भवानीभुजङ्गप्रयातस्तोत्रम् Bhavani-Bhujangaprayata Stotra

श्री गणेशाय नमः ।षडाधारपङ्केरुहान्तर्विराजत्सुषुम्नान्तरालेऽतितेजोल्लसन्तीम् ।सुधामण्डलं द्रावयन्तीं पिबन्तींसुधामूर्तिमीडेऽहमानन्दरूपाम् ॥ १॥ (चिदानन्दरूपाम्)

śrī gaṇeśāya namaḥ |ṣaḍādhārapaṅkeruhāntarvirājatsuṣumnāntarāle'titejollasantīm |sudhāmaṇḍalaṃ drāvayantīṃ pibantīṃsudhāmūrtimīḍe'hamānandarūpām || 1|| (cidānandarūpām)

ज्वलत्कोटिबालार्कभासारुणाङ्गींसुलावण्यशृङ्गारशोभाभिरामाम् ।महापद्मकिञ्जल्कमध्ये विराजत्त्रिकोणोल्लसन्तीं भजे श्रीभवानीम् ॥२॥ (त्रिकोणे निषण्णां)

jvalatkoṭibālārkabhāsāruṇāṅgīṃsulāvaṇyaśṛṅgāraśobhābhirāmām |mahāpadmakiñjalkamadhye virājattrikoṇollasantīṃ bhaje śrībhavānīm ||2|| (trikoṇe niṣaṇṇāṃ)

क्वणत्किङ्किणीनूपुरोद्भासिरत्नप्रभालीढलाक्षार्द्रपादारविन्दम् । (पादाब्जयुग्मम्)अजेशाच्युताद्यैः सुरैः सेव्यमानंमहादेवि मन्मूर्ध्नि ते भावयामि ॥ ३॥

kvaṇatkiṅkiṇīnūpurodbhāsiratnaprabhālīḍhalākṣārdrapādāravindam | (pādābjayugmam)ajeśācyutādyaiḥ suraiḥ sevyamānaṃmahādevi manmūrdhni te bhāvayāmi || 3||

सुषोणाम्बराबद्धनीवीविराजन्महारत्नकाञ्चीकलापं नितम्बम् ।स्फुरद्दक्षिणावर्तनाभिं च तिस्रोवली रम्यते रोमराजिं भजेऽहम् ॥ ४॥ (वलीरम्ब)

suṣoṇāmbarābaddhanīvīvirājanmahāratnakāñcīkalāpaṃ nitambam |sphuraddakṣiṇāvartanābhiṃ ca tisrovalī ramyate romarājiṃ bhaje'ham || 4|| (valīramba)

लसद्वृत्तमुत्तुङ्गमाणिक्यकुम्भोपमश्री स्तनद्वन्द्वमम्बाम्बुजाक्षि ।भजे पूर्णदुग्धाभिरामं तवेदं (दुग्धपूर्णाभिरामं)महाहारदीप्तं सदा प्रस्नुतास्यम् ॥ ५॥

lasadvṛttamuttuṅgamāṇikyakumbhopamaśrī stanadvandvamambāmbujākṣi |bhaje pūrṇadugdhābhirāmaṃ tavedaṃ (dugdhapūrṇābhirāmaṃ)mahāhāradīptaṃ sadā prasnutāsyam || 5||

शिरीषप्रसूनोल्लसद्बाहुदण्डैर्ज्वलद्बाणकोदण्डपाशाङ्कुशैश्च ।चलत्कङ्कणोदारकेयूरभूषोज्ज्वलद्भिर्स्फुरन्तीं भजे श्रीभवानीम् ॥ ६॥ (ज्ज्वलद्भिर्लसन्तीं)

śirīṣaprasūnollasadbāhudaṇḍairjvaladbāṇakodaṇḍapāśāṅkuśaiśca |calatkaṅkaṇodārakeyūrabhūṣojjvaladbhirsphurantīṃ bhaje śrībhavānīm || 6|| (jjvaladbhirlasantīṃ)

शरत्पूर्णचन्द्रप्रभापूर्णबिम्बाधरस्मेरवक्त्रारविन्दश्रियं ते । (वक्त्रारविन्दां सुशान्तम्))सुरत्नावलीहारताटङ्कशोभांभजे सुप्रसन्नामहं श्रीभवानीम् ॥ ७॥ (महासुप्रसन्नां भजे श्रीभवानीम्)

śaratpūrṇacandraprabhāpūrṇabimbādharasmeravaktrāravindaśriyaṃ te | (vaktrāravindāṃ suśāntam))suratnāvalīhāratāṭaṅkaśobhāṃbhaje suprasannāmahaṃ śrībhavānīm || 7|| (mahāsuprasannāṃ bhaje śrībhavānīm)

सुनासापुटं पद्मपत्रायताक्षंयजन्तः श्रियं दानदक्षं कटाक्षम् ।ललाटोल्लसद्गन्धकस्तूरिभूषोज्ज्वलद्भिः स्फुरन्तीं भजे श्रीभवानीम् ॥ ८॥

sunāsāpuṭaṃ padmapatrāyatākṣaṃyajantaḥ śriyaṃ dānadakṣaṃ kaṭākṣam |lalāṭollasadgandhakastūribhūṣojjvaladbhiḥ sphurantīṃ bhaje śrībhavānīm || 8||

(सुनासापुटं सुन्दरभ्रूललाटंतवैष्ठश्रियं दानदक्षं कटाक्षम् ।ललाटे लसद्गन्धकस्तूरिभूषं

(sunāsāpuṭaṃ sundarabhrūlalāṭaṃtavaiṣṭhaśriyaṃ dānadakṣaṃ kaṭākṣam |lalāṭe lasadgandhakastūribhūṣaṃ

चलत्कुण्डलां ते भ्रमद्भृङ्गवृन्दां (चलत्कुन्तलान्तर्भ्रमद्भृङ्गवृन्दां)घनस्निग्धधम्मिल्लभूषोज्ज्वलन्तीम् ।स्फुरन्मौलिमाणिक्यमध्येन्दुरेखाविलासोल्लसद्दिव्यमूर्धानमीडे ॥ ९॥

calatkuṇḍalāṃ te bhramadbhṛṅgavṛndāṃ (calatkuntalāntarbhramadbhṛṅgavṛndāṃ)ghanasnigdhadhammillabhūṣojjvalantīm |sphuranmaulimāṇikyamadhyendurekhāvilāsollasaddivyamūrdhānamīḍe || 9||

स्फुरत्वम्ब बिम्बस्य मे हृत्सरोजे (स्फुरत्वम्ब डिम्भस्य)सदा वाङ्मयं सर्वतेजोमयं च ।इति श्रीभवानिस्वरूपं तदेवंप्रपञ्चात्परं चातिसूक्ष्मं प्रसन्नम् ॥ १०॥

sphuratvamba bimbasya me hṛtsaroje (sphuratvamba ḍimbhasya)sadā vāṅmayaṃ sarvatejomayaṃ ca |iti śrībhavānisvarūpaṃ tadevaṃprapañcātparaṃ cātisūkṣmaṃ prasannam || 10||

गणेशाणिमाद्याखिलैः शक्तिवृन्दैः (गणेशाभिमुख्या)स्फुरच्छ्रीमहाचक्रराजोल्लसन्तीम् ।(गणेशाणिमाद्याखिलैः शक्तिवृन्दैर्वृतां वै स्फुरच्चक्रराजोल्लसन्तीम्)परां राजराजेश्वरीं त्वा भवानीं (राजराजेश्वरि त्रैपुरि त्वां)शिवाङ्कोपरिस्थां शिवां भावयेऽहम् ॥ ११॥ (भावयामि)

gaṇeśāṇimādyākhilaiḥ śaktivṛndaiḥ (gaṇeśābhimukhyā)sphuracchrīmahācakrarājollasantīm |(gaṇeśāṇimādyākhilaiḥ śaktivṛndairvṛtāṃ vai sphuraccakrarājollasantīm)parāṃ rājarājeśvarīṃ tvā bhavānīṃ (rājarājeśvari traipuri tvāṃ)śivāṅkoparisthāṃ śivāṃ bhāvaye'ham || 11|| (bhāvayāmi)

त्वमर्कस्त्वमग्निस्त्वमिन्दुस्त्वमाप (त्वमर्कस्त्वमिन्दुस्त्वमग्निस्त्वमाप)स्त्वमाकाशभूर्वायवस्त्वं चिदात्मा । (स्त्वमाकाशभूवायस्त्वं महत्त्वम्)त्वदन्यो न कश्चित्प्रकाशोऽस्ति सर्वं (प्रपञ्चोऽस्ति सर्वं)सदानन्दसंवित्स्वरूपं तवेदम् ॥ १२॥ (त्वमानन्द \।\।\। भजेऽहम्)

tvamarkastvamagnistvamindustvamāpa (tvamarkastvamindustvamagnistvamāpa)stvamākāśabhūrvāyavastvaṃ cidātmā | (stvamākāśabhūvāyastvaṃ mahattvam)tvadanyo na kaścitprakāśo'sti sarvaṃ (prapañco'sti sarvaṃ)sadānandasaṃvitsvarūpaṃ tavedam || 12|| (tvamānanda \|\|\| bhaje'ham)

गुरुस्त्वं शिवस्त्वं च शक्तिस्त्वमेवत्वमेवासि माता पिताऽसि त्वमेव ।त्वमेवासि विद्या त्वमेवासि बुद्धि (बन्धु)र्गतिर्मे मतिर्देवि सर्वं त्वमेव ॥ १३॥ (\।\।\। १४)

gurustvaṃ śivastvaṃ ca śaktistvamevatvamevāsi mātā pitā'si tvameva |tvamevāsi vidyā tvamevāsi buddhi (bandhu)rgatirme matirdevi sarvaṃ tvameva || 13|| (\|\|\| 14)

श्रुतीनामगम्यं सुवेदागमाद्यैर् (सुवेदागमाज्ञ्या)महिम्नो न जानाति पारं तवेदम् । (जानन्ति)स्तुतिं कर्तुमिच्छामि ते त्वं भवानिक्षमस्वेदमम्ब प्रमुग्धः किलाहम् ॥ १४॥ (क्षमस्वेदमत्र \।\।\। १३))

śrutīnāmagamyaṃ suvedāgamādyair (suvedāgamājñyā)mahimno na jānāti pāraṃ tavedam | (jānanti)stutiṃ kartumicchāmi te tvaṃ bhavānikṣamasvedamamba pramugdhaḥ kilāham || 14|| (kṣamasvedamatra \|\|\| 13))

शरण्ये वरेण्ये सुकारुण्यपूर्णे (सुकारुण्यमूर्ते)हिरण्योदराद्यैरगम्येऽतिपुण्ये । (हिरण्योदराद्यैरगण्ये सुपुण्ये)भवारण्यभीतं च मां पाहि भद्रे (भवारण्यभीतेश्च)नमस्ते नमस्ते नमस्ते भवानि ॥ १५॥

śaraṇye vareṇye sukāruṇyapūrṇe (sukāruṇyamūrte)hiraṇyodarādyairagamye'tipuṇye | (hiraṇyodarādyairagaṇye supuṇye)bhavāraṇyabhītaṃ ca māṃ pāhi bhadre (bhavāraṇyabhīteśca)namaste namaste namaste bhavāni || 15||

इमामन्वहं श्रीभवानीभुजङ्ग (इतीमां महच्छ्री)स्तुतिर्यः पठेच्छ्रोतुमिच्छेत तस्मै । (स्तुतिं यः पठेद्भक्तियुक्तश्च)स्वकीयं पदं शाश्वतं चैव सारं (वेदसारं)श्रियं चाष्टसिद्धिं भवानी ददाति ॥ १६॥

imāmanvahaṃ śrībhavānībhujaṅga (itīmāṃ mahacchrī)stutiryaḥ paṭhecchrotumiccheta tasmai | (stutiṃ yaḥ paṭhedbhaktiyuktaśca)svakīyaṃ padaṃ śāśvataṃ caiva sāraṃ (vedasāraṃ)śriyaṃ cāṣṭasiddhiṃ bhavānī dadāti || 16||

(भवानी भवानी भवानी त्रिवारमुदारम् मुदा सर्वदा ये जपन्ति ।)न शोकम् न मोहम् न पापं न भीतिःकदाचित्कथंचित्कुतश्चज्जनानाम् ॥ १७॥)

(bhavānī bhavānī bhavānī trivāramudāram mudā sarvadā ye japanti |)na śokam na moham na pāpaṃ na bhītiḥkadācitkathaṃcitkutaścajjanānām || 17||)

इति श्रीमच्छङ्कराचार्यविरचितंभवानीभुजङ्गप्रयातस्तोत्रं सम्पूर्णम् ॥

iti śrīmacchaṅkarācāryaviracitaṃbhavānībhujaṅgaprayātastotraṃ sampūrṇam ||