श्रीरामचरितमानस ४ किष्किन्धाकाण्ड Shri Ram Charit Manas (4)

॥ राम ॥श्रीगणेशाय नमः

|| rāma ||śrīgaṇeśāya namaḥ

श्रीजानकीवल्लभो विजयतेश्रीरामचरितमानसचतुर्थ सोपान( किष्किन्धाकाण्ड)श्लोककुन्देन्दीवरसुन्दरावतिबलौ विज्ञानधामावुभौशोभाढ्यौ वरधन्विनौ श्रुतिनुतौ गोविप्रवृन्दप्रियौ।मायामानुषरूपिणौ रघुवरौ सद्धर्मवर्मौं हितौसीतान्वेषणतत्परौ पथिगतौ भक्तिप्रदौ तौ हि नः ॥ १ ॥

śrījānakīvallabho vijayateśrīrāmacaritamānasacaturtha sopāna( kiṣkindhākāṇḍa)ślokakundendīvarasundarāvatibalau vijñānadhāmāvubhauśobhāḍhyau varadhanvinau śrutinutau govipravṛndapriyau|māyāmānuṣarūpiṇau raghuvarau saddharmavarmauṃ hitausītānveṣaṇatatparau pathigatau bhaktipradau tau hi naḥ || 1 ||

ब्रह्माम्भोधिसमुद्भवं कलिमलप्रध्वंसनं चाव्ययंश्रीमच्छम्भुमुखेन्दुसुन्दरवरे संशोभितं सर्वदा।संसारामयभेषजं सुखकरं श्रीजानकीजीवनंधन्यास्ते कृतिनः पिबन्ति सततं श्रीरामनामामृतम् ॥ २ ॥

brahmāmbhodhisamudbhavaṃ kalimalapradhvaṃsanaṃ cāvyayaṃśrīmacchambhumukhendusundaravare saṃśobhitaṃ sarvadā|saṃsārāmayabheṣajaṃ sukhakaraṃ śrījānakījīvanaṃdhanyāste kṛtinaḥ pibanti satataṃ śrīrāmanāmāmṛtam || 2 ||

सो\। मुक्ति जन्म महि जानि ग्यान खानि अघ हानि करजहँ बस संभु भवानि सो कासी सेइअ कस न ॥जरत सकल सुर बृंद बिषम गरल जेहिं पान किय।तेहि न भजसि मन मंद को कृपाल संकर सरिस ॥आगें चले बहुरि रघुराया। रिष्यमूक परवत निअराया ॥तहँ रह सचिव सहित सुग्रीवा। आवत देखि अतुल बल सींवा ॥अति सभीत कह सुनु हनुमाना। पुरुष जुगल बल रूप निधाना ॥धरि बटु रूप देखु तैं जाई। कहेसु जानि जियँ सयन बुझाई ॥पठए बालि होहिं मन मैला। भागौं तुरत तजौं यह सैला ॥बिप्र रूप धरि कपि तहँ गयऊ। माथ नाइ पूछत अस भयऊ ॥को तुम्ह स्यामल गौर सरीरा। छत्री रूप फिरहु बन बीरा ॥कठिन भूमि कोमल पद गामी। कवन हेतु बिचरहु बन स्वामी ॥मृदुल मनोहर सुंदर गाता। सहत दुसह बन आतप बाता ॥की तुम्ह तीनि देव महँ कोऊ। नर नारायन की तुम्ह दोऊ ॥

so\| mukti janma mahi jāni gyāna khāni agha hāni karajaham̐ basa saṃbhu bhavāni so kāsī seia kasa na ||jarata sakala sura bṛṃda biṣama garala jehiṃ pāna kiya|tehi na bhajasi mana maṃda ko kṛpāla saṃkara sarisa ||āgeṃ cale bahuri raghurāyā| riṣyamūka paravata niarāyā ||taham̐ raha saciva sahita sugrīvā| āvata dekhi atula bala sīṃvā ||ati sabhīta kaha sunu hanumānā| puruṣa jugala bala rūpa nidhānā ||dhari baṭu rūpa dekhu taiṃ jāī| kahesu jāni jiyam̐ sayana bujhāī ||paṭhae bāli hohiṃ mana mailā| bhāgauṃ turata tajauṃ yaha sailā ||bipra rūpa dhari kapi taham̐ gayaū| mātha nāi pūchata asa bhayaū ||ko tumha syāmala gaura sarīrā| chatrī rūpa phirahu bana bīrā ||kaṭhina bhūmi komala pada gāmī| kavana hetu bicarahu bana svāmī ||mṛdula manohara suṃdara gātā| sahata dusaha bana ātapa bātā ||kī tumha tīni deva maham̐ koū| nara nārāyana kī tumha doū ||

दो\। जग कारन तारन भव भंजन धरनी भार।की तुम्ह अकिल भुवन पति लीन्ह मनुज अवतार ॥ १ ॥

do\| jaga kārana tārana bhava bhaṃjana dharanī bhāra|kī tumha akila bhuvana pati līnha manuja avatāra || 1 ||

कोसलेस दसरथ के जाए । हम पितु बचन मानि बन आए ॥नाम राम लछिमन दऊ भाई। संग नारि सुकुमारि सुहाई ॥इहाँ हरि निसिचर बैदेही। बिप्र फिरहिं हम खोजत तेही ॥आपन चरित कहा हम गाई। कहहु बिप्र निज कथा बुझाई ॥प्रभु पहिचानि परेउ गहि चरना। सो सुख उमा नहिं बरना ॥पुलकित तन मुख आव न बचना। देखत रुचिर बेष कै रचना ॥पुनि धीरजु धरि अस्तुति कीन्ही। हरष हृदयँ निज नाथहि चीन्ही ॥मोर न्याउ मैं पूछा साईं। तुम्ह पूछहु कस नर की नाईं ॥तव माया बस फिरउँ भुलाना। ता ते मैं नहिं प्रभु पहिचाना ॥

kosalesa dasaratha ke jāe | hama pitu bacana māni bana āe ||nāma rāma lachimana daū bhāī| saṃga nāri sukumāri suhāī ||ihām̐ hari nisicara baidehī| bipra phirahiṃ hama khojata tehī ||āpana carita kahā hama gāī| kahahu bipra nija kathā bujhāī ||prabhu pahicāni pareu gahi caranā| so sukha umā nahiṃ baranā ||pulakita tana mukha āva na bacanā| dekhata rucira beṣa kai racanā ||puni dhīraju dhari astuti kīnhī| haraṣa hṛdayam̐ nija nāthahi cīnhī ||mora nyāu maiṃ pūchā sāīṃ| tumha pūchahu kasa nara kī nāīṃ ||tava māyā basa phiraum̐ bhulānā| tā te maiṃ nahiṃ prabhu pahicānā ||

दो\। एकु मैं मंद मोहबस कुटिल हृदय अग्यान।पुनि प्रभु मोहि बिसारेउ दीनबंधु भगवान ॥ २ ॥

do\| eku maiṃ maṃda mohabasa kuṭila hṛdaya agyāna|puni prabhu mohi bisāreu dīnabaṃdhu bhagavāna || 2 ||

जदपि नाथ बहु अवगुन मोरें। सेवक प्रभुहि परै जनि भोरें ॥नाथ जीव तव मायाँ मोहा। सो निस्तरइ तुम्हारेहिं छोहा ॥ता पर मैं रघुबीर दोहाई। जानउँ नहिं कछु भजन उपाई ॥सेवक सुत पति मातु भरोसें। रहइ असोच बनइ प्रभु पोसें ॥अस कहि परेउ चरन अकुलाई। निज तनु प्रगटि प्रीति उर छाई ॥तब रघुपति उठाइ उर लावा। निज लोचन जल सींचि जुड़ावा ॥सुनु कपि जियँ मानसि जनि ऊना। तैं मम प्रिय लछिमन ते दूना ॥समदरसी मोहि कह सब कोऊ। सेवक प्रिय अनन्यगति सोऊ ॥

jadapi nātha bahu avaguna moreṃ| sevaka prabhuhi parai jani bhoreṃ ||nātha jīva tava māyām̐ mohā| so nistarai tumhārehiṃ chohā ||tā para maiṃ raghubīra dohāī| jānaum̐ nahiṃ kachu bhajana upāī ||sevaka suta pati mātu bharoseṃ| rahai asoca banai prabhu poseṃ ||asa kahi pareu carana akulāī| nija tanu pragaṭi prīti ura chāī ||taba raghupati uṭhāi ura lāvā| nija locana jala sīṃci juड़āvā ||sunu kapi jiyam̐ mānasi jani ūnā| taiṃ mama priya lachimana te dūnā ||samadarasī mohi kaha saba koū| sevaka priya ananyagati soū ||

दो\। सो अनन्य जाकें असि मति न टरइ हनुमंत।मैं सेवक सचराचर रूप स्वामि भगवंत ॥ ३ ॥

do\| so ananya jākeṃ asi mati na ṭarai hanumaṃta|maiṃ sevaka sacarācara rūpa svāmi bhagavaṃta || 3 ||

देखि पवन सुत पति अनुकूला। हृदयँ हरष बीती सब सूला ॥नाथ सैल पर कपिपति रहई। सो सुग्रीव दास तव अहई ॥तेहि सन नाथ मयत्री कीजे। दीन जानि तेहि अभय करीजे ॥सो सीता कर खोज कराइहि। जहँ तहँ मरकट कोटि पठाइहि ॥एहि बिधि सकल कथा समुझाई। लिए दुऔ जन पीठि चढ़ाई ॥जब सुग्रीवँ राम कहुँ देखा। अतिसय जन्म धन्य करि लेखा ॥सादर मिलेउ नाइ पद माथा। भैंटेउ अनुज सहित रघुनाथा ॥कपि कर मन बिचार एहि रीती। करिहहिं बिधि मो सन ए प्रीती ॥

dekhi pavana suta pati anukūlā| hṛdayam̐ haraṣa bītī saba sūlā ||nātha saila para kapipati rahaī| so sugrīva dāsa tava ahaī ||tehi sana nātha mayatrī kīje| dīna jāni tehi abhaya karīje ||so sītā kara khoja karāihi| jaham̐ taham̐ marakaṭa koṭi paṭhāihi ||ehi bidhi sakala kathā samujhāī| lie duau jana pīṭhi caṛhāī ||jaba sugrīvam̐ rāma kahum̐ dekhā| atisaya janma dhanya kari lekhā ||sādara mileu nāi pada māthā| bhaiṃṭeu anuja sahita raghunāthā ||kapi kara mana bicāra ehi rītī| karihahiṃ bidhi mo sana e prītī ||

दो\। तब हनुमंत उभय दिसि की सब कथा सुनाइ ॥पावक साखी देइ करि जोरी प्रीती दृढ़ाइ ॥ ४ ॥

do\| taba hanumaṃta ubhaya disi kī saba kathā sunāi ||pāvaka sākhī dei kari jorī prītī dṛṛhāi || 4 ||

कीन्ही प्रीति कछु बीच न राखा। लछमिन राम चरित सब भाषा ॥कह सुग्रीव नयन भरि बारी। मिलिहि नाथ मिथिलेसकुमारी ॥मंत्रिन्ह सहित इहाँ एक बारा। बैठ रहेउँ मैं करत बिचारा ॥गगन पंथ देखी मैं जाता। परबस परी बहुत बिलपाता ॥राम राम हा राम पुकारी। हमहि देखि दीन्हेउ पट डारी ॥मागा राम तुरत तेहिं दीन्हा। पट उर लाइ सोच अति कीन्हा ॥कह सुग्रीव सुनहु रघुबीरा। तजहु सोच मन आनहु धीरा ॥सब प्रकार करिहउँ सेवकाई। जेहि बिधि मिलिहि जानकी आई ॥

kīnhī prīti kachu bīca na rākhā| lachamina rāma carita saba bhāṣā ||kaha sugrīva nayana bhari bārī| milihi nātha mithilesakumārī ||maṃtrinha sahita ihām̐ eka bārā| baiṭha raheum̐ maiṃ karata bicārā ||gagana paṃtha dekhī maiṃ jātā| parabasa parī bahuta bilapātā ||rāma rāma hā rāma pukārī| hamahi dekhi dīnheu paṭa ḍārī ||māgā rāma turata tehiṃ dīnhā| paṭa ura lāi soca ati kīnhā ||kaha sugrīva sunahu raghubīrā| tajahu soca mana ānahu dhīrā ||saba prakāra karihaum̐ sevakāī| jehi bidhi milihi jānakī āī ||

दो\। सखा बचन सुनि हरषे कृपासिधु बलसींव।कारन कवन बसहु बन मोहि कहहु सुग्रीव ॥ ५ ॥

do\| sakhā bacana suni haraṣe kṛpāsidhu balasīṃva|kārana kavana basahu bana mohi kahahu sugrīva || 5 ||

नात बालि अरु मैं द्वौ भाई। प्रीति रही कछु बरनि न जाई ॥मय सुत मायावी तेहि नाऊँ। आवा सो प्रभु हमरें गाऊँ ॥अर्ध राति पुर द्वार पुकारा। बाली रिपु बल सहै न पारा ॥धावा बालि देखि सो भागा। मैं पुनि गयउँ बंधु सँग लागा ॥गिरिबर गुहाँ पैठ सो जाई। तब बालीं मोहि कहा बुझाई ॥परिखेसु मोहि एक पखवारा। नहिं आवौं तब जानेसु मारा ॥मास दिवस तहँ रहेउँ खरारी। निसरी रुधिर धार तहँ भारी ॥बालि हतेसि मोहि मारिहि आई। सिला देइ तहँ चलेउँ पराई ॥मंत्रिन्ह पुर देखा बिनु साईं। दीन्हेउ मोहि राज बरिआई ॥बालि ताहि मारि गृह आवा। देखि मोहि जियँ भेद बढ़ावा ॥रिपु सम मोहि मारेसि अति भारी। हरि लीन्हेसि सर्बसु अरु नारी ॥ताकें भय रघुबीर कृपाला। सकल भुवन मैं फिरेउँ बिहाला ॥इहाँ साप बस आवत नाहीं। तदपि सभीत रहउँ मन माहीँ ॥सुनि सेवक दुख दीनदयाला। फरकि उठीं द्वै भुजा बिसाला ॥

nāta bāli aru maiṃ dvau bhāī| prīti rahī kachu barani na jāī ||maya suta māyāvī tehi nāūm̐| āvā so prabhu hamareṃ gāūm̐ ||ardha rāti pura dvāra pukārā| bālī ripu bala sahai na pārā ||dhāvā bāli dekhi so bhāgā| maiṃ puni gayaum̐ baṃdhu sam̐ga lāgā ||giribara guhām̐ paiṭha so jāī| taba bālīṃ mohi kahā bujhāī ||parikhesu mohi eka pakhavārā| nahiṃ āvauṃ taba jānesu mārā ||māsa divasa taham̐ raheum̐ kharārī| nisarī rudhira dhāra taham̐ bhārī ||bāli hatesi mohi mārihi āī| silā dei taham̐ caleum̐ parāī ||maṃtrinha pura dekhā binu sāīṃ| dīnheu mohi rāja bariāī ||bāli tāhi māri gṛha āvā| dekhi mohi jiyam̐ bheda baṛhāvā ||ripu sama mohi māresi ati bhārī| hari līnhesi sarbasu aru nārī ||tākeṃ bhaya raghubīra kṛpālā| sakala bhuvana maiṃ phireum̐ bihālā ||ihām̐ sāpa basa āvata nāhīṃ| tadapi sabhīta rahaum̐ mana māhīm̐ ||suni sevaka dukha dīnadayālā| pharaki uṭhīṃ dvai bhujā bisālā ||

दो\। सुनु सुग्रीव मारिहउँ बालिहि एकहिं बान।ब्रह्म रुद्र सरनागत गएँ न उबरिहिं प्रान ॥ ६ ॥

do\| sunu sugrīva mārihaum̐ bālihi ekahiṃ bāna|brahma rudra saranāgata gaem̐ na ubarihiṃ prāna || 6 ||

जे न मित्र दुख होहिं दुखारी। तिन्हहि बिलोकत पातक भारी ॥निज दुख गिरि सम रज करि जाना। मित्रक दुख रज मेरु समाना ॥जिन्ह कें असि मति सहज न आई। ते सठ कत हठि करत मिताई ॥कुपथ निवारि सुपंथ चलावा। गुन प्रगटे अवगुनन्हि दुरावा ॥देत लेत मन संक न धरई। बल अनुमान सदा हित करई ॥बिपति काल कर सतगुन नेहा। श्रुति कह संत मित्र गुन एहा ॥आगें कह मृदु बचन बनाई। पाछें अनहित मन कुटिलाई ॥जा कर चित अहि गति सम भाई। अस कुमित्र परिहरेहि भलाई ॥सेवक सठ नृप कृपन कुनारी। कपटी मित्र सूल सम चारी ॥सखा सोच त्यागहु बल मोरें। सब बिधि घटब काज मैं तोरें ॥कह सुग्रीव सुनहु रघुबीरा। बालि महाबल अति रनधीरा ॥दुंदुभी अस्थि ताल देखराए। बिनु प्रयास रघुनाथ ढहाए ॥देखि अमित बल बाढ़ी प्रीती। बालि बधब इन्ह भइ परतीती ॥बार बार नावइ पद सीसा। प्रभुहि जानि मन हरष कपीसा ॥उपजा ग्यान बचन तब बोला। नाथ कृपाँ मन भयउ अलोला ॥सुख संपति परिवार बड़ाई। सब परिहरि करिहउँ सेवकाई ॥ए सब रामभगति के बाधक। कहहिं संत तब पद अवराधक ॥सत्रु मित्र सुख दुख जग माहीं। माया कृत परमारथ नाहीं ॥बालि परम हित जासु प्रसादा। मिलेहु राम तुम्ह समन बिषादा ॥सपनें जेहि सन होइ लराई। जागें समुझत मन सकुचाई ॥अब प्रभु कृपा करहु एहि भाँती। सब तजि भजनु करौं दिन राती ॥सुनि बिराग संजुत कपि बानी। बोले बिहँसि रामु धनुपानी ॥जो कछु कहेहु सत्य सब सोई। सखा बचन मम मृषा न होई ॥नट मरकट इव सबहि नचावत। रामु खगेस बेद अस गावत ॥लै सुग्रीव संग रघुनाथा। चले चाप सायक गहि हाथा ॥तब रघुपति सुग्रीव पठावा। गर्जेसि जाइ निकट बल पावा ॥सुनत बालि क्रोधातुर धावा। गहि कर चरन नारि समुझावा ॥सुनु पति जिन्हहि मिलेउ सुग्रीवा। ते द्वौ बंधु तेज बल सींवा ॥कोसलेस सुत लछिमन रामा। कालहु जीति सकहिं संग्रामा ॥

je na mitra dukha hohiṃ dukhārī| tinhahi bilokata pātaka bhārī ||nija dukha giri sama raja kari jānā| mitraka dukha raja meru samānā ||jinha keṃ asi mati sahaja na āī| te saṭha kata haṭhi karata mitāī ||kupatha nivāri supaṃtha calāvā| guna pragaṭe avagunanhi durāvā ||deta leta mana saṃka na dharaī| bala anumāna sadā hita karaī ||bipati kāla kara sataguna nehā| śruti kaha saṃta mitra guna ehā ||āgeṃ kaha mṛdu bacana banāī| pācheṃ anahita mana kuṭilāī ||jā kara cita ahi gati sama bhāī| asa kumitra pariharehi bhalāī ||sevaka saṭha nṛpa kṛpana kunārī| kapaṭī mitra sūla sama cārī ||sakhā soca tyāgahu bala moreṃ| saba bidhi ghaṭaba kāja maiṃ toreṃ ||kaha sugrīva sunahu raghubīrā| bāli mahābala ati ranadhīrā ||duṃdubhī asthi tāla dekharāe| binu prayāsa raghunātha ḍhahāe ||dekhi amita bala bāṛhī prītī| bāli badhaba inha bhai paratītī ||bāra bāra nāvai pada sīsā| prabhuhi jāni mana haraṣa kapīsā ||upajā gyāna bacana taba bolā| nātha kṛpām̐ mana bhayau alolā ||sukha saṃpati parivāra baड़āī| saba parihari karihaum̐ sevakāī ||e saba rāmabhagati ke bādhaka| kahahiṃ saṃta taba pada avarādhaka ||satru mitra sukha dukha jaga māhīṃ| māyā kṛta paramāratha nāhīṃ ||bāli parama hita jāsu prasādā| milehu rāma tumha samana biṣādā ||sapaneṃ jehi sana hoi larāī| jāgeṃ samujhata mana sakucāī ||aba prabhu kṛpā karahu ehi bhām̐tī| saba taji bhajanu karauṃ dina rātī ||suni birāga saṃjuta kapi bānī| bole biham̐si rāmu dhanupānī ||jo kachu kahehu satya saba soī| sakhā bacana mama mṛṣā na hoī ||naṭa marakaṭa iva sabahi nacāvata| rāmu khagesa beda asa gāvata ||lai sugrīva saṃga raghunāthā| cale cāpa sāyaka gahi hāthā ||taba raghupati sugrīva paṭhāvā| garjesi jāi nikaṭa bala pāvā ||sunata bāli krodhātura dhāvā| gahi kara carana nāri samujhāvā ||sunu pati jinhahi mileu sugrīvā| te dvau baṃdhu teja bala sīṃvā ||kosalesa suta lachimana rāmā| kālahu jīti sakahiṃ saṃgrāmā ||

दो\। कह बालि सुनु भीरु प्रिय समदरसी रघुनाथ।जौं कदाचि मोहि मारहिं तौ पुनि होउँ सनाथ ॥ ७ ॥

do\| kaha bāli sunu bhīru priya samadarasī raghunātha|jauṃ kadāci mohi mārahiṃ tau puni houm̐ sanātha || 7 ||

अस कहि चला महा अभिमानी। तृन समान सुग्रीवहि जानी ॥भिरे उभौ बाली अति तर्जा । मुठिका मारि महाधुनि गर्जा ॥तब सुग्रीव बिकल होइ भागा। मुष्टि प्रहार बज्र सम लागा ॥मैं जो कहा रघुबीर कृपाला। बंधु न होइ मोर यह काला ॥एकरूप तुम्ह भ्राता दोऊ। तेहि भ्रम तें नहिं मारेउँ सोऊ ॥कर परसा सुग्रीव सरीरा। तनु भा कुलिस गई सब पीरा ॥मेली कंठ सुमन कै माला। पठवा पुनि बल देइ बिसाला ॥पुनि नाना बिधि भई लराई। बिटप ओट देखहिं रघुराई ॥

asa kahi calā mahā abhimānī| tṛna samāna sugrīvahi jānī ||bhire ubhau bālī ati tarjā | muṭhikā māri mahādhuni garjā ||taba sugrīva bikala hoi bhāgā| muṣṭi prahāra bajra sama lāgā ||maiṃ jo kahā raghubīra kṛpālā| baṃdhu na hoi mora yaha kālā ||ekarūpa tumha bhrātā doū| tehi bhrama teṃ nahiṃ māreum̐ soū ||kara parasā sugrīva sarīrā| tanu bhā kulisa gaī saba pīrā ||melī kaṃṭha sumana kai mālā| paṭhavā puni bala dei bisālā ||puni nānā bidhi bhaī larāī| biṭapa oṭa dekhahiṃ raghurāī ||

दो\। बहु छल बल सुग्रीव कर हियँ हारा भय मानि।मारा बालि राम तब हृदय माझ सर तानि ॥ ८ ॥

do\| bahu chala bala sugrīva kara hiyam̐ hārā bhaya māni|mārā bāli rāma taba hṛdaya mājha sara tāni || 8 ||

परा बिकल महि सर के लागें। पुनि उठि बैठ देखि प्रभु आगें ॥स्याम गात सिर जटा बनाएँ। अरुन नयन सर चाप चढ़ाएँ ॥पुनि पुनि चितइ चरन चित दीन्हा। सुफल जन्म माना प्रभु चीन्हा ॥हृदयँ प्रीति मुख बचन कठोरा। बोला चितइ राम की ओरा ॥धर्म हेतु अवतरेहु गोसाई। मारेहु मोहि ब्याध की नाई ॥मैं बैरी सुग्रीव पिआरा। अवगुन कबन नाथ मोहि मारा ॥अनुज बधू भगिनी सुत नारी। सुनु सठ कन्या सम ए चारी ॥इन्हहि कुद्दष्टि बिलोकइ जोई। ताहि बधें कछु पाप न होई ॥मुढ़ तोहि अतिसय अभिमाना। नारि सिखावन करसि न काना ॥मम भुज बल आश्रित तेहि जानी। मारा चहसि अधम अभिमानी ॥

parā bikala mahi sara ke lāgeṃ| puni uṭhi baiṭha dekhi prabhu āgeṃ ||syāma gāta sira jaṭā banāem̐| aruna nayana sara cāpa caṛhāem̐ ||puni puni citai carana cita dīnhā| suphala janma mānā prabhu cīnhā ||hṛdayam̐ prīti mukha bacana kaṭhorā| bolā citai rāma kī orā ||dharma hetu avatarehu gosāī| mārehu mohi byādha kī nāī ||maiṃ bairī sugrīva piārā| avaguna kabana nātha mohi mārā ||anuja badhū bhaginī suta nārī| sunu saṭha kanyā sama e cārī ||inhahi kuddaṣṭi bilokai joī| tāhi badheṃ kachu pāpa na hoī ||muṛha tohi atisaya abhimānā| nāri sikhāvana karasi na kānā ||mama bhuja bala āśrita tehi jānī| mārā cahasi adhama abhimānī ||

दो\। सुनहु राम स्वामी सन चल न चातुरी मोरि।प्रभु अजहूँ मैं पापी अंतकाल गति तोरि ॥ ९ ॥

do\| sunahu rāma svāmī sana cala na cāturī mori|prabhu ajahūm̐ maiṃ pāpī aṃtakāla gati tori || 9 ||

सुनत राम अति कोमल बानी। बालि सीस परसेउ निज पानी ॥अचल करौं तनु राखहु प्राना। बालि कहा सुनु कृपानिधाना ॥जन्म जन्म मुनि जतनु कराहीं। अंत राम कहि आवत नाहीं ॥जासु नाम बल संकर कासी। देत सबहि सम गति अविनासी ॥मम लोचन गोचर सोइ आवा। बहुरि कि प्रभु अस बनिहि बनावा ॥

sunata rāma ati komala bānī| bāli sīsa paraseu nija pānī ||acala karauṃ tanu rākhahu prānā| bāli kahā sunu kṛpānidhānā ||janma janma muni jatanu karāhīṃ| aṃta rāma kahi āvata nāhīṃ ||jāsu nāma bala saṃkara kāsī| deta sabahi sama gati avināsī ||mama locana gocara soi āvā| bahuri ki prabhu asa banihi banāvā ||

छं\। सो नयन गोचर जासु गुन नित नेति कहि श्रुति गावहीं।जिति पवन मन गो निरस करि मुनि ध्यान कबहुँक पावहीं ॥मोहि जानि अति अभिमान बस प्रभु कहेउ राखु सरीरही।अस कवन सठ हठि काटि सुरतरु बारि करिहि बबूरही ॥ १ ॥

chaṃ\| so nayana gocara jāsu guna nita neti kahi śruti gāvahīṃ|jiti pavana mana go nirasa kari muni dhyāna kabahum̐ka pāvahīṃ ||mohi jāni ati abhimāna basa prabhu kaheu rākhu sarīrahī|asa kavana saṭha haṭhi kāṭi surataru bāri karihi babūrahī || 1 ||

अब नाथ करि करुना बिलोकहु देहु जो बर मागऊँ।जेहिं जोनि जन्मौं कर्म बस तहँ राम पद अनुरागऊँ ॥यह तनय मम सम बिनय बल कल्यानप्रद प्रभु लीजिऐ।गहि बाहँ सुर नर नाह आपन दास अंगद कीजिऐ ॥ २ ॥

aba nātha kari karunā bilokahu dehu jo bara māgaūm̐|jehiṃ joni janmauṃ karma basa taham̐ rāma pada anurāgaūm̐ ||yaha tanaya mama sama binaya bala kalyānaprada prabhu lījiai|gahi bāham̐ sura nara nāha āpana dāsa aṃgada kījiai || 2 ||

दो\। राम चरन दृढ़ प्रीति करि बालि कीन्ह तनु त्याग।सुमन माल जिमि कंठ ते गिरत न जानइ नाग ॥ १० ॥

do\| rāma carana dṛṛha prīti kari bāli kīnha tanu tyāga|sumana māla jimi kaṃṭha te girata na jānai nāga || 10 ||

राम बालि निज धाम पठावा। नगर लोग सब ब्याकुल धावा ॥नाना बिधि बिलाप कर तारा। छूटे केस न देह सँभारा ॥तारा बिकल देखि रघुराया । दीन्ह ग्यान हरि लीन्ही माया ॥छिति जल पावक गगन समीरा। पंच रचित अति अधम सरीरा ॥प्रगट सो तनु तव आगें सोवा। जीव नित्य केहि लगि तुम्ह रोवा ॥उपजा ग्यान चरन तब लागी। लीन्हेसि परम भगति बर मागी ॥उमा दारु जोषित की नाई। सबहि नचावत रामु गोसाई ॥तब सुग्रीवहि आयसु दीन्हा। मृतक कर्म बिधिबत सब कीन्हा ॥राम कहा अनुजहि समुझाई। राज देहु सुग्रीवहि जाई ॥रघुपति चरन नाइ करि माथा। चले सकल प्रेरित रघुनाथा ॥

rāma bāli nija dhāma paṭhāvā| nagara loga saba byākula dhāvā ||nānā bidhi bilāpa kara tārā| chūṭe kesa na deha sam̐bhārā ||tārā bikala dekhi raghurāyā | dīnha gyāna hari līnhī māyā ||chiti jala pāvaka gagana samīrā| paṃca racita ati adhama sarīrā ||pragaṭa so tanu tava āgeṃ sovā| jīva nitya kehi lagi tumha rovā ||upajā gyāna carana taba lāgī| līnhesi parama bhagati bara māgī ||umā dāru joṣita kī nāī| sabahi nacāvata rāmu gosāī ||taba sugrīvahi āyasu dīnhā| mṛtaka karma bidhibata saba kīnhā ||rāma kahā anujahi samujhāī| rāja dehu sugrīvahi jāī ||raghupati carana nāi kari māthā| cale sakala prerita raghunāthā ||

दो\। लछिमन तुरत बोलाए पुरजन बिप्र समाज।राजु दीन्ह सुग्रीव कहँ अंगद कहँ जुबराज ॥ ११ ॥

do\| lachimana turata bolāe purajana bipra samāja|rāju dīnha sugrīva kaham̐ aṃgada kaham̐ jubarāja || 11 ||

उमा राम सम हित जग माहीं। गुरु पितु मातु बंधु प्रभु नाहीं ॥सुर नर मुनि सब कै यह रीती। स्वारथ लागि करहिं सब प्रीती ॥बालि त्रास ब्याकुल दिन राती। तन बहु ब्रन चिंताँ जर छाती ॥सोइ सुग्रीव कीन्ह कपिराऊ। अति कृपाल रघुबीर सुभाऊ ॥जानतहुँ अस प्रभु परिहरहीं। काहे न बिपति जाल नर परहीं ॥पुनि सुग्रीवहि लीन्ह बोलाई। बहु प्रकार नृपनीति सिखाई ॥कह प्रभु सुनु सुग्रीव हरीसा। पुर न जाउँ दस चारि बरीसा ॥गत ग्रीषम बरषा रितु आई। रहिहउँ निकट सैल पर छाई ॥अंगद सहित करहु तुम्ह राजू। संतत हृदय धरेहु मम काजू ॥जब सुग्रीव भवन फिरि आए। रामु प्रबरषन गिरि पर छाए ॥

umā rāma sama hita jaga māhīṃ| guru pitu mātu baṃdhu prabhu nāhīṃ ||sura nara muni saba kai yaha rītī| svāratha lāgi karahiṃ saba prītī ||bāli trāsa byākula dina rātī| tana bahu brana ciṃtām̐ jara chātī ||soi sugrīva kīnha kapirāū| ati kṛpāla raghubīra subhāū ||jānatahum̐ asa prabhu pariharahīṃ| kāhe na bipati jāla nara parahīṃ ||puni sugrīvahi līnha bolāī| bahu prakāra nṛpanīti sikhāī ||kaha prabhu sunu sugrīva harīsā| pura na jāum̐ dasa cāri barīsā ||gata grīṣama baraṣā ritu āī| rahihaum̐ nikaṭa saila para chāī ||aṃgada sahita karahu tumha rājū| saṃtata hṛdaya dharehu mama kājū ||jaba sugrīva bhavana phiri āe| rāmu prabaraṣana giri para chāe ||

दो\। प्रथमहिं देवन्ह गिरि गुहा राखेउ रुचिर बनाइ।राम कृपानिधि कछु दिन बास करहिंगे आइ ॥ १२ ॥

do\| prathamahiṃ devanha giri guhā rākheu rucira banāi|rāma kṛpānidhi kachu dina bāsa karahiṃge āi || 12 ||

सुंदर बन कुसुमित अति सोभा। गुंजत मधुप निकर मधु लोभा ॥कंद मूल फल पत्र सुहाए। भए बहुत जब ते प्रभु आए ॥देखि मनोहर सैल अनूपा। रहे तहँ अनुज सहित सुरभूपा ॥मधुकर खग मृग तनु धरि देवा। करहिं सिद्ध मुनि प्रभु कै सेवा ॥मंगलरुप भयउ बन तब ते । कीन्ह निवास रमापति जब ते ॥फटिक सिला अति सुभ्र सुहाई। सुख आसीन तहाँ द्वौ भाई ॥कहत अनुज सन कथा अनेका। भगति बिरति नृपनीति बिबेका ॥बरषा काल मेघ नभ छाए। गरजत लागत परम सुहाए ॥

suṃdara bana kusumita ati sobhā| guṃjata madhupa nikara madhu lobhā ||kaṃda mūla phala patra suhāe| bhae bahuta jaba te prabhu āe ||dekhi manohara saila anūpā| rahe taham̐ anuja sahita surabhūpā ||madhukara khaga mṛga tanu dhari devā| karahiṃ siddha muni prabhu kai sevā ||maṃgalarupa bhayau bana taba te | kīnha nivāsa ramāpati jaba te ||phaṭika silā ati subhra suhāī| sukha āsīna tahām̐ dvau bhāī ||kahata anuja sana kathā anekā| bhagati birati nṛpanīti bibekā ||baraṣā kāla megha nabha chāe| garajata lāgata parama suhāe ||

दो\। लछिमन देखु मोर गन नाचत बारिद पैखि।गृही बिरति रत हरष जस बिष्नु भगत कहुँ देखि ॥ १३ ॥

do\| lachimana dekhu mora gana nācata bārida paikhi|gṛhī birati rata haraṣa jasa biṣnu bhagata kahum̐ dekhi || 13 ||

घन घमंड नभ गरजत घोरा। प्रिया हीन डरपत मन मोरा ॥दामिनि दमक रह न घन माहीं। खल कै प्रीति जथा थिर नाहीं ॥बरषहिं जलद भूमि निअराएँ। जथा नवहिं बुध बिद्या पाएँ ॥बूँद अघात सहहिं गिरि कैंसें । खल के बचन संत सह जैसें ॥छुद्र नदीं भरि चलीं तोराई। जस थोरेहुँ धन खल इतराई ॥भूमि परत भा ढाबर पानी। जनु जीवहि माया लपटानी ॥समिटि समिटि जल भरहिं तलावा। जिमि सदगुन सज्जन पहिं आवा ॥सरिता जल जलनिधि महुँ जाई। होई अचल जिमि जिव हरि पाई ॥

ghana ghamaṃḍa nabha garajata ghorā| priyā hīna ḍarapata mana morā ||dāmini damaka raha na ghana māhīṃ| khala kai prīti jathā thira nāhīṃ ||baraṣahiṃ jalada bhūmi niarāem̐| jathā navahiṃ budha bidyā pāem̐ ||būm̐da aghāta sahahiṃ giri kaiṃseṃ | khala ke bacana saṃta saha jaiseṃ ||chudra nadīṃ bhari calīṃ torāī| jasa thorehum̐ dhana khala itarāī ||bhūmi parata bhā ḍhābara pānī| janu jīvahi māyā lapaṭānī ||samiṭi samiṭi jala bharahiṃ talāvā| jimi sadaguna sajjana pahiṃ āvā ||saritā jala jalanidhi mahum̐ jāī| hoī acala jimi jiva hari pāī ||

दो\। हरित भूमि तृन संकुल समुझि परहिं नहिं पंथ।जिमि पाखंड बाद तें गुप्त होहिं सदग्रंथ ॥ १४ ॥

do\| harita bhūmi tṛna saṃkula samujhi parahiṃ nahiṃ paṃtha|jimi pākhaṃḍa bāda teṃ gupta hohiṃ sadagraṃtha || 14 ||

दादुर धुनि चहु दिसा सुहाई। बेद पढ़हिं जनु बटु समुदाई ॥नव पल्लव भए बिटप अनेका। साधक मन जस मिलें बिबेका ॥अर्क जबास पात बिनु भयऊ। जस सुराज खल उद्यम गयऊ ॥खोजत कतहुँ मिलइ नहिं धूरी। करइ क्रोध जिमि धरमहि दूरी ॥ससि संपन्न सोह महि कैसी। उपकारी कै संपति जैसी ॥निसि तम घन खद्योत बिराजा। जनु दंभिन्ह कर मिला समाजा ॥महाबृष्टि चलि फूटि किआरीं । जिमि सुतंत्र भएँ बिगरहिं नारीं ॥कृषी निरावहिं चतुर किसाना। जिमि बुध तजहिं मोह मद माना ॥देखिअत चक्रबाक खग नाहीं। कलिहि पाइ जिमि धर्म पराहीं ॥ऊषर बरषइ तृन नहिं जामा। जिमि हरिजन हियँ उपज न कामा ॥बिबिध जंतु संकुल महि भ्राजा। प्रजा बाढ़ जिमि पाइ सुराजा ॥जहँ तहँ रहे पथिक थकि नाना। जिमि इंद्रिय गन उपजें ग्याना ॥

dādura dhuni cahu disā suhāī| beda paṛhahiṃ janu baṭu samudāī ||nava pallava bhae biṭapa anekā| sādhaka mana jasa mileṃ bibekā ||arka jabāsa pāta binu bhayaū| jasa surāja khala udyama gayaū ||khojata katahum̐ milai nahiṃ dhūrī| karai krodha jimi dharamahi dūrī ||sasi saṃpanna soha mahi kaisī| upakārī kai saṃpati jaisī ||nisi tama ghana khadyota birājā| janu daṃbhinha kara milā samājā ||mahābṛṣṭi cali phūṭi kiārīṃ | jimi sutaṃtra bhaem̐ bigarahiṃ nārīṃ ||kṛṣī nirāvahiṃ catura kisānā| jimi budha tajahiṃ moha mada mānā ||dekhiata cakrabāka khaga nāhīṃ| kalihi pāi jimi dharma parāhīṃ ||ūṣara baraṣai tṛna nahiṃ jāmā| jimi harijana hiyam̐ upaja na kāmā ||bibidha jaṃtu saṃkula mahi bhrājā| prajā bāṛha jimi pāi surājā ||jaham̐ taham̐ rahe pathika thaki nānā| jimi iṃdriya gana upajeṃ gyānā ||

दो\। कबहुँ प्रबल बह मारुत जहँ तहँ मेघ बिलाहिं।जिमि कपूत के उपजें कुल सद्धर्म नसाहिं ॥ १५(क) ॥

do\| kabahum̐ prabala baha māruta jaham̐ taham̐ megha bilāhiṃ|jimi kapūta ke upajeṃ kula saddharma nasāhiṃ || 15(ka) ||

कबहुँ दिवस महँ निबिड़ तम कबहुँक प्रगट पतंग।बिनसइ उपजइ ग्यान जिमि पाइ कुसंग सुसंग ॥ १५(ख) ॥

kabahum̐ divasa maham̐ nibiड़ tama kabahum̐ka pragaṭa pataṃga|binasai upajai gyāna jimi pāi kusaṃga susaṃga || 15(kha) ||

बरषा बिगत सरद रितु आई। लछिमन देखहु परम सुहाई ॥फूलें कास सकल महि छाई। जनु बरषाँ कृत प्रगट बुढ़ाई ॥उदित अगस्ति पंथ जल सोषा। जिमि लोभहि सोषइ संतोषा ॥सरिता सर निर्मल जल सोहा। संत हृदय जस गत मद मोहा ॥रस रस सूख सरित सर पानी। ममता त्याग करहिं जिमि ग्यानी ॥जानि सरद रितु खंजन आए। पाइ समय जिमि सुकृत सुहाए ॥पंक न रेनु सोह असि धरनी। नीति निपुन नृप कै जसि करनी ॥जल संकोच बिकल भइँ मीना। अबुध कुटुंबी जिमि धनहीना ॥बिनु धन निर्मल सोह अकासा। हरिजन इव परिहरि सब आसा ॥कहुँ कहुँ बृष्टि सारदी थोरी। कोउ एक पाव भगति जिमि मोरी ॥

baraṣā bigata sarada ritu āī| lachimana dekhahu parama suhāī ||phūleṃ kāsa sakala mahi chāī| janu baraṣām̐ kṛta pragaṭa buṛhāī ||udita agasti paṃtha jala soṣā| jimi lobhahi soṣai saṃtoṣā ||saritā sara nirmala jala sohā| saṃta hṛdaya jasa gata mada mohā ||rasa rasa sūkha sarita sara pānī| mamatā tyāga karahiṃ jimi gyānī ||jāni sarada ritu khaṃjana āe| pāi samaya jimi sukṛta suhāe ||paṃka na renu soha asi dharanī| nīti nipuna nṛpa kai jasi karanī ||jala saṃkoca bikala bhaim̐ mīnā| abudha kuṭuṃbī jimi dhanahīnā ||binu dhana nirmala soha akāsā| harijana iva parihari saba āsā ||kahum̐ kahum̐ bṛṣṭi sāradī thorī| kou eka pāva bhagati jimi morī ||

दो\। चले हरषि तजि नगर नृप तापस बनिक भिखारि।जिमि हरिभगत पाइ श्रम तजहि आश्रमी चारि ॥ १६ ॥

do\| cale haraṣi taji nagara nṛpa tāpasa banika bhikhāri|jimi haribhagata pāi śrama tajahi āśramī cāri || 16 ||

सुखी मीन जे नीर अगाधा। जिमि हरि सरन न एकउ बाधा ॥फूलें कमल सोह सर कैसा। निर्गुन ब्रह्म सगुन भएँ जैसा ॥गुंजत मधुकर मुखर अनूपा। सुंदर खग रव नाना रूपा ॥चक्रबाक मन दुख निसि पैखी। जिमि दुर्जन पर संपति देखी ॥चातक रटत तृषा अति ओही। जिमि सुख लहइ न संकरद्रोही ॥सरदातप निसि ससि अपहरई। संत दरस जिमि पातक टरई ॥देखि इंदु चकोर समुदाई। चितवतहिं जिमि हरिजन हरि पाई ॥मसक दंस बीते हिम त्रासा। जिमि द्विज द्रोह किएँ कुल नासा ॥

sukhī mīna je nīra agādhā| jimi hari sarana na ekau bādhā ||phūleṃ kamala soha sara kaisā| nirguna brahma saguna bhaem̐ jaisā ||guṃjata madhukara mukhara anūpā| suṃdara khaga rava nānā rūpā ||cakrabāka mana dukha nisi paikhī| jimi durjana para saṃpati dekhī ||cātaka raṭata tṛṣā ati ohī| jimi sukha lahai na saṃkaradrohī ||saradātapa nisi sasi apaharaī| saṃta darasa jimi pātaka ṭaraī ||dekhi iṃdu cakora samudāī| citavatahiṃ jimi harijana hari pāī ||masaka daṃsa bīte hima trāsā| jimi dvija droha kiem̐ kula nāsā ||

दो\। भूमि जीव संकुल रहे गए सरद रितु पाइ।सदगुर मिले जाहिं जिमि संसय भ्रम समुदाइ ॥ १७ ॥

do\| bhūmi jīva saṃkula rahe gae sarada ritu pāi|sadagura mile jāhiṃ jimi saṃsaya bhrama samudāi || 17 ||

बरषा गत निर्मल रितु आई। सुधि न तात सीता कै पाई ॥एक बार कैसेहुँ सुधि जानौं। कालहु जीत निमिष महुँ आनौं ॥कतहुँ रहउ जौं जीवति होई। तात जतन करि आनेउँ सोई ॥सुग्रीवहुँ सुधि मोरि बिसारी। पावा राज कोस पुर नारी ॥जेहिं सायक मारा मैं बाली। तेहिं सर हतौं मूढ़ कहँ काली ॥जासु कृपाँ छूटहीं मद मोहा। ता कहुँ उमा कि सपनेहुँ कोहा ॥जानहिं यह चरित्र मुनि ग्यानी। जिन्ह रघुबीर चरन रति मानी ॥लछिमन क्रोधवंत प्रभु जाना। धनुष चढ़ाइ गहे कर बाना ॥

baraṣā gata nirmala ritu āī| sudhi na tāta sītā kai pāī ||eka bāra kaisehum̐ sudhi jānauṃ| kālahu jīta nimiṣa mahum̐ ānauṃ ||katahum̐ rahau jauṃ jīvati hoī| tāta jatana kari āneum̐ soī ||sugrīvahum̐ sudhi mori bisārī| pāvā rāja kosa pura nārī ||jehiṃ sāyaka mārā maiṃ bālī| tehiṃ sara hatauṃ mūṛha kaham̐ kālī ||jāsu kṛpām̐ chūṭahīṃ mada mohā| tā kahum̐ umā ki sapanehum̐ kohā ||jānahiṃ yaha caritra muni gyānī| jinha raghubīra carana rati mānī ||lachimana krodhavaṃta prabhu jānā| dhanuṣa caṛhāi gahe kara bānā ||

दो\। तब अनुजहि समुझावा रघुपति करुना सींव ॥भय देखाइ लै आवहु तात सखा सुग्रीव ॥ १८ ॥

do\| taba anujahi samujhāvā raghupati karunā sīṃva ||bhaya dekhāi lai āvahu tāta sakhā sugrīva || 18 ||

इहाँ पवनसुत हृदयँ बिचारा। राम काजु सुग्रीवँ बिसारा ॥निकट जाइ चरनन्हि सिरु नावा। चारिहु बिधि तेहि कहि समुझावा ॥सुनि सुग्रीवँ परम भय माना। बिषयँ मोर हरि लीन्हेउ ग्याना ॥अब मारुतसुत दूत समूहा। पठवहु जहँ तहँ बानर जूहा ॥कहहु पाख महुँ आव न जोई। मोरें कर ता कर बध होई ॥तब हनुमंत बोलाए दूता। सब कर करि सनमान बहूता ॥भय अरु प्रीति नीति देखाई। चले सकल चरनन्हि सिर नाई ॥एहि अवसर लछिमन पुर आए। क्रोध देखि जहँ तहँ कपि धाए ॥

ihām̐ pavanasuta hṛdayam̐ bicārā| rāma kāju sugrīvam̐ bisārā ||nikaṭa jāi carananhi siru nāvā| cārihu bidhi tehi kahi samujhāvā ||suni sugrīvam̐ parama bhaya mānā| biṣayam̐ mora hari līnheu gyānā ||aba mārutasuta dūta samūhā| paṭhavahu jaham̐ taham̐ bānara jūhā ||kahahu pākha mahum̐ āva na joī| moreṃ kara tā kara badha hoī ||taba hanumaṃta bolāe dūtā| saba kara kari sanamāna bahūtā ||bhaya aru prīti nīti dekhāī| cale sakala carananhi sira nāī ||ehi avasara lachimana pura āe| krodha dekhi jaham̐ taham̐ kapi dhāe ||

दो\। धनुष चढ़ाइ कहा तब जारि करउँ पुर छार।ब्याकुल नगर देखि तब आयउ बालिकुमार ॥ १९ ॥

do\| dhanuṣa caṛhāi kahā taba jāri karaum̐ pura chāra|byākula nagara dekhi taba āyau bālikumāra || 19 ||

चरन नाइ सिरु बिनती कीन्ही। लछिमन अभय बाँह तेहि दीन्ही ॥क्रोधवंत लछिमन सुनि काना। कह कपीस अति भयँ अकुलाना ॥सुनु हनुमंत संग लै तारा। करि बिनती समुझाउ कुमारा ॥तारा सहित जाइ हनुमाना। चरन बंदि प्रभु सुजस बखाना ॥करि बिनती मंदिर लै आए। चरन पखारि पलँग बैठाए ॥तब कपीस चरनन्हि सिरु नावा। गहि भुज लछिमन कंठ लगावा ॥नाथ बिषय सम मद कछु नाहीं। मुनि मन मोह करइ छन माहीं ॥सुनत बिनीत बचन सुख पावा। लछिमन तेहि बहु बिधि समुझावा ॥पवन तनय सब कथा सुनाई। जेहि बिधि गए दूत समुदाई ॥

carana nāi siru binatī kīnhī| lachimana abhaya bām̐ha tehi dīnhī ||krodhavaṃta lachimana suni kānā| kaha kapīsa ati bhayam̐ akulānā ||sunu hanumaṃta saṃga lai tārā| kari binatī samujhāu kumārā ||tārā sahita jāi hanumānā| carana baṃdi prabhu sujasa bakhānā ||kari binatī maṃdira lai āe| carana pakhāri palam̐ga baiṭhāe ||taba kapīsa carananhi siru nāvā| gahi bhuja lachimana kaṃṭha lagāvā ||nātha biṣaya sama mada kachu nāhīṃ| muni mana moha karai chana māhīṃ ||sunata binīta bacana sukha pāvā| lachimana tehi bahu bidhi samujhāvā ||pavana tanaya saba kathā sunāī| jehi bidhi gae dūta samudāī ||

दो\। हरषि चले सुग्रीव तब अंगदादि कपि साथ।रामानुज आगें करि आए जहँ रघुनाथ ॥ २० ॥

do\| haraṣi cale sugrīva taba aṃgadādi kapi sātha|rāmānuja āgeṃ kari āe jaham̐ raghunātha || 20 ||

नाइ चरन सिरु कह कर जोरी। नाथ मोहि कछु नाहिन खोरी ॥अतिसय प्रबल देव तब माया। छूटइ राम करहु जौं दाया ॥बिषय बस्य सुर नर मुनि स्वामी। मैं पावँर पसु कपि अति कामी ॥नारि नयन सर जाहि न लागा। घोर क्रोध तम निसि जो जागा ॥लोभ पाँस जेहिं गर न बँधाया। सो नर तुम्ह समान रघुराया ॥यह गुन साधन तें नहिं होई। तुम्हरी कृपाँ पाव कोइ कोई ॥तब रघुपति बोले मुसकाई। तुम्ह प्रिय मोहि भरत जिमि भाई ॥अब सोइ जतनु करहु मन लाई। जेहि बिधि सीता कै सुधि पाई ॥

nāi carana siru kaha kara jorī| nātha mohi kachu nāhina khorī ||atisaya prabala deva taba māyā| chūṭai rāma karahu jauṃ dāyā ||biṣaya basya sura nara muni svāmī| maiṃ pāvam̐ra pasu kapi ati kāmī ||nāri nayana sara jāhi na lāgā| ghora krodha tama nisi jo jāgā ||lobha pām̐sa jehiṃ gara na bam̐dhāyā| so nara tumha samāna raghurāyā ||yaha guna sādhana teṃ nahiṃ hoī| tumharī kṛpām̐ pāva koi koī ||taba raghupati bole musakāī| tumha priya mohi bharata jimi bhāī ||aba soi jatanu karahu mana lāī| jehi bidhi sītā kai sudhi pāī ||

दो\। एहि बिधि होत बतकही आए बानर जूथ।नाना बरन सकल दिसि देखिअ कीस बरुथ ॥ २१ ॥

do\| ehi bidhi hota batakahī āe bānara jūtha|nānā barana sakala disi dekhia kīsa barutha || 21 ||

बानर कटक उमा में देखा। सो मूरुख जो करन चह लेखा ॥आइ राम पद नावहिं माथा। निरखि बदनु सब होहिं सनाथा ॥अस कपि एक न सेना माहीं। राम कुसल जेहि पूछी नाहीं ॥यह कछु नहिं प्रभु कइ अधिकाई। बिस्वरूप ब्यापक रघुराई ॥ठाढ़े जहँ तहँ आयसु पाई। कह सुग्रीव सबहि समुझाई ॥राम काजु अरु मोर निहोरा। बानर जूथ जाहु चहुँ ओरा ॥जनकसुता कहुँ खोजहु जाई। मास दिवस महँ आएहु भाई ॥अवधि मेटि जो बिनु सुधि पाएँ। आवइ बनिहि सो मोहि मराएँ ॥

bānara kaṭaka umā meṃ dekhā| so mūrukha jo karana caha lekhā ||āi rāma pada nāvahiṃ māthā| nirakhi badanu saba hohiṃ sanāthā ||asa kapi eka na senā māhīṃ| rāma kusala jehi pūchī nāhīṃ ||yaha kachu nahiṃ prabhu kai adhikāī| bisvarūpa byāpaka raghurāī ||ṭhāṛhe jaham̐ taham̐ āyasu pāī| kaha sugrīva sabahi samujhāī ||rāma kāju aru mora nihorā| bānara jūtha jāhu cahum̐ orā ||janakasutā kahum̐ khojahu jāī| māsa divasa maham̐ āehu bhāī ||avadhi meṭi jo binu sudhi pāem̐| āvai banihi so mohi marāem̐ ||

दो\। बचन सुनत सब बानर जहँ तहँ चले तुरंत ।तब सुग्रीवँ बोलाए अंगद नल हनुमंत ॥ २२ ॥

do\| bacana sunata saba bānara jaham̐ taham̐ cale turaṃta |taba sugrīvam̐ bolāe aṃgada nala hanumaṃta || 22 ||

सुनहु नील अंगद हनुमाना। जामवंत मतिधीर सुजाना ॥सकल सुभट मिलि दच्छिन जाहू। सीता सुधि पूँछेउ सब काहू ॥मन क्रम बचन सो जतन बिचारेहु। रामचंद्र कर काजु सँवारेहु ॥भानु पीठि सेइअ उर आगी। स्वामिहि सर्ब भाव छल त्यागी ॥तजि माया सेइअ परलोका। मिटहिं सकल भव संभव सोका ॥देह धरे कर यह फलु भाई। भजिअ राम सब काम बिहाई ॥सोइ गुनग्य सोई बड़भागी । जो रघुबीर चरन अनुरागी ॥आयसु मागि चरन सिरु नाई। चले हरषि सुमिरत रघुराई ॥पाछें पवन तनय सिरु नावा। जानि काज प्रभु निकट बोलावा ॥परसा सीस सरोरुह पानी। करमुद्रिका दीन्हि जन जानी ॥बहु प्रकार सीतहि समुझाएहु। कहि बल बिरह बेगि तुम्ह आएहु ॥हनुमत जन्म सुफल करि माना। चलेउ हृदयँ धरि कृपानिधाना ॥जद्यपि प्रभु जानत सब बाता। राजनीति राखत सुरत्राता ॥

sunahu nīla aṃgada hanumānā| jāmavaṃta matidhīra sujānā ||sakala subhaṭa mili dacchina jāhū| sītā sudhi pūm̐cheu saba kāhū ||mana krama bacana so jatana bicārehu| rāmacaṃdra kara kāju sam̐vārehu ||bhānu pīṭhi seia ura āgī| svāmihi sarba bhāva chala tyāgī ||taji māyā seia paralokā| miṭahiṃ sakala bhava saṃbhava sokā ||deha dhare kara yaha phalu bhāī| bhajia rāma saba kāma bihāī ||soi gunagya soī baड़bhāgī | jo raghubīra carana anurāgī ||āyasu māgi carana siru nāī| cale haraṣi sumirata raghurāī ||pācheṃ pavana tanaya siru nāvā| jāni kāja prabhu nikaṭa bolāvā ||parasā sīsa saroruha pānī| karamudrikā dīnhi jana jānī ||bahu prakāra sītahi samujhāehu| kahi bala biraha begi tumha āehu ||hanumata janma suphala kari mānā| caleu hṛdayam̐ dhari kṛpānidhānā ||jadyapi prabhu jānata saba bātā| rājanīti rākhata suratrātā ||

दो\। चले सकल बन खोजत सरिता सर गिरि खोह।राम काज लयलीन मन बिसरा तन कर छोह ॥ २३ ॥

do\| cale sakala bana khojata saritā sara giri khoha|rāma kāja layalīna mana bisarā tana kara choha || 23 ||

कतहुँ होइ निसिचर सैं भेटा। प्रान लेहिं एक एक चपेटा ॥बहु प्रकार गिरि कानन हेरहिं। कोउ मुनि मिलत ताहि सब घेरहिं ॥लागि तृषा अतिसय अकुलाने। मिलइ न जल घन गहन भुलाने ॥मन हनुमान कीन्ह अनुमाना। मरन चहत सब बिनु जल पाना ॥चढ़ि गिरि सिखर चहूँ दिसि देखा। भूमि बिबिर एक कौतुक पेखा ॥चक्रबाक बक हंस उड़ाहीं। बहुतक खग प्रबिसहिं तेहि माहीं ॥गिरि ते उतरि पवनसुत आवा। सब कहुँ लै सोइ बिबर देखावा ॥आगें कै हनुमंतहि लीन्हा। पैठे बिबर बिलंबु न कीन्हा ॥

katahum̐ hoi nisicara saiṃ bheṭā| prāna lehiṃ eka eka capeṭā ||bahu prakāra giri kānana herahiṃ| kou muni milata tāhi saba gherahiṃ ||lāgi tṛṣā atisaya akulāne| milai na jala ghana gahana bhulāne ||mana hanumāna kīnha anumānā| marana cahata saba binu jala pānā ||caṛhi giri sikhara cahūm̐ disi dekhā| bhūmi bibira eka kautuka pekhā ||cakrabāka baka haṃsa uड़āhīṃ| bahutaka khaga prabisahiṃ tehi māhīṃ ||giri te utari pavanasuta āvā| saba kahum̐ lai soi bibara dekhāvā ||āgeṃ kai hanumaṃtahi līnhā| paiṭhe bibara bilaṃbu na kīnhā ||

दो\। दीख जाइ उपवन बर सर बिगसित बहु कंज।मंदिर एक रुचिर तहँ बैठि नारि तप पुंज ॥ २४ ॥

do\| dīkha jāi upavana bara sara bigasita bahu kaṃja|maṃdira eka rucira taham̐ baiṭhi nāri tapa puṃja || 24 ||

दूरि ते ताहि सबन्हि सिर नावा। पूछें निज बृत्तांत सुनावा ॥तेहिं तब कहा करहु जल पाना। खाहु सुरस सुंदर फल नाना ॥मज्जनु कीन्ह मधुर फल खाए। तासु निकट पुनि सब चलि आए ॥तेहिं सब आपनि कथा सुनाई। मैं अब जाब जहाँ रघुराई ॥मूदहु नयन बिबर तजि जाहू। पैहहु सीतहि जनि पछिताहू ॥नयन मूदि पुनि देखहिं बीरा। ठाढ़े सकल सिंधु कें तीरा ॥सो पुनि गई जहाँ रघुनाथा। जाइ कमल पद नाएसि माथा ॥नाना भाँति बिनय तेहिं कीन्ही। अनपायनी भगति प्रभु दीन्ही ॥

dūri te tāhi sabanhi sira nāvā| pūcheṃ nija bṛttāṃta sunāvā ||tehiṃ taba kahā karahu jala pānā| khāhu surasa suṃdara phala nānā ||majjanu kīnha madhura phala khāe| tāsu nikaṭa puni saba cali āe ||tehiṃ saba āpani kathā sunāī| maiṃ aba jāba jahām̐ raghurāī ||mūdahu nayana bibara taji jāhū| paihahu sītahi jani pachitāhū ||nayana mūdi puni dekhahiṃ bīrā| ṭhāṛhe sakala siṃdhu keṃ tīrā ||so puni gaī jahām̐ raghunāthā| jāi kamala pada nāesi māthā ||nānā bhām̐ti binaya tehiṃ kīnhī| anapāyanī bhagati prabhu dīnhī ||

दो\। बदरीबन कहुँ सो गई प्रभु अग्या धरि सीस ।उर धरि राम चरन जुग जे बंदत अज ईस ॥ २५ ॥

do\| badarībana kahum̐ so gaī prabhu agyā dhari sīsa |ura dhari rāma carana juga je baṃdata aja īsa || 25 ||

इहाँ बिचारहिं कपि मन माहीं। बीती अवधि काज कछु नाहीं ॥सब मिलि कहहिं परस्पर बाता। बिनु सुधि लएँ करब का भ्राता ॥कह अंगद लोचन भरि बारी। दुहुँ प्रकार भइ मृत्यु हमारी ॥इहाँ न सुधि सीता कै पाई। उहाँ गएँ मारिहि कपिराई ॥पिता बधे पर मारत मोही। राखा राम निहोर न ओही ॥पुनि पुनि अंगद कह सब पाहीं। मरन भयउ कछु संसय नाहीं ॥अंगद बचन सुनत कपि बीरा। बोलि न सकहिं नयन बह नीरा ॥छन एक सोच मगन होइ रहे। पुनि अस वचन कहत सब भए ॥हम सीता कै सुधि लिन्हें बिना। नहिं जैंहैं जुबराज प्रबीना ॥अस कहि लवन सिंधु तट जाई। बैठे कपि सब दर्भ डसाई ॥जामवंत अंगद दुख देखी। कहिं कथा उपदेस बिसेषी ॥तात राम कहुँ नर जनि मानहु। निर्गुन ब्रह्म अजित अज जानहु ॥

ihām̐ bicārahiṃ kapi mana māhīṃ| bītī avadhi kāja kachu nāhīṃ ||saba mili kahahiṃ paraspara bātā| binu sudhi laem̐ karaba kā bhrātā ||kaha aṃgada locana bhari bārī| duhum̐ prakāra bhai mṛtyu hamārī ||ihām̐ na sudhi sītā kai pāī| uhām̐ gaem̐ mārihi kapirāī ||pitā badhe para mārata mohī| rākhā rāma nihora na ohī ||puni puni aṃgada kaha saba pāhīṃ| marana bhayau kachu saṃsaya nāhīṃ ||aṃgada bacana sunata kapi bīrā| boli na sakahiṃ nayana baha nīrā ||chana eka soca magana hoi rahe| puni asa vacana kahata saba bhae ||hama sītā kai sudhi linheṃ binā| nahiṃ jaiṃhaiṃ jubarāja prabīnā ||asa kahi lavana siṃdhu taṭa jāī| baiṭhe kapi saba darbha ḍasāī ||jāmavaṃta aṃgada dukha dekhī| kahiṃ kathā upadesa biseṣī ||tāta rāma kahum̐ nara jani mānahu| nirguna brahma ajita aja jānahu ||

दो\। निज इच्छा प्रभु अवतरइ सुर महि गो द्विज लागि।सगुन उपासक संग तहँ रहहिं मोच्छ सब त्यागि ॥ २६ ॥

do\| nija icchā prabhu avatarai sura mahi go dvija lāgi|saguna upāsaka saṃga taham̐ rahahiṃ moccha saba tyāgi || 26 ||

एहि बिधि कथा कहहि बहु भाँती गिरि कंदराँ सुनी संपाती ॥बाहेर होइ देखि बहु कीसा। मोहि अहार दीन्ह जगदीसा ॥आजु सबहि कहँ भच्छन करऊँ। दिन बहु चले अहार बिनु मरऊँ ॥कबहुँ न मिल भरि उदर अहारा। आजु दीन्ह बिधि एकहिं बारा ॥डरपे गीध बचन सुनि काना। अब भा मरन सत्य हम जाना ॥कपि सब उठे गीध कहँ देखी। जामवंत मन सोच बिसेषी ॥कह अंगद बिचारि मन माहीं। धन्य जटायू सम कोउ नाहीं ॥राम काज कारन तनु त्यागी । हरि पुर गयउ परम बड़ भागी ॥सुनि खग हरष सोक जुत बानी । आवा निकट कपिन्ह भय मानी ॥तिन्हहि अभय करि पूछेसि जाई। कथा सकल तिन्ह ताहि सुनाई ॥सुनि संपाति बंधु कै करनी। रघुपति महिमा बधुबिधि बरनी ॥

ehi bidhi kathā kahahi bahu bhām̐tī giri kaṃdarām̐ sunī saṃpātī ||bāhera hoi dekhi bahu kīsā| mohi ahāra dīnha jagadīsā ||āju sabahi kaham̐ bhacchana karaūm̐| dina bahu cale ahāra binu maraūm̐ ||kabahum̐ na mila bhari udara ahārā| āju dīnha bidhi ekahiṃ bārā ||ḍarape gīdha bacana suni kānā| aba bhā marana satya hama jānā ||kapi saba uṭhe gīdha kaham̐ dekhī| jāmavaṃta mana soca biseṣī ||kaha aṃgada bicāri mana māhīṃ| dhanya jaṭāyū sama kou nāhīṃ ||rāma kāja kārana tanu tyāgī | hari pura gayau parama baड़ bhāgī ||suni khaga haraṣa soka juta bānī | āvā nikaṭa kapinha bhaya mānī ||tinhahi abhaya kari pūchesi jāī| kathā sakala tinha tāhi sunāī ||suni saṃpāti baṃdhu kai karanī| raghupati mahimā badhubidhi baranī ||

दो\। मोहि लै जाहु सिंधुतट देउँ तिलांजलि ताहि ।बचन सहाइ करवि मैं पैहहु खोजहु जाहि ॥ २७ ॥

do\| mohi lai jāhu siṃdhutaṭa deum̐ tilāṃjali tāhi |bacana sahāi karavi maiṃ paihahu khojahu jāhi || 27 ||

अनुज क्रिया करि सागर तीरा। कहि निज कथा सुनहु कपि बीरा ॥हम द्वौ बंधु प्रथम तरुनाई । गगन गए रबि निकट उडाई ॥तेज न सहि सक सो फिरि आवा । मै अभिमानी रबि निअरावा ॥जरे पंख अति तेज अपारा । परेउँ भूमि करि घोर चिकारा ॥मुनि एक नाम चंद्रमा ओही। लागी दया देखी करि मोही ॥बहु प्रकार तेंहि ग्यान सुनावा । देहि जनित अभिमानी छड़ावा ॥त्रेताँ ब्रह्म मनुज तनु धरिही। तासु नारि निसिचर पति हरिही ॥तासु खोज पठइहि प्रभू दूता। तिन्हहि मिलें तैं होब पुनीता ॥जमिहहिं पंख करसि जनि चिंता । तिन्हहि देखाइ देहेसु तैं सीता ॥मुनि कइ गिरा सत्य भइ आजू । सुनि मम बचन करहु प्रभु काजू ॥गिरि त्रिकूट ऊपर बस लंका । तहँ रह रावन सहज असंका ॥तहँ असोक उपबन जहँ रहई ॥ सीता बैठि सोच रत अहई ॥दो\। मैं देखउँ तुम्ह नाहि गीघहि दष्टि अपार ॥बूढ भयउँ न त करतेउँ कछुक सहाय तुम्हार ॥ २८ ॥

anuja kriyā kari sāgara tīrā| kahi nija kathā sunahu kapi bīrā ||hama dvau baṃdhu prathama tarunāī | gagana gae rabi nikaṭa uḍāī ||teja na sahi saka so phiri āvā | mai abhimānī rabi niarāvā ||jare paṃkha ati teja apārā | pareum̐ bhūmi kari ghora cikārā ||muni eka nāma caṃdramā ohī| lāgī dayā dekhī kari mohī ||bahu prakāra teṃhi gyāna sunāvā | dehi janita abhimānī chaड़āvā ||tretām̐ brahma manuja tanu dharihī| tāsu nāri nisicara pati harihī ||tāsu khoja paṭhaihi prabhū dūtā| tinhahi mileṃ taiṃ hoba punītā ||jamihahiṃ paṃkha karasi jani ciṃtā | tinhahi dekhāi dehesu taiṃ sītā ||muni kai girā satya bhai ājū | suni mama bacana karahu prabhu kājū ||giri trikūṭa ūpara basa laṃkā | taham̐ raha rāvana sahaja asaṃkā ||taham̐ asoka upabana jaham̐ rahaī || sītā baiṭhi soca rata ahaī ||do\| maiṃ dekhaum̐ tumha nāhi gīghahi daṣṭi apāra ||būḍha bhayaum̐ na ta karateum̐ kachuka sahāya tumhāra || 28 ||

जो नाघइ सत जोजन सागर । करइ सो राम काज मति आगर ॥मोहि बिलोकि धरहु मन धीरा । राम कृपाँ कस भयउ सरीरा ॥पापिउ जा कर नाम सुमिरहीं। अति अपार भवसागर तरहीं ॥तासु दूत तुम्ह तजि कदराई। राम हृदयँ धरि करहु उपाई ॥अस कहि गरुड़ गीध जब गयऊ। तिन्ह कें मन अति बिसमय भयऊ ॥निज निज बल सब काहूँ भाषा। पार जाइ कर संसय राखा ॥जरठ भयउँ अब कहइ रिछेसा। नहिं तन रहा प्रथम बल लेसा ॥जबहिं त्रिबिक्रम भए खरारी। तब मैं तरुन रहेउँ बल भारी ॥

jo nāghai sata jojana sāgara | karai so rāma kāja mati āgara ||mohi biloki dharahu mana dhīrā | rāma kṛpām̐ kasa bhayau sarīrā ||pāpiu jā kara nāma sumirahīṃ| ati apāra bhavasāgara tarahīṃ ||tāsu dūta tumha taji kadarāī| rāma hṛdayam̐ dhari karahu upāī ||asa kahi garuड़ gīdha jaba gayaū| tinha keṃ mana ati bisamaya bhayaū ||nija nija bala saba kāhūm̐ bhāṣā| pāra jāi kara saṃsaya rākhā ||jaraṭha bhayaum̐ aba kahai richesā| nahiṃ tana rahā prathama bala lesā ||jabahiṃ tribikrama bhae kharārī| taba maiṃ taruna raheum̐ bala bhārī ||

दो\। बलि बाँधत प्रभु बाढेउ सो तनु बरनि न जाई।उभय धरी महँ दीन्ही सात प्रदच्छिन धाइ ॥ २९ ॥

do\| bali bām̐dhata prabhu bāḍheu so tanu barani na jāī|ubhaya dharī maham̐ dīnhī sāta pradacchina dhāi || 29 ||

अंगद कहइ जाउँ मैं पारा। जियँ संसय कछु फिरती बारा ॥जामवंत कह तुम्ह सब लायक। पठइअ किमि सब ही कर नायक ॥कहइ रीछपति सुनु हनुमाना। का चुप साधि रहेहु बलवाना ॥पवन तनय बल पवन समाना। बुधि बिबेक बिग्यान निधाना ॥कवन सो काज कठिन जग माहीं। जो नहिं होइ तात तुम्ह पाहीं ॥राम काज लगि तब अवतारा। सुनतहिं भयउ पर्वताकारा ॥कनक बरन तन तेज बिराजा। मानहु अपर गिरिन्ह कर राजा ॥सिंहनाद करि बारहिं बारा। लीलहीं नाषउँ जलनिधि खारा ॥सहित सहाय रावनहि मारी। आनउँ इहाँ त्रिकूट उपारी ॥जामवंत मैं पूँछउँ तोही। उचित सिखावनु दीजहु मोही ॥एतना करहु तात तुम्ह जाई। सीतहि देखि कहहु सुधि आई ॥तब निज भुज बल राजिव नैना। कौतुक लागि संग कपि सेना ॥

aṃgada kahai jāum̐ maiṃ pārā| jiyam̐ saṃsaya kachu phiratī bārā ||jāmavaṃta kaha tumha saba lāyaka| paṭhaia kimi saba hī kara nāyaka ||kahai rīchapati sunu hanumānā| kā cupa sādhi rahehu balavānā ||pavana tanaya bala pavana samānā| budhi bibeka bigyāna nidhānā ||kavana so kāja kaṭhina jaga māhīṃ| jo nahiṃ hoi tāta tumha pāhīṃ ||rāma kāja lagi taba avatārā| sunatahiṃ bhayau parvatākārā ||kanaka barana tana teja birājā| mānahu apara girinha kara rājā ||siṃhanāda kari bārahiṃ bārā| līlahīṃ nāṣaum̐ jalanidhi khārā ||sahita sahāya rāvanahi mārī| ānaum̐ ihām̐ trikūṭa upārī ||jāmavaṃta maiṃ pūm̐chaum̐ tohī| ucita sikhāvanu dījahu mohī ||etanā karahu tāta tumha jāī| sītahi dekhi kahahu sudhi āī ||taba nija bhuja bala rājiva nainā| kautuka lāgi saṃga kapi senā ||

छं\। कपि सेन संग सँघारि निसिचर रामु सीतहि आनिहैं।त्रैलोक पावन सुजसु सुर मुनि नारदादि बखानिहैं ॥जो सुनत गावत कहत समुझत परम पद नर पावई।रघुबीर पद पाथोज मधुकर दास तुलसी गावई ॥

chaṃ\| kapi sena saṃga sam̐ghāri nisicara rāmu sītahi ānihaiṃ|trailoka pāvana sujasu sura muni nāradādi bakhānihaiṃ ||jo sunata gāvata kahata samujhata parama pada nara pāvaī|raghubīra pada pāthoja madhukara dāsa tulasī gāvaī ||

दो\। भव भेषज रघुनाथ जसु सुनहि जे नर अरु नारि।तिन्ह कर सकल मनोरथ सिद्ध करिहि त्रिसिरारि ॥ ३०(क) ॥

do\| bhava bheṣaja raghunātha jasu sunahi je nara aru nāri|tinha kara sakala manoratha siddha karihi trisirāri || 30(ka) ||

सो\। नीलोत्पल तन स्याम काम कोटि सोभा अधिक।सुनिअ तासु गुन ग्राम जासु नाम अघ खग बधिक ॥ ३०(ख) ॥

so\| nīlotpala tana syāma kāma koṭi sobhā adhika|sunia tāsu guna grāma jāsu nāma agha khaga badhika || 30(kha) ||

मासपारायण, तेईसवाँ विश्राम

māsapārāyaṇa, teīsavām̐ viśrāma

इति श्रीमद्रामचरितमानसे सकलकलिकलुषविध्वंसनेचतुर्थ सोपानः समाप्तः।(किष्किन्धाकाण्ड समाप्त)

iti śrīmadrāmacaritamānase sakalakalikaluṣavidhvaṃsanecaturtha sopānaḥ samāptaḥ|(kiṣkindhākāṇḍa samāpta)