मङ्गलाष्टकम् ३ Parivardhita Mangala Ashtakam

हेरम्बः सुरपूजितो गुणमयो लम्बोदरः श्रीयुतःश्रीशुण्डो गजकर्णको गजमुखो गम्भीरविद्यागुणी ।गौर्याः पुत्रगणेश्वरो हरसुतो गोविन्दपूजाकृतोयात्राजन्मविवाहकार्यसमये कुर्यात्सदा मङ्गलम् ॥ १॥

herambaḥ surapūjito guṇamayo lambodaraḥ śrīyutaḥśrīśuṇḍo gajakarṇako gajamukho gambhīravidyāguṇī |gauryāḥ putragaṇeśvaro harasuto govindapūjākṛtoyātrājanmavivāhakāryasamaye kuryātsadā maṅgalam || 1||

श्रीमत्पङ्कजविष्टरो हरिहरौ वायुर्महेन्द्रोऽनलश्चन्द्रो भास्करवित्तपालवरुणप्रेताधिपो नैऋतिः ।प्रद्युम्नो नलकूबरः सुरगजश्चिन्तामणिः कौस्तुभःस्वामी शक्तिधरश्च लाङ्गलधरः कुर्वन्तु नो मङ्गलम् ॥ २॥

śrīmatpaṅkajaviṣṭaro hariharau vāyurmahendro'nalaścandro bhāskaravittapālavaruṇapretādhipo naiṛtiḥ |pradyumno nalakūbaraḥ suragajaścintāmaṇiḥ kaustubhaḥsvāmī śaktidharaśca lāṅgaladharaḥ kurvantu no maṅgalam || 2||

गङ्गागोमतिगोपतिर्गणपतिगोविन्दगोवर्धनोगीतागोमयगौरिजोगिरिसुतागङ्गाधरो गौतमः ।गायत्री गरुडो गदाधरगया गम्भीरगोदावरीगन्धर्वग्रहगोपगोकुलगणाः कुर्वन्तु नो मङ्गलम् ॥ ३॥

gaṅgāgomatigopatirgaṇapatigovindagovardhanogītāgomayagaurijogirisutāgaṅgādharo gautamaḥ |gāyatrī garuḍo gadādharagayā gambhīragodāvarīgandharvagrahagopagokulagaṇāḥ kurvantu no maṅgalam || 3||

नेत्राणां त्रितयं शिवं पशुपतिमग्नित्रयं पावनंयत्तद्विष्णुपदत्रयं त्रिभुवनं ख्यातं च रामत्रयम् ।गगावाहपथ त्रयं सुविमलं वेदत्रयं ब्राह्मणंसन्ध्यानां त्रितयं द्विजैरपि युतं कुर्वन्तु नो मङ्गलम् ॥ ४॥

netrāṇāṃ tritayaṃ śivaṃ paśupatimagnitrayaṃ pāvanaṃyattadviṣṇupadatrayaṃ tribhuvanaṃ khyātaṃ ca rāmatrayam |gagāvāhapatha trayaṃ suvimalaṃ vedatrayaṃ brāhmaṇaṃsandhyānāṃ tritayaṃ dvijairapi yutaṃ kurvantu no maṅgalam || 4||

वाल्मीकिः सनकः सनन्दनमुनिर्व्यासो वसिष्ठो भृगुर्जाबालिर्जमदग्निरापजनका गर्गागिरोगौतमाः ।मान्धाता भरतो नपश्च सगरो जन्यो दिलोपो नृपःपुण्यो धर्मसुतो ययातिनहुषः कुर्वन्तु नो मङ्गलम् ॥ ५॥

vālmīkiḥ sanakaḥ sanandanamunirvyāso vasiṣṭho bhṛgurjābālirjamadagnirāpajanakā gargāgirogautamāḥ |māndhātā bharato napaśca sagaro janyo dilopo nṛpaḥpuṇyo dharmasuto yayātinahuṣaḥ kurvantu no maṅgalam || 5||

गौरी श्रीरदितिः सपर्णजननी कद्रुमहेन्द्रप्रियासावित्री च सरस्वती च सुरभिः सत्यव्रताऽरुन्धती ।सत्या जाम्बवती च रुक्मभगिनी स्वाहा पितॄणां प्रियावेला पाम्बुनिधेः समीनमकराः कुर्वन्तु नो मङ्गलम् ॥ ६॥

gaurī śrīraditiḥ saparṇajananī kadrumahendrapriyāsāvitrī ca sarasvatī ca surabhiḥ satyavratā'rundhatī |satyā jāmbavatī ca rukmabhaginī svāhā pitṝṇāṃ priyāvelā pāmbunidheḥ samīnamakarāḥ kurvantu no maṅgalam || 6||

शेषस्तक्षककालकूटकुमुदाः पद्मा तथा वासुकिर्यः कर्कोटकशङ्खपद्मक इति ख्याताश्च ये पन्नगाः ।अन्ये काननगह्वरेषु जलधौ ये चान्तरिक्षस्थितास्ते प्रातः स्मरणेन च प्रतिदिनं कुर्वन्तु नो मङ्गलम् ॥ ७॥

śeṣastakṣakakālakūṭakumudāḥ padmā tathā vāsukiryaḥ karkoṭakaśaṅkhapadmaka iti khyātāśca ye pannagāḥ |anye kānanagahvareṣu jaladhau ye cāntarikṣasthitāste prātaḥ smaraṇena ca pratidinaṃ kurvantu no maṅgalam || 7||

गङ्गा सिन्धु सरस्वती च यमुना गोदावरी नर्मदाकावेरी सरयू महेन्द्रतनया चर्मण्वती वेणिका ।क्षिप्रा वेत्रवती महासरनदी ख्याता गया गण्डकीपूर्णजलैः समुद्रसहिताः कुर्वन्तु नो मङ्गलम् ॥ ८॥

gaṅgā sindhu sarasvatī ca yamunā godāvarī narmadākāverī sarayū mahendratanayā carmaṇvatī veṇikā |kṣiprā vetravatī mahāsaranadī khyātā gayā gaṇḍakīpūrṇajalaiḥ samudrasahitāḥ kurvantu no maṅgalam || 8||

लक्ष्मीः कौस्तुभपारिजातकसुराज धन्वन्तरिश्चन्द्रमाःगावः कामदुघाः सुरेश्वरगजो रम्भादिदेवाङ्गनाः ।अश्वः सप्तमुखस्तथा हरिधनुः शङ्खो विषश्चामृतंरत्नानीह चतुर्दश प्रतिदिनं कुर्वन्तु नो मङ्गलम् ॥ ९॥

lakṣmīḥ kaustubhapārijātakasurāja dhanvantariścandramāḥgāvaḥ kāmadughāḥ sureśvaragajo rambhādidevāṅganāḥ |aśvaḥ saptamukhastathā haridhanuḥ śaṅkho viṣaścāmṛtaṃratnānīha caturdaśa pratidinaṃ kurvantu no maṅgalam || 9||

ब्रह्मज्ञानरसायनं श्रुतिकथा सद्वैद्यकं ज्योतिषंव्याकरणं च धनुर्धरं जलतरं मन्त्राक्षरं वैदिकम् ।कोकं वाहनवाजिनं नटनृतं सम्बोधनं चातुरीविद्यानाम चतुर्दशप्रतिदिनं कुर्वन्तु नो मङ्गलम् ॥ १०॥

brahmajñānarasāyanaṃ śrutikathā sadvaidyakaṃ jyotiṣaṃvyākaraṇaṃ ca dhanurdharaṃ jalataraṃ mantrākṣaraṃ vaidikam |kokaṃ vāhanavājinaṃ naṭanṛtaṃ sambodhanaṃ cāturīvidyānāma caturdaśapratidinaṃ kurvantu no maṅgalam || 10||

ब्रह्मा वेदपतिः शिवः पशुपतिः सूर्यो ग्रहाणां पतिःशुक्रो देवपतिनलो नरपतिः स्कन्दश्च सेनापतिः ।विष्णुर्यज्ञपतिर्यमः पितृपतिस्तारापतिश्चन्द्रमाःइत्येते पतयः सुपर्णसहिताः कुर्वन्तु नो मङ्गलम् ॥ ११॥

brahmā vedapatiḥ śivaḥ paśupatiḥ sūryo grahāṇāṃ patiḥśukro devapatinalo narapatiḥ skandaśca senāpatiḥ |viṣṇuryajñapatiryamaḥ pitṛpatistārāpatiścandramāḥityete patayaḥ suparṇasahitāḥ kurvantu no maṅgalam || 11||

अश्वत्थो वटचन्दनौ सुरतरुर्मन्दारकल्पद्रुमौजम्बूनिम्बकदम्ब चूतसरला वृक्षाश्च ये क्षीरिणः ।स्वर्गे ये पारिजातकसुरा वैभाजिते राजितेरम्ये चैत्ररथे च नन्दनवने कुर्वन्तु नो मङ्गलम् ॥ १२॥

aśvattho vaṭacandanau suratarurmandārakalpadrumaujambūnimbakadamba cūtasaralā vṛkṣāśca ye kṣīriṇaḥ |svarge ye pārijātakasurā vaibhājite rājiteramye caitrarathe ca nandanavane kurvantu no maṅgalam || 12||

इति परिवर्धितमङ्गलाष्टकं सम्पूर्णम् ।

iti parivardhitamaṅgalāṣṭakaṃ sampūrṇam |