प्रपत्तिपञ्चकम् Shri Mangalacharyamahamunindrapranitam Prapatti Panchakam

मूलं स्थावरजङ्गमस्य जगतो जन्मादिसम्पादकःपूर्णं ब्रह्म गुणाम्बुधिर्भवहरः सर्वावतारी स्वराट् ।मुक्तामुक्तसुरेश्वरैः श्रुतिगणैर्ब्रह्मर्षिभिः संस्तुतःश्रीरामः सकलेश्वरः सकलवित् पायादपायात् सदा ॥ १॥

mūlaṃ sthāvarajaṅgamasya jagato janmādisampādakaḥpūrṇaṃ brahma guṇāmbudhirbhavaharaḥ sarvāvatārī svarāṭ |muktāmuktasureśvaraiḥ śrutigaṇairbrahmarṣibhiḥ saṃstutaḥśrīrāmaḥ sakaleśvaraḥ sakalavit pāyādapāyāt sadā || 1||

या विश्वार्त्तिहरी च विश्वजननी ब्रह्मादिदेवैः स्तुताया विभ्वी विभुवैभवा च विभुदा सौन्दर्यवारान्निधिः ।या रामस्य परात्मनो भगवतः प्राणप्रिया मुक्तिदासा सीता सकलेश्वरी भगवती पायादपायात् सदा ॥ २॥

yā viśvārttiharī ca viśvajananī brahmādidevaiḥ stutāyā vibhvī vibhuvaibhavā ca vibhudā saundaryavārānnidhiḥ |yā rāmasya parātmano bhagavataḥ prāṇapriyā muktidāsā sītā sakaleśvarī bhagavatī pāyādapāyāt sadā || 2||

भक्तिज्ञानबलाम्बुधिः करणजिद् भक्तिप्रदो विघ्नहावीराणां सुशिरोमणिः सुरनुतः श्रीराममन्त्रप्रदः ।वज्राङ्गश्च मनोजवः पवनजः श्रीजानकीशोकहृद्दासः श्रीरघुनायकस्य हनुमान् पायादयायात् सदा ॥ ३॥

bhaktijñānabalāmbudhiḥ karaṇajid bhaktiprado vighnahāvīrāṇāṃ suśiromaṇiḥ suranutaḥ śrīrāmamantrapradaḥ |vajrāṅgaśca manojavaḥ pavanajaḥ śrījānakīśokahṛddāsaḥ śrīraghunāyakasya hanumān pāyādayāyāt sadā || 3||

प्रस्थानत्रयभाष्यकृच्छुभविशिष्टाद्वैतसंरक्षकःसिद्धप्राज्ञनृपालदेवनिचयैः संसेवितो योगिराट् ।श्रीमद्वैष्णवधर्मपा गुणनिधिः श्रीरामभक्तिप्रदोरामानन्दजगद्गुरुर्यतिपतिः पायादपायात् सदा ॥ ४॥

prasthānatrayabhāṣyakṛcchubhaviśiṣṭādvaitasaṃrakṣakaḥsiddhaprājñanṛpāladevanicayaiḥ saṃsevito yogirāṭ |śrīmadvaiṣṇavadharmapā guṇanidhiḥ śrīrāmabhaktipradorāmānandajagadgururyatipatiḥ pāyādapāyāt sadā || 4||

योगीन्द्रः श्रुतिधर्मरक्षकमणिः कारुण्यपाथोनिधिःसीताराघवभक्तिदः सुरतरुः सिद्धैः समासेवितः ।रामानन्दमताम्बुधेश्च परितः संवर्द्धकश्चन्द्रमाष्टीलाचार्यजगद्गुरुर्व्रतिपतिः पायादपायात् सदा ॥ ५॥

yogīndraḥ śrutidharmarakṣakamaṇiḥ kāruṇyapāthonidhiḥsītārāghavabhaktidaḥ surataruḥ siddhaiḥ samāsevitaḥ |rāmānandamatāmbudheśca paritaḥ saṃvarddhakaścandramāṣṭīlācāryajagadgururvratipatiḥ pāyādapāyāt sadā || 5||

सदाचार्यसुरेन्द्रश्रीमङ्गलाचार्यनिर्मितम् ।पठतां पञ्चकञ्चैद् भवतान्मङ्गलप्रदम् ॥ ६॥

sadācāryasurendraśrīmaṅgalācāryanirmitam |paṭhatāṃ pañcakañcaid bhavatānmaṅgalapradam || 6||

इति श्रीमङ्गलाचार्यमहामुनीन्द्रप्रणीतं प्रपत्तिपञ्चकं सम्पूर्णम् ।

iti śrīmaṅgalācāryamahāmunīndrapraṇītaṃ prapattipañcakaṃ sampūrṇam |