श्रीरामचरितमानस २ अयोध्याकाण्ड Shri Ram Charit Manas (2)

श्रीगणेशायनमः

śrīgaṇeśāyanamaḥ

श्रीजानकीवल्लभो विजयतेश्रीरामचरितमानसद्वितीय सोपानअयोध्याकाण्डश्लोकयस्याङ्के च विभाति भूधरसुता देवापगा मस्तकेभाले बालविधुर्गले च गरलं यस्योरसि व्यालराट्।सोऽयं भूतिविभूषणः सुरवरः सर्वाधिपः सर्वदाशर्वः सर्वगतः शिवः शशिनिभः श्रीशङ्करः पातु माम् ॥ १ ॥

śrījānakīvallabho vijayateśrīrāmacaritamānasadvitīya sopānaayodhyākāṇḍaślokayasyāṅke ca vibhāti bhūdharasutā devāpagā mastakebhāle bālavidhurgale ca garalaṃ yasyorasi vyālarāṭ|so'yaṃ bhūtivibhūṣaṇaḥ suravaraḥ sarvādhipaḥ sarvadāśarvaḥ sarvagataḥ śivaḥ śaśinibhaḥ śrīśaṅkaraḥ pātu mām || 1 ||

प्रसन्नतां या न गताभिषेकतस्तथा न मम्ले वनवासदुःखतः।मुखाम्बुजश्री रघुनन्दनस्य मे सदास्तु सा मञ्जुलमंगलप्रदा ॥ २ ॥

prasannatāṃ yā na gatābhiṣekatastathā na mamle vanavāsaduḥkhataḥ|mukhāmbujaśrī raghunandanasya me sadāstu sā mañjulamaṃgalapradā || 2 ||

नीलाम्बुजश्यामलकोमलाङ्गं सीतासमारोपितवामभागम्।पाणौ महासायकचारुचापं नमामि रामं रघुवंशनाथम् ॥ ३ ॥

nīlāmbujaśyāmalakomalāṅgaṃ sītāsamāropitavāmabhāgam|pāṇau mahāsāyakacārucāpaṃ namāmi rāmaṃ raghuvaṃśanātham || 3 ||

दो\। श्रीगुरु चरन सरोज रज निज मनु मुकुरु सुधारि।बरनउँ रघुबर बिमल जसु जो दायकु फल चारि ॥जब तें रामु ब्याहि घर आए। नित नव मंगल मोद बधाए ॥भुवन चारिदस भूधर भारी। सुकृत मेघ बरषहि सुख बारी ॥

do\| śrīguru carana saroja raja nija manu mukuru sudhāri|baranaum̐ raghubara bimala jasu jo dāyaku phala cāri ||jaba teṃ rāmu byāhi ghara āe| nita nava maṃgala moda badhāe ||bhuvana cāridasa bhūdhara bhārī| sukṛta megha baraṣahi sukha bārī ||

रिधि सिधि संपति नदीं सुहाई। उमगि अवध अंबुधि कहुँ आई ॥मनिगन पुर नर नारि सुजाती। सुचि अमोल सुंदर सब भाँती ॥कहि न जाइ कछु नगर बिभूती। जनु एतनिअ बिरंचि करतूती ॥सब बिधि सब पुर लोग सुखारी। रामचंद मुख चंदु निहारी ॥मुदित मातु सब सखीं सहेली। फलित बिलोकि मनोरथ बेली ॥राम रूपु गुनसीलु सुभाऊ। प्रमुदित होइ देखि सुनि राऊ ॥

ridhi sidhi saṃpati nadīṃ suhāī| umagi avadha aṃbudhi kahum̐ āī ||manigana pura nara nāri sujātī| suci amola suṃdara saba bhām̐tī ||kahi na jāi kachu nagara bibhūtī| janu etania biraṃci karatūtī ||saba bidhi saba pura loga sukhārī| rāmacaṃda mukha caṃdu nihārī ||mudita mātu saba sakhīṃ sahelī| phalita biloki manoratha belī ||rāma rūpu gunasīlu subhāū| pramudita hoi dekhi suni rāū ||

दो\। सब कें उर अभिलाषु अस कहहिं मनाइ महेसु।आप अछत जुबराज पद रामहि देउ नरेसु ॥ १ ॥

do\| saba keṃ ura abhilāṣu asa kahahiṃ manāi mahesu|āpa achata jubarāja pada rāmahi deu naresu || 1 ||

एक समय सब सहित समाजा। राजसभाँ रघुराजु बिराजा ॥सकल सुकृत मूरति नरनाहू। राम सुजसु सुनि अतिहि उछाहू ॥नृप सब रहहिं कृपा अभिलाषें। लोकप करहिं प्रीति रुख राखें ॥तिभुवन तीनि काल जग माहीं। भूरि भाग दसरथ सम नाहीं ॥मंगलमूल रामु सुत जासू। जो कछु कहिज थोर सबु तासू ॥रायँ सुभायँ मुकुरु कर लीन्हा। बदनु बिलोकि मुकुट सम कीन्हा ॥श्रवन समीप भए सित केसा। मनहुँ जरठपनु अस उपदेसा ॥नृप जुबराज राम कहुँ देहू। जीवन जनम लाहु किन लेहू ॥

eka samaya saba sahita samājā| rājasabhām̐ raghurāju birājā ||sakala sukṛta mūrati naranāhū| rāma sujasu suni atihi uchāhū ||nṛpa saba rahahiṃ kṛpā abhilāṣeṃ| lokapa karahiṃ prīti rukha rākheṃ ||tibhuvana tīni kāla jaga māhīṃ| bhūri bhāga dasaratha sama nāhīṃ ||maṃgalamūla rāmu suta jāsū| jo kachu kahija thora sabu tāsū ||rāyam̐ subhāyam̐ mukuru kara līnhā| badanu biloki mukuṭa sama kīnhā ||śravana samīpa bhae sita kesā| manahum̐ jaraṭhapanu asa upadesā ||nṛpa jubarāja rāma kahum̐ dehū| jīvana janama lāhu kina lehū ||

दो\। यह बिचारु उर आनि नृप सुदिनु सुअवसरु पाइ।प्रेम पुलकि तन मुदित मन गुरहि सुनायउ जाइ ॥ २ ॥

do\| yaha bicāru ura āni nṛpa sudinu suavasaru pāi|prema pulaki tana mudita mana gurahi sunāyau jāi || 2 ||

कहइ भुआलु सुनिअ मुनिनायक। भए राम सब बिधि सब लायक ॥सेवक सचिव सकल पुरबासी। जे हमारे अरि मित्र उदासी ॥सबहि रामु प्रिय जेहि बिधि मोही। प्रभु असीस जनु तनु धरि सोही ॥बिप्र सहित परिवार गोसाईं। करहिं छोहु सब रौरिहि नाई ॥जे गुर चरन रेनु सिर धरहीं। ते जनु सकल बिभव बस करहीं ॥मोहि सम यहु अनुभयउ न दूजें। सबु पायउँ रज पावनि पूजें ॥अब अभिलाषु एकु मन मोरें। पूजहि नाथ अनुग्रह तोरें ॥मुनि प्रसन्न लखि सहज सनेहू। कहेउ नरेस रजायसु देहू ॥

kahai bhuālu sunia munināyaka| bhae rāma saba bidhi saba lāyaka ||sevaka saciva sakala purabāsī| je hamāre ari mitra udāsī ||sabahi rāmu priya jehi bidhi mohī| prabhu asīsa janu tanu dhari sohī ||bipra sahita parivāra gosāīṃ| karahiṃ chohu saba raurihi nāī ||je gura carana renu sira dharahīṃ| te janu sakala bibhava basa karahīṃ ||mohi sama yahu anubhayau na dūjeṃ| sabu pāyaum̐ raja pāvani pūjeṃ ||aba abhilāṣu eku mana moreṃ| pūjahi nātha anugraha toreṃ ||muni prasanna lakhi sahaja sanehū| kaheu naresa rajāyasu dehū ||

दो\। राजन राउर नामु जसु सब अभिमत दातार।फल अनुगामी महिप मनि मन अभिलाषु तुम्हार ॥ ३ ॥

do\| rājana rāura nāmu jasu saba abhimata dātāra|phala anugāmī mahipa mani mana abhilāṣu tumhāra || 3 ||

सब बिधि गुरु प्रसन्न जियँ जानी। बोलेउ राउ रहँसि मृदु बानी ॥नाथ रामु करिअहिं जुबराजू। कहिअ कृपा करि करिअ समाजू ॥मोहि अछत यहु होइ उछाहू। लहहिं लोग सब लोचन लाहू ॥प्रभु प्रसाद सिव सबइ निबाहीं। यह लालसा एक मन माहीं ॥पुनि न सोच तनु रहउ कि जाऊ। जेहिं न होइ पाछें पछिताऊ ॥सुनि मुनि दसरथ बचन सुहाए। मंगल मोद मूल मन भाए ॥सुनु नृप जासु बिमुख पछिताहीं। जासु भजन बिनु जरनि न जाहीं ॥भयउ तुम्हार तनय सोइ स्वामी। रामु पुनीत प्रेम अनुगामी ॥

saba bidhi guru prasanna jiyam̐ jānī| boleu rāu raham̐si mṛdu bānī ||nātha rāmu kariahiṃ jubarājū| kahia kṛpā kari karia samājū ||mohi achata yahu hoi uchāhū| lahahiṃ loga saba locana lāhū ||prabhu prasāda siva sabai nibāhīṃ| yaha lālasā eka mana māhīṃ ||puni na soca tanu rahau ki jāū| jehiṃ na hoi pācheṃ pachitāū ||suni muni dasaratha bacana suhāe| maṃgala moda mūla mana bhāe ||sunu nṛpa jāsu bimukha pachitāhīṃ| jāsu bhajana binu jarani na jāhīṃ ||bhayau tumhāra tanaya soi svāmī| rāmu punīta prema anugāmī ||

दो\। बेगि बिलंबु न करिअ नृप साजिअ सबुइ समाजु।सुदिन सुमंगलु तबहिं जब रामु होहिं जुबराजु ॥ ४ ॥

do\| begi bilaṃbu na karia nṛpa sājia sabui samāju|sudina sumaṃgalu tabahiṃ jaba rāmu hohiṃ jubarāju || 4 ||

मुदित महिपति मंदिर आए। सेवक सचिव सुमंत्रु बोलाए ॥कहि जयजीव सीस तिन्ह नाए। भूप सुमंगल बचन सुनाए ॥जौं पाँचहि मत लागै नीका। करहु हरषि हियँ रामहि टीका ॥मंत्री मुदित सुनत प्रिय बानी। अभिमत बिरवँ परेउ जनु पानी ॥बिनती सचिव करहि कर जोरी। जिअहु जगतपति बरिस करोरी ॥जग मंगल भल काजु बिचारा। बेगिअ नाथ न लाइअ बारा ॥नृपहि मोदु सुनि सचिव सुभाषा। बढ़त बौंड़ जनु लही सुसाखा ॥

mudita mahipati maṃdira āe| sevaka saciva sumaṃtru bolāe ||kahi jayajīva sīsa tinha nāe| bhūpa sumaṃgala bacana sunāe ||jauṃ pām̐cahi mata lāgai nīkā| karahu haraṣi hiyam̐ rāmahi ṭīkā ||maṃtrī mudita sunata priya bānī| abhimata biravam̐ pareu janu pānī ||binatī saciva karahi kara jorī| jiahu jagatapati barisa karorī ||jaga maṃgala bhala kāju bicārā| begia nātha na lāia bārā ||nṛpahi modu suni saciva subhāṣā| baṛhata bauṃड़ janu lahī susākhā ||

दो\। कहेउ भूप मुनिराज कर जोइ जोइ आयसु होइ।राम राज अभिषेक हित बेगि करहु सोइ सोइ ॥ ५ ॥

do\| kaheu bhūpa munirāja kara joi joi āyasu hoi|rāma rāja abhiṣeka hita begi karahu soi soi || 5 ||

हरषि मुनीस कहेउ मृदु बानी। आनहु सकल सुतीरथ पानी ॥औषध मूल फूल फल पाना। कहे नाम गनि मंगल नाना ॥चामर चरम बसन बहु भाँती। रोम पाट पट अगनित जाती ॥मनिगन मंगल बस्तु अनेका। जो जग जोगु भूप अभिषेका ॥बेद बिदित कहि सकल बिधाना। कहेउ रचहु पुर बिबिध बिताना ॥सफल रसाल पूगफल केरा। रोपहु बीथिन्ह पुर चहुँ फेरा ॥रचहु मंजु मनि चौकें चारू। कहहु बनावन बेगि बजारू ॥पूजहु गनपति गुर कुलदेवा। सब बिधि करहु भूमिसुर सेवा ॥

haraṣi munīsa kaheu mṛdu bānī| ānahu sakala sutīratha pānī ||auṣadha mūla phūla phala pānā| kahe nāma gani maṃgala nānā ||cāmara carama basana bahu bhām̐tī| roma pāṭa paṭa aganita jātī ||manigana maṃgala bastu anekā| jo jaga jogu bhūpa abhiṣekā ||beda bidita kahi sakala bidhānā| kaheu racahu pura bibidha bitānā ||saphala rasāla pūgaphala kerā| ropahu bīthinha pura cahum̐ pherā ||racahu maṃju mani caukeṃ cārū| kahahu banāvana begi bajārū ||pūjahu ganapati gura kuladevā| saba bidhi karahu bhūmisura sevā ||

दो\। ध्वज पताक तोरन कलस सजहु तुरग रथ नाग।सिर धरि मुनिबर बचन सबु निज निज काजहिं लाग ॥ ६ ॥

do\| dhvaja patāka torana kalasa sajahu turaga ratha nāga|sira dhari munibara bacana sabu nija nija kājahiṃ lāga || 6 ||

जो मुनीस जेहि आयसु दीन्हा। सो तेहिं काजु प्रथम जनु कीन्हा ॥बिप्र साधु सुर पूजत राजा। करत राम हित मंगल काजा ॥सुनत राम अभिषेक सुहावा। बाज गहागह अवध बधावा ॥राम सीय तन सगुन जनाए। फरकहिं मंगल अंग सुहाए ॥पुलकि सप्रेम परसपर कहहीं। भरत आगमनु सूचक अहहीं ॥भए बहुत दिन अति अवसेरी। सगुन प्रतीति भेंट प्रिय केरी ॥भरत सरिस प्रिय को जग माहीं। इहइ सगुन फलु दूसर नाहीं ॥रामहि बंधु सोच दिन राती। अंडन्हि कमठ ह्रदउ जेहि भाँती ॥

jo munīsa jehi āyasu dīnhā| so tehiṃ kāju prathama janu kīnhā ||bipra sādhu sura pūjata rājā| karata rāma hita maṃgala kājā ||sunata rāma abhiṣeka suhāvā| bāja gahāgaha avadha badhāvā ||rāma sīya tana saguna janāe| pharakahiṃ maṃgala aṃga suhāe ||pulaki saprema parasapara kahahīṃ| bharata āgamanu sūcaka ahahīṃ ||bhae bahuta dina ati avaserī| saguna pratīti bheṃṭa priya kerī ||bharata sarisa priya ko jaga māhīṃ| ihai saguna phalu dūsara nāhīṃ ||rāmahi baṃdhu soca dina rātī| aṃḍanhi kamaṭha hradau jehi bhām̐tī ||

दो\। एहि अवसर मंगलु परम सुनि रहँसेउ रनिवासु।सोभत लखि बिधु बढ़त जनु बारिधि बीचि बिलासु ॥ ७ ॥

do\| ehi avasara maṃgalu parama suni raham̐seu ranivāsu|sobhata lakhi bidhu baṛhata janu bāridhi bīci bilāsu || 7 ||

प्रथम जाइ जिन्ह बचन सुनाए। भूषन बसन भूरि तिन्ह पाए ॥प्रेम पुलकि तन मन अनुरागीं। मंगल कलस सजन सब लागीं ॥चौकें चारु सुमित्राँ पुरी। मनिमय बिबिध भाँति अति रुरी ॥आनँद मगन राम महतारी। दिए दान बहु बिप्र हँकारी ॥पूजीं ग्रामदेबि सुर नागा। कहेउ बहोरि देन बलिभागा ॥जेहि बिधि होइ राम कल्यानू। देहु दया करि सो बरदानू ॥गावहिं मंगल कोकिलबयनीं। बिधुबदनीं मृगसावकनयनीं ॥

prathama jāi jinha bacana sunāe| bhūṣana basana bhūri tinha pāe ||prema pulaki tana mana anurāgīṃ| maṃgala kalasa sajana saba lāgīṃ ||caukeṃ cāru sumitrām̐ purī| manimaya bibidha bhām̐ti ati rurī ||ānam̐da magana rāma mahatārī| die dāna bahu bipra ham̐kārī ||pūjīṃ grāmadebi sura nāgā| kaheu bahori dena balibhāgā ||jehi bidhi hoi rāma kalyānū| dehu dayā kari so baradānū ||gāvahiṃ maṃgala kokilabayanīṃ| bidhubadanīṃ mṛgasāvakanayanīṃ ||

दो\। राम राज अभिषेकु सुनि हियँ हरषे नर नारि।लगे सुमंगल सजन सब बिधि अनुकूल बिचारि ॥ ८ ॥

do\| rāma rāja abhiṣeku suni hiyam̐ haraṣe nara nāri|lage sumaṃgala sajana saba bidhi anukūla bicāri || 8 ||

तब नरनाहँ बसिष्ठु बोलाए। रामधाम सिख देन पठाए ॥गुर आगमनु सुनत रघुनाथा। द्वार आइ पद नायउ माथा ॥सादर अरघ देइ घर आने। सोरह भाँति पूजि सनमाने ॥गहे चरन सिय सहित बहोरी। बोले रामु कमल कर जोरी ॥सेवक सदन स्वामि आगमनू। मंगल मूल अमंगल दमनू ॥तदपि उचित जनु बोलि सप्रीती। पठइअ काज नाथ असि नीती ॥प्रभुता तजि प्रभु कीन्ह सनेहू। भयउ पुनीत आजु यहु गेहू ॥आयसु होइ सो करौं गोसाई। सेवक लहइ स्वामि सेवकाई ॥

taba naranāham̐ basiṣṭhu bolāe| rāmadhāma sikha dena paṭhāe ||gura āgamanu sunata raghunāthā| dvāra āi pada nāyau māthā ||sādara aragha dei ghara āne| soraha bhām̐ti pūji sanamāne ||gahe carana siya sahita bahorī| bole rāmu kamala kara jorī ||sevaka sadana svāmi āgamanū| maṃgala mūla amaṃgala damanū ||tadapi ucita janu boli saprītī| paṭhaia kāja nātha asi nītī ||prabhutā taji prabhu kīnha sanehū| bhayau punīta āju yahu gehū ||āyasu hoi so karauṃ gosāī| sevaka lahai svāmi sevakāī ||

दो\। सुनि सनेह साने बचन मुनि रघुबरहि प्रसंस।राम कस न तुम्ह कहहु अस हंस बंस अवतंस ॥ ९ ॥

do\| suni saneha sāne bacana muni raghubarahi prasaṃsa|rāma kasa na tumha kahahu asa haṃsa baṃsa avataṃsa || 9 ||

बरनि राम गुन सीलु सुभाऊ। बोले प्रेम पुलकि मुनिराऊ ॥भूप सजेउ अभिषेक समाजू। चाहत देन तुम्हहि जुबराजू ॥राम करहु सब संजम आजू। जौं बिधि कुसल निबाहै काजू ॥गुरु सिख देइ राय पहिं गयउ। राम हृदयँ अस बिसमउ भयऊ ॥जनमे एक संग सब भाई। भोजन सयन केलि लरिकाई ॥करनबेध उपबीत बिआहा। संग संग सब भए उछाहा ॥बिमल बंस यहु अनुचित एकू। बंधु बिहाइ बड़ेहि अभिषेकू ॥प्रभु सप्रेम पछितानि सुहाई। हरउ भगत मन कै कुटिलाई ॥

barani rāma guna sīlu subhāū| bole prema pulaki munirāū ||bhūpa sajeu abhiṣeka samājū| cāhata dena tumhahi jubarājū ||rāma karahu saba saṃjama ājū| jauṃ bidhi kusala nibāhai kājū ||guru sikha dei rāya pahiṃ gayau| rāma hṛdayam̐ asa bisamau bhayaū ||janame eka saṃga saba bhāī| bhojana sayana keli larikāī ||karanabedha upabīta biāhā| saṃga saṃga saba bhae uchāhā ||bimala baṃsa yahu anucita ekū| baṃdhu bihāi baड़ehi abhiṣekū ||prabhu saprema pachitāni suhāī| harau bhagata mana kai kuṭilāī ||

दो\। तेहि अवसर आए लखन मगन प्रेम आनंद।सनमाने प्रिय बचन कहि रघुकुल कैरव चंद ॥ १० ॥

do\| tehi avasara āe lakhana magana prema ānaṃda|sanamāne priya bacana kahi raghukula kairava caṃda || 10 ||

बाजहिं बाजने बिबिध बिधाना। पुर प्रमोदु नहिं जाइ बखाना ॥भरत आगमनु सकल मनावहिं। आवहुँ बेगि नयन फलु पावहिं ॥हाट बाट घर गलीं अथाई। कहहिं परसपर लोग लोगाई ॥कालि लगन भलि केतिक बारा। पूजिहि बिधि अभिलाषु हमारा ॥कनक सिंघासन सीय समेता। बैठहिं रामु होइ चित चेता ॥सकल कहहिं कब होइहि काली। बिघन मनावहिं देव कुचाली ॥तिन्हहि सोहाइ न अवध बधावा। चोरहि चंदिनि राति न भावा ॥सारद बोलि बिनय सुर करहीं। बारहिं बार पाय लै परहीं ॥

bājahiṃ bājane bibidha bidhānā| pura pramodu nahiṃ jāi bakhānā ||bharata āgamanu sakala manāvahiṃ| āvahum̐ begi nayana phalu pāvahiṃ ||hāṭa bāṭa ghara galīṃ athāī| kahahiṃ parasapara loga logāī ||kāli lagana bhali ketika bārā| pūjihi bidhi abhilāṣu hamārā ||kanaka siṃghāsana sīya sametā| baiṭhahiṃ rāmu hoi cita cetā ||sakala kahahiṃ kaba hoihi kālī| bighana manāvahiṃ deva kucālī ||tinhahi sohāi na avadha badhāvā| corahi caṃdini rāti na bhāvā ||sārada boli binaya sura karahīṃ| bārahiṃ bāra pāya lai parahīṃ ||

दो\। बिपति हमारि बिलोकि बड़ि मातु करिअ सोइ आजु।रामु जाहिं बन राजु तजि होइ सकल सुरकाजु ॥ ११ ॥

do\| bipati hamāri biloki baड़i mātu karia soi āju|rāmu jāhiṃ bana rāju taji hoi sakala surakāju || 11 ||

सुनि सुर बिनय ठाढ़ि पछिताती। भइउँ सरोज बिपिन हिमराती ॥देखि देव पुनि कहहिं निहोरी। मातु तोहि नहिं थोरिउ खोरी ॥बिसमय हरष रहित रघुराऊ। तुम्ह जानहु सब राम प्रभाऊ ॥जीव करम बस सुख दुख भागी। जाइअ अवध देव हित लागी ॥बार बार गहि चरन सँकोचौ। चली बिचारि बिबुध मति पोची ॥ऊँच निवासु नीचि करतूती। देखि न सकहिं पराइ बिभूती ॥आगिल काजु बिचारि बहोरी। करहहिं चाह कुसल कबि मोरी ॥हरषि हृदयँ दसरथ पुर आई। जनु ग्रह दसा दुसह दुखदाई ॥

suni sura binaya ṭhāṛhi pachitātī| bhaium̐ saroja bipina himarātī ||dekhi deva puni kahahiṃ nihorī| mātu tohi nahiṃ thoriu khorī ||bisamaya haraṣa rahita raghurāū| tumha jānahu saba rāma prabhāū ||jīva karama basa sukha dukha bhāgī| jāia avadha deva hita lāgī ||bāra bāra gahi carana sam̐kocau| calī bicāri bibudha mati pocī ||ūm̐ca nivāsu nīci karatūtī| dekhi na sakahiṃ parāi bibhūtī ||āgila kāju bicāri bahorī| karahahiṃ cāha kusala kabi morī ||haraṣi hṛdayam̐ dasaratha pura āī| janu graha dasā dusaha dukhadāī ||

दो\। नामु मंथरा मंदमति चेरी कैकेइ केरि।अजस पेटारी ताहि करि गई गिरा मति फेरि ॥ १२ ॥

do\| nāmu maṃtharā maṃdamati cerī kaikei keri|ajasa peṭārī tāhi kari gaī girā mati pheri || 12 ||

दीख मंथरा नगरु बनावा। मंजुल मंगल बाज बधावा ॥पूछेसि लोगन्ह काह उछाहू। राम तिलकु सुनि भा उर दाहू ॥करइ बिचारु कुबुद्धि कुजाती। होइ अकाजु कवनि बिधि राती ॥देखि लागि मधु कुटिल किराती। जिमि गवँ तकइ लेउँ केहि भाँती ॥भरत मातु पहिं गइ बिलखानी। का अनमनि हसि कह हँसि रानी ॥ऊतरु देइ न लेइ उसासू। नारि चरित करि ढारइ आँसू ॥हँसि कह रानि गालु बड़ तोरें। दीन्ह लखन सिख अस मन मोरें ॥तबहुँ न बोल चेरि बड़ि पापिनि। छाड़इ स्वास कारि जनु साँपिनि ॥

dīkha maṃtharā nagaru banāvā| maṃjula maṃgala bāja badhāvā ||pūchesi loganha kāha uchāhū| rāma tilaku suni bhā ura dāhū ||karai bicāru kubuddhi kujātī| hoi akāju kavani bidhi rātī ||dekhi lāgi madhu kuṭila kirātī| jimi gavam̐ takai leum̐ kehi bhām̐tī ||bharata mātu pahiṃ gai bilakhānī| kā anamani hasi kaha ham̐si rānī ||ūtaru dei na lei usāsū| nāri carita kari ḍhārai ām̐sū ||ham̐si kaha rāni gālu baड़ toreṃ| dīnha lakhana sikha asa mana moreṃ ||tabahum̐ na bola ceri baड़i pāpini| chāड़i svāsa kāri janu sām̐pini ||

दो\। सभय रानि कह कहसि किन कुसल रामु महिपालु।लखनु भरतु रिपुदमनु सुनि भा कुबरी उर सालु ॥ १३ ॥

do\| sabhaya rāni kaha kahasi kina kusala rāmu mahipālu|lakhanu bharatu ripudamanu suni bhā kubarī ura sālu || 13 ||

कत सिख देइ हमहि कोउ माई। गालु करब केहि कर बलु पाई ॥रामहि छाड़ि कुसल केहि आजू। जेहि जनेसु देइ जुबराजू ॥भयउ कौसिलहि बिधि अति दाहिन। देखत गरब रहत उर नाहिन ॥देखेहु कस न जाइ सब सोभा। जो अवलोकि मोर मनु छोभा ॥पूतु बिदेस न सोचु तुम्हारें। जानति हहु बस नाहु हमारें ॥नीद बहुत प्रिय सेज तुराई। लखहु न भूप कपट चतुराई ॥सुनि प्रिय बचन मलिन मनु जानी। झुकी रानि अब रहु अरगानी ॥पुनि अस कबहुँ कहसि घरफोरी। तब धरि जीभ कढ़ावउँ तोरी ॥

kata sikha dei hamahi kou māī| gālu karaba kehi kara balu pāī ||rāmahi chāड़i kusala kehi ājū| jehi janesu dei jubarājū ||bhayau kausilahi bidhi ati dāhina| dekhata garaba rahata ura nāhina ||dekhehu kasa na jāi saba sobhā| jo avaloki mora manu chobhā ||pūtu bidesa na socu tumhāreṃ| jānati hahu basa nāhu hamāreṃ ||nīda bahuta priya seja turāī| lakhahu na bhūpa kapaṭa caturāī ||suni priya bacana malina manu jānī| jhukī rāni aba rahu aragānī ||puni asa kabahum̐ kahasi gharaphorī| taba dhari jībha kaṛhāvaum̐ torī ||

दो\। काने खोरे कूबरे कुटिल कुचाली जानि।तिय बिसेषि पुनि चेरि कहि भरतमातु मुसुकानि ॥ १४ ॥

do\| kāne khore kūbare kuṭila kucālī jāni|tiya biseṣi puni ceri kahi bharatamātu musukāni || 14 ||

सुदिनु सुमंगल दायकु सोई। तोर कहा फुर जेहि दिन होई ॥जेठ स्वामि सेवक लघु भाई। यह दिनकर कुल रीति सुहाई ॥राम तिलकु जौं साँचेहुँ काली। देउँ मागु मन भावत आली ॥कौसल्या सम सब महतारी। रामहि सहज सुभायँ पिआरी ॥मो पर करहिं सनेहु बिसेषी। मैं करि प्रीति परीछा देखी ॥जौं बिधि जनमु देइ करि छोहू। होहुँ राम सिय पूत पुतोहू ॥प्रान तें अधिक रामु प्रिय मोरें। तिन्ह कें तिलक छोभु कस तोरें ॥

sudinu sumaṃgala dāyaku soī| tora kahā phura jehi dina hoī ||jeṭha svāmi sevaka laghu bhāī| yaha dinakara kula rīti suhāī ||rāma tilaku jauṃ sām̐cehum̐ kālī| deum̐ māgu mana bhāvata ālī ||kausalyā sama saba mahatārī| rāmahi sahaja subhāyam̐ piārī ||mo para karahiṃ sanehu biseṣī| maiṃ kari prīti parīchā dekhī ||jauṃ bidhi janamu dei kari chohū| hohum̐ rāma siya pūta putohū ||prāna teṃ adhika rāmu priya moreṃ| tinha keṃ tilaka chobhu kasa toreṃ ||

दो\। भरत सपथ तोहि सत्य कहु परिहरि कपट दुराउ।हरष समय बिसमउ करसि कारन मोहि सुनाउ ॥ १५ ॥

do\| bharata sapatha tohi satya kahu parihari kapaṭa durāu|haraṣa samaya bisamau karasi kārana mohi sunāu || 15 ||

एकहिं बार आस सब पूजी। अब कछु कहब जीभ करि दूजी ॥फोरै जोगु कपारु अभागा। भलेउ कहत दुख रउरेहि लागा ॥कहहिं झूठि फुरि बात बनाई। ते प्रिय तुम्हहि करुइ मैं माई ॥हमहुँ कहबि अब ठकुरसोहाती। नाहिं त मौन रहब दिनु राती ॥करि कुरूप बिधि परबस कीन्हा। बवा सो लुनिअ लहिअ जो दीन्हा ॥कोउ नृप होउ हमहि का हानी। चेरि छाड़ि अब होब कि रानी ॥जारै जोगु सुभाउ हमारा। अनभल देखि न जाइ तुम्हारा ॥तातें कछुक बात अनुसारी। छमिअ देबि बड़ि चूक हमारी ॥

ekahiṃ bāra āsa saba pūjī| aba kachu kahaba jībha kari dūjī ||phorai jogu kapāru abhāgā| bhaleu kahata dukha raurehi lāgā ||kahahiṃ jhūṭhi phuri bāta banāī| te priya tumhahi karui maiṃ māī ||hamahum̐ kahabi aba ṭhakurasohātī| nāhiṃ ta mauna rahaba dinu rātī ||kari kurūpa bidhi parabasa kīnhā| bavā so lunia lahia jo dīnhā ||kou nṛpa hou hamahi kā hānī| ceri chāड़i aba hoba ki rānī ||jārai jogu subhāu hamārā| anabhala dekhi na jāi tumhārā ||tāteṃ kachuka bāta anusārī| chamia debi baड़i cūka hamārī ||

दो\। गूढ़ कपट प्रिय बचन सुनि तीय अधरबुधि रानि।सुरमाया बस बैरिनिहि सुह्द जानि पतिआनि ॥ १६ ॥

do\| gūṛha kapaṭa priya bacana suni tīya adharabudhi rāni|suramāyā basa bairinihi suhda jāni patiāni || 16 ||

सादर पुनि पुनि पूँछति ओही। सबरी गान मृगी जनु मोही ॥तसि मति फिरी अहइ जसि भाबी। रहसी चेरि घात जनु फाबी ॥तुम्ह पूँछहु मैं कहत डेराऊँ। धरेउ मोर घरफोरी नाऊँ ॥सजि प्रतीति बहुबिधि गढ़ि छोली। अवध साढ़साती तब बोली ॥प्रिय सिय रामु कहा तुम्ह रानी। रामहि तुम्ह प्रिय सो फुरि बानी ॥रहा प्रथम अब ते दिन बीते। समउ फिरें रिपु होहिं पिंरीते ॥भानु कमल कुल पोषनिहारा। बिनु जल जारि करइ सोइ छारा ॥जरि तुम्हारि चह सवति उखारी। रूँधहु करि उपाउ बर बारी ॥

sādara puni puni pūm̐chati ohī| sabarī gāna mṛgī janu mohī ||tasi mati phirī ahai jasi bhābī| rahasī ceri ghāta janu phābī ||tumha pūm̐chahu maiṃ kahata ḍerāūm̐| dhareu mora gharaphorī nāūm̐ ||saji pratīti bahubidhi gaṛhi cholī| avadha sāṛhasātī taba bolī ||priya siya rāmu kahā tumha rānī| rāmahi tumha priya so phuri bānī ||rahā prathama aba te dina bīte| samau phireṃ ripu hohiṃ piṃrīte ||bhānu kamala kula poṣanihārā| binu jala jāri karai soi chārā ||jari tumhāri caha savati ukhārī| rūm̐dhahu kari upāu bara bārī ||

दो\। तुम्हहि न सोचु सोहाग बल निज बस जानहु राउ।मन मलीन मुह मीठ नृप राउर सरल सुभाउ ॥ १७ ॥

do\| tumhahi na socu sohāga bala nija basa jānahu rāu|mana malīna muha mīṭha nṛpa rāura sarala subhāu || 17 ||

चतुर गँभीर राम महतारी। बीचु पाइ निज बात सँवारी ॥पठए भरतु भूप ननिअउरें। राम मातु मत जानव रउरें ॥सेवहिं सकल सवति मोहि नीकें। गरबित भरत मातु बल पी कें ॥सालु तुम्हार कौसिलहि माई। कपट चतुर नहिं होइ जनाई ॥राजहि तुम्ह पर प्रेमु बिसेषी। सवति सुभाउ सकइ नहिं देखी ॥रची प्रंपचु भूपहि अपनाई। राम तिलक हित लगन धराई ॥यह कुल उचित राम कहुँ टीका। सबहि सोहाइ मोहि सुठि नीका ॥आगिलि बात समुझि डरु मोही। देउ दैउ फिरि सो फलु ओही ॥

catura gam̐bhīra rāma mahatārī| bīcu pāi nija bāta sam̐vārī ||paṭhae bharatu bhūpa naniaureṃ| rāma mātu mata jānava raureṃ ||sevahiṃ sakala savati mohi nīkeṃ| garabita bharata mātu bala pī keṃ ||sālu tumhāra kausilahi māī| kapaṭa catura nahiṃ hoi janāī ||rājahi tumha para premu biseṣī| savati subhāu sakai nahiṃ dekhī ||racī praṃpacu bhūpahi apanāī| rāma tilaka hita lagana dharāī ||yaha kula ucita rāma kahum̐ ṭīkā| sabahi sohāi mohi suṭhi nīkā ||āgili bāta samujhi ḍaru mohī| deu daiu phiri so phalu ohī ||

दो\। रचि पचि कोटिक कुटिलपन कीन्हेसि कपट प्रबोधु ॥कहिसि कथा सत सवति कै जेहि बिधि बाढ़ बिरोधु ॥ १८ ॥

do\| raci paci koṭika kuṭilapana kīnhesi kapaṭa prabodhu ||kahisi kathā sata savati kai jehi bidhi bāṛha birodhu || 18 ||

भावी बस प्रतीति उर आई। पूँछ रानि पुनि सपथ देवाई ॥का पूछहुँ तुम्ह अबहुँ न जाना। निज हित अनहित पसु पहिचाना ॥भयउ पाखु दिन सजत समाजू। तुम्ह पाई सुधि मोहि सन आजू ॥खाइअ पहिरिअ राज तुम्हारें। सत्य कहें नहिं दोषु हमारें ॥जौं असत्य कछु कहब बनाई। तौ बिधि देइहि हमहि सजाई ॥रामहि तिलक कालि जौं भयऊ।þ तुम्ह कहुँ बिपति बीजु बिधि बयऊ ॥रेख खँचाइ कहउँ बलु भाषी। भामिनि भइहु दूध कइ माखी ॥जौं सुत सहित करहु सेवकाई। तौ घर रहहु न आन उपाई ॥

bhāvī basa pratīti ura āī| pūm̐cha rāni puni sapatha devāī ||kā pūchahum̐ tumha abahum̐ na jānā| nija hita anahita pasu pahicānā ||bhayau pākhu dina sajata samājū| tumha pāī sudhi mohi sana ājū ||khāia pahiria rāja tumhāreṃ| satya kaheṃ nahiṃ doṣu hamāreṃ ||jauṃ asatya kachu kahaba banāī| tau bidhi deihi hamahi sajāī ||rāmahi tilaka kāli jauṃ bhayaū|þ tumha kahum̐ bipati bīju bidhi bayaū ||rekha kham̐cāi kahaum̐ balu bhāṣī| bhāmini bhaihu dūdha kai mākhī ||jauṃ suta sahita karahu sevakāī| tau ghara rahahu na āna upāī ||

दो\। कद्रूँ बिनतहि दीन्ह दुखु तुम्हहि कौसिलाँ देब।भरतु बंदिगृह सेइहहिं लखनु राम के नेब ॥ १९ ॥

do\| kadrūm̐ binatahi dīnha dukhu tumhahi kausilām̐ deba|bharatu baṃdigṛha seihahiṃ lakhanu rāma ke neba || 19 ||

कैकयसुता सुनत कटु बानी। कहि न सकइ कछु सहमि सुखानी ॥तन पसेउ कदली जिमि काँपी। कुबरीं दसन जीभ तब चाँपी ॥कहि कहि कोटिक कपट कहानी। धीरजु धरहु प्रबोधिसि रानी ॥फिरा करमु प्रिय लागि कुचाली। बकिहि सराहइ मानि मराली ॥सुनु मंथरा बात फुरि तोरी। दहिनि आँखि नित फरकइ मोरी ॥दिन प्रति देखउँ राति कुसपने। कहउँ न तोहि मोह बस अपने ॥काह करौ सखि सूध सुभाऊ। दाहिन बाम न जानउँ काऊ ॥

kaikayasutā sunata kaṭu bānī| kahi na sakai kachu sahami sukhānī ||tana paseu kadalī jimi kām̐pī| kubarīṃ dasana jībha taba cām̐pī ||kahi kahi koṭika kapaṭa kahānī| dhīraju dharahu prabodhisi rānī ||phirā karamu priya lāgi kucālī| bakihi sarāhai māni marālī ||sunu maṃtharā bāta phuri torī| dahini ām̐khi nita pharakai morī ||dina prati dekhaum̐ rāti kusapane| kahaum̐ na tohi moha basa apane ||kāha karau sakhi sūdha subhāū| dāhina bāma na jānaum̐ kāū ||

दो\। अपने चलत न आजु लगि अनभल काहुक कीन्ह।केहिं अघ एकहि बार मोहि दैअँ दुसह दुखु दीन्ह ॥ २० ॥

do\| apane calata na āju lagi anabhala kāhuka kīnha|kehiṃ agha ekahi bāra mohi daiam̐ dusaha dukhu dīnha || 20 ||

नैहर जनमु भरब बरु जाइ। जिअत न करबि सवति सेवकाई ॥अरि बस दैउ जिआवत जाही। मरनु नीक तेहि जीवन चाही ॥दीन बचन कह बहुबिधि रानी। सुनि कुबरीं तियमाया ठानी ॥अस कस कहहु मानि मन ऊना। सुखु सोहागु तुम्ह कहुँ दिन दूना ॥जेहिं राउर अति अनभल ताका। सोइ पाइहि यहु फलु परिपाका ॥जब तें कुमत सुना मैं स्वामिनि। भूख न बासर नींद न जामिनि ॥पूँछेउ गुनिन्ह रेख तिन्ह खाँची। भरत भुआल होहिं यह साँची ॥भामिनि करहु त कहौं उपाऊ। है तुम्हरीं सेवा बस राऊ ॥

naihara janamu bharaba baru jāi| jiata na karabi savati sevakāī ||ari basa daiu jiāvata jāhī| maranu nīka tehi jīvana cāhī ||dīna bacana kaha bahubidhi rānī| suni kubarīṃ tiyamāyā ṭhānī ||asa kasa kahahu māni mana ūnā| sukhu sohāgu tumha kahum̐ dina dūnā ||jehiṃ rāura ati anabhala tākā| soi pāihi yahu phalu paripākā ||jaba teṃ kumata sunā maiṃ svāmini| bhūkha na bāsara nīṃda na jāmini ||pūm̐cheu guninha rekha tinha khām̐cī| bharata bhuāla hohiṃ yaha sām̐cī ||bhāmini karahu ta kahauṃ upāū| hai tumharīṃ sevā basa rāū ||

दो\। परउँ कूप तुअ बचन पर सकउँ पूत पति त्यागि।कहसि मोर दुखु देखि बड़ कस न करब हित लागि ॥ २१ ॥

do\| paraum̐ kūpa tua bacana para sakaum̐ pūta pati tyāgi|kahasi mora dukhu dekhi baड़ kasa na karaba hita lāgi || 21 ||

कुबरीं करि कबुली कैकेई। कपट छुरी उर पाहन टेई ॥लखइ न रानि निकट दुखु कैंसे। चरइ हरित तिन बलिपसु जैसें ॥सुनत बात मृदु अंत कठोरी। देति मनहुँ मधु माहुर घोरी ॥कहइ चेरि सुधि अहइ कि नाही। स्वामिनि कहिहु कथा मोहि पाहीं ॥दुइ बरदान भूप सन थाती। मागहु आजु जुड़ावहु छाती ॥सुतहि राजु रामहि बनवासू। देहु लेहु सब सवति हुलासु ॥भूपति राम सपथ जब करई। तब मागेहु जेहिं बचनु न टरई ॥होइ अकाजु आजु निसि बीतें। बचनु मोर प्रिय मानेहु जी तें ॥

kubarīṃ kari kabulī kaikeī| kapaṭa churī ura pāhana ṭeī ||lakhai na rāni nikaṭa dukhu kaiṃse| carai harita tina balipasu jaiseṃ ||sunata bāta mṛdu aṃta kaṭhorī| deti manahum̐ madhu māhura ghorī ||kahai ceri sudhi ahai ki nāhī| svāmini kahihu kathā mohi pāhīṃ ||dui baradāna bhūpa sana thātī| māgahu āju juड़āvahu chātī ||sutahi rāju rāmahi banavāsū| dehu lehu saba savati hulāsu ||bhūpati rāma sapatha jaba karaī| taba māgehu jehiṃ bacanu na ṭaraī ||hoi akāju āju nisi bīteṃ| bacanu mora priya mānehu jī teṃ ||

दो\। बड़ कुघातु करि पातकिनि कहेसि कोपगृहँ जाहु।काजु सँवारेहु सजग सबु सहसा जनि पतिआहु ॥ २२ ॥

do\| baड़ kughātu kari pātakini kahesi kopagṛham̐ jāhu|kāju sam̐vārehu sajaga sabu sahasā jani patiāhu || 22 ||

कुबरिहि रानि प्रानप्रिय जानी। बार बार बड़ि बुद्धि बखानी ॥तोहि सम हित न मोर संसारा। बहे जात कइ भइसि अधारा ॥जौं बिधि पुरब मनोरथु काली। करौं तोहि चख पूतरि आली ॥बहुबिधि चेरिहि आदरु देई। कोपभवन गवनि कैकेई ॥बिपति बीजु बरषा रितु चेरी। भुइँ भइ कुमति कैकेई केरी ॥पाइ कपट जलु अंकुर जामा। बर दोउ दल दुख फल परिनामा ॥कोप समाजु साजि सबु सोई। राजु करत निज कुमति बिगोई ॥राउर नगर कोलाहलु होई। यह कुचालि कछु जान न कोई ॥

kubarihi rāni prānapriya jānī| bāra bāra baड़i buddhi bakhānī ||tohi sama hita na mora saṃsārā| bahe jāta kai bhaisi adhārā ||jauṃ bidhi puraba manorathu kālī| karauṃ tohi cakha pūtari ālī ||bahubidhi cerihi ādaru deī| kopabhavana gavani kaikeī ||bipati bīju baraṣā ritu cerī| bhuim̐ bhai kumati kaikeī kerī ||pāi kapaṭa jalu aṃkura jāmā| bara dou dala dukha phala parināmā ||kopa samāju sāji sabu soī| rāju karata nija kumati bigoī ||rāura nagara kolāhalu hoī| yaha kucāli kachu jāna na koī ||