ॥सून बीच दसकंधर देखा। आवा निकट जती कें बेषा ॥जाकें डर सुर असुर डेराहीं। निसि न नीद दिन अन्न न खाहीं ॥सो दससीस स्वान की नाई। इत उत चितइ चला भड़िहाई ॥इमि कुपंथ पग देत खगेसा। रह न तेज बुधि बल लेसा ॥नाना बिधि करि कथा सुहाई। राजनीति भय प्रीति देखाई ॥कह सीता सुनु जती गोसाईं। बोलेहु बचन दुष्ट की नाईं ॥तब रावन निज रूप देखावा। भई सभय जब नाम सुनावा ॥कह सीता धरि धीरजु गाढ़ा। आइ गयउ प्रभु रहु खल ठाढ़ा ॥जिमि हरिबधुहि छुद्र सस चाहा। भएसि कालबस निसिचर नाहा ॥सुनत बचन दससीस रिसाना। मन महुँ चरन बंदि सुख माना ॥

khala badhi turata phire raghubīrā| soha cāpa kara kaṭi tūnīrā ||ārata girā sunī jaba sītā| kaha lachimana sana parama sabhītā ||jāhu begi saṃkaṭa ati bhrātā| lachimana bihasi kahā sunu mātā ||bhṛkuṭi bilāsa sṛṣṭi laya hoī| sapanehum̐ saṃkaṭa parai ki soī ||marama bacana jaba sītā bolā| hari prerita lachimana mana ḍolā ||bana disi deva sauṃpi saba kāhū| cale jahām̐ rāvana sasi rāhū ||sūna bīca dasakaṃdhara dekhā| āvā nikaṭa jatī keṃ beṣā ||jākeṃ ḍara sura asura ḍerāhīṃ| nisi na nīda dina anna na khāhīṃ ||so dasasīsa svāna kī nāī| ita uta citai calā bhaड़ihāī ||imi kupaṃtha paga deta khagesā| raha na teja budhi bala lesā ||nānā bidhi kari kathā suhāī| rājanīti bhaya prīti dekhāī ||kaha sītā sunu jatī gosāīṃ| bolehu bacana duṣṭa kī nāīṃ ||taba rāvana nija rūpa dekhāvā| bhaī sabhaya jaba nāma sunāvā ||kaha sītā dhari dhīraju gāṛhā| āi gayau prabhu rahu khala ṭhāṛhā ||jimi haribadhuhi chudra sasa cāhā| bhaesi kālabasa nisicara nāhā ||sunata bacana dasasīsa risānā| mana mahum̐ carana baṃdi sukha mānā ||

दो\। क्रोधवंत तब रावन लीन्हिसि रथ बैठाइ।चला गगनपथ आतुर भयँ रथ हाँकि न जाइ ॥ २८ ॥

do\| krodhavaṃta taba rāvana līnhisi ratha baiṭhāi|calā gaganapatha ātura bhayam̐ ratha hām̐ki na jāi || 28 ||

हा जग एक बीर रघुराया। केहिं अपराध बिसारेहु दाया ॥आरति हरन सरन सुखदायक। हा रघुकुल सरोज दिननायक ॥हा लछिमन तुम्हार नहिं दोसा। सो फलु पायउँ कीन्हेउँ रोसा ॥बिबिध बिलाप करति बैदेही। भूरि कृपा प्रभु दूरि सनेही ॥बिपति मोरि को प्रभुहि सुनावा। पुरोडास चह रासभ खावा ॥सीता कै बिलाप सुनि भारी। भए चराचर जीव दुखारी ॥गीधराज सुनि आरत बानी। रघुकुलतिलक नारि पहिचानी ॥अधम निसाचर लीन्हे जाई। जिमि मलेछ बस कपिला गाई ॥सीते पुत्रि करसि जनि त्रासा। करिहउँ जातुधान कर नासा ॥धावा क्रोधवंत खग कैसें। छूटइ पबि परबत कहुँ जैसे ॥रे रे दुष्ट ठाढ़ किन होही। निर्भय चलेसि न जानेहि मोही ॥आवत देखि कृतांत समाना। फिरि दसकंधर कर अनुमाना ॥की मैनाक कि खगपति होई। मम बल जान सहित पति सोई ॥जाना जरठ जटायू एहा। मम कर तीरथ छाँड़िहि देहा ॥सुनत गीध क्रोधातुर धावा। कह सुनु रावन मोर सिखावा ॥तजि जानकिहि कुसल गृह जाहू। नाहिं त अस होइहि बहुबाहू ॥राम रोष पावक अति घोरा। होइहि सकल सलभ कुल तोरा ॥उतरु न देत दसानन जोधा। तबहिं गीध धावा करि क्रोधा ॥धरि कच बिरथ कीन्ह महि गिरा। सीतहि राखि गीध पुनि फिरा ॥चौचन्ह मारि बिदारेसि देही। दंड एक भइ मुरुछा तेही ॥तब सक्रोध निसिचर खिसिआना। काढ़ेसि परम कराल कृपाना ॥काटेसि पंख परा खग धरनी। सुमिरि राम करि अदभुत करनी ॥सीतहि जानि चढ़ाइ बहोरी। चला उताइल त्रास न थोरी ॥करति बिलाप जाति नभ सीता। ब्याध बिबस जनु मृगी सभीता ॥गिरि पर बैठे कपिन्ह निहारी। कहि हरि नाम दीन्ह पट डारी ॥एहि बिधि सीतहि सो लै गयऊ। बन असोक महँ राखत भयऊ ॥

hā jaga eka bīra raghurāyā| kehiṃ aparādha bisārehu dāyā ||ārati harana sarana sukhadāyaka| hā raghukula saroja dinanāyaka ||hā lachimana tumhāra nahiṃ dosā| so phalu pāyaum̐ kīnheum̐ rosā ||bibidha bilāpa karati baidehī| bhūri kṛpā prabhu dūri sanehī ||bipati mori ko prabhuhi sunāvā| puroḍāsa caha rāsabha khāvā ||sītā kai bilāpa suni bhārī| bhae carācara jīva dukhārī ||gīdharāja suni ārata bānī| raghukulatilaka nāri pahicānī ||adhama nisācara līnhe jāī| jimi malecha basa kapilā gāī ||sīte putri karasi jani trāsā| karihaum̐ jātudhāna kara nāsā ||dhāvā krodhavaṃta khaga kaiseṃ| chūṭai pabi parabata kahum̐ jaise ||re re duṣṭa ṭhāṛha kina hohī| nirbhaya calesi na jānehi mohī ||āvata dekhi kṛtāṃta samānā| phiri dasakaṃdhara kara anumānā ||kī maināka ki khagapati hoī| mama bala jāna sahita pati soī ||jānā jaraṭha jaṭāyū ehā| mama kara tīratha chām̐ड़ihi dehā ||sunata gīdha krodhātura dhāvā| kaha sunu rāvana mora sikhāvā ||taji jānakihi kusala gṛha jāhū| nāhiṃ ta asa hoihi bahubāhū ||rāma roṣa pāvaka ati ghorā| hoihi sakala salabha kula torā ||utaru na deta dasānana jodhā| tabahiṃ gīdha dhāvā kari krodhā ||dhari kaca biratha kīnha mahi girā| sītahi rākhi gīdha puni phirā ||caucanha māri bidāresi dehī| daṃḍa eka bhai muruchā tehī ||taba sakrodha nisicara khisiānā| kāṛhesi parama karāla kṛpānā ||kāṭesi paṃkha parā khaga dharanī| sumiri rāma kari adabhuta karanī ||sītahi jāni caṛhāi bahorī| calā utāila trāsa na thorī ||karati bilāpa jāti nabha sītā| byādha bibasa janu mṛgī sabhītā ||giri para baiṭhe kapinha nihārī| kahi hari nāma dīnha paṭa ḍārī ||ehi bidhi sītahi so lai gayaū| bana asoka maham̐ rākhata bhayaū ||

दो\। हारि परा खल बहु बिधि भय अरु प्रीति देखाइ।तब असोक पादप तर राखिसि जतन कराइ ॥ २९(क) ॥

do\| hāri parā khala bahu bidhi bhaya aru prīti dekhāi|taba asoka pādapa tara rākhisi jatana karāi || 29(ka) ||

नवान्हपारायण, छठा विश्रामजेहि बिधि कपट कुरंग सँग धाइ चले श्रीराम।सो छबि सीता राखि उर रटति रहति हरिनाम ॥ २९(ख) ॥

navānhapārāyaṇa, chaṭhā viśrāmajehi bidhi kapaṭa kuraṃga sam̐ga dhāi cale śrīrāma|so chabi sītā rākhi ura raṭati rahati harināma || 29(kha) ||

रघुपति अनुजहि आवत देखी। बाहिज चिंता कीन्हि बिसेषी ॥जनकसुता परिहरिहु अकेली। आयहु तात बचन मम पेली ॥निसिचर निकर फिरहिं बन माहीं। मम मन सीता आश्रम नाहीं ॥गहि पद कमल अनुज कर जोरी। कहेउ नाथ कछु मोहि न खोरी ॥अनुज समेत गए प्रभु तहवाँ। गोदावरि तट आश्रम जहवाँ ॥आश्रम देखि जानकी हीना। भए बिकल जस प्राकृत दीना ॥हा गुन खानि जानकी सीता। रूप सील ब्रत नेम पुनीता ॥लछिमन समुझाए बहु भाँती। पूछत चले लता तरु पाँती ॥हे खग मृग हे मधुकर श्रेनी। तुम्ह देखी सीता मृगनैनी ॥खंजन सुक कपोत मृग मीना। मधुप निकर कोकिला प्रबीना ॥कुंद कली दाड़िम दामिनी। कमल सरद ससि अहिभामिनी ॥बरुन पास मनोज धनु हंसा। गज केहरि निज सुनत प्रसंसा ॥श्रीफल कनक कदलि हरषाहीं। नेकु न संक सकुच मन माहीं ॥सुनु जानकी तोहि बिनु आजू। हरषे सकल पाइ जनु राजू ॥किमि सहि जात अनख तोहि पाहीं । प्रिया बेगि प्रगटसि कस नाहीं ॥एहि बिधि खौजत बिलपत स्वामी। मनहुँ महा बिरही अति कामी ॥पूरनकाम राम सुख रासी। मनुज चरित कर अज अबिनासी ॥आगे परा गीधपति देखा। सुमिरत राम चरन जिन्ह रेखा ॥

raghupati anujahi āvata dekhī| bāhija ciṃtā kīnhi biseṣī ||janakasutā pariharihu akelī| āyahu tāta bacana mama pelī ||nisicara nikara phirahiṃ bana māhīṃ| mama mana sītā āśrama nāhīṃ ||gahi pada kamala anuja kara jorī| kaheu nātha kachu mohi na khorī ||anuja sameta gae prabhu tahavām̐| godāvari taṭa āśrama jahavām̐ ||āśrama dekhi jānakī hīnā| bhae bikala jasa prākṛta dīnā ||hā guna khāni jānakī sītā| rūpa sīla brata nema punītā ||lachimana samujhāe bahu bhām̐tī| pūchata cale latā taru pām̐tī ||he khaga mṛga he madhukara śrenī| tumha dekhī sītā mṛganainī ||khaṃjana suka kapota mṛga mīnā| madhupa nikara kokilā prabīnā ||kuṃda kalī dāड़ima dāminī| kamala sarada sasi ahibhāminī ||baruna pāsa manoja dhanu haṃsā| gaja kehari nija sunata prasaṃsā ||śrīphala kanaka kadali haraṣāhīṃ| neku na saṃka sakuca mana māhīṃ ||sunu jānakī tohi binu ājū| haraṣe sakala pāi janu rājū ||kimi sahi jāta anakha tohi pāhīṃ | priyā begi pragaṭasi kasa nāhīṃ ||ehi bidhi khaujata bilapata svāmī| manahum̐ mahā birahī ati kāmī ||pūranakāma rāma sukha rāsī| manuja carita kara aja abināsī ||āge parā gīdhapati dekhā| sumirata rāma carana jinha rekhā ||

दो\। कर सरोज सिर परसेउ कृपासिंधु रधुबीर ॥निरखि राम छबि धाम मुख बिगत भई सब पीर ॥ ३० ॥

do\| kara saroja sira paraseu kṛpāsiṃdhu radhubīra ||nirakhi rāma chabi dhāma mukha bigata bhaī saba pīra || 30 ||

तब कह गीध बचन धरि धीरा । सुनहु राम भंजन भव भीरा ॥नाथ दसानन यह गति कीन्ही। तेहि खल जनकसुता हरि लीन्ही ॥लै दच्छिन दिसि गयउ गोसाई। बिलपति अति कुररी की नाई ॥दरस लागी प्रभु राखेंउँ प्राना। चलन चहत अब कृपानिधाना ॥राम कहा तनु राखहु ताता। मुख मुसकाइ कही तेहिं बाता ॥जा कर नाम मरत मुख आवा। अधमउ मुकुत होई श्रुति गावा ॥सो मम लोचन गोचर आगें। राखौं देह नाथ केहि खाँगेँ ॥जल भरि नयन कहहिँ रघुराई। तात कर्म निज ते गतिं पाई ॥परहित बस जिन्ह के मन माहीँ। तिन्ह कहुँ जग दुर्लभ कछु नाहीँ ॥तनु तजि तात जाहु मम धामा। देउँ काह तुम्ह पूरनकामा ॥

taba kaha gīdha bacana dhari dhīrā | sunahu rāma bhaṃjana bhava bhīrā ||nātha dasānana yaha gati kīnhī| tehi khala janakasutā hari līnhī ||lai dacchina disi gayau gosāī| bilapati ati kurarī kī nāī ||darasa lāgī prabhu rākheṃum̐ prānā| calana cahata aba kṛpānidhānā ||rāma kahā tanu rākhahu tātā| mukha musakāi kahī tehiṃ bātā ||jā kara nāma marata mukha āvā| adhamau mukuta hoī śruti gāvā ||so mama locana gocara āgeṃ| rākhauṃ deha nātha kehi khām̐gem̐ ||jala bhari nayana kahahim̐ raghurāī| tāta karma nija te gatiṃ pāī ||parahita basa jinha ke mana māhīm̐| tinha kahum̐ jaga durlabha kachu nāhīm̐ ||tanu taji tāta jāhu mama dhāmā| deum̐ kāha tumha pūranakāmā ||

दो\। सीता हरन तात जनि कहहु पिता सन जाइ ॥जौँ मैँ राम त कुल सहित कहिहि दसानन आइ ॥ ३१ ॥

do\| sītā harana tāta jani kahahu pitā sana jāi ||jaum̐ maim̐ rāma ta kula sahita kahihi dasānana āi || 31 ||

गीध देह तजि धरि हरि रुपा। भूषन बहु पट पीत अनूपा ॥स्याम गात बिसाल भुज चारी। अस्तुति करत नयन भरि बारी ॥

gīdha deha taji dhari hari rupā| bhūṣana bahu paṭa pīta anūpā ||syāma gāta bisāla bhuja cārī| astuti karata nayana bhari bārī ||

छं\। जय राम रूप अनूप निर्गुन सगुन गुन प्रेरक सही।दससीस बाहु प्रचंड खंडन चंड सर मंडन मही ॥पाथोद गात सरोज मुख राजीव आयत लोचनं।नित नौमि रामु कृपाल बाहु बिसाल भव भय मोचनं ॥ १ ॥

chaṃ\| jaya rāma rūpa anūpa nirguna saguna guna preraka sahī|dasasīsa bāhu pracaṃḍa khaṃḍana caṃḍa sara maṃḍana mahī ||pāthoda gāta saroja mukha rājīva āyata locanaṃ|nita naumi rāmu kṛpāla bāhu bisāla bhava bhaya mocanaṃ || 1 ||

बलमप्रमेयमनादिमजमब्यक्तमेकमगोचरं।गोबिंद गोपर द्वंद्वहर बिग्यानघन धरनीधरं ॥जे राम मंत्र जपंत संत अनंत जन मन रंजनं।नित नौमि राम अकाम प्रिय कामादि खल दल गंजनं ॥ २।

balamaprameyamanādimajamabyaktamekamagocaraṃ|gobiṃda gopara dvaṃdvahara bigyānaghana dharanīdharaṃ ||je rāma maṃtra japaṃta saṃta anaṃta jana mana raṃjanaṃ|nita naumi rāma akāma priya kāmādi khala dala gaṃjanaṃ || 2|

जेहि श्रुति निरंजन ब्रह्म ब्यापक बिरज अज कहि गावहीं ॥करि ध्यान ग्यान बिराग जोग अनेक मुनि जेहि पावहीं ॥सो प्रगट करुना कंद सोभा बृंद अग जग मोहई।मम हृदय पंकज भृंग अंग अनंग बहु छबि सोहई ॥ ३ ॥

jehi śruti niraṃjana brahma byāpaka biraja aja kahi gāvahīṃ ||kari dhyāna gyāna birāga joga aneka muni jehi pāvahīṃ ||so pragaṭa karunā kaṃda sobhā bṛṃda aga jaga mohaī|mama hṛdaya paṃkaja bhṛṃga aṃga anaṃga bahu chabi sohaī || 3 ||

जो अगम सुगम सुभाव निर्मल असम सम सीतल सदा।पस्यंति जं जोगी जतन करि करत मन गो बस सदा ॥सो राम रमा निवास संतत दास बस त्रिभुवन धनी।मम उर बसउ सो समन संसृति जासु कीरति पावनी ॥ ४ ॥

jo agama sugama subhāva nirmala asama sama sītala sadā|pasyaṃti jaṃ jogī jatana kari karata mana go basa sadā ||so rāma ramā nivāsa saṃtata dāsa basa tribhuvana dhanī|mama ura basau so samana saṃsṛti jāsu kīrati pāvanī || 4 ||

दो\। अबिरल भगति मागि बर गीध गयउ हरिधाम।तेहि की क्रिया जथोचित निज कर कीन्ही राम ॥ ३२ ॥

do\| abirala bhagati māgi bara gīdha gayau haridhāma|tehi kī kriyā jathocita nija kara kīnhī rāma || 32 ||

कोमल चित अति दीनदयाला। कारन बिनु रघुनाथ कृपाला ॥गीध अधम खग आमिष भोगी। गति दीन्हि जो जाचत जोगी ॥सुनहु उमा ते लोग अभागी। हरि तजि होहिं बिषय अनुरागी ॥पुनि सीतहि खोजत द्वौ भाई। चले बिलोकत बन बहुताई ॥संकुल लता बिटप घन कानन। बहु खग मृग तहँ गज पंचानन ॥आवत पंथ कबंध निपाता। तेहिं सब कही साप कै बाता ॥दुरबासा मोहि दीन्ही सापा। प्रभु पद पेखि मिटा सो पापा ॥सुनु गंधर्ब कहउँ मै तोही। मोहि न सोहाइ ब्रह्मकुल द्रोही ॥

komala cita ati dīnadayālā| kārana binu raghunātha kṛpālā ||gīdha adhama khaga āmiṣa bhogī| gati dīnhi jo jācata jogī ||sunahu umā te loga abhāgī| hari taji hohiṃ biṣaya anurāgī ||puni sītahi khojata dvau bhāī| cale bilokata bana bahutāī ||saṃkula latā biṭapa ghana kānana| bahu khaga mṛga taham̐ gaja paṃcānana ||āvata paṃtha kabaṃdha nipātā| tehiṃ saba kahī sāpa kai bātā ||durabāsā mohi dīnhī sāpā| prabhu pada pekhi miṭā so pāpā ||sunu gaṃdharba kahaum̐ mai tohī| mohi na sohāi brahmakula drohī ||

दो\। मन क्रम बचन कपट तजि जो कर भूसुर सेव।मोहि समेत बिरंचि सिव बस ताकें सब देव ॥ ३३ ॥

do\| mana krama bacana kapaṭa taji jo kara bhūsura seva|mohi sameta biraṃci siva basa tākeṃ saba deva || 33 ||

सापत ताड़त परुष कहंता। बिप्र पूज्य अस गावहिं संता ॥पूजिअ बिप्र सील गुन हीना। सूद्र न गुन गन ग्यान प्रबीना ॥कहि निज धर्म ताहि समुझावा। निज पद प्रीति देखि मन भावा ॥रघुपति चरन कमल सिरु नाई। गयउ गगन आपनि गति पाई ॥ताहि देइ गति राम उदारा। सबरी कें आश्रम पगु धारा ॥सबरी देखि राम गृहँ आए। मुनि के बचन समुझि जियँ भाए ॥सरसिज लोचन बाहु बिसाला। जटा मुकुट सिर उर बनमाला ॥स्याम गौर सुंदर दोउ भाई। सबरी परी चरन लपटाई ॥प्रेम मगन मुख बचन न आवा। पुनि पुनि पद सरोज सिर नावा ॥सादर जल लै चरन पखारे। पुनि सुंदर आसन बैठारे ॥

sāpata tāड़ta paruṣa kahaṃtā| bipra pūjya asa gāvahiṃ saṃtā ||pūjia bipra sīla guna hīnā| sūdra na guna gana gyāna prabīnā ||kahi nija dharma tāhi samujhāvā| nija pada prīti dekhi mana bhāvā ||raghupati carana kamala siru nāī| gayau gagana āpani gati pāī ||tāhi dei gati rāma udārā| sabarī keṃ āśrama pagu dhārā ||sabarī dekhi rāma gṛham̐ āe| muni ke bacana samujhi jiyam̐ bhāe ||sarasija locana bāhu bisālā| jaṭā mukuṭa sira ura banamālā ||syāma gaura suṃdara dou bhāī| sabarī parī carana lapaṭāī ||prema magana mukha bacana na āvā| puni puni pada saroja sira nāvā ||sādara jala lai carana pakhāre| puni suṃdara āsana baiṭhāre ||

दो\। कंद मूल फल सुरस अति दिए राम कहुँ आनि।प्रेम सहित प्रभु खाए बारंबार बखानि ॥ ३४ ॥

do\| kaṃda mūla phala surasa ati die rāma kahum̐ āni|prema sahita prabhu khāe bāraṃbāra bakhāni || 34 ||

पानि जोरि आगें भइ ठाढ़ी। प्रभुहि बिलोकि प्रीति अति बाढ़ी ॥केहि बिधि अस्तुति करौ तुम्हारी। अधम जाति मैं जड़मति भारी ॥अधम ते अधम अधम अति नारी। तिन्ह महँ मैं मतिमंद अघारी ॥कह रघुपति सुनु भामिनि बाता। मानउँ एक भगति कर नाता ॥जाति पाँति कुल धर्म बड़ाई। धन बल परिजन गुन चतुराई ॥भगति हीन नर सोहइ कैसा। बिनु जल बारिद देखिअ जैसा ॥नवधा भगति कहउँ तोहि पाहीं। सावधान सुनु धरु मन माहीं ॥प्रथम भगति संतन्ह कर संगा। दूसरि रति मम कथा प्रसंगा ॥

pāni jori āgeṃ bhai ṭhāṛhī| prabhuhi biloki prīti ati bāṛhī ||kehi bidhi astuti karau tumhārī| adhama jāti maiṃ jaड़mati bhārī ||adhama te adhama adhama ati nārī| tinha maham̐ maiṃ matimaṃda aghārī ||kaha raghupati sunu bhāmini bātā| mānaum̐ eka bhagati kara nātā ||jāti pām̐ti kula dharma baड़āī| dhana bala parijana guna caturāī ||bhagati hīna nara sohai kaisā| binu jala bārida dekhia jaisā ||navadhā bhagati kahaum̐ tohi pāhīṃ| sāvadhāna sunu dharu mana māhīṃ ||prathama bhagati saṃtanha kara saṃgā| dūsari rati mama kathā prasaṃgā ||

दो\। गुर पद पंकज सेवा तीसरि भगति अमान।चौथि भगति मम गुन गन करइ कपट तजि गान ॥ ३५ ॥

do\| gura pada paṃkaja sevā tīsari bhagati amāna|cauthi bhagati mama guna gana karai kapaṭa taji gāna || 35 ||

मंत्र जाप मम दृढ़ बिस्वासा। पंचम भजन सो बेद प्रकासा ॥छठ दम सील बिरति बहु करमा। निरत निरंतर सज्जन धरमा ॥सातवँ सम मोहि मय जग देखा। मोतें संत अधिक करि लेखा ॥आठवँ जथालाभ संतोषा। सपनेहुँ नहिं देखइ परदोषा ॥नवम सरल सब सन छलहीना। मम भरोस हियँ हरष न दीना ॥नव महुँ एकउ जिन्ह के होई। नारि पुरुष सचराचर कोई ॥सोइ अतिसय प्रिय भामिनि मोरे। सकल प्रकार भगति दृढ़ तोरें ॥मम दरसन फल परम अनूपा। जीव पाव निज सहज सरूपा ॥जनकसुता कइ सुधि भामिनी। जानहि कहु करिबरगामिनी ॥पंपा सरहि जाहु रघुराई। तहँ होइहि सुग्रीव मिताई ॥सो सब कहिहि देव रघुबीरा। जानतहूँ पूछहु मतिधीरा ॥बार बार प्रभु पद सिरु नाई। प्रेम सहित सब कथा सुनाई ॥

maṃtra jāpa mama dṛṛha bisvāsā| paṃcama bhajana so beda prakāsā ||chaṭha dama sīla birati bahu karamā| nirata niraṃtara sajjana dharamā ||sātavam̐ sama mohi maya jaga dekhā| moteṃ saṃta adhika kari lekhā ||āṭhavam̐ jathālābha saṃtoṣā| sapanehum̐ nahiṃ dekhai paradoṣā ||navama sarala saba sana chalahīnā| mama bharosa hiyam̐ haraṣa na dīnā ||nava mahum̐ ekau jinha ke hoī| nāri puruṣa sacarācara koī ||soi atisaya priya bhāmini more| sakala prakāra bhagati dṛṛha toreṃ ||mama darasana phala parama anūpā| jīva pāva nija sahaja sarūpā ||janakasutā kai sudhi bhāminī| jānahi kahu karibaragāminī ||paṃpā sarahi jāhu raghurāī| taham̐ hoihi sugrīva mitāī ||so saba kahihi deva raghubīrā| jānatahūm̐ pūchahu matidhīrā ||bāra bāra prabhu pada siru nāī| prema sahita saba kathā sunāī ||

छं\। कहि कथा सकल बिलोकि हरि मुख हृदयँ पद पंकज धरे।तजि जोग पावक देह हरि पद लीन भइ जहँ नहिं फिरे ॥नर बिबिध कर्म अधर्म बहु मत सोकप्रद सब त्यागहू।बिस्वास करि कह दास तुलसी राम पद अनुरागहू ॥

chaṃ\| kahi kathā sakala biloki hari mukha hṛdayam̐ pada paṃkaja dhare|taji joga pāvaka deha hari pada līna bhai jaham̐ nahiṃ phire ||nara bibidha karma adharma bahu mata sokaprada saba tyāgahū|bisvāsa kari kaha dāsa tulasī rāma pada anurāgahū ||

दो\। जाति हीन अघ जन्म महि मुक्त कीन्हि असि नारि।महामंद मन सुख चहसि ऐसे प्रभुहि बिसारि ॥ ३६ ॥

do\| jāti hīna agha janma mahi mukta kīnhi asi nāri|mahāmaṃda mana sukha cahasi aise prabhuhi bisāri || 36 ||

चले राम त्यागा बन सोऊ। अतुलित बल नर केहरि दोऊ ॥बिरही इव प्रभु करत बिषादा। कहत कथा अनेक संबादा ॥लछिमन देखु बिपिन कइ सोभा। देखत केहि कर मन नहिं छोभा ॥नारि सहित सब खग मृग बृंदा। मानहुँ मोरि करत हहिं निंदा ॥हमहि देखि मृग निकर पराहीं। मृगीं कहहिं तुम्ह कहँ भय नाहीं ॥तुम्ह आनंद करहु मृग जाए। कंचन मृग खोजन ए आए ॥संग लाइ करिनीं करि लेहीं। मानहुँ मोहि सिखावनु देहीं ॥सास्त्र सुचिंतित पुनि पुनि देखिअ। भूप सुसेवित बस नहिं लेखिअ ॥राखिअ नारि जदपि उर माहीं। जुबती सास्त्र नृपति बस नाहीं ॥देखहु तात बसंत सुहावा। प्रिया हीन मोहि भय उपजावा ॥

cale rāma tyāgā bana soū| atulita bala nara kehari doū ||birahī iva prabhu karata biṣādā| kahata kathā aneka saṃbādā ||lachimana dekhu bipina kai sobhā| dekhata kehi kara mana nahiṃ chobhā ||nāri sahita saba khaga mṛga bṛṃdā| mānahum̐ mori karata hahiṃ niṃdā ||hamahi dekhi mṛga nikara parāhīṃ| mṛgīṃ kahahiṃ tumha kaham̐ bhaya nāhīṃ ||tumha ānaṃda karahu mṛga jāe| kaṃcana mṛga khojana e āe ||saṃga lāi karinīṃ kari lehīṃ| mānahum̐ mohi sikhāvanu dehīṃ ||sāstra suciṃtita puni puni dekhia| bhūpa susevita basa nahiṃ lekhia ||rākhia nāri jadapi ura māhīṃ| jubatī sāstra nṛpati basa nāhīṃ ||dekhahu tāta basaṃta suhāvā| priyā hīna mohi bhaya upajāvā ||

दो\। बिरह बिकल बलहीन मोहि जानेसि निपट अकेल।सहित बिपिन मधुकर खग मदन कीन्ह बगमेल ॥ ३७(क) ॥

do\| biraha bikala balahīna mohi jānesi nipaṭa akela|sahita bipina madhukara khaga madana kīnha bagamela || 37(ka) ||

देखि गयउ भ्राता सहित तासु दूत सुनि बात।डेरा कीन्हेउ मनहुँ तब कटकु हटकि मनजात ॥ ३७(ख) ॥

dekhi gayau bhrātā sahita tāsu dūta suni bāta|ḍerā kīnheu manahum̐ taba kaṭaku haṭaki manajāta || 37(kha) ||

बिटप बिसाल लता अरुझानी। बिबिध बितान दिए जनु तानी ॥कदलि ताल बर धुजा पताका। दैखि न मोह धीर मन जाका ॥बिबिध भाँति फूले तरु नाना। जनु बानैत बने बहु बाना ॥कहुँ कहुँ सुन्दर बिटप सुहाए। जनु भट बिलग बिलग होइ छाए ॥कूजत पिक मानहुँ गज माते। ढेक महोख ऊँट बिसराते ॥मोर चकोर कीर बर बाजी। पारावत मराल सब ताजी ॥तीतिर लावक पदचर जूथा। बरनि न जाइ मनोज बरुथा ॥रथ गिरि सिला दुंदुभी झरना। चातक बंदी गुन गन बरना ॥मधुकर मुखर भेरि सहनाई। त्रिबिध बयारि बसीठीं आई ॥चतुरंगिनी सेन सँग लीन्हें। बिचरत सबहि चुनौती दीन्हें ॥लछिमन देखत काम अनीका। रहहिं धीर तिन्ह कै जग लीका ॥एहि कें एक परम बल नारी। तेहि तें उबर सुभट सोइ भारी ॥

biṭapa bisāla latā arujhānī| bibidha bitāna die janu tānī ||kadali tāla bara dhujā patākā| daikhi na moha dhīra mana jākā ||bibidha bhām̐ti phūle taru nānā| janu bānaita bane bahu bānā ||kahum̐ kahum̐ sundara biṭapa suhāe| janu bhaṭa bilaga bilaga hoi chāe ||kūjata pika mānahum̐ gaja māte| ḍheka mahokha ūm̐ṭa bisarāte ||mora cakora kīra bara bājī| pārāvata marāla saba tājī ||tītira lāvaka padacara jūthā| barani na jāi manoja baruthā ||ratha giri silā duṃdubhī jharanā| cātaka baṃdī guna gana baranā ||madhukara mukhara bheri sahanāī| tribidha bayāri basīṭhīṃ āī ||caturaṃginī sena sam̐ga līnheṃ| bicarata sabahi cunautī dīnheṃ ||lachimana dekhata kāma anīkā| rahahiṃ dhīra tinha kai jaga līkā ||ehi keṃ eka parama bala nārī| tehi teṃ ubara subhaṭa soi bhārī ||

दो\। तात तीनि अति प्रबल खल काम क्रोध अरु लोभ।मुनि बिग्यान धाम मन करहिं निमिष महुँ छोभ ॥ ३८(क) ॥

do\| tāta tīni ati prabala khala kāma krodha aru lobha|muni bigyāna dhāma mana karahiṃ nimiṣa mahum̐ chobha || 38(ka) ||

लोभ कें इच्छा दंभ बल काम कें केवल नारि।क्रोध के परुष बचन बल मुनिबर कहहिं बिचारि ॥ ३८(ख) ॥

lobha keṃ icchā daṃbha bala kāma keṃ kevala nāri|krodha ke paruṣa bacana bala munibara kahahiṃ bicāri || 38(kha) ||

गुनातीत सचराचर स्वामी। राम उमा सब अंतरजामी ॥कामिन्ह कै दीनता देखाई। धीरन्ह कें मन बिरति दृढ़ाई ॥क्रोध मनोज लोभ मद माया। छूटहिं सकल राम कीं दाया ॥सो नर इंद्रजाल नहिं भूला। जा पर होइ सो नट अनुकूला ॥उमा कहउँ मैं अनुभव अपना। सत हरि भजनु जगत सब सपना ॥पुनि प्रभु गए सरोबर तीरा। पंपा नाम सुभग गंभीरा ॥संत हृदय जस निर्मल बारी। बाँधे घाट मनोहर चारी ॥जहँ तहँ पिअहिं बिबिध मृग नीरा। जनु उदार गृह जाचक भीरा ॥

gunātīta sacarācara svāmī| rāma umā saba aṃtarajāmī ||kāminha kai dīnatā dekhāī| dhīranha keṃ mana birati dṛṛhāī ||krodha manoja lobha mada māyā| chūṭahiṃ sakala rāma kīṃ dāyā ||so nara iṃdrajāla nahiṃ bhūlā| jā para hoi so naṭa anukūlā ||umā kahaum̐ maiṃ anubhava apanā| sata hari bhajanu jagata saba sapanā ||puni prabhu gae sarobara tīrā| paṃpā nāma subhaga gaṃbhīrā ||saṃta hṛdaya jasa nirmala bārī| bām̐dhe ghāṭa manohara cārī ||jaham̐ taham̐ piahiṃ bibidha mṛga nīrā| janu udāra gṛha jācaka bhīrā ||

दो\। पुरइनि सबन ओट जल बेगि न पाइअ मर्म।मायाछन्न न देखिऐ जैसे निर्गुन ब्रह्म ॥ ३९(क) ॥

do\| puraini sabana oṭa jala begi na pāia marma|māyāchanna na dekhiai jaise nirguna brahma || 39(ka) ||

सुखि मीन सब एकरस अति अगाध जल माहिं।जथा धर्मसीलन्ह के दिन सुख संजुत जाहिं ॥ ३९(ख) ॥

sukhi mīna saba ekarasa ati agādha jala māhiṃ|jathā dharmasīlanha ke dina sukha saṃjuta jāhiṃ || 39(kha) ||

बिकसे सरसिज नाना रंगा। मधुर मुखर गुंजत बहु भृंगा ॥बोलत जलकुक्कुट कलहंसा। प्रभु बिलोकि जनु करत प्रसंसा ॥चक्रवाक बक खग समुदाई। देखत बनइ बरनि नहिं जाई ॥सुन्दर खग गन गिरा सुहाई। जात पथिक जनु लेत बोलाई ॥ताल समीप मुनिन्ह गृह छाए। चहु दिसि कानन बिटप सुहाए ॥चंपक बकुल कदंब तमाला। पाटल पनस परास रसाला ॥नव पल्लव कुसुमित तरु नाना। चंचरीक पटली कर गाना ॥सीतल मंद सुगंध सुभाऊ। संतत बहइ मनोहर बाऊ ॥कुहू कुहू कोकिल धुनि करहीं। सुनि रव सरस ध्यान मुनि टरहीं ॥

bikase sarasija nānā raṃgā| madhura mukhara guṃjata bahu bhṛṃgā ||bolata jalakukkuṭa kalahaṃsā| prabhu biloki janu karata prasaṃsā ||cakravāka baka khaga samudāī| dekhata banai barani nahiṃ jāī ||sundara khaga gana girā suhāī| jāta pathika janu leta bolāī ||tāla samīpa muninha gṛha chāe| cahu disi kānana biṭapa suhāe ||caṃpaka bakula kadaṃba tamālā| pāṭala panasa parāsa rasālā ||nava pallava kusumita taru nānā| caṃcarīka paṭalī kara gānā ||sītala maṃda sugaṃdha subhāū| saṃtata bahai manohara bāū ||kuhū kuhū kokila dhuni karahīṃ| suni rava sarasa dhyāna muni ṭarahīṃ ||

दो\। फल भारन नमि बिटप सब रहे भूमि निअराइ।पर उपकारी पुरुष जिमि नवहिं सुसंपति पाइ ॥ ४० ॥

do\| phala bhārana nami biṭapa saba rahe bhūmi niarāi|para upakārī puruṣa jimi navahiṃ susaṃpati pāi || 40 ||

देखि राम अति रुचिर तलावा। मज्जनु कीन्ह परम सुख पावा ॥देखी सुंदर तरुबर छाया। बैठे अनुज सहित रघुराया ॥तहँ पुनि सकल देव मुनि आए। अस्तुति करि निज धाम सिधाए ॥बैठे परम प्रसन्न कृपाला। कहत अनुज सन कथा रसाला ॥बिरहवंत भगवंतहि देखी। नारद मन भा सोच बिसेषी ॥मोर साप करि अंगीकारा। सहत राम नाना दुख भारा ॥ऐसे प्रभुहि बिलोकउँ जाई। पुनि न बनिहि अस अवसरु आई ॥यह बिचारि नारद कर बीना। गए जहाँ प्रभु सुख आसीना ॥गावत राम चरित मृदु बानी। प्रेम सहित बहु भाँति बखानी ॥करत दंडवत लिए उठाई। राखे बहुत बार उर लाई ॥स्वागत पूँछि निकट बैठारे। लछिमन सादर चरन पखारे ॥

dekhi rāma ati rucira talāvā| majjanu kīnha parama sukha pāvā ||dekhī suṃdara tarubara chāyā| baiṭhe anuja sahita raghurāyā ||taham̐ puni sakala deva muni āe| astuti kari nija dhāma sidhāe ||baiṭhe parama prasanna kṛpālā| kahata anuja sana kathā rasālā ||birahavaṃta bhagavaṃtahi dekhī| nārada mana bhā soca biseṣī ||mora sāpa kari aṃgīkārā| sahata rāma nānā dukha bhārā ||aise prabhuhi bilokaum̐ jāī| puni na banihi asa avasaru āī ||yaha bicāri nārada kara bīnā| gae jahām̐ prabhu sukha āsīnā ||gāvata rāma carita mṛdu bānī| prema sahita bahu bhām̐ti bakhānī ||karata daṃḍavata lie uṭhāī| rākhe bahuta bāra ura lāī ||svāgata pūm̐chi nikaṭa baiṭhāre| lachimana sādara carana pakhāre ||

दो\। नाना बिधि बिनती करि प्रभु प्रसन्न जियँ जानि।नारद बोले बचन तब जोरि सरोरुह पानि ॥ ४१ ॥

do\| nānā bidhi binatī kari prabhu prasanna jiyam̐ jāni|nārada bole bacana taba jori saroruha pāni || 41 ||

सुनहु उदार सहज रघुनायक। सुंदर अगम सुगम बर दायक ॥देहु एक बर मागउँ स्वामी। जद्यपि जानत अंतरजामी ॥जानहु मुनि तुम्ह मोर सुभाऊ। जन सन कबहुँ कि करउँ दुराऊ ॥कवन बस्तु असि प्रिय मोहि लागी। जो मुनिबर न सकहु तुम्ह मागी ॥जन कहुँ कछु अदेय नहिं मोरें। अस बिस्वास तजहु जनि भोरें ॥तब नारद बोले हरषाई । अस बर मागउँ करउँ ढिठाई ॥जद्यपि प्रभु के नाम अनेका। श्रुति कह अधिक एक तें एका ॥राम सकल नामन्ह ते अधिका। होउ नाथ अघ खग गन बधिका ॥

sunahu udāra sahaja raghunāyaka| suṃdara agama sugama bara dāyaka ||dehu eka bara māgaum̐ svāmī| jadyapi jānata aṃtarajāmī ||jānahu muni tumha mora subhāū| jana sana kabahum̐ ki karaum̐ durāū ||kavana bastu asi priya mohi lāgī| jo munibara na sakahu tumha māgī ||jana kahum̐ kachu adeya nahiṃ moreṃ| asa bisvāsa tajahu jani bhoreṃ ||taba nārada bole haraṣāī | asa bara māgaum̐ karaum̐ ḍhiṭhāī ||jadyapi prabhu ke nāma anekā| śruti kaha adhika eka teṃ ekā ||rāma sakala nāmanha te adhikā| hou nātha agha khaga gana badhikā ||

दो\। राका रजनी भगति तव राम नाम सोइ सोम।अपर नाम उडगन बिमल बसुहुँ भगत उर ब्योम ॥ ४२(क) ॥

do\| rākā rajanī bhagati tava rāma nāma soi soma|apara nāma uḍagana bimala basuhum̐ bhagata ura byoma || 42(ka) ||

एवमस्तु मुनि सन कहेउ कृपासिंधु रघुनाथ।तब नारद मन हरष अति प्रभु पद नायउ माथ ॥ ४२(ख) ॥

evamastu muni sana kaheu kṛpāsiṃdhu raghunātha|taba nārada mana haraṣa ati prabhu pada nāyau mātha || 42(kha) ||

अति प्रसन्न रघुनाथहि जानी। पुनि नारद बोले मृदु बानी ॥राम जबहिं प्रेरेउ निज माया। मोहेहु मोहि सुनहु रघुराया ॥तब बिबाह मैं चाहउँ कीन्हा। प्रभु केहि कारन करै न दीन्हा ॥सुनु मुनि तोहि कहउँ सहरोसा। भजहिं जे मोहि तजि सकल भरोसा ॥करउँ सदा तिन्ह कै रखवारी। जिमि बालक राखइ महतारी ॥गह सिसु बच्छ अनल अहि धाई। तहँ राखइ जननी अरगाई ॥प्रौढ़ भएँ तेहि सुत पर माता। प्रीति करइ नहिं पाछिलि बाता ॥मोरे प्रौढ़ तनय सम ग्यानी। बालक सुत सम दास अमानी ॥जनहि मोर बल निज बल ताही। दुहु कहँ काम क्रोध रिपु आही ॥यह बिचारि पंडित मोहि भजहीं। पाएहुँ ग्यान भगति नहिं तजहीं ॥

ati prasanna raghunāthahi jānī| puni nārada bole mṛdu bānī ||rāma jabahiṃ prereu nija māyā| mohehu mohi sunahu raghurāyā ||taba bibāha maiṃ cāhaum̐ kīnhā| prabhu kehi kārana karai na dīnhā ||sunu muni tohi kahaum̐ saharosā| bhajahiṃ je mohi taji sakala bharosā ||karaum̐ sadā tinha kai rakhavārī| jimi bālaka rākhai mahatārī ||gaha sisu baccha anala ahi dhāī| taham̐ rākhai jananī aragāī ||prauṛha bhaem̐ tehi suta para mātā| prīti karai nahiṃ pāchili bātā ||more prauṛha tanaya sama gyānī| bālaka suta sama dāsa amānī ||janahi mora bala nija bala tāhī| duhu kaham̐ kāma krodha ripu āhī ||yaha bicāri paṃḍita mohi bhajahīṃ| pāehum̐ gyāna bhagati nahiṃ tajahīṃ ||

दो\। काम क्रोध लोभादि मद प्रबल मोह कै धारि।तिन्ह महँ अति दारुन दुखद मायारूपी नारि ॥ ४३ ॥

do\| kāma krodha lobhādi mada prabala moha kai dhāri|tinha maham̐ ati dāruna dukhada māyārūpī nāri || 43 ||

सुनि मुनि कह पुरान श्रुति संता। मोह बिपिन कहुँ नारि बसंता ॥जप तप नेम जलाश्रय झारी। होइ ग्रीषम सोषइ सब नारी ॥काम क्रोध मद मत्सर भेका। इन्हहि हरषप्रद बरषा एका ॥दुर्बासना कुमुद समुदाई। तिन्ह कहँ सरद सदा सुखदाई ॥धर्म सकल सरसीरुह बृंदा। होइ हिम तिन्हहि दहइ सुख मंदा ॥पुनि ममता जवास बहुताई। पलुहइ नारि सिसिर रितु पाई ॥पाप उलूक निकर सुखकारी। नारि निबिड़ रजनी अँधिआरी ॥बुधि बल सील सत्य सब मीना। बनसी सम त्रिय कहहिं प्रबीना ॥

suni muni kaha purāna śruti saṃtā| moha bipina kahum̐ nāri basaṃtā ||japa tapa nema jalāśraya jhārī| hoi grīṣama soṣai saba nārī ||kāma krodha mada matsara bhekā| inhahi haraṣaprada baraṣā ekā ||durbāsanā kumuda samudāī| tinha kaham̐ sarada sadā sukhadāī ||dharma sakala sarasīruha bṛṃdā| hoi hima tinhahi dahai sukha maṃdā ||puni mamatā javāsa bahutāī| paluhai nāri sisira ritu pāī ||pāpa ulūka nikara sukhakārī| nāri nibiड़ rajanī am̐dhiārī ||budhi bala sīla satya saba mīnā| banasī sama triya kahahiṃ prabīnā ||

दो\। अवगुन मूल सूलप्रद प्रमदा सब दुख खानि।ताते कीन्ह निवारन मुनि मैं यह जियँ जानि ॥ ४४ ॥

do\| avaguna mūla sūlaprada pramadā saba dukha khāni|tāte kīnha nivārana muni maiṃ yaha jiyam̐ jāni || 44 ||

सुनि रघुपति के बचन सुहाए। मुनि तन पुलक नयन भरि आए ॥कहहु कवन प्रभु कै असि रीती। सेवक पर ममता अरु प्रीती ॥जे न भजहिं अस प्रभु भ्रम त्यागी। ग्यान रंक नर मंद अभागी ॥पुनि सादर बोले मुनि नारद। सुनहु राम बिग्यान बिसारद ॥संतन्ह के लच्छन रघुबीरा। कहहु नाथ भव भंजन भीरा ॥सुनु मुनि संतन्ह के गुन कहऊँ। जिन्ह ते मैं उन्ह कें बस रहऊँ ॥षट बिकार जित अनघ अकामा। अचल अकिंचन सुचि सुखधामा ॥अमितबोध अनीह मितभोगी। सत्यसार कबि कोबिद जोगी ॥सावधान मानद मदहीना। धीर धर्म गति परम प्रबीना ॥

suni raghupati ke bacana suhāe| muni tana pulaka nayana bhari āe ||kahahu kavana prabhu kai asi rītī| sevaka para mamatā aru prītī ||je na bhajahiṃ asa prabhu bhrama tyāgī| gyāna raṃka nara maṃda abhāgī ||puni sādara bole muni nārada| sunahu rāma bigyāna bisārada ||saṃtanha ke lacchana raghubīrā| kahahu nātha bhava bhaṃjana bhīrā ||sunu muni saṃtanha ke guna kahaūm̐| jinha te maiṃ unha keṃ basa rahaūm̐ ||ṣaṭa bikāra jita anagha akāmā| acala akiṃcana suci sukhadhāmā ||amitabodha anīha mitabhogī| satyasāra kabi kobida jogī ||sāvadhāna mānada madahīnā| dhīra dharma gati parama prabīnā ||

दो\। गुनागार संसार दुख रहित बिगत संदेह ॥तजि मम चरन सरोज प्रिय तिन्ह कहुँ देह न गेह ॥ ४५ ॥

do\| gunāgāra saṃsāra dukha rahita bigata saṃdeha ||taji mama carana saroja priya tinha kahum̐ deha na geha || 45 ||

निज गुन श्रवन सुनत सकुचाहीं। पर गुन सुनत अधिक हरषाहीं ॥सम सीतल नहिं त्यागहिं नीती। सरल सुभाउ सबहिं सन प्रीती ॥जप तप ब्रत दम संजम नेमा। गुरु गोबिंद बिप्र पद प्रेमा ॥श्रद्धा छमा मयत्री दाया। मुदिता मम पद प्रीति अमाया ॥बिरति बिबेक बिनय बिग्याना। बोध जथारथ बेद पुराना ॥दंभ मान मद करहिं न काऊ। भूलि न देहिं कुमारग पाऊ ॥गावहिं सुनहिं सदा मम लीला। हेतु रहित परहित रत सीला ॥मुनि सुनु साधुन्ह के गुन जेते। कहि न सकहिं सारद श्रुति तेते ॥

nija guna śravana sunata sakucāhīṃ| para guna sunata adhika haraṣāhīṃ ||sama sītala nahiṃ tyāgahiṃ nītī| sarala subhāu sabahiṃ sana prītī ||japa tapa brata dama saṃjama nemā| guru gobiṃda bipra pada premā ||śraddhā chamā mayatrī dāyā| muditā mama pada prīti amāyā ||birati bibeka binaya bigyānā| bodha jathāratha beda purānā ||daṃbha māna mada karahiṃ na kāū| bhūli na dehiṃ kumāraga pāū ||gāvahiṃ sunahiṃ sadā mama līlā| hetu rahita parahita rata sīlā ||muni sunu sādhunha ke guna jete| kahi na sakahiṃ sārada śruti tete ||

छं\। कहि सक न सारद सेष नारद सुनत पद पंकज गहे।अस दीनबंधु कृपाल अपने भगत गुन निज मुख कहे ॥सिरु नाह बारहिं बार चरनन्हि ब्रह्मपुर नारद गए ॥ते धन्य तुलसीदास आस बिहाइ जे हरि रँग रँए ॥

chaṃ\| kahi saka na sārada seṣa nārada sunata pada paṃkaja gahe|asa dīnabaṃdhu kṛpāla apane bhagata guna nija mukha kahe ||siru nāha bārahiṃ bāra carananhi brahmapura nārada gae ||te dhanya tulasīdāsa āsa bihāi je hari ram̐ga ram̐e ||

दो\। रावनारि जसु पावन गावहिं सुनहिं जे लोग।राम भगति दृढ़ पावहिं बिनु बिराग जप जोग ॥ ४६(क) ॥

do\| rāvanāri jasu pāvana gāvahiṃ sunahiṃ je loga|rāma bhagati dṛṛha pāvahiṃ binu birāga japa joga || 46(ka) ||

दीप सिखा सम जुबति तन मन जनि होसि पतंग।भजहि राम तजि काम मद करहि सदा सतसंग ॥ ४६(ख) ॥

dīpa sikhā sama jubati tana mana jani hosi pataṃga|bhajahi rāma taji kāma mada karahi sadā satasaṃga || 46(kha) ||

मासपारायण, बाईसवाँ विश्रामइति श्रीमद्रामचरितमानसे सकलकलिकलुषविध्वंसनेतृतीयः सोपानः समाप्तः।(अरण्यकाण्ड समाप्त)

māsapārāyaṇa, bāīsavām̐ viśrāmaiti śrīmadrāmacaritamānase sakalakalikaluṣavidhvaṃsanetṛtīyaḥ sopānaḥ samāptaḥ|(araṇyakāṇḍa samāpta)