पार्श्वनाथसहस्रनामस्तोत्रम् Parshvanathasahasranamastotram

श्रीकल्याणसागरसूरिकृतश्रीसरस्वत्यै नमः ॥पार्श्वनाथो जिनः श्रीमान् स्याद्वादी पार्श्वनायकः ।शिवतातिर्जनत्राता दद्यान्मे सौख्यमन्वहम् ॥ १॥

śrīkalyāṇasāgarasūrikṛtaśrīsarasvatyai namaḥ ||pārśvanātho jinaḥ śrīmān syādvādī pārśvanāyakaḥ |śivatātirjanatrātā dadyānme saukhyamanvaham || 1||

नमस्यन्ति नराः सर्वे शीर्षेण भक्तिभासुराः ।पापस्तोममपाकर्तुं तं पार्श्वं नौमि सर्वदम् ॥ २॥

namasyanti narāḥ sarve śīrṣeṇa bhaktibhāsurāḥ |pāpastomamapākartuṃ taṃ pārśvaṃ naumi sarvadam || 2||

यथार्थवादिना येनोन्मूलिताः क्लेशपादपाः ।तेनानुभूयते ऋद्धिधीमता सूक्ष्मदर्शिना ॥ ३॥

yathārthavādinā yenonmūlitāḥ kleśapādapāḥ |tenānubhūyate ṛddhidhīmatā sūkṣmadarśinā || 3||

शम्भवे पार्श्वनाथाय श्रीमते परमात्मने ।नमः श्रीवर्द्धमानाय विश्वव्याधिहराय वै ॥ ४॥

śambhave pārśvanāthāya śrīmate paramātmane |namaḥ śrīvarddhamānāya viśvavyādhiharāya vai || 4||

दर्वीकरः शुभध्यानाद्धरणेन्द्रमवाप सः ।यस्मात् परमतत्त्वज्ञात् सुपार्श्वाल्लोकलोचनात् ॥ ५॥

darvīkaraḥ śubhadhyānāddharaṇendramavāpa saḥ |yasmāt paramatattvajñāt supārśvāllokalocanāt || 5||

प्रतिपूर्णं ध्रुवं ज्ञानं निरावरणमुत्तमम् ।विद्यते यस्य पार्श्वस्य निखिलार्थावभासकम् ॥ ६॥

pratipūrṇaṃ dhruvaṃ jñānaṃ nirāvaraṇamuttamam |vidyate yasya pārśvasya nikhilārthāvabhāsakam || 6||

यस्मिनतीन्द्रिये सौख्यमनन्तं वर्तते खलु ।स श्रद्धेयः स चाराध्यो ध्येयः सैव निरन्तरम् ॥ ७॥

yasminatīndriye saukhyamanantaṃ vartate khalu |sa śraddheyaḥ sa cārādhyo dhyeyaḥ saiva nirantaram || 7||

सप्तविभक्तीनां श्लोकाः ।तव स्तोत्रेण कुर्वे स्वां जिह्वां दोषशताकुलाम् ।पूतामिदं भवारण्ये जन्तूतां जन्मनः फलम् ॥ ८॥

saptavibhaktīnāṃ ślokāḥ |tava stotreṇa kurve svāṃ jihvāṃ doṣaśatākulām |pūtāmidaṃ bhavāraṇye jantūtāṃ janmanaḥ phalam || 8||

वरदाय नमस्तुभ्यं नमः क्षीणाष्टकर्मणे ।सारदाय नमस्तुभ्यं नमोऽभीष्टार्थदायिने ॥ ९॥

varadāya namastubhyaṃ namaḥ kṣīṇāṣṭakarmaṇe |sāradāya namastubhyaṃ namo'bhīṣṭārthadāyine || 9||

शङ्कराय नमस्तुभ्यं नमो यथार्थदर्शिने ।विपद्धर्त्रे नमस्तुभ्यं नमो विश्वार्त्तिहारिणे ॥ १०॥

śaṅkarāya namastubhyaṃ namo yathārthadarśine |vipaddhartre namastubhyaṃ namo viśvārttihāriṇe || 10||

धर्ममूर्त्ते नमस्तुभ्यं जगदानन्ददायिने ।जगद्भर्त्रे नमस्तेऽपि नमः सकलदर्शिने ॥ ११॥

dharmamūrtte namastubhyaṃ jagadānandadāyine |jagadbhartre namaste'pi namaḥ sakaladarśine || 11||

सर्वज्ञाय नमस्तुभ्यं नमो बन्धुरतेजसे ।श्रीकराय नमस्तुभ्यमनन्तज्ञानिने नमः ॥ १२॥

sarvajñāya namastubhyaṃ namo bandhuratejase |śrīkarāya namastubhyamanantajñānine namaḥ || 12||

नाथ ! त्वच्चरणाम्भोजसेवारसिकतत्पराः ।विलसन्ति श्रियं भव्याः सदोदया महीतले ॥ १३॥

nātha ! tvaccaraṇāmbhojasevārasikatatparāḥ |vilasanti śriyaṃ bhavyāḥ sadodayā mahītale || 13||

इन्द्रा अपि गुणान् वक्तुं पारं यस्य ययुर्नहि ।असङ्ख्येयाननल्पाश्च क्षमस्तर्हि कथं नरः ॥ १४॥

indrā api guṇān vaktuṃ pāraṃ yasya yayurnahi |asaṅkhyeyānanalpāśca kṣamastarhi kathaṃ naraḥ || 14||

तथापि ज्ञानमुग्धोऽहं भक्तिप्रेरितमानसः ।नाम्नामष्टसहस्रेण त्वां स्तुवे सौख्यदायकम् ॥ १५॥

tathāpi jñānamugdho'haṃ bhaktipreritamānasaḥ |nāmnāmaṣṭasahasreṇa tvāṃ stuve saukhyadāyakam || 15||

इति श्रीपार्श्वनाथनामावल्यां स्तुतिप्रस्तावना ॥अथ सहस्रनामस्तोत्रम् ॥अर्हन् क्षमाधरः स्वामी क्षान्तिमान् क्षान्तिरक्षकः ।अरिञ्जयः क्षमाधारः शुभंयुरचलस्थितिः ॥ १॥

iti śrīpārśvanāthanāmāvalyāṃ stutiprastāvanā ||atha sahasranāmastotram ||arhan kṣamādharaḥ svāmī kṣāntimān kṣāntirakṣakaḥ |ariñjayaḥ kṣamādhāraḥ śubhaṃyuracalasthitiḥ || 1||

लाभकर्ता भयत्राता च्छद्मापेतो जिनोत्तमः ।लक्ष्मणो निश्चलोऽजन्मा देवेन्द्रो देवसेवितः ॥ २॥

lābhakartā bhayatrātā cchadmāpeto jinottamaḥ |lakṣmaṇo niścalo'janmā devendro devasevitaḥ || 2||

धर्मनाथो मनोज्ञाङ्गो धर्मिष्टो धर्मदेशकः ।धर्मराजः परातज्ञो धर्मज्ञो धर्मतीर्थकृत् ॥ ३॥

dharmanātho manojñāṅgo dharmiṣṭo dharmadeśakaḥ |dharmarājaḥ parātajño dharmajño dharmatīrthakṛt || 3||

सद्धेर्याल्पितहंसाद्रिस्तत्रभवान् नरोत्तमः ।धार्मिको धर्मधौरेयो धृतिमान् धर्मनायकः ॥ ४॥

saddheryālpitahaṃsādristatrabhavān narottamaḥ |dhārmiko dharmadhaureyo dhṛtimān dharmanāyakaḥ || 4||

धर्मपालः क्षमासद्मा(द्म) धर्मसारथिरीश्वरः ।धर्माध्यक्षो नराधीशो धर्मात्मा धर्मदायकः ॥ ५॥

dharmapālaḥ kṣamāsadmā(dma) dharmasārathirīśvaraḥ |dharmādhyakṣo narādhīśo dharmātmā dharmadāyakaḥ || 5||

धर्मवान् धर्मसेनानीरचिन्त्यो धीरधीरजः ।धर्मघोषः प्रकाशात्मा धर्मी धर्मप्ररूपकः ॥ ६॥

dharmavān dharmasenānīracintyo dhīradhīrajaḥ |dharmaghoṣaḥ prakāśātmā dharmī dharmaprarūpakaḥ || 6||

बहुश्रुतो बहुबुद्धिर्धर्मार्थी धर्मविज्जिनः ।देवः सनातनोऽसङ्गोऽनल्पकान्तिर्मनोहरः ॥ ७॥

bahuśruto bahubuddhirdharmārthī dharmavijjinaḥ |devaḥ sanātano'saṅgo'nalpakāntirmanoharaḥ || 7||

श्रीमान् पापहरो नाथोऽनीश्वरोऽबन्धनोऽरजाः ।अचिन्त्यात्माऽनघो वीरोऽपुनर्भवो भवोज्झितः ॥ ८॥

śrīmān pāpaharo nātho'nīśvaro'bandhano'rajāḥ |acintyātmā'nagho vīro'punarbhavo bhavojjhitaḥ || 8||

स्वयम्भूः शङ्करो भूष्णुरनुत्तरो जिनोत्तमः ।वृषभः सौख्यदोऽस्वप्नोऽनन्तज्ञानी नरार्चितः ॥ ९॥

svayambhūḥ śaṅkaro bhūṣṇuranuttaro jinottamaḥ |vṛṣabhaḥ saukhyado'svapno'nantajñānī narārcitaḥ || 9||

आत्मज्ञो विश्वविद् भव्योऽनन्तदर्शी जिनाधिपः ।विश्वव्यापी जगत्पालो विक्रमी वीर्यवान् परः ॥ १०॥

ātmajño viśvavid bhavyo'nantadarśī jinādhipaḥ |viśvavyāpī jagatpālo vikramī vīryavān paraḥ || 10||

विश्वबन्धुरमेयात्मा विश्वेश्वरो जगत्पतिः ।विश्वेनो विश्वपो विद्वान् विश्वनाथो विभुः प्रभुः ॥ ११॥

viśvabandhurameyātmā viśveśvaro jagatpatiḥ |viśveno viśvapo vidvān viśvanātho vibhuḥ prabhuḥ || 11||

अर्हत् शतम् ॥ १००॥

arhat śatam || 100||

वीतरागः प्रशान्तारिरजरो विश्वनायकः ।विश्वाद्भुतो निःसपत्नो विकाशी विश्वविश्रुतः ॥ १॥

vītarāgaḥ praśāntārirajaro viśvanāyakaḥ |viśvādbhuto niḥsapatno vikāśī viśvaviśrutaḥ || 1||

विरक्तो विबुधैः सेव्यो वैरङ्गिको विरागवान् ।प्रतीक्ष्यो विमलो धीरो विश्वेशो वीतमत्सरः ॥ २॥

virakto vibudhaiḥ sevyo vairaṅgiko virāgavān |pratīkṣyo vimalo dhīro viśveśo vītamatsaraḥ || 2||

विकस्वरो जनश्रेष्ठोऽरिष्टतातिः शिवङ्करः ।विश्वदृश्वा सदाभावी विश्वगो विशदाशयः ॥ ३॥

vikasvaro janaśreṣṭho'riṣṭatātiḥ śivaṅkaraḥ |viśvadṛśvā sadābhāvī viśvago viśadāśayaḥ || 3||

विशिष्टो विश्वविख्यातो विचक्षणो विशारदः ।विपक्षवर्जितोऽकामो विश्वेड् विश्वैकवत्सलः ॥ ४॥

viśiṣṭo viśvavikhyāto vicakṣaṇo viśāradaḥ |vipakṣavarjito'kāmo viśveḍ viśvaikavatsalaḥ || 4||

विजयी जनताबन्धुर्विद्यादाता सदोदयः ।शान्तिदः शास्रविच्छम्भुः शान्तो दान्तो जितेन्द्रियः ॥ ५॥

vijayī janatābandhurvidyādātā sadodayaḥ |śāntidaḥ śāsravicchambhuḥ śānto dānto jitendriyaḥ || 5||

वर्द्धमानो गतातङ्कने विनायकोज्झितोऽक्षरः ।अलक्ष्योऽभीष्टदोऽकोपोऽनन्तजित् वदतां वरः ॥ ६॥

varddhamāno gatātaṅkane vināyakojjhito'kṣaraḥ |alakṣyo'bhīṣṭado'kopo'nantajit vadatāṃ varaḥ || 6||

विमुक्तो विशदोऽमूर्तो विज्ञो विशाल अक्षयः ।अमूर्तात्माऽव्ययो धीमान् तत्त्वज्ञो गतकल्मुषः ॥ ७॥

vimukto viśado'mūrto vijño viśāla akṣayaḥ |amūrtātmā'vyayo dhīmān tattvajño gatakalmuṣaḥ || 7||

शान्तात्मा शाश्वतो नित्यस्रिकालज्ञस्रिकालवित् ।त्रैलोक्यपूजितोऽव्यक्तो व्यक्तवाक्यो विदां वरः ॥ ८॥

śāntātmā śāśvato nityasrikālajñasrikālavit |trailokyapūjito'vyakto vyaktavākyo vidāṃ varaḥ || 8||

सर्वज्ञः सत्यवाक् सिद्धः सोममूर्तिः प्रकाशकृत् ।सिद्धात्मा सर्वदेवेशोऽजय्योऽमेयर्द्धिरस्मरः ॥ ९॥

sarvajñaḥ satyavāk siddhaḥ somamūrtiḥ prakāśakṛt |siddhātmā sarvadeveśo'jayyo'meyarddhirasmaraḥ || 9||

क्षमायुक्तः क्षमाचञ्चुः क्षमी साक्षी पुरातनः ।परमात्मा परत्राता पुराणः परमद्युतिः ॥ १०॥

kṣamāyuktaḥ kṣamācañcuḥ kṣamī sākṣī purātanaḥ |paramātmā paratrātā purāṇaḥ paramadyutiḥ || 10||

पवित्रः परमानन्दः पूतवाक् परमेश्वरः ।पूतोऽजेयः परञ्ज्योतिरनीहो वरदोऽरहाः ॥ ११॥

pavitraḥ paramānandaḥ pūtavāk parameśvaraḥ |pūto'jeyaḥ parañjyotiranīho varado'rahāḥ || 11||

वीतरागशतम् ॥ २००॥

vītarāgaśatam || 200||

तीर्थङ्करस्ततश्लोकस्तीर्थेशस्तीर्थमण्डनः ।तत्त्वमूर्त्तिसङ्ख्येयस्तीर्थकृत् तीर्थनायकः ॥ १॥

tīrthaṅkarastataślokastīrtheśastīrthamaṇḍanaḥ |tattvamūrttisaṅkhyeyastīrthakṛt tīrthanāyakaḥ || 1||

वीतदम्भः प्रसन्नात्मा तारकस्तीर्थलोचनः ।तीर्थेन्द्रस्त्वागवान् त्यागी तत्त्ववित् त्यक्तसंसूतिः ॥ २॥

vītadambhaḥ prasannātmā tārakastīrthalocanaḥ |tīrthendrastvāgavān tyāgī tattvavit tyaktasaṃsūtiḥ || 2||

तमोहर्ता जितद्वेषस्तीर्थाधीशो जगत्प्रियः ।तीर्थपस्तीर्णसंसारस्तापहृत् तारलोचनः ॥ ३॥

tamohartā jitadveṣastīrthādhīśo jagatpriyaḥ |tīrthapastīrṇasaṃsārastāpahṛt tāralocanaḥ || 3||

तत्त्वात्मा ज्ञानवित् श्रेष्ठो जगन्नाथो जगद्विभुः ।जगज्जैत्रो जगत्कर्ता जगज्ज्येष्ठो जगद्गुरु: ॥ ४॥

tattvātmā jñānavit śreṣṭho jagannātho jagadvibhuḥ |jagajjaitro jagatkartā jagajjyeṣṭho jagadguru: || 4||

जगद्धयेयो जगद्वन्द्यो ज्योतिमा(ष्मा) ) न् जगतः पतिः ॥ ५॥

jagaddhayeyo jagadvandyo jyotimā(ṣmā) ) n jagataḥ patiḥ || 5||

जितमोहो जितानङ्गो जितनिद्रो जितक्षयः ।जितवैरो जितक्लेशो जगद्ग्रैवेयकः शिवः ॥ ६॥

jitamoho jitānaṅgo jitanidro jitakṣayaḥ |jitavairo jitakleśo jagadgraiveyakaḥ śivaḥ || 6||

जनपालो जितक्रोधो जनस्वामी जनेशिता ।जगत्त्रयमनोहारी जगदानन्ददायकः ॥ ७॥

janapālo jitakrodho janasvāmī janeśitā |jagattrayamanohārī jagadānandadāyakaḥ || 7||

जितमानो जिताऽऽकल्पो जनेशो जगदग्रगः ।जगत्बन्धुर्जगत्स्वामी जनेड् जगत्पितामहः ॥ ८॥

jitamāno jitā''kalpo janeśo jagadagragaḥ |jagatbandhurjagatsvāmī janeḍ jagatpitāmahaḥ || 8||

जिष्णुर्जयी जगद्रक्षो विश्वदर्शी जितामयः ।जितलोभो जितस्नेहो जगच्चन्द्रो जगद्रविः ॥ ९॥

jiṣṇurjayī jagadrakṣo viśvadarśī jitāmayaḥ |jitalobho jitasneho jagaccandro jagadraviḥ || 9||

नृमनोजवसः शक्तो जिनेन्द्रो जनतारकः ।अलङ्करिष्णुरद्वेष्यो जगत्त्रयविशेषकः ॥ १०॥

nṛmanojavasaḥ śakto jinendro janatārakaḥ |alaṅkariṣṇuradveṣyo jagattrayaviśeṣakaḥ || 10||

जनरक्षाकरः कर्ता जगच्चूडामणिर्वरः ।ज्यायान् जितयथाजातो जाड्यापहो जगत्प्रभुः ॥ ११॥

janarakṣākaraḥ kartā jagaccūḍāmaṇirvaraḥ |jyāyān jitayathājāto jāḍyāpaho jagatprabhuḥ || 11||