भगवतीस्तोत्रम् (व्यासविरचितम्) Bhagavatistotram (2)

जय भगवति देवि नमो वरदे जय पापविनाशिनि बहुफलदे ।जय शुम्भनिशुम्भ कपालधरे प्रणमामि तु देवि नरार्तिहरे ॥ १॥

jaya bhagavati devi namo varade jaya pāpavināśini bahuphalade |jaya śumbhaniśumbha kapāladhare praṇamāmi tu devi narārtihare || 1||

जय चन्द्रदिवाकरनेत्रधरे जय पावकभूषितवक्त्रवरे ।जय भैरवदेहनिलीनपरे जय अन्धकदैत्यविशोषकरे ॥ २॥

jaya candradivākaranetradhare jaya pāvakabhūṣitavaktravare |jaya bhairavadehanilīnapare jaya andhakadaityaviśoṣakare || 2||

जय महिषविमर्दिनिशूलकरे जय लोकसमस्तकपापहरे ।जय देवि पितामहविष्णुनुते जय भास्करशक्रशिराऽवनते ॥ ३॥

jaya mahiṣavimardiniśūlakare jaya lokasamastakapāpahare |jaya devi pitāmahaviṣṇunute jaya bhāskaraśakraśirā'vanate || 3||

जय षण्मुखसायुधईशनुते जय सागरगामिनि शम्भुनुते ।जय दुःखदरिद्रविनाशकरे जय पुत्रकल त्रविवृद्धिकरे ॥ ४॥

jaya ṣaṇmukhasāyudhaīśanute jaya sāgaragāmini śambhunute |jaya duḥkhadaridravināśakare jaya putrakala travivṛddhikare || 4||

जय देवि समस्तशरीरधरे जय नाकविदर्शिनि दुःखहरे ।जय व्याधिविनाशिनि मोक्षकरे जय वांछितदायिनि सिद्धिकरे ॥ ५॥

jaya devi samastaśarīradhare jaya nākavidarśini duḥkhahare |jaya vyādhivināśini mokṣakare jaya vāṃchitadāyini siddhikare || 5||

एतद्व्यासकृतं स्तोत्रं यः पठेन्नियतः शुचिः ।गृहे वा शुद्धभावेन प्रीता भगवती सदा ॥ ६॥

etadvyāsakṛtaṃ stotraṃ yaḥ paṭhenniyataḥ śuciḥ |gṛhe vā śuddhabhāvena prītā bhagavatī sadā || 6||

॥ इति व्यासकृतं भगवतीस्तोत्रं सम्पूर्णम् ॥

|| iti vyāsakṛtaṃ bhagavatīstotraṃ sampūrṇam ||